Utshovসর্গ 9
9.1
বালী নাম মম ভ্রাতা জ্যেষ্ঠঃ শত্রু নিষূদনঃ ।
পিতুঃ বহুমতঃ নিত্যম্ মম চ অপি তথা পুরা ॥৪-৯-১॥
9.2
পিতরি উপরতে তস্মিন্ জ্যেষ্ঠো অয়ম্ ইতি মংত্রিভিঃ ।
কপীনাম্ ঈশ্বরো রাজ্যে কৃতঃ পরম সম্মতঃ ॥৪-৯-২॥
9.3
রাজ্যম্ প্রশাসতঃ তস্য পিতৃ পৈতামহম্ মহৎ ।
অহম্ সর্বেষু কালেষু প্রণতঃ প্রেষ্যবৎ স্থিতঃ ॥৪-৯-৩॥
9.4
মায়াবী নাম তেজস্বী পূর্বজো দুন্দুভেঃ সুতঃ ।
তেন তস্য মহদ্ বৈরম্ বালিনঃ স্ত্রী কৃতম্ পুরা ॥৪-৯-৪॥
9.5
স তু সুপ্তে জনে রাত্রৌ কিষ্কিন্ধা দ্বারম্ আগতঃ ।
নর্দতি স্ম সুসম্রব্ধো বালিনম্ চ আহ্বয়ৎ রণে ॥৪-৯-৫॥
9.6
প্রসুপ্তঃ তু মম ভ্রাতা নর্দিতো ভৈরব স্বনম্ ।
শ্রুত্বা ন মমৃষে বালী নিষ্পপাত জবাৎ তদা ॥৪-৯-৬॥
9.7
স তু বৈ নিঃসৃতঃ ক্রোধাৎ তম্ হন্তুম্ অসুরোত্তমম্ ।
বার্যমাণঃ ততঃ স্ত্রীভিঃ ময়া চ প্রণত আত্মনা ॥৪-৯-৭॥
9.8
স তু নির্ধূয় সর্বান্ নো নির্জগাম মহাবলঃ ।
ততঃ অহম্ অপি সৌহার্দান্ নিঃসৃতঃ বালিনা সহ ॥৪-৯-৮॥
9.9
স তু মে ভ্রাতরম্ দৃষ্ট্বা মাম্ চ দূরাৎ অবস্থিতম্ ।
অসুরো জাত সংত্রাসঃ প্রদুদ্রাব তদা ভৃশম্ ॥৪-৯-৯॥
9.10
তস্মিন্ দ্রবতি সংত্রস্তে হি আবাম্ দ্রুততরম্ গতৌ ।
প্রকাশঃ অপি কৃতঃ মার্গঃ চন্দ্রেণ উদ্গচ্ছতা তদা ॥৪-৯-১০॥
9.11
স তৃণৈঃ আবৃতম্ দুর্গম্ ধরণ্যা বিবরম্ মহৎ ।
প্রবিবেশ অসুরঃ বেগাৎ আবাম্ আসাদ্য বিষ্ঠিতৌ ॥৪-৯-১১॥
9.12
তম্ প্রবিষ্টম্ রিপুম্ দৃষ্ট্বা বিলম্ রোষ বশম্ গতঃ ।
মাম্ উবাচ ততো বালী বচনম্ ক্ষুভিত ইন্দ্রিয়ঃ ॥৪-৯-১২॥
9.13
ইহ তিষ্ঠ অদ্য সুগ্রীব বিল দ্বারি সমাহিতঃ ।
যাবৎ অত্র প্রবিশ্য অহম্ নিহন্মি সমরে রিপুম্ ॥৪-৯-১৩॥
9.14
ময়া তু এতৎ বচঃ শ্রুত্বা যাচিতঃ স পরংতপঃ ।
শাপয়িত্বা চ মাম্ পদ্ভ্যাম্ প্রবিবেশ বিলম্ ততঃ ॥৪-৯-১৪॥
9.15
তস্য প্রবিষ্টস্য বিলম্ সাগ্রঃ সংবত্সরঃ গতঃ ।
স্থিতস্য চ বিল দ্বারি সঃ কালঃ ব্যত্যবর্তত ॥৪-৯-১৫॥
9.16
অহম্ তু নষ্টম্ তম্ জ্ঞাত্বা স্নেহাৎ আগত সংভ্রমঃ ।
ভ্রাতরম্ ন প্রপশ্যামি পাপ শঙ্কি চ মে মনঃ ॥৪-৯-১৬॥
9.17
অথ দীর্ঘস্য কালস্য বিলাৎ তস্মাৎ বিনিঃসৃতম্ ।
সঃ ফেনম্ রুধিরম্ দৃষ্ট্বা ততো অহম্ ভৃশদুঃখিতঃ ॥৪-৯-১৭॥
9.18
নর্দতাম্ অসুরাণাম্ চ ধ্বনিঃ মে শ্রোত্রম্ আগতঃ ।
ন রস্তস্য চ সংগ্রামে ক্রোশতো অপি স্বনো গুরোঃ ॥৪-৯-১৮॥
9.19
অহম্ তু অবগতঃ বুদ্ধ্যা চিহ্নৈঃ তৈঃ ভ্রাতরম্ হতম্ ।
পিধায় চ বিল দ্বারম্ শিলয়া গিরি মাত্রয়া ॥৪-৯-১৯॥
9.20
শোকার্তঃ চ উদকম্ কৃত্বা কিষ্কিন্ধাম্ আগতঃ সখে ।
গূহমানস্য মে তত্ত্বম্ যত্নতঃ মংত্রিভিঃ শ্রুতম্ ॥৪-৯-২০॥
9.21
ততঃ অহম্ তৈঃ সমাগম্য সমেতৈঃ অভিষেচিতঃ ।
রাজ্যম্ প্রশাসতঃ তস্য ন্যায়তো মম রাঘব ॥৪-৯-২১॥
9.22
আজগাম রিপুম্ হত্বা দানবম্ স তু বানরঃ ।
অভিষিক্তম্ তু মাম্ দৃষ্ট্বা কোপাৎ সংরক্ত লোচনঃ ॥৪-৯-২২॥
9.23
মদীয়ান্ মংত্রিণঃ বদ্ধ্বা পরুষম্ বাক্যম্ অব্রবীৎ ।
নিগ্রহে চ সমর্থস্য তম্ পাপম্ প্রতি রাঘব ॥৪-৯-২৩॥
9.24
ন প্রাবর্তত মে বুদ্ধিঃ ভ্রাতৃ গৌরব যংত্রিতা ।
হত্বা শত্রুম্ সঃ মে ভ্রাতা প্রবিবেশ পুরম্ তদা ॥৪-৯-২৪॥
9.25
মানয়ন্ তম্ মহাত্মানম্ যথাবৎ চ অভিঅবাদয়ম্ ।
উক্তাঃ চ ন আশিষঃ তেন সংতুষ্টেন অন্তরাত্মনা ॥৪-৯-২৫॥
9.26
নত্বা পাদৌ অহম্ তস্য মুকুটেন অস্পৃশম্ প্রভো ।
অপি বালী মম ক্রোধাৎ ন প্রসাদম্ চকার সঃ ॥৪-৯-২৬॥
9.27
ইতি বাল্মীকি রামায়ণে আদি কাব্যে কিষ্কিন্ধ কাণ্ডে নবমঃ সর্গঃ ।