Utshovসর্গ 17
17.1
ততঃ কুমুদষণ্ডাভো নির্মলম্ নির্মলোদয়ঃ ।
প্রজগাম নভশ্চন্দ্রো হংসো নীলমিবোদকম্ ।। ৫-১৭- ১।।
17.2
সাচিব্যমিব কুর্বন্ স প্রভয়া নির্মলপ্রভঃ ।
চন্দ্রমা রশ্মভিঃ শীতৈঃ সিষেবে পবনাত্মজম্ ।। ৫-১৭-২।।
17.3
স দদর্শ ততঃ সীতাম্ পূর্ণচন্দ্রনিভাননাম্ ।
শোকভারৈরিব ন্যস্তাং ভারৈর্নাবমিবাম্ভসি ।। ৫-১৭-৩।।
17.4
দিদৃক্ষমাণো বৈদেহীম্ হনুমান্ মারুতাত্মজঃ ।
স দদর্শাবিদূরস্থা রাক্ষসীর্ঘোরদর্শনাঃ ।। ৫-১৭-৪।।
17.5
একাক্ষীমেককর্ণাম্ চ কর্ণপ্রাবরণাম্ তথা ।
অকর্ণাম্ শঙ্কুকর্ণাম্ চ মস্তকোচ্ছ্বাসনাসিকাম্ ।। ৫-১৭-৫।।
17.6
অতিকায়োত্তমাঙ্গীং চ তনুদীর্ঘশিরোধরাম্ ।
ধ্বস্তকেশীম্ তথাকেশীম্ কেশকম্বলধারিণীম্ ।। ৫-১৭-৬।।
17.7
লম্বকর্ণললাটাম্ চ লম্বোদরপয়োধরাম্ ।
লম্বোষ্ঠীং চুবুকোষ্ঠীং চ লম্বাস্যাম্ লম্বজানুকাম্ ।। ৫-১৭-৭।।
17.8
হ্রস্বাম্ দীর্ঘাম্ চ কুব্জাম্ বিকটাম্ বামনাং তথা ।
করালাম্ ভুগ্নবক্ত্রাম্ চ পিঙ্গাক্ষীম্ বিকৃতাননাম্ ।। ৫-১৭-৮।।
17.9
বিকৃতাঃ পিঙ্গলাঃ কালীঃ ক্রোধনাঃ কলহপ্রিয়াঃ ।
কালায়সমহাশূলকূটমুদ্গধারিণীঃ ।। ৫-১৭-৯।।
17.10
বরাহমৃগশার্দূলমহিষাজশিবামুখীঃ ।
গজোষ্ট্র হয়পাদীশ্চ নিখাতশিরসোপরাঃ ।। ৫-১৭-১০।।
17.11
একহস্তৈকপাদাশ্চ খরকর্ণ্যশ্বকর্ণিকাঃ ।
গোকর্ণীর্হস্তিকর্ণীঈশ্চ হরিকর্ণীস্তথাপরাঃ ।। ৫-১৭-১১।।
17.12
অতিনাসাশ্চ তির্যঙ্নাসা অনাসিকাঃ ।
গজনন্নিভনাসাশ্চ ললাটোচ্চ্বাসনাসিকাঃ ।। ৫-১৭-১২।।
17.13
হস্তিপাদা মহাপাদা গোপাদাঃ পাদচূলিকাঃ ।
অতিমাত্রশিরোগ্রীবা অতিমাত্রকুচোদরীঃ ।। ৫-১৭-১৩।।
17.14
অতিমাত্রস্যনেত্রাশ্চ দীর্ঘজিহ্বানখাস্তথা ।
অজামুখীর্হস্তিমুখীর্গোমুখাঃ সূকরীমুখীঃ ।। ৫-১৭-১৪।।
17.15
হয়োষ্ট্রখরবক্ত্রাশ্চ রাক্ষসীর্ঘোরদর্শনাঃ ।
শূলমুদ্গরহস্তাশ্চ ক্রোধনাঃ কলহপ্রিয়াঃ ।। ৫-১৭-১৫।।
17.16
করালা ধূম্রকেশীশ্চ রাক্ষসীর্বিকৃতাননাঃ ।
পিবন্তীঃ সততং পানং সদা মাং সসুরাপ্রিয়াঃ ।। ৫-১৭-১৬।।
17.17
মাংসশোণিতদিগ্ধাঙ্গীর্মাংসশোণিতভোজনাঃ ।
তা দদর্শ কপিশ্রেষ্ঠো রোমহর্ষণদর্শনাঃ ।। ৫-১৭-১৭।।
17.18
স্কন্ধবন্তমুপাসীনাঃ পরিবার্য বনস্পতিম্ ।
তস্যাধস্তাচ্চ তাম্ দেবীম্ রাজপুত্রীমনিন্দিতাম্ ।। ৫-১৭-১৮।।
17.19
লক্ষয়ামাস লক্ষ্মীবান্ হনুমান্ জন্কাত্মজাম্ ।
নিষ্প্রভাম্ ষোকসন্তপ্তাম্ মলসম্কুলমূর্ধজাম্ ।। ৫-১৭-১৯।।
17.20
ক্ষীণপুণ্যাম্ চ্যুতাম্ ভূমৌ তারাম্ নিপতিতামিব ।
চারিত্রব্যপদেশাড্যাং ভর্তৃদর্শনদুর্গতাম্ ।। ৫-১৭-২০।।
17.21
ভূষণৈরুত্তমোর্হীনাম্ ভর্তৃবাত্সল্যভূষণাম্ ।
রাক্ষসাধিপসম্রুদ্ধাম্ বন্ধুভিশ্চ বিনা কৃতাম্ ।। ৫-১৭-২১।।
17.22
বিয়ূথাম্ সিম্হসম্রুদ্ধাম্ বদ্ধাম্ গজবধূমিব ।
চন্দ্ররেখাম্ পয়োদান্তে শারদাব্রৈরিবাবৃতাম্ ।। ৫-১৭-২২।।
17.23
ক্লিষ্টরূপামসংস্পর্শাদয়ুক্তামিব বল্লকীম্ ।
স তাম্ ভর্তবশে যুক্তাময়ুক্তাম্ রাক্ষসীবশে ।। ৫-১৭-২৩।।
17.24
অশোকবনিকামধ্যে শোকসাগরমাপ্লুতাম্ ।
তাভিঃ পরিবৃতাম্ তত্র সগ্রহামিব রোহিণীম্ ।। ৫-১৭-২৪।।
17.25
দদর্শ হনুমান্ দেবীম্ লতামকুসুমামিব ।
সা মলেন চ দিগ্ধাঙ্গীবপুষা চাপ্যলংকৃতা ।। ৫-১৭-২৫।।
17.26
মৃণালী পঙ্কদিগ্ধেব বিভাতি চ ন ভাতি চ ।
মলিনেন তু বস্ত্রেণ পরিক্লিষ্টেন ভামিনীম্ ।। ৫-১৭-২৬।।
17.27
সংবৃতাম্ মৃগশাবাক্ষীং দদর্শ হনুমান্ কপিঃ ।
তাম্ দেবীং দীনবদনামদীনাং ভর্তৃতেজসা ।। ৫-১৭-২৭।।
17.28
রক্ষিতাম্ স্বেন শীলেন সীতামসিতলোচনাম্ ।
তাম্ দৃষ্ট্বা হনুমান্ সীতাম্ মৃগশাবনিভেক্ষণাম্ ।মৃগকন্যামিব ত্রস্তাম্ বীক্ষমাণাম্ সমন্ততঃ ।। ৫-১৭-২৮।।
17.29
দহন্তীমিব নিঃশ্বাসৈর্বৃক্ষান্ পল্লবধারিণঃ ।
সম্ঘাতমিব শোকানাম্ দুঃখস্যোর্মিমিবোথিতাম্ ।। ৫-১৭-২৯।।
17.30
তাম্ ক্ষমাং সুবিভক্তাঙ্গীং বিনাভরণশোভিনীম্ ।
প্রহর্ষমতুলম্ লেভে মারুতিঃ প্রেক্ষ্য মৈথিলীম্ ।। ৫-১৭-৩০।।
17.31
হর্ষজানি চ সোঽশ্রূণি তাম্ দৃষ্ট্বা মদিরেক্ষণাম্ ।
মুমুচে হনুমাংস্তত্র নমশ্চক্রে চ রাঘবম্ ।। ৫-১৭-৩১।।
17.32
নমস্কৃত্বা রামায় লক্ষ্মণায় চ বীর্যবান্ ।
সীতাদর্শনসম্হৃষ্টো হনুমান্ সম্বৃতোঽভবৎ ।। ৫-১৭-৩২