Utshovসর্গ 1
1.1
ততো রাবণনীতায়াঃ সীতায়াঃ শত্রুকর্শনঃ ।
ইয়েষ পদমন্বেষ্টুং চারণাচরিতে পথি ॥৫-১-১॥
1.2
দুষ্করং নিষ্প্রতিদ্বন্দ্বং চিকীর্ষন্ কর্ম বানরঃ ।
সমুদগ্রশিরোগ্রীবো গবাংপতিরিবাবভৌ ॥৫-১-২॥
1.3
অথ বৈডূর্যবর্ণেষু শাদ্বলেষু মহাবলঃ ।
ধীরঃ সলিলকল্পেষু বিচ্চার যথাসুখম্ ॥৫-১-৩॥
1.4
দ্বিজান্ বিত্রাসয়ন্ ধীমানুরসা পাদপান্ হরন্ ।
মৃগাংশ্চ সুবাহুন্নিঘ্নন্ প্রবৃদ্ধ ইব কেসরী ॥৫-১-৪॥
1.5
নীললোহিতমাঞ্জিষ্ঠপত্রবর্ণৈঃ সিতাসিতৈঃ ।
স্বভাববিহিতৈশ্চিত্রৈর্ধাতুভিঃ সমলংকৃতম্ ॥৫-১-৫॥
1.6
কামরূপিভিরাবিষ্টমভীক্ষ্ণং সপরিচ্ছিদৈঃ ।
যক্ষকিন্নরগন্ধর্বৈর্দেবক্ল্পৈশ্চ পন্নগৈঃ ॥৫-১-৬॥
1.7
স তস্য গিরিবর্যস্য তলে নাগবরায়ুতে ।
তিষ্ঠন্ কপিবরস্তত্র হ্রদে নাগ ইবাবভৌ ॥৫-১-৭॥
1.8
স সূর্যায় মহেন্দ্রায় পবনায় স্বয়ংভুবে ।
ভূতেভ্যশ্চাঞ্জলিং কৃত্বা চকার গমনে মতিম্ ॥৫-১-৮॥
1.9
অঞ্জলিং প্রাঙ্মুখঃ কৃত্বা পবনায়াত্ময়োওনয়ো ।
ততো হি ববৃধে গন্তুং দক্ষিণো দক্ষিণাং দিশ্ম্ ॥৫-১-৯॥
1.10
প্লবঙ্গপ্রবরৈর্দৃষ্টঃ প্লবনে কৃতনিশ্চয়ঃ ।
ববৃধে রামবৃদ্ধ্যর্থম্ সমুদ্র ইব পর্বসু ॥৫-১-১০॥
1.11
নিষ্প্রমাণশরীরঃ সন্ লিলঙ্ঘয়িষুরর্ণবম্ ।
বাহুভ্যাং পীডয়ামাস চরণাভ্যাং চ পর্বতম্ ॥৫-১-১১॥
1.12
স চচালাচলশ্চাপি মুহূর্তং কপিপীডিতঃ ।
তরূণাং পুষ্পিতাগ্রাণাং সর্বং পুষ্পমশাতয়ৎ ॥৫-১-১২॥
1.13
তেন পাদপমুক্তেন পুষ্পৌঘেন সুগন্ধিনা ।
সর্বতঃ সংবৃতঃ শৈলো বভৌ পুষ্পময়ো যথা ॥৫-১-১৩॥
1.14
তেন চোত্তমবীর্যেণ পীড্যমানঃ স পর্বতঃ ।
সলিলং সংপ্রসুস্রাব মদং মত্ত ইব দ্বিপঃ ॥৫-১-১৪॥
1.15
পীড্যমানস্তু বলিনা মহেন্দ্রস্তেন পর্বতঃ ।
রীতীর্নির্বর্তয়ামাস কাঞ্চনাঞ্জনরাজতীঃ ॥৫-১-১৫॥
1.16
মুমোচ চ শিলাঃ শৈলো বিশালাঃ সমনঃশিলাঃ ।
মধ্যমেনার্চিষা জুষ্টো ধূমরাজীরিবানলঃ ॥৫-১-১৬॥
1.17
গিরিণা পীড্যমানেন পীড্যমানানি সর্বশঃ ।
গুহাবিষ্টানি ভূতানি বিনেদুর্বিকৃতৈঃ স্বরৈঃ ॥৫-১-১৭॥
1.18
স মহাসত্ত্বসংনাদঃ শৈলপীডানিমিত্তজঃ ।
পৃথিবীং পূরয়ামাস দিশশ্চোপবনানি চ ॥৫-১-১৮॥
1.19
শিরোভিঃ পৃথুভিঃ সর্পা ব্যক্তস্বস্তিকলক্ষণৈঃ ।
বমন্তঃ পাবকং ঘোরং দদংশুর্দশনৈঃ শিলাঃ ॥৫-১-১৯॥
1.20
তাস্তদা সবিষৈর্দষ্টাঃ কুপিতৈস্তৈর্মহাশিলাঃ।
জজ্জ্বলুঃ পাবকোদ্দীপ্তা বিভিদুশ্চ সহস্রধা ॥৫-১-২০॥
1.21
যানি চৌষধজালানি তস্মিন্ জাতানি পর্বতে ।
বিষঘ্নান্যপি নাগানাং ন শেকুঃ শমিতুং বিষম্ ॥৫-১-২১॥
1.22
ভিদ্যতেঽয়ং গিরির্ভূতৈরিতি মত্ত্বা তপস্বিনঃ ।
ত্রস্তা বিদ্যাধরাস্তস্মাদুত্পেতুঃ স্ত্রীগণৈঃ সহ ॥৫-১-২২॥
1.23
পানভূমিগতং হিত্বা হৈমমাসবভাজনম্ ।
পাত্রণি চ মহার্হাণি করকাংশ্চ হিরণ্ময়ান্ ॥৫-১-২৩॥
1.24
লেহ্যানুচ্চাবচান্ ভক্ষ্যান্ মাংসানি বিবিধানি চ ।
আর্ষভাণি চ চর্মাণি খড্গাংশ্চ কনকত্সরূন্ ॥৫-১-২৪॥
1.25
কৃতক্ণ্ঠগুণাঃ ক্ষীবা র্ক্তমাল্যানুলেপনাঃ ।
র্ক্তক্ষাঃ পুষ্করাক্ষাশ্চ গগনং প্রতিপেদিরে ॥৫-১-২৫॥
1.26
হারনূপুরকেয়ূরপারিহার্যধরাঃ স্ত্রিয়ঃ ।
বিস্মিতাঃ সস্মিতাস্তস্থুরাকাশে রমণৈঃ সহ ॥৫-১-২৬॥
1.27
দর্শয়ন্তো মহাবিদ্যাং বিদ্যাধরমহর্ষয়ঃ ।
সহিতাস্তস্থুরাকাশে বীক্ষাঞ্চক্রুশ্চ পর্বতম্ ॥৫-১-২৭॥
1.28
শুশ্রুবুশ্চতদা শব্দমৃষীণাং ভাবিতাত্মনাম্।
চারণানাং চ সিদ্ধানাং স্থিতানাংবিমলেঽম্বরে ॥৫-১-২৮॥
1.29
এষ পর্বতসংকাশো হনূমান্ মারুতাত্মজঃ ।
তিতীর্ষতি মহাবেগঃ সমুদ্রং মকরালয়ম্ ॥৫-১-২৯॥
1.30
রামার্থং বানরার্থং চ চিকীর্ষন্ কর্মদুষ্করম্ ।
সমুদ্রস্য পরং পারং দুষ্প্রাপং প্রাপ্তুমিচ্ছতি ॥৫-১-৩০॥
1.31
ইতি বিদ্যাধরাঃ শ্রুত্বা বচস্তেষাং মহাত্মনাম্ ।
তমপ্রমেয়ং দদৃশুঃ পর্বতে বানরর্ষভম্ ॥৫-১-৩১॥
1.32
দুধুবে চ স রোমাণি চকম্পে চাচলোপমঃ ।
ননাদ সুমহানাদং সুমহানিব তোয়দঃ ॥৫-১-৩২॥
1.33
আনুপূর্ব্যেণ বৃত্তং চ লাঙ্গূলং লোমভিশ্চিতম্ ।
উত্পতিষ্যন্ বিচিক্ষেপ পক্ষিরাজ ইবোরগম্ ॥৫-১-৩৩॥
1.34
তস্য লাঙ্গূলমাবিদ্ধমাত্তবেগস্য পৃষ্ঠতঃ ।
দদৃশে গরুডেনেব হ্রিয়মাণো মহোরগঃ ॥৫-১-৩৪॥
1.35
বাহূ সংস্তংভয়ামাস মহাপরিঘসংনিভৌ ।
সসাদ চ কপিঃ ক্ট্যাং চরণৌ সংচুকোচ চ ॥৫-১-৩৫॥
1.36
সংহৃত্য চ ভুজৌ শ্রীমাংস্তথৈব চ শিরোধরাম্ ।
তেজঃ স্ত্ত্বং তথা বীর্যমাবিবেশ স বীর্যবান্ ॥৫-১-৩৬॥
1.37
মার্গমালোকয়ন্দূরাদূর্ধ্বং প্রণিহিতেক্ষণঃ ।
রুরোধ হৃদয়ে প্রাণানাকাশমবলোকয়ন্ ॥৫-১-৩৭॥
1.38
পদ্ভ্যাং দৃঢমবস্থানং কৃত্বা স কপিকুঞ্জরঃ ।
নিকুঞ্চ্য কর্ণৌ হনুমানুত্পতিষ্যন্ মহাবলঃ ।বানরান্ বানরশ্রেষ্ঠ ইদং বচনমব্রবীৎ ॥৫-১-৩৮॥
1.39
যথা রাঘবনির্মুক্তঃ শরঃ শ্বসনবিক্রমঃ ।
গচ্চেত্তদ্বদ্গমিষ্যামি লঙ্কাং রাবণপালিতাম্ ॥৫-১-৩৯॥
1.40
ন হি দ্রক্ষ্যামি যদি তাং লঙ্কায়াং জনকাত্মজাম্ ।
অনেনৈব হি বেগেন গমিষ্যামি সুরালয়ম্ ॥৫-১-৪০॥
1.41
যদি বা ত্রিদিবে সীতাং ন দ্রক্ষ্যাম্যকৃতশ্রমঃ ।
বদ্ধ্বা রাক্ষসরাজানমানয়িষ্যামি রাবণম্ ॥৫-১-৪১॥
1.42
সর্বথা কৃতকার্যোঽহমেষ্যামি সহ সীতয়া ।
আনয়িষ্যামি বা লঙ্কাং সমুত্পাট্য সরাবণাম্ ॥৫-১-৪২॥
1.43
এবমুক্ত্বা তু হনুমান্বানরান্বানরোত্তমঃ ॥৫-১-৪৩॥
1.44
উত্পপাতাথ বেগেন বেগবানবিচারয়ন্ ।
সুপর্ণমিব চাত্মানং মেনে স কপিকুঞ্জরঃ ॥৫-১-৪৪॥
1.45
সমুত্পততি তস্মিংস্তু বেগাত্তে নগরোহিণঃ ।
সংহৃত্য বিটপান্ সর্বান্ সমুত্পেতুঃ সমন্ততঃ ॥৫-১-৪৫॥
1.46
স মত্তকোয়ষ্টিভকান্ পাদপান্ পুষ্পশালিনঃ ।
উদ্বহন্নূরুবেগেন জগাম বিমলেঽম্বরে ॥৫-১-৪৬॥
1.47
ঊরুবেগোত্থিতা বৃক্ষা মুহূর্তং কপিমন্বয়ুঃ ।
প্রস্থিতং দীর্ঘমধ্বানং স্ববন্ধমিব বান্ধবাঃ ॥৫-১-৪৭॥
1.48
তমূরুবেগোন্মথিতাঃসালাশ্চন্যে নগোত্তমাঃ।
অনুজগ্মুর্হনূমন্তং সৈন্যা ইব মহীপতিম্ ॥৫-১-৪৮॥
1.49
সুপুষ্পিতাগ্রৈর্বহুভিঃ পাদপৈরন্বিতঃ কপিঃ ।
হনুমান্ পর্বতাকারো বভূবাদ্ভুতদর্শনঃ ॥৫-১-৪৯॥
1.50
সারবন্তোঽথ যে বৃক্ষা ন্যমজ্জন্ লবণাম্ভসি ।
ভয়াদিব মহেন্দ্রস্য পর্বতা বরুণালয়ে ॥৫-১-৫০॥
1.51
স নানাকুসুমৈঃ কীর্ণঃ কপিঃ সাঙ্কুরকোরকৈঃ ।
শুশুভে মেঘসংকাশঃ খদ্যোতৈরিব পর্বতঃ ॥৫-১-৫১॥
1.52
বিমুক্তাস্তস্য বেগেন মুক্ত্বা পুষ্পাণি তে দ্রুমাঃ ।
অবশীর্যন্ত সলিলে নিবৃত্তাঃ সুহৃদো যথা ॥৫-১-৫২॥
1.53
লঘুত্বেনোপপন্নং তদ্বিচিত্রং সাগরেঽপতৎ ।
দ্রুমাণাং বিবিধং পুষ্পং কপিবায়ুসমীরিতম্ ॥৫-১-৫৩॥
1.54
তারাচিতমিবাকাশং প্রবভৌ চ মহার্ণবঃ ।
পুষ্পৌঘেনানুবদ্ধেন নানাবর্ণেন বানরঃ ।বভৌ মেঘ ইবাকাশে বিদ্যুদ্গণবিভূষিতঃ ॥৫-১-৫৪॥
1.55
তস্য বেগসমাধূতৈঃ পুষ্পৈস্তোয়মদৃশ্যত ॥৫-১-৫৫॥
1.56
তারাভিরভিরামাভিরুদিতাভিরিবাম্বরম্ ।
তস্যাম্বরগতৌ বাহূ দদৃশাতে প্রসারিতৌ ॥৫-১-৫৬॥
1.57
পর্বতাগ্রাদ্বিনিষ্ক্রান্তৌ পঞ্চাস্যাবিব পন্নগৌ ।
পিবন্নিব বভৌ চাপি সোওর্মিমালং মহার্ণবম্ ॥৫-১-৫৭॥
1.58
পিপাসুরিব চাকাশং দদৃশে স মহাকপিঃ ।
তস্য বিদ্যুত্প্রভাকারে বায়ুমার্গানুসারিণঃ ॥৫-১-৫৮॥
1.59
নয়নে বিপ্রকাশেতে পর্বতস্থাবিবানলৌ ।
পিঙ্গে পিঙ্গাক্ষমুখ্যস্য বৃহতী পরিমণ্ডলে ॥৫-১-৫৯॥
1.60
চক্ষুষী সংপ্রকাশেতে চন্দ্রসূর্যাবিবোদিতৌ ।
মুখং নাসিকয়া তস্য তাম্রয়া তাম্রমাবভৌ ॥৫-১-৬০॥
1.61
সন্ধ্যয়া সমভিস্পৃষ্টং যথা তত্সূর্যমণ্ডলম্ ।
লাঙ্গূলং চ সমাবিদ্ধং প্লবমানস্য শোভতে ॥৫-১-৬১॥
1.62
অম্বরে বায়ুপুত্রস্য শক্রধ্বজ ইবোচ্ছ্রিতঃ ।
লাঙ্গূলচক্রেণ মহান্ শুক্লদংষ্ট্রোঽনিলাত্মজঃ ॥৫-১-৬২॥
1.63
ব্যরোচত মহাপ্রাজ্ঞঃ পরিবেষীব ভাস্করঃ ।
স্ফিগ্দেশেনাভিতাম্রেণ ররাজ স মহাকপিঃ ॥৫-১-৬৩॥
1.64
মহতা দারিতেনেব গিরির্গৈরিকধাতুনা ।
তস্য বানরসিংহস্য প্লবমানস্য সাগরম্ ॥৫-১-৬৪॥
1.65
কক্ষান্তরগতো বায়ুর্জীমূত ইব গর্জতি ।
খে যথা নিপতন্ত্যুল্কা হ্যুত্তরান্তাদ্বিনিঃসৃতা ॥৫-১-৬৫॥
1.66
দৃশ্যতে সানুবন্ধা চ তথা স কপিকুঞ্জরঃ ।
পতত্পতঙ্গসংকাশো ব্যায়তঃ শুশুভে কপিঃ ॥৫-১-৬৬॥
1.67
প্রবৃদ্ধ ইব মাতঙ্গঃ কক্ষ্যয়া বধ্যমানয়া ।
উপরিষ্টাচ্ছরীরেণ ছায়য়া চাবগাঢয়া ।সাগরে মারুতাবিষ্টা নৌরিবাসীত্তদা কপিঃ ॥৫-১-৬৭॥
1.68
যং যং দেশং সমুদ্রস্য জগাম স মহাকপিঃ ।
স স তস্যোরুবেগেন সোন্মাদ ইব লক্ষ্যতে ॥৫-১-৬৮॥
1.69
সাগরস্যোওর্মিজালানামুরসা শৈলবর্ষ্মণাম্ ।
অভিঘ্নংস্তু মহাবেগঃ পুপ্লুবে স মহাকপিঃ ॥৫-১-৬৯॥
1.70
কপিবাতশ্চ বলবান্ মেঘবাতশ্চ নিঃসৃতঃ ।
সাগরং ভীমনির্ঘোষং কম্পয়ামাসতুর্ভৃশম্ ॥৫-১-৭০॥
1.71
বিকর্ষন্নূর্মিজালানি বৃহন্তি লবণাম্ভসি ।
পুপ্লুবে কপিশার্দূলো বিকিরন্নিব রোদসী ॥৫-১-৭১॥
1.72
মেরুমন্দরসংকাশানুদ্ধতান্ স মহার্ণবে ।
অত্যক্রামন্মহাবেগস্তরঙ্গান্ গণয়ন্নিব ॥৫-১-৭২॥
1.73
তস্য বেগসমুদ্ধূতং জলং সজলদং তদা ।
অম্বর্স্থং বিবভ্রাজ শারদাভ্রমিবাততম্ ॥৫-১-৭৩॥
1.74
তিমিনক্রঝষাঃ কূর্মা দৃশ্যন্তে বিবৃতাস্তদা ।
বস্ত্রাপকর্ষণেনেব শরীরাণি শরীরিণাম্ ॥৫-১-৭৪॥
1.75
প্লবমানং সমীক্ষ্যথ ভুজঙ্গাঃ সাগরালয়াঃ ।
ব্যোম্নি তং কপিশার্দূলং সুপর্ণ ইতি মেনিরে ॥৫-১-৭৫॥
1.76
দশয়োজনবিস্তীর্ণা ত্রিংশদ্যোজনমায়তা ।
ছায়া বানরসিংহস্য জলে চারুতরাভবৎ ॥৫-১-৭৬॥
1.77
শ্বেতাভ্রঘনরাজীব বায়ুপুত্রানুগামিনী ।
তস্য সা শুশুভে ছায়া বিততা লবণাম্ভসি ॥৫-১-৭৭॥
1.78
শুশুভে স মহাতেজা মহাকায়ো মহাকপিঃ ।
বায়ুমার্গে নিরালম্বে পক্ষবানিব পর্বতঃ ॥৫-১-৭৮॥
1.79
যেনাসৌ যাতি বলবান্ বেগেন কপিকুঞ্জরঃ ।
তেন মার্গেণ সহসা দ্রোণীকৃত ইবার্ণবঃ ॥৫-১-৭৯॥
1.80
আপাতে পক্ষিসংঘানাং পক্ষিরাজ ইব ব্রজন্ ।
হনুমান্ মেঘজালানি প্রকর্ষন্ মারুতো যথা ॥৫-১-৮০॥
1.81
পাণ্ডুরারুণবর্ণানি নীলমাঞ্জিষ্ঠকানি চ ।
কপিনাকৃষ্যমাণানি মহাভ্রাণি চকাশিরে ॥৫-১-৮১॥
1.82
প্রবিশন্নভ্রজালানিনিষ্পতংশ্চ পুনঃ পুনঃ ।
প্রচ্চন্নশ্চ প্রকাশশ্চ চন্দ্রমা ইব লক্ষ্যতে ॥৫-১-৮২॥
1.83
প্লবমানং তু তং দৃষ্ট্বা প্লবঙ্গং ত্বরিতং তদা ।
ববর্ষুঃ পুষ্পবর্ষণি দেবগন্ধর্বদানবাঃ ॥৫-১-৮৩॥
1.84
ততাপ ন হি তং সূর্যঃ প্লবন্তং বানরোত্তমম্ ।
সিষেবে চ তদা বায়ূ রামকার্যাদ্থসিদ্ধয়ে ॥৫-১-৮৪॥
1.85
ঋষয়স্তুষ্টুবুশ্চৈব প্লবমানং বিহায়সা ।
জগুশ্চ দেবগন্ধর্বাঃ প্রশংসন্তো মহৌজসম্ ॥৫-১-৮৫॥
1.86
নাগাশ্চ তুষ্টুবুর্যক্ষা রক্ষাংসি বিবুধাঃ খগাঃ ॥৫-১-৮৬॥
1.87
প্রেক্ষ্য সর্বে কপিবরং সহসা বিগতক্লমম্ ।
তস্মিন্ প্লবগশার্দূলে প্লবমানে হনূমতি ॥৫-১-৮৭॥
1.88
ইক্ষ্বাকুকুলমানার্থী চিন্তয়ামাস সাগরঃ ।
সাহায্যং বানরেন্দ্রস্য যদি নাহং হনূমতঃ ॥৫-১-৮৮॥
1.89
করিষ্যামি ভবিষ্যামি সর্ববাচ্যো বিবক্ষতাম্ ।
অহমিক্ষ্বাকুনাথেন সগরেণ বিবর্ধতঃ ॥৫-১-৮৯॥
1.90
ইক্ষ্বাকুসচিচশ্চায়ং নাবসীদিতুমর্হতি ।
তথা ময়া বিধাতব্যং বিশ্রমেত যথা কপিঃ ॥৫-১-৯০॥
1.91
শেষং চ ময়ি বিশ্রান্তঃ সুখেনাতিপতিষ্যতি ।
ইতি কৃত্বা মতিং সাধ্বীং সমুদ্রশ্চন্নমম্ভসি ॥৫-১-৯১॥
1.92
হিরণ্যনাভং মৈনাকমুবাচ গিরিসত্তমম্ ।
ত্বমিহাসুরসংঘানাং পাতাLঅতলবাসিনাং ॥৫-১-৯২॥
1.93
দেবরাজ্ঞা গিরিশ্রেষ্ঠ পরিঘঃ সংনিবেশিতঃ ।
ত্বমেষাং জাতবীর্যাণাং পুনরেবোত্পতিষ্যতাম্ ॥৫-১-৯৩॥
1.94
পাতাLঅস্যাপ্রমেয়স্য দ্বারমাবৃত্য তিষ্ঠসি ।
তির্যগূর্ধ্বমধশ্চৈব শক্তিস্তে শৈল বর্ধিতুম্ ॥৫-১-৯৪॥
1.95
তস্মাত্সংচোদয়ামি ত্বামুত্তিষ্ঠ গিরিসত্তম ।
ন এষ কপিশার্দূলস্ত্বমুপর্যেতি বীর্যবান্ ॥৫-১-৯৫॥
1.96
হনূমান্রামকার্যার্থং ভীমকর্মা খমাপ্লুতঃ ।
অস্য সাহ্যং ময়া কার্যমিক্ষ্বাকুকুলবর্তিনঃ ॥৫-১-৯৬॥
1.97
মম হীক্ষ্বাকবঃ পূজ্যাঃ পরং পূজ্যতমাস্তব ।
কুরু সাচিব্যমস্মাকং ন নঃ কার্যমতিক্রমেৎ ॥৫-১-৯৭॥
1.98
কর্তব্যমকৃতং কার্যং সতাং মন্যুমুদীরয়েৎ ।
সলিলাদূর্ধ্বমুত্তিষ্ঠ তিষ্ঠত্বেষ কপিস্ত্বয়ি ॥৫-১-৯৮॥
1.99
অস্মাকমতিথিশ্চৈব পূজ্যশ্চ প্লবতাং বরঃ ।
চামীকরমহানাভ দেবগন্ধর্ব সেবিত ॥৫-১-৯৯॥
1.100
হনুমাংস্ত্বয়ি বিশ্রান্তস্ততঃ শেষং গমিষ্যতি ।
কাকুত্থ্সস্যানৃশংস্যং চ মৈথিল্যাশ্চ বিবাসনম্ ॥৫-১-১০০॥
1.101
শ্রমং চ প্লবগেন্দ্রস্য সমীক্ষ্যোত্থাতুমর্হসি ।
হিরণ্য নাভো মৈনাকো নিশম্য লবণাম্ভসঃ ॥৫-১-১০১॥
1.102
উত্পপাত জলাত্তূর্ণং মহাদ্রুমলতায়ুতঃ ।
স সাগরজলং ভিত্ত্বা বভূবাভ্যুত্থিতস্তদা ॥৫-১-১০২॥
1.103
যথা জলধরং ভিত্ত্বা দীপ্তরশ্মির্দিবাকরঃ ।
স মহাত্মা মুহূর্তেন সর্বতঃ সলিলাবৃতঃ ॥৫-১-১০৩॥
1.104
দ্র্শয়ামাস শৃঙ্গাণি সাগরেণ নিয়োজিতঃ ।
শাতকুম্ভময়ৈঃ শৃঙ্গৈঃ সকিন্নরমহোরগৈঃ ॥৫-১-১০৪॥
1.105
আদিত্যোদয়সংকাশৈরালিখদ্ভিরিবাম্বরম্ ।
তপ্তজাম্বূনদৈঃ শৃঙিগাঃ পর্বতস্য সমুত্থিতৈঃ ॥৫-১-১০৫॥
1.106
আকাশং শস্ত্রসংকাশমভবত্কাঞ্চনপ্রভম্ ।
জাতরূপময়ৈঃ শৃঙ্গৈর্ভ্রাজমানৈঃ স্বয়ংপ্রভৈঃ ॥৫-১-১০৬॥
1.107
আদিত্যশতসংকাশঃ সোঽভবদ্গিরিসত্তমঃ ।
তমুত্থিতমসংগেন হনুমানগ্রতঃ স্থিতম্ ॥৫-১-১০৭॥
1.108
মধ্যে লবণতোয়স্য বিঘ্নোঽয়মিতি নিশ্চিতঃ ।
স তমুচ্ছ্রিত মত্যর্থং মহাবেগো মহাকপিঃ ॥৫-১-১০৮॥
1.109
উরসা পাতয়ামাস জীমূতমিব মারুতঃ ।
স তথা পাতিতস্তেন কপিনা পর্বতোত্তমঃ ॥৫-১-১০৯॥
1.110
বুদ্ধ্বা তস্য কপের্বেগং জহর্ষ চ ননন্দ চ ।
তমাকাশগতং বীরমাকাশে সমুপস্থিতঃ ॥৫-১-১১০॥
1.111
প্রীতো হৃষ্টমনা বাক্যমব্রবীত্পর্বতঃ কপিম্ ।
মানুষং ধারয়ন্ রূপমাত্মনঃ শিখরে স্থিতঃ ॥৫-১-১১১॥
1.112
দুষ্করং কৃতাবন্কর্ম ত্বমিদং বানরোত্তম ।
নিপত্য মম শৃঙ্গেষু বিশ্রমস্ব যথাসুখম্ ॥৫-১-১১২॥
1.113
রাঘবস্য কুলে জাতৈরুদধিঃ পরিবর্ধিতঃ ।
স ত্বাং রামহিতে যুক্তং প্রত্যর্চয়তি সাগরঃ ॥৫-১-১১৩॥
1.114
কৃতে চ প্রতিকর্তব্যমেষ ধর্মঃ সনাতনঃ ।
সোঽয়ং তত্প্রতিকারার্থী ত্বত্তঃ সংমানমর্হতি ॥৫-১-১১৪॥
1.115
ত্বন্নিমিত্তমনেনাহং বহুমানাত্প্রচোদিতঃ ।
যোজনানাং শতং চাপি কপিরেষ সমাপ্লুতঃ ॥৫-১-১১৫॥
1.116
তব সানুষু বিশ্রান্তঃ শেষং প্রক্রমতামিতি ।
তিষ্ঠ ত্বং হরিশার্দূল ময়ি বিশ্রম্য গম্যতাম্ ॥৫-১-১১৬॥
1.117
তদিদং গন্ধবত্স্বাদু কন্দমূলফলং বহু ।
তদাস্বাদ্য হরিশ্রেষ্ঠ বিশ্রান্তোঽনু গমিষ্যসি ॥৫-১-১১৭॥
1.118
অস্মাকমপি সম্বন্ধঃ কপিমুখ্য ত্বয়াস্তি বৈ ।
প্রখ্যাতস্ত্রিষু লোকেষু মহাগুণপরিগ্রহঃ ॥৫-১-১১৮॥
1.119
বেগবন্তঃ প্লবন্তো যে প্লবগা মারুতাত্মজ ।
তেষাং মুখ্যতমং মন্যে ত্বামহং কপিকুঞ্জর ॥৫-১-১১৯॥
1.120
অতিথিঃ কিলপূজার্হঃ প্রাকৃতোঽপি বিজানতা ।
ধর্মং জিজ্ঞাসমানেন কিং পুনস্ত্বাদৃশো মহান্ ॥৫-১-১২০॥
1.121
ত্বং হি দেববরিষ্ঠস্য মারুতস্য মহাত্মনঃ ।
পুত্রস্তস্যৈব বেগেন সদৃশঃ কপিকুঞ্জর ॥৫-১-১২১॥
1.122
পূজিতে ত্বয়ি ধর্মজ্ঞ পূজাং প্রাপ্নোতি মারুতঃ ।
তস্মাত্ত্বং পূজনীয়ো মে শৃণু চাপ্যত্র কারণম্ ॥৫-১-১২২॥
1.123
পূর্বং কৃতয়ুগে তাত পর্বতাঃ পক্ষিণোঽভবন্ ।
তে হি জগ্মুর্দিশঃ সর্বা গরুডানিলবেগিনঃ ॥৫-১-১২৩॥
1.124
ততস্তেষু প্রয়াতেষু দেবসংঘঃ সহর্ষিভিঃ ।
ভূতানি চ ভয়ং জগ্মুস্তেষাং পতনশঙ্কয়া ॥৫-১-১২৪॥
1.125
ততঃ ক্রুদ্ধঃ সহস্রাঅক্ষঃ পর্বতানাং শতক্রতুঃ ।
পক্ষান্ চিচ্ছেদ বজ্রেণ তত্র তত্র সহস্রশঃ ॥৫-১-১২৫॥
1.126
স মামুপাগতঃ ক্রুদ্ধো বজ্রমুদ্যম্য দেবরাট্ ।
ততোঽহং সহসা ক্ষিপ্তঃ স্বসনেন মহাত্মনা ॥৫-১-১২৬॥
1.127
অস্মিন্লবণতোয়ে চ প্রক্ষিপ্তঃ প্লবগোত্তম ।
গুপ্তপক্ষসমগ্রশ্চ তব পিত্রাভিরক্ষিতঃ ॥৫-১-১২৭॥
1.128
ততোঽহং মানয়ামি ত্বাং মান্যো হি মম মারুতঃ ।
ত্বয়া মে হ্যেষ সংবন্ধঃ কপিমুখ্য মহাগুণঃ ॥৫-১-১২৮॥
1.129
অস্মিন্নেবংগতে কার্যে সাগরস্য মমৈব চ ।
প্রীতিং প্রীতমনাঃ কর্তুং ত্বমর্হসি মহাকপে ॥৫-১-১২৯॥
1.130
শ্রমং মোক্ষয় পূজাং চ গৃহাণ কপিসত্তম ।
প্রীতিং চ বহুমন্যস্ব প্রীতোঽস্মি তব দর্শনাৎ ॥৫-১-১৩০॥
1.131
এবমুক্তঃ কপিশ্রেষ্ঠস্তং নগোত্তমমব্রবীৎ ।
প্রীতোঽস্মি কৃতমাতিথ্যং মন্যুরেষোঽপনীয়তাম্ ॥৫-১-১৩১॥
1.132
ত্বরতে কার্যকালো মে অহশ্চাপ্যতিবর্ততে ।
প্রতিজ্ঞা চ ময়া দত্তা ন স্থাতব্যমিহান্ত্তরে ॥৫-১-১৩২॥
1.133
ইত্যুক্ত্বা পাণিনা শৈলমালভ্য হরিপুঙ্গবঃ ।
জগামাকাশমাবিশ্য বীর্যবান্ প্রহসন্নিব ॥৫-১-১৩৩॥
1.134
স পর্বতসমুদ্রাভ্যাং বহুমানাদবেক্ষিতঃ ।
পূজিতশ্চোপপন্নাভিরাশীর্ভিরনিলাত্মজঃ ॥৫-১-১৩৪॥
1.135
অথোর্ধ্বং দূরমুত্প্লুত্য হিত্বা শৈলমহার্ণবৌ ।
পিতুঃ পন্থানমাস্থায় জগাম বিমলেঽম্বরে ॥৫-১-১৩৫॥
1.136
ভূয়শ্চোর্ধ্বং গতিং প্রাপ্য গিরিং তমবলোকয়ন্ ।
বায়ুসূনুর্নিরালম্বে জগাম বিমলেঽম্বরে ॥৫-১-১৩৬॥
1.137
তদ্দ্বিতীয়ং হনুমতো দৃষ্ট্বা কর্ম সুদুষ্করম্ ।
প্রশ্শংসুঃ সুরাঃ সর্বে সিদ্ধাশ্চ পরমর্ষয়ঃ ॥৫-১-১৩৭॥
1.138
দেবতাশ্চাভবন্ হৃষ্টাস্তত্রস্থাস্তস্য কর্মণা ।
কাঞ্চনস্য সুনাভস্য সহস্রাক্ষশ্চ বাসবঃ ॥৫-১-১৩৮॥
1.139
উবাচ বচনং ধীমান্ পরিতোষাত্সগদ্গদম্ ।
সুনাভং পর্বতশ্রেষ্ঠং স্বয়মেব শচীপতিঃ ॥৫-১-১৩৯॥
1.140
হিরণ্যনাভ শৈলেন্দ্র পরিতুষ্টোঽস্মি তে ভৃশম্ ।
অভয়ং তে প্রয়চ্ছামি তিষ্ঠ সৌম্য যথাসুখম্ ॥৫-১-১৪০॥
1.141
সাহ্যং তে সুমহদ্বিক্রান্তস্য হনূমতঃ ।
ক্রমতো যোজনশতং নির্ভয়স্য ভয়ে সতি ॥৫-১-১৪১॥
1.142
রামস্যৈষ হিতায়ৈব যাতি দাশরথের্হরিঃ ।
সত্ক্রিয়াং কুর্বতা তস্য তোষিতোঽস্মি দৃঢং ত্বয়া ॥৫-১-১৪২॥
1.143
ততঃ প্রহর্ষমগমদ্বিপুলং পর্বতোত্তমঃ ।
দেবতানাং পতিং দৃষ্ট্বা পরিতুষ্টং শতক্রতুম্ ॥৫-১-১৪৩॥
1.144
স বৈ দত্তবরঃ শৈলো বভূবাবস্থিতস্তদা ।
হনুমাংশ্চ মুহূর্তেন ব্যতিচক্রাম সাগরম্ ॥৫-১-১৪৪॥
1.145
ততো দেবাঃ সগন্ধর্বাঃ সিদ্ধাশ্চ পরমর্ষয়ঃ ।
অব্রূবন্ সূর্যসংকাশাং সুরসাং নাগমাতরম্ ॥৫-১-১৪৫॥
1.146
অয়ং বাতাত্মজঃ শ্রীমান্প্লবতে সাগরোপরি ।
হনুমান্নাম তস্য ত্বং মুহূর্তং বিঘ্নমাচর ॥৫-১-১৪৬॥
1.147
রাক্ষসং রূপমাস্থায় সুঘোরং পর্বতোপমম্ ।
দংষ্ট্রকরাLঅং পিঙ্গাক্ষং বক্ত্রং কৃত্বা নভঃসমম্ ॥৫-১-১৪৭॥
1.148
বলমিচ্ছামহে জ্ঞাতুং ভূয়শ্চাস্য পরাক্রমম্ ।
ত্বাং বিজেষ্যত্যুপায়েন বিষাদং বা গমিষ্যতি ॥৫-১-১৪৮॥
1.149
এবমুক্তা তু সা দেবী দৈবতৈরভিসত্কৃতা ।
সমুদ্রমধ্যে সুরসা বিভ্রতী রাক্ষসং বপুঃ ॥৫-১-১৪৯॥
1.150
বিকৃতং চ বিরূপং চ সর্বস্য চ ভয়াবহম্ ।
প্লবমানং হনূমন্তমাবৃত্যেদমুবাচ হ ॥৫-১-১৫০॥
1.151
মম ভক্ষঃ প্রদিষ্টস্ত্বমীশ্বরৈর্বানরর্ষভ ।
অহং ত্বা ভক্ষয়িষ্যামি প্রবিশেদং মমাননম্ ॥৫-১-১৫১॥
1.152
এবমুক্তঃ সুরসয়া প্রাঞ্জলির্বানরর্ষভঃ ।
প্রহৃষ্টবদনঃ শ্রীমানিদং বচনমব্রবীৎ ॥৫-১-১৫২॥
1.153
রামো দাশরথির্নাম প্রবিষ্টো দণ্ডকাবনম্ ।
লক্ষ্মণেন সহ ভ্রাত্রা বৈদেহ্যা চাপি ভার্যয়া ॥৫-১-১৫৩॥
1.154
অন্যকার্যবিষক্তস্য বদ্ধবৈরস্য রাক্ষসৈঃ ।
তস্য সীত হৃতা ভার্যা রাবণেন যশস্বিনী ॥৫-১-১৫৪॥
1.155
তস্যাঃ সকাশং দূতোঽহং গমিষ্যে রামকারণাৎ ।
কর্তুমর্হসি রামস্য সাহ্যং বিষয়বাসিনি ॥৫-১-১৫৫॥
1.156
অথবা মৈথিলীং দৃষ্ট্বা রামং চাক্লিষ্টকারিণম্ ।
আগমিষ্যামি তে বক্ত্রং সত্যং প্রতিশৃণোমি তে ॥৫-১-১৫৬॥
1.157
এবমুক্তা হনুমতা সুরসা কামরূপিণী ।
অব্রবীন্নাতিবর্তেত কশ্চিদেষ বরো মম ॥৫-১-১৫৭॥
1.158
তং প্রয়ান্তং সমুদ্বীক্ষ্য সুরসা বাক্যমব্রবীৎ ।
বলং জিজ্ঞাসমানা বৈ নাগমাতা হনূমতঃ ॥৫-১-১৫৮॥
1.159
প্রবিশ্য বদনং মেঽদ্য গন্তব্যং বানরোত্তম ।
বর এষ পুরা দত্তো মম ধাত্রেতি সত্বরা ॥৫-১-১৫৯॥
1.160
ব্যাদায় বিপুলং বক্ত্রং স্থিতা সা মারুতেঃ পুরঃ ।
এবমুক্তঃ সুরসয়া ক্রুদ্ধো বানরপুঞ্গবঃ ॥৫-১-১৬০॥
1.161
অব্রবীত্কুরু বৈ বক্ত্রং যেন মাং বিষহিষ্যসে ।
প্রবিশ্য বদনং মেঽদ্য গ্ন্তব্যং বানরোত্তম ।বর এষ পুরা দত্তো মমম্ ধ্রাত্রেতি সত্বরা ॥৫-১-১৬১॥
1.162
ব্যাদায় বিপুলং বক্ত্রং স্থিতা সা মরুতেঃ পুরঃ ।
তং দৃষ্হ্ট্বা মেঘসংকাশং দশয়োজনমায়তম্ ॥৫-১-১৬২॥
1.163
চকার সুরসা চাস্যং বিংশদ্যোজনমায়তম্ ।
হনুমাংস্তু ততঃ ক্রুদ্ধস্ত্রিংশদ্যোজনমায়তঃ ॥৫-১-১৬৩॥
1.164
চকার সুরসা বক্ত্রং চত্বারিংশত্তথোচ্ছ্রিতম্ ।
বভূব হনুমান্বীরঃ পঞ্চাশদ্যোজনোচ্ছ্রিতঃ ॥৫-১-১৬৪॥
1.165
চকার সুরসা বক্ত্রং ষষ্টিয়োজনমায়তম্ ।
তথৈব হনুমান্বীরঃ সপ্ততীয়োজিনোচ্ছ্রিতঃ ॥৫-১-১৬৫॥
1.166
চকার সুরসা ব্ক্ত্রম্শীতীয়োজনোচ্ছ্রিতম্ ।
হনুমানচলপ্রখ্যো নবতীয়োজনোচ্ছ্রিতঃ ॥৫-১-১৬৬॥
1.167
তদ্দৃষ্ট্বা ব্যাদিতং ত্বাস্যং বায়ুপুত্রঃ সুবুদ্ধিমান্ ।
দীর্ঘজিহ্বং সুরসয়া সুঘোরং নরকোপমম্ ॥৫-১-১৬৭॥
1.168
সুসংক্ষিপ্যাত্মনঃ কায়ং বভূবাঞ্গুষ্ঠমাত্রকঃ ।
সোঽভিপত্যাশু তদ্বক্ত্রং নিষ্পত্য চ মহাজবঃ ।অন্তরিক্ষে স্থিতঃ শ্রীমানিদং বচনমব্রবীৎ ॥৫-১-১৬৮॥
1.169
প্রবিষ্টোঽস্মি হি তে বক্ত্রং দাক্ষায়ণি নমোঽস্তু তে ।
গমিষ্যে যত্র বৈদেহী সত্যং চাসীদ্বরস্তব ॥৫-১-১৬৯॥
1.170
তং দৃষ্ট্বা বদনান্মুক্তং চন্দ্রং রাহুমুখাদিব ।
অব্রবীত্সুরসা দেবী স্বেন রূপেণ বানরম্ ॥৫-১-১৭০॥
1.171
অর্থসিদ্ধ্যৈ হরিশ্রেষ্ঠ গচ্ছ সৌম্য যথাসুখম্ ।
সমানয়স্ব বৈদেহীং রাঘবেণ মহাত্মনা ॥৫-১-১৭১॥
1.172
তত্তৃতীয়ং হনুমতো দৃষ্ট্বা কর্ম সুদুষ্করম্ ।
সাধু সাধ্বিতি ভূতানি প্রশ্শংসুস্তদা হরিম্ ॥৫-১-১৭২॥
1.173
স সাগরমনাধৃষ্যমভ্যেত্য বরুণালয়ম্ ।
জগামাকাশমাবিশ্য বেগেন গরুডোপমঃ ॥৫-১-১৭৩॥
1.174
চরিতে কৈশিকাচার্যৈরৈরাবতনিষেবিতে ॥৫-১-১৭৪॥
1.175
সিংহকুঞ্জরশার্দূলপতগোরগবাহনৈঃ ।
বিমানৈঃ সংপতদ্ভিশ্চ বিমলৈঃ সমলংকৃতে ॥৫-১-১৭৫॥
1.176
বজ্রাশনিসমাঘাতৈঃ পাবকৈরুপশোভিতে ।
কৃতপুণ্যৈর্মহাভাগৈঃ স্বর্গজিদ্ভিরলংকৃতে ॥৫-১-১৭৬॥
1.177
বহতা হব্যমত্যর্থং সেবিতে চিত্রভানুনা ।
গ্রহনক্ষত্রচন্দ্রার্কতারাগণবিভূষিতে ॥৫-১-১৭৭॥
1.178
মহর্ষিগণগন্ধর্বনাগয়ক্ষসমাকুলে ।
বিবিক্তে বিমলে বিশ্বে বিশ্বাবসুনিষেবিতে ॥৫-১-১৭৮॥
1.179
দেবরাজগজাক্রান্তে চন্দ্রসূর্যপথে শিবে ।
বিতানে জীবলোকস্য বিততে ব্রহ্মনির্মিতে ॥৫-১-১৭৯॥
1.180
বহুশঃ সেবিতে বীরৈর্বিদ্যাধরগণৈর্বরৈঃ ।
জগাম বায়ুমার্গে তু গরুত্মানিব মারুতিঃ ॥৫-১-১৮০॥
1.181
প্রদৃশ্যমানঃ সর্বত্র হনুমান্মারুতাত্মজঃ ।
ভেজেঽম্বরং নিরালম্বং লম্বপক্ষ ইবাদ্রিরাট্ ॥৫-১-১৮১॥
1.182
প্লবমানং তু তং দৃষ্ট্বা সিংহিকা নাম রাক্ষসী ।
মনসা চিন্তয়ামাস প্রবৃদ্ধা কামরূপিণী ॥৫-১-১৮২॥
1.183
অদ্য দীর্Gহস্য কালস্য ভবিষ্যাম্যহামাশিতা ।
ইদং হি মে মহত্সত্ত্বং চিরস্য বশমাগতম্ ॥৫-১-১৮৩॥
1.184
ইতি সংচিন্ত্য মনসা ছায়ামস্য সমাক্ষিপৎ ।
ছায়ায়াং গৃহ্যমাণায়াং চিন্তয়ামাস বানরঃ ॥৫-১-১৮৪॥
1.185
সমাক্ষিপ্তোঽস্মি তরসা পঞূকৃতপরাক্রমঃ ।
প্রতিলোমেন বাতেন মহানৌরিব সাগরে ॥৫-১-১৮৫॥
1.186
তির্যগূর্ধ্বমধশ্চৈব বীক্ষিমাণস্ততঃ কপিঃ ।
দদর্শ স মহত্সত্ত্বমুত্থিতং লবণাম্ভসি ॥৫-১-১৮৬॥
1.187
ছায্তদ্ধৃষ্ট্বা চিন্তয়ামাস মারুতির্বিকৃতাননম্ ।
কপিরাজেন কথিতং সত্ত্বমদ্ভুতদর্শনম্ ॥৫-১-১৮৭॥
1.188
আগ্রাহি মহাবীর্যং তদিদং নাত্র সংশয়ঃ ।
স তাং বুদ্ধ্বার্থতত্ত্বেন সিংহিকাং মতিমান্কপিঃ ।ব্যবর্ধত মহাকায়ঃ প্রবৃষীব বলাহকঃ ॥৫-১-১৮৮॥
1.189
তস্য সা কায়মুদ্বীক্ষ্য বর্ধমানং মহাকপেঃ ॥৫-১-১৮৯॥
1.190
বক্ত্রং প্রসারয়ামাস পাতাLআন্তরসন্নিভম্ ।
ঘনরাজীব গর্জন্তী বানরং সম্ভিদ্রবৎ ॥৫-১-১৯০॥
1.191
স দদর্শ ততস্তস্যা বিবৃতং সুমহন্মুখম্ ।
কায়মাত্রং চ মেধাবী মর্মাণি চ মহাকপিঃ ॥৫-১-১৯১॥
1.192
স তস্যা বিবৃতে বক্ত্রে বজ্রসংহননঃ কপিঃ ।
সংক্ষিপ্য মুহুরাত্মানং নিষ্পপাত মহাবলঃ ॥৫-১-১৯২॥
1.193
আস্যে তস্যা নিমজ্জন্তং দদৃশুঃ সিদ্ধচারণাঃ ।
গ্রস্যমানং যথা চন্দ্রং পূর্ণং পর্বণি রাহুণা ॥৫-১-১৯৩॥
1.194
ততস্তস্যা নখৈস্তীক্ণৈর্মর্মাণ্যুত্কৃত্য বানরঃ ।
উত্পপাতাথ বেগেন মনঃ সংপাতবিক্রমঃ ॥৫-১-১৯৪॥
1.195
তাং তু দৃষ্ট্বা চ ধঋত্যা চ দাক্ষিণ্যেন নিপাত্য চ ।
স কপিপ্রবরো বেগাদ্ববৃধে পুনরাত্মবান্ ॥৫-১-১৯৫॥
1.196
হৃতহৃত্সা হনুমতা পপাত বিধুরাম্ভসি ।
তাং হতাং বানরেণাশু পতিতাং বীক্ষ্য সিংহিকাম্ ॥৫-১-১৯৬॥
1.197
ভূতান্যাকাশচারীণী তমূচুঃ প্লবগোত্তমম্ ।
ভীমমদ্য কৃতং কর্ম মহত্সত্ত্বং ত্বয়া হতম্ ॥৫-১-১৯৭॥
1.198
সাধয়ার্থমভিপ্রেতমরিষ্টং প্লবতাং বর ।
যস্য ত্বেতানি চত্বারি বানরেন্দ্র যথা তব ॥৫-১-১৯৮॥
1.199
ধৃতির্দৃষ্টির্মতির্দাক্ষ্যং স কর্মসু ন সীদতি ।
স তৈঃ সংভাবিতঃ পূজ্যঃ প্রতিপন্নপ্রয়োজনঃ ॥৫-১-১৯৯॥
1.200
জগামাকাশমাবিশ্য পন্নগাশনবত্কপিঃ ।
প্রাপ্তভূয়িষ্ঠপারস্তু সর্বতঃ প্রতিলোকয়ন্ ॥৫-১-২০০॥
1.201
যোজনানাং শতস্যান্তে বনরাজিং দদর্শ সঃ ।
দদর্শ চ পতন্নেব বিবিধদ্রুমভূষিতম্ ॥৫-১-২০১॥
1.202
দ্বীপং শাখামৃগশ্রেষ্ঠো মলয়োপবনানি চ ।
সাগরং সাগরানূপং সাগরানূপজান্ দ্রুমান্ ॥৫-১-২০২॥
1.203
সাগরস্য চ পত্নীনাং মুখান্যপি বিলোকয়ন্ ।
স মহামেঘসংকাশং সমীক্ষ্যাত্মানমাত্মবান্ ॥৫-১-২০৩॥
1.204
নিরুন্ধন্তমিবাকাশং চকার মতিমান্ মতিম্ ।
কায়বৃদ্ধিং প্রবেগং চ মম দৃষ্ট্বব রাক্ষসাঃ ॥৫-১-২০৪॥
1.205
ময়ি কৌতূহলং কুর্যুরিতি মেনে মহাকপিঃ ।
ততঃ শরীরং সংক্ষিপ্য তন্মহীধরসন্নিভম্ ॥৫-১-২০৫॥
1.206
পুনঃ প্রকৃতিমাপেদে বীতমোহ ইবাত্মবান্ ।
তদ্রূপমতিসংক্ষিপ্য হনুমান্ প্রকৃতৌ স্থিতঃ ॥৫-১-২০৬॥
1.207
ত্রীন্ ক্রমানিব বিক্রম্য বলিবীর্যহরো হরিঃ ।
স চারুনানাবিধরূপধারী ।পরং সমাসাদ্য সমুদ্রতীরম্ ।পরৈরশক্যঃ প্রতিপন্নরূপঃ ।সমীক্ষিতাত্মা সমবেক্ষিতার্থঃ ॥৫-১-২০৭॥
1.208
ততঃ স লম্বস্য গিরেঃ সমৃদ্ধে ।
বিচিত্রকূটে নিপপাত কূটে ।সকেতকোদ্দালকনাLইকেরে ।মহাভ্রকূটপ্রতিমো মহাত্মা ॥৫-১-২০৮॥
1.209
ততস্তু সংপ্রাপ্য সমুদ্রতীরং ।
সমীক্ষ্য লঙ্কাং গিরিবর্যমূর্ধ্নি ।কপিস্তু তস্মিন্নিপপাত পর্বতে ।বিধূয় রূপং ব্যথয়ন্ম্Rঋগদ্বিজান্ ॥৫-১-২০৯॥
1.210
স সাগরং দানবপন্নগায়ুতং ।
বলেন বিক্রম্য মহোর্মিমালিনম্ ।নিপত্য তীরে চ মহোদধেস্তদা ।দদর্শ লঙ্কামমরাবতীমিব ॥৫-১-২১০॥