Utshovসর্গ 10
10.1
ততঃ ক্রোধ সমাবিষ্টম্ সম্রব্ধম্ তম্ উপাগতম্ ।
অহম্ প্রসাদয়ান্ চক্রে ভ্রাতরম্ হিত কাম্যয়া ॥৪-১০-১॥
10.2
দিষ্ট্যা অসি কুশলী প্রাপ্তো নিহতঃ চ ত্বয়া রিপুঃ ।
অনাথস্য হি মে নাথঃ ত্বম্ একো অনাথ নন্দনঃ ॥৪-১০-২॥
10.3
ইদম্ বহু শলাকম্ তে পূর্ণ চন্দ্রম্ ইব উদিতম্ ।
ছত্রম্ স বাল ব্যজনম্ প্রতীচ্ছস্ব ময়া ধৃতম্ ॥৪-১০-৩॥
10.4
আর্তস্য অথ বিলা দ্বারি স্থিতঃ সংবত্সরম্ নৃপ ।
দৃষ্ট্বা চ শোণিতম্ দ্বারি বিলাৎ চ অপি সমুত্থিতম্ ॥৪-১০-৪॥
10.5
শোক সংবিগ্ন হৃদয়ো ভৃশম্ ব্যাকুলিত ইন্দ্রিয়ঃ ।
অপিধায় বিল দ্বারম্ শৈল শৃঙ্গেণ তৎ তদা ॥৪-১০-৫॥
10.6
তস্মাৎ দেশাৎ অপাক্রম্য কিষ্কিন্ধাম্ প্রাবিশম্ পুনঃ ।
বিষাদাৎ ইহ মাম্ দৃষ্ট্বা পোউরৈঃ মংত্রিভির্ এব চ ॥৪-১০-৬॥
10.7
অভিষিক্তো ন কামেন তন্মে ক্ষন্তুম্ ত্বম্ অর্হসি ।
ত্বম্ এব রাজা মানার্হঃ সদা চ অহম্ যথা পুরা ॥৪-১০-৭॥
10.8
রাজভাবে নিয়োগঃ অয়ম্ মম ত্বৎ বিরহাৎ কৃতঃ ।
স অমাত্য পৌর নগরম্ স্থিতম্ নিহত কণ্টকম্ ॥৪-১০-৮॥
10.9
ন্যাস ভূতম্ ইদম্ রাজ্যম্ তব নির্যাতয়ামি অহম্ ।
মা চ রোষম্ কৃথাঃ সৌম্য মম শত্রু নিষূদন ॥৪-১০-৯॥
10.10
যাচে ত্বাম্ শিরসা রাজন্ ময়া বদ্ধো অয়ম্ অংজলিঃ ।
বলাৎ অস্মিন্ সমাগম্য মংত্রিভিঃ পুর বাসিভিঃ ॥৪-১০-১০॥
10.11
রাজভাবে নিয়ুক্তো অহম্ শূন্য দেশ জিগীষয়া ।
স্নিগ্ধম্ এবম্ ব্রুবাণম্ মাম্ স বিনির্ভর্ত্স্য বানরঃ ॥৪-১০-১১॥
10.12
ধিক্ ত্বাম্ ইতি চ মাম্ উক্ত্বা বহু তৎ তৎ উবাচ হ ।
প্রকৃতীঃ চ সমানীয় মংত্রিণঃ চৈব সম্মতান্ ॥৪-১০-১২॥
10.13
মাম্ আহ সুহৃদাম্ মধ্যে বাক্যম্ পরম গর্হিতম্ ।
বিদিতম্ বো ময়া রাত্রৌ মায়াবী স মহাঅসুরঃ ॥৪-১০-১৩॥
10.14
মাম্ সমাহ্বয়ত ক্রুদ্ধো যুদ্ধ কাংক্ষী তদা পুরা ।
তস্য তদ্ ভাষিতম্ শ্রুত্বা নিঃসৃতঃ অহম্ নৃপাঅলয়াৎ ॥৪-১০-১৪॥
10.15
অনুয়াতঃ চ মাম্ তূর্ণম্ অয়ম্ ভ্রাতা সুদারুণঃ ।
স তু দৃষ্ট্বা এব মাম্ রাত্রৌ স দ্বিতীয়ম্ মহাবলঃ ॥৪-১০-১৫॥
10.16
প্রাদ্রবৎ ভয় সংত্রস্তো বীক্ষ্য আবাম্ সমুপাগতৌ ।
অভিদ্রুতঃ তু বেগেন বিবেশ স মহাবিলম্ ॥৪-১০-১৬॥
10.17
তম্ প্রবিষ্টম্ বিদিত্বা তু সুঘোরম্ সুমহদ্ বিলম্ ।
অয়ম্ উক্তো অথ মে ভ্রাতা ময়া তু ক্রূর দর্শনঃ ॥৪-১০-১৭॥
10.18
অহত্বা ন অস্তি মে শক্তিঃ প্রতি গন্তুম্ ইতঃ পুরীম্ ।
বিল দ্বারি প্রতীক্ষ ত্বম্ যাবৎ এনম্ নিহন্মি অহম্ ॥৪-১০-১৮॥
10.19
স্থিতোঽয়ম্ ইতি মত্বা অহম্ প্রবিষ্টঃ তু দুরাসদম্ ।
তম্ মে মার্গয়তঃ তত্র গতঃ সংবত্সরঃ তদা ॥৪-১০-১৯॥
10.20
স তু দৃষ্টো ময়া শত্রুঃ অনির্বেদাৎ ভয়াঅবহঃ ।
নিহতঃ চ ময়া সদ্যঃ সঃ সর্বৈঃ সহ বন্ধুভিঃ ॥৪-১০-২০॥
10.21
তস্য আস্যাৎ তু প্রবৃত্তেন রুধিরৌঘেণ তদ্ বিলম্ ।
পূর্ণম্ আসীৎ দুরাক্রামম্ স্বনতঃ তস্য ভূতলে ॥৪-১০-২১॥
10.22
সূদয়িত্বা তু তম্ শত্রুম্ বিক্রান্তম্ তম্ অহম্ সুখম্ ।
নিষ্ক্রামম্ ন এব পশ্যামি বিলস্য পিহিতম্ মুখম্ ॥৪-১০-২২॥
10.23
বিক্রোশমানস্য তু মে সুগ্রীব ইতি পুনঃ পুনঃ ।
যতঃ প্রতিবচো নাস্তি ততঃ অহম্ ভৃশ দুঃখিতঃ ॥৪-১০-২৩॥
10.24
পাদ প্রহারৈঃ তু ময়া বহুভিঃ পরিপাতিতম্ ।
ততঃ অহম্ তেন নিষ্ক্রম্য পথা পুরম্ উপাগতঃ ॥৪-১০-২৪॥
10.25
তত্র অনেন অস্মি সম্রুদ্ধঃ রাজ্যম্ মৃগয়ত আত্মনঃ ।
সুগ্রীবেণ নৃশংসেন বিস্মৃত্য ভ্রাতৃ সৌহৃদম্ ॥৪-১০-২৫॥
10.26
এবম্ উক্ত্বা তু মাম্ তত্র বস্ত্রেণ একেন বানরঃ ।
তদা নির্বাসয়ামাস বালী বিগত সাধ্বসঃ ॥৪-১০-২৬॥
10.27
তেন অহম্ অপবিদ্ধঃ চ হৃত দারঃ চ রাঘব ।
তৎ ভয়াৎ চ মহীম্ সর্বান্ ক্রান্তবান্ স বন অর্ণবাম্ ॥৪-১০-২৭॥
10.28
ঋশ্যমূকম্ গিরি বরম্ ভার্যা হরণ দুঃখিতঃ ।
প্রবিষ্টো অস্মি দুরাধর্ষম্ বালিনঃ কারণান্তরে ॥৪-১০-২৮॥
10.29
এতৎ তে সর্বম্ আখ্যাতম্ বৈর অনুকথনম্ মহৎ ।
অনাগসা ময়া প্রাপ্তম্ ব্যসনম্ পশ্য রাঘব ॥৪-১০-২৯॥
10.30
বালিনঃ চ ভয়াৎ তস্য সর্বলোক ভয়াপহ ।
কর্তুম্ অর্হসি মে বীর প্রসাদম্ তস্য নিগ্রহাৎ ॥৪-১০-৩০॥
10.31
এবম্ উক্তঃ স তেজস্বী ধর্মজ্ঞো ধর্ম সংহিতম্ ।
বচনম্ বক্তুম্ আরেভে সুগ্রীবম্ প্রহসন্ ইব ॥৪-১০-৩১॥
10.32
অমোঘাঃ সূর্য সংকাশা নিশিতা মে শরা ইমে ।
তস্মিন্ বালিনি দুর্বৃত্তে পতিষ্যন্তি রুষ অন্বিতাঃ ॥৪-১০-৩২॥
10.33
যাবৎ তম্ ন হি পশ্যেয়ম্ তব ভার্য অপহারিণম্ ।
তাবৎ স জীবেৎ পাপাত্মা বালী চারিত্র দূষকঃ ॥৪-১০-৩৩॥
10.34
আত্ম অনুমানাৎ পশ্যামি মগ্নঃ ত্বাম্ শোক সাগরে ।
ত্বাম্ অহম্ তারয়িষ্যামি বাঢম্ প্রাপ্স্যসি পুষ্কলম্ ॥৪-১০-৩৪॥
10.35
তস্য তৎ বচনম্ শ্রুত্বা হর্ষ পৌরুষ বর্ধনম্ ।
সুগ্রীবঃ পরম প্রীতঃ সু মহৎ বাক্যম্ অব্রবীৎ ॥৪-১০-৩৫॥