Utshovসর্গ 3
3.1
স লম্ব শিখরে লম্বে লম্ব তোয়দ সম্নিভে ।
সত্ত্বম্ আস্থায় মেধাবী হনুমান্ মারুত আত্মজঃ ॥৫-৩-১॥
3.2
নিশি লন্কাম্ মহা সত্ত্বঃ বিবেশ কপি কুন্জরঃ ।
রম্য কানন তোয় আঢ্যাম্ পুরীম্ রাবণ পালিতাম্ ॥৫-৩-২॥
3.3
শারদ অম্বু ধর প্রখ্যৈঃ ভবনৈঃ উপশোভিতাম্ ।
সাগর উপম নির্ঘোষাম্ সাগর অনিল সেবিতাম্ ॥৫-৩-৩॥
3.4
সুপুষ্ট বল সম্গুপ্তাম্ যথৈব বিটপাবতীম্ ।
চারু তোরণ নির্যূহাম্ পাণ্ডুর দ্বার তোরণাম্ ॥৫-৩-৪॥
3.5
ভুজগ আচরিতাম্ গুপ্তাম্ শুভাম্ ভোগবতীম্ ইব ।
তাম্ সবিদ্যুৎ ঘন আকীর্ণাম্ জ্যোতিঃ মার্গ নিষেবিতাম্ ॥৫-৩-৫॥
3.6
চণ্ড মারুত নির্হ্রাদাম্ যথা ইন্দ্রস্য অমরাবতীম্ ।
শাতকুম্ভেন মহতা প্রাকারেণ অভিসম্বৃতাম্ ॥৫-৩-৬॥
3.7
কিন্কিণী জাল ঘোষাভিঃ পতাকাভিঃ অলম্কৃতাম্ ।
আসাদ্য সহসা হৃষ্টঃ প্রাকারম্ অভিপেদিবান্ ॥৫-৩-৭॥
3.8
বিস্ময় আবিষ্ট হৃদয়ঃ পুরীম্ আলোক্য সর্বতঃ ।
জাম্বূনদময়ৈঃ দ্বারৈঃ বৈদূর্য কৃত বেদিকৈঃ ॥৫-৩-৮॥
3.9
মণি স্ফটিক মুক্তাভিঃ মণি কুট্টিম ভূষিতৈঃ ।
তপ্ত হাটক নির্যূহৈঃ রাজত অমল পাণ্ডুরৈঃ ॥৫-৩-৯॥
3.10
বৈদূর্য তল সোপানৈঃ স্ফাটিক অন্তর পাম্সুভিঃ ।
চারু সম্জবন উপেতৈঃ খম্ ইব উত্পতিতৈঃ শুভৈঃ ॥৫-৩-১০॥
3.11
ক্রৌন্চ বর্হিণ সম্ঘুষ্টে রাজ হম্স নিষেবিতৈঃ ।
তূর্য আভরণ নির্ঘোষৈঃ সর্বতঃ প্রতিনাদিতাম্ ॥৫-৩-১১॥
3.12
বস্বোকসারা প্রতিমাম্ সমীক্ষ্য নগরীম্ ততঃ ।
খম্ ইব উত্পতিতাম্ লন্কাম্ জহর্ষ হনুমান্ কপিঃ ॥৫-৩-১২॥
3.13
তাম্ সমীক্ষ্য পুরীম্ লন্কাম্ রাক্ষস অধিপতেঃ শুভাম্ ।
অনুত্তমাম্ ঋদ্ধি যুতাম্ চিন্তয়াম্ আস বীর্যবান্ ॥৫-৩-১৩॥
3.14
ন ইয়ম্ অন্যেন নগরী শক্যা ধর্ষয়িতুম্ বলাৎ ।
রক্ষিতা রাবণ বলৈঃ উদ্যত আয়ুধ ধারিভিঃ ॥৫-৩-১৪॥
3.15
কুমুদ অন্গদয়োঃ বা অপি সুষেণস্য মহা কপেঃ ।
প্রসিদ্ধা ইয়ম্ ভবেৎ ভূমিঃ মৈন্দ দ্বিবিদয়োঃ অপি ॥৫-৩-১৫॥
3.16
বিবস্বতঃ তনূজস্য হরেঃ চ কুশ পর্বণঃ ।
ঋক্ষস্য কেতু মালস্য মম চৈব গতিঃ ভবেৎ ॥৫-৩-১৬॥
3.17
সমীক্ষ্য তু মহা বাহঃ রাঘবস্য পরাক্রমম্ ।
লক্ষ্মণস্য চ বিক্রান্তম্ অভবৎ প্রীতিমান্ কপিঃ ॥৫-৩-১৭॥
3.18
তাম্ রত্ন বসন উপেতাম্ কোষ্ঠ আগার অবতম্সকাম্ ।
যন্ত্র অগার স্তনীম্ ঋদ্ধাম্ প্রমদাম্ ইব ভূষিতাম্ ॥৫-৩-১৮॥
3.19
তাম্ নষ্ট তিমিরাম্ দীপৈঃ ভাস্বরৈঃ চ মহা গৃহৈঃ ।
নগরীম্ রাক্ষস ইন্দ্রস্য দদর্শ স মহা কপিঃ ॥৫-৩-১৯॥
3.20
অথ সা হরিশার্দূলম্ প্রবিশন্তিম্ মহাবলম্ ।
নগরী স্বেন রূপেণ দদর্শ পবনাত্মজম্ ॥৫-৩-২০॥
3.21
সা তম্ হরিবরম্ দৃষ্ট্বা লঙ্কা রাবণপালিতা ।
স্বয়মেবোত্থিতা তত্র বিকৃতাননদর্শনা ॥৫-৩-২১॥
3.22
পুরস্তত্ক পিবর্যস্য বায়ুসূনোরতিষ্ঠত ।
মুঞ্চমানা মহানাদমব্রবীত্পবনাত্মজম্ ॥৫-৩-২২॥
3.23
কস্ত্বম্ কেন চ কার্যেণ ইহ প্রাপ্তো বনালয় ।
কথয় স্বেহ যত্তত্ত্বম্ যাবত্প্রাণা ধরন্তি তে ॥৫-৩-২৩॥
3.24
ন শক্যম্ খল্বিয়ম্ লঙ্কা প্রবেষ্টুম্ বানর ত্বয়া ।
রক্ষিতা রাবণবলৈরভিগুপ্তা সমন্ততঃ ॥৫-৩-২৪॥
3.25
অথ তামব্রবীদ্বীরো হনুমানগ্রতঃ স্থিতাম্ ।
কথয়িষ্যামি তে তত্ত্বম্ যন্মম্ ত্বম্ পরিপৃচ্ছসি ॥৫-৩-২৫॥
3.26
কা ত্বম্ বিরূপনয়না পুরদ্বারেঽবতিষ্ঠসি ।
কিমর্থম্ চাপি মাম্ রুদ্ধ্বা নির্ভর্ত্সয়সি দারুণা ॥৫-৩-২৬॥
3.27
হনুমদ্বচনম্ শ্রুত্বা লঙ্কা সা কামরূপিণী ।
উবাচ বচনম্ ক্রুদ্ধা পরুষং পবনাত্মজম্ ॥৫-৩-২৭॥
3.28
অহম্ রাক্ষসরাজস্য রাবণস্য মহাত্মনঃ ।
আজ্ঞাপ্রতীক্ষা দুর্ধর্ষা রক্ষামি নগরীমিমাম্ ॥৫-৩-২৮॥
3.29
ন শক্যা মামবজ্ঞায় প্রবেষ্টুম্ নগরী ত্বয়া ।
অদ্য প্রাণৈঃ পরিত্যক্তঃ স্বপ্স্যসে নিহতো ময়া ॥৫-৩-২৯॥
3.30
অহম্ হি নগরী লঙ্কা স্বয়মেব প্লবঙ্গম ।
সর্বতঃ পরিরক্ষামি হ্যেতত্তে কথিতম্ ময়া ॥৫-৩-৩০॥
3.31
লঙ্কায়া বচনম্ শ্রুত্বা হনুমান্ মারুতাত্মজঃ ।
যত্নবান্স হরিশ্রেষ্ঠঃ স্থিতশ্শৈল ইবাপরঃ ॥৫-৩-৩১॥
3.32
স তাম্ স্ত্রীরূপবিকৃতাম্ দৃষ্ট্বা বানরপুঙ্গবঃ ।
আবভাষেঽথ মেধাবি সত্ত্বান্ প্লবগর্ষভঃ ॥৫-৩-৩২॥
3.33
দ্রক্ষ্যামি নগরীম্ লঙ্কাম্ সাট্টপ্রাকারতোরণাম্ ।
ইত্যর্থমিহ সম্প্রাপ্তঃ পরম্ কৌতূহলম্ হি মে ॥৫-৩-৩৩॥
3.34
বনান্যুপবনানীহ লঙ্কায়াঃ কাননানি চ ।
সর্বতো গৃহমুখ্যানি দ্রষ্টুমাগমনম্ হি মে ॥৫-৩-৩৪॥
3.35
তস্য তদ্বচনম্ শ্রুত্বা লঙ্কা সা কামরূপিণী ।
ভূয় এব পুনর্বাক্যম্ বভাষে পরুষাক্ষরম্ ॥৫-৩-৩৫॥
3.36
মামনির্জত্য দুর্বদ্ধে রাক্ষসেশ্বরপালিতা ।
ন শক্যমদ্য তে দ্রষ্টুম্ পুরীয়ম্ বনরাধম ॥৫-৩-৩৬॥
3.37
ততঃ স কপিশার্দূলস্তামুবাচ নিশাচরীম্ ।
দৃষ্বা পুরীমিমাম্ ভদ্রে পুনর্যাস্যে যথাগতম্ ॥৫-৩-৩৭॥
3.38
ততঃ কৃত্বা মহানাদম্ সা বৈ লঙ্কা ভয়াবহম্ ।
তলেন বানরশ্রেষ্ঠম্ তাডয়ামাস বেগিতা ॥৫-৩-৩৮॥
3.39
ততঃ স কপিশার্দুলো লঙ্কায়া তাডিতো ভৃশম্ ।
ননাদ সুমহানাদম্ বীর্যবান্ পবনাত্মজঃ ॥৫-৩-৩৯॥
3.40
ততঃ সম্বর্তয়ামাস বামহস্তস্য সোঽঙ্গুLঈঃ ।
মুষ্হ্টিনাভিজঘূনৈনাম্ হনুমান্ ক্রোধমূর্চিতঃ ॥৫-৩-৪০॥
3.41
স্ত্রী চেতি মন্যমানেন নাতিক্রোধঃ স্বয়ম্ কৃতঃ ।
সা তু তেন প্রহারেণ বিহ্বলাঙ্গী নীশাচরী ॥৫-৩-৪১॥
3.42
পপাত সহসা ভূমৌ বিকৃতাননদর্শনা ।
ততস্তু হনুমান্ প্রাজ্ঞস্তাম্ দৃষ্ট্বা বিনিপাতিতাম্ ॥৫-৩-৪২॥
3.43
কৃপাম্ চকার তেজস্বী মন্যমানঃ স্ত্রিয়ম্ তু তাম্ ।
ততো বৈ ভৃশসম্বিগ্না লঙ্কা গদ্গদাক্ষরম্ ॥৫-৩-৪৩॥
3.44
উবাচাগর্বিতম্ বাক্যম্ হনূমন্তম্ প্লবঙ্গমম্ ।
প্রসীদ সুমহাবাহো ত্রায়স্ব হরিসত্তম ॥৫-৩-৪৪॥
3.45
সময়ে সৌম্য তিষ্ঠন্তি স্ত্ত্ববন্তো মহাবলাঃ ।
অহং তু নগরী লঙ্কা স্বয়মেব প্লবঙ্গম ॥৫-৩-৪৫॥
3.46
নির্জিতাহম্ ত্বয়া বীর বিক্রমেণ মহাবল ।
ইদম্ তু তথ্যম্ শৃণু বৈ ব্রুবন্ত্য মে হরীশ্বর ॥৫-৩-৪৬॥
3.47
স্বয়ম্ভুবা পুরা দত্তম্ বরদানম্ যথা মম ।
যদা ত্বাম্ বানরঃ কশ্চিদ্বিক্রমাদ্বশমানয়েৎ ॥৫-৩-৪৭॥
3.48
তদা ত্বয়া হি বিজ্ঞেয়ম্ রক্ষসাম্ ভয়ামাগতম্ ।
স হি ম্ সময়ঃ সৌম্য প্রাপ্তোঽয় তব দ্র্শনাৎ ॥৫-৩-৪৮॥
3.49
স্বয়ম্ভূবিহিতঃ সত্যো ন তস্যাস্তি ব্যতিক্রমঃ ।
সীতানিমিত্তংম্ রাজ্ঞস্তু রাবণস্য দুরাত্মনঃ ॥৫-৩-৪৯॥
3.50
বিধত্স্ব সর্বকার্যাণি যানি যানিহ বাঞ্চসি ।
তত্প্রবিশ্য হরিশ্রেষ্ঠম্ পুরীম্ রাবণপালিতাম্ ॥৫-৩-৫০॥
3.51
বিধত্স্ব সর্বকার্যাণ্ যানি যানীহ বাঞ্চসি ।
প্রবিশ্য শাপোপহতাম্ হরীশ্বর ।শুভাম্ পুরীম্ রাক্ষসরাজপালিতাম্ ।যদৃচ্ছয়া ত্বম্ জনকাত্মজাম্ সতীম্ ।বিমার্গ সর্বত্র গতো যথাসুখম্ ॥৫-৩-৫১॥