Utshovসর্গ 12
12.1
এতচ্ চ বচনম্ শ্রুত্বা সুগ্রীবস্য সুভাষিতম্ ।
প্রত্যয়ার্থম্ মহাতেজা রামো জগ্রাহ কার্মুকম্ ॥৪-১২-১॥
12.2
স গৃহীত্বা ধনুর্ ঘোরম্ শরম্ একম্ চ মানদঃ ।
সালম্ উদ্দিশ্য চিক্ষেপ পূরয়ন্ স রবৈঃ দিশঃ ॥৪-১২-২॥
12.3
স বিসৃষ্টো বলবতা বাণঃ স্বর্ণ পরিষ্কৃতঃ ।
ভিত্ত্বা সালান্ গিরি প্রস্থম্ সপ্ত ভূমিম্ বিবেশ হ ॥৪-১২-৩॥
12.4
সায়কঃ তু মুহূর্তেন সালান্ ভিত্ত্বা মহাজবঃ ।
নিষ্পত্য চ পুনঃ তূর্ণম্ তম্ এব প্রবিবেশ হ ॥৪-১২-৪॥
12.5
তান্ দৃষ্ট্বা সপ্ত নির্ভিন্নান্ সালান্ বানরপুংগবঃ ।
রামস্য শর বেগেন বিস্ময়ম্ পরমম্ গতঃ ॥৪-১২-৫॥
12.6
স মূর্ধ্না ন্যপতৎ ভূমৌ প্রলংবীকৃত ভূষণঃ ।
সুগ্রীবঃ পরম প্রীতো রাঘবায় কৃতাংজলিঃ ॥৪-১২-৬॥
12.7
ইদম্ চ উবাচ ধর্মজ্ঞম্ কর্মণা তেন হর্ষিতঃ ।
রামম্ সর্ব অস্ত্র বিদুষাম্ শ্রেষ্ঠম্ শূরম্ অবস্থিতম্ ॥৪-১২-৭॥
12.8
স ইন্দ্রান্ অপি সুরান্ সর্বাম্ ত্বম্ বাণৈঃ পুরুষর্ষভ ।
সমর্থঃ সমরে হন্তুম্ কিম্ পুনর্ বালিনম্ প্রভো ॥৪-১২-৮॥
12.9
যেন সপ্ত মহা সালা গিরির্ ভূমিঃ চ দারিতাঃ ।
বাণেন একেন কাকুত্স্থ স্থাতা তে কো রণ অগ্রতঃ ॥৪-১২-৯॥
12.10
অদ্য মে বিগতঃ শোকঃ প্রীতির্ অদ্য পরা মম ।
সুহৃদম্ ত্বাম্ সমাসাদ্য মহেন্দ্র বরুণোপমম্ ॥৪-১২-১০॥
12.11
তম্ অদ্য এব প্রিয়ার্থম্ মে বৈরিণম্ ভ্রাতৃ রূপিণম্ ।
বালিনম্ জহি কাকুত্স্থ ময়া বদ্ধো অয়ম্ অংজলিঃ ॥৪-১২-১১॥
12.12
ততো রামঃ পরিষ্বজ্য সুগ্রীবম্ প্রিয় দর্শনম্ ।
প্রত্যুবাচ মহাপ্রাজ্ঞো লক্ষ্মণানুগতম্ বচঃ ॥৪-১২-১২॥
12.13
অস্মাদ্ গচ্ছাম কিষ্কিন্ধাম্ ক্ষিপ্রম্ গচ্ছ ত্বম্ অগ্রতঃ ।
গত্বা চ আহ্বয় সুগ্রীব বালিনম্ ভ্রাতৃ গন্ধিনম্ ॥৪-১২-১৩॥
12.14
সর্বে তে ত্বরিতম্ গত্বা কিষ্কিন্ধাম্ বালিনঃ পুরীম্ ।
বৃক্ষৈঃ আত্মানম্ আবৃত্য হি অতিষ্ঠন্ গহনে বনে ॥৪-১২-১৪॥
12.15
সুগ্রীবো অপি ব্যনদদ্ ঘোরম্ বালিনো হ্বান কারণাৎ ।
গাঢম্ পরিহিতো বেগান্ নাদৈঃ ভিন্দন্ ইব অংবরম্ ॥৪-১২-১৫॥
12.16
তম্ শ্রুত্বা নিনদম্ ভ্রাতুঃ ক্রুদ্ধো বালী মহাবলঃ ।
নিষ্পপাত সুসংরব্ধো ভাস্করো অস্ত তটাৎ ইব ॥৪-১২-১৬॥
12.17
ততঃ সুতুমুলম্ যুদ্ধম্ বালি সুগ্রীবয়োঃ অভূৎ ।
গগনে গ্রহয়োঃ ঘোরম্ বুধ অংগারকয়োঃ ইব ॥৪-১২-১৭॥
12.18
তলৈঃ অশনি কল্পৈঃ চ বজ্র কল্পৈঃ চ মুষ্টিভিঃ ।
জঘ্নতুঃ সমরে অন্যোন্যম্ ভ্রাতরৌ ক্রোধ মূর্চ্ছিতৌ ॥৪-১২-১৮॥
12.19
ততো রামো ধনুষ্ পাণিঃ তৌ উভৌ সমুদৈক্ষত ।
অন্যোন্য সদৃশৌ বীরৌ উভৌ দেবৌ ইব অশ্বিনৌ ॥৪-১২-১৯॥
12.20
যৎ ন অবগচ্ছৎ সুগ্রীবম্ বালিনম্ বা অপি রাঘবঃ ।
ততো ন কৃতবান্ বুদ্ধিম্ মোক্তুম্ অন্তকরম্ শরম্ ॥৪-১২-২০॥
12.21
এতস্মিন্ অন্তরে ভগ্নঃ সুগ্রীবঃ তেন বালিনা ।
অপশ্যন্ রাঘবম্ নাথম্ ঋশ্যমূকম্ প্রদুদ্রুবে ॥৪-১২-২১॥
12.22
ক্লান্তো রুধির সিক্ত অংগো প্রহারৈঃ জর্জরী কৃতঃ ।
বালিনা অভিদ্রুতঃ ক্রোধাৎ প্রবিবেশ মহাবনম্ ॥৪-১২-২২॥
12.23
তম্ প্রবিষ্টম্ বনম্ দৃষ্ট্বা বালী শাপ ভয়াৎ ততঃ ।
মুক্তো হি অসি ত্বম্ ইতি উক্ত্বা স নিবৃত্তো মহাবলঃ ॥৪-১২-২৩॥
12.24
রাঘবো অপি সহ ভ্রাত্রা সহ চৈব হনূমতা ।
তদেব বনম্ আগচ্ছৎ সুগ্রীবো যত্র বানরঃ ॥৪-১২-২৪॥
12.25
তম্ সমীক্ষ্য আগতম্ রামম্ সুগ্রীবঃ সহ লক্ষ্মণম্ ।
হ্রীমান্ দীনম্ উবাচ ইদম্ বসুধাম্ অবলোকয়ন্ ॥৪-১২-২৫॥
12.26
আহ্বয়স্ব ইতি মাম্ উক্ত্বা দর্শয়িত্বা চ বিক্রমম্ ।
বৈরিণা ঘাতয়িত্বা চ কিম্ ইদানীম্ ত্বয়া কৃতম্ ॥৪-১২-২৬॥
12.27
তাম্ এব বেলাম্ বক্তব্যম্ ত্বয়া রাঘব তত্ত্বতঃ ।
বালিনম্ ন নিহন্মি ইতি ততো ন অহম্ ইতো ব্রজে ॥৪-১২-২৭॥
12.28
তস্য চ এবম্ ব্রুবাণস্য সুগ্রীবস্য মহাত্মনঃ ।
করুণম্ দীনয়া বাচা রাঘবঃ পুনর্ অব্রবীৎ ॥৪-১২-২৮॥
12.29
সুগ্রীব শ্রূয়তাম্ তাত ক্রোধঃ চ ব্যপনীয়তাম্ ।
কারণম্ যেন বাণো অয়ম্ স ময়া ন বিসর্জিতঃ ॥৪-১২-২৯॥
12.30
অলংকারেণ বেষেণ প্রমাণেন গতেন চ ।
ত্বম্ চ সুগ্রীব বালী চ সদৃশৌ স্থঃ পরস্পরম্ ॥৪-১২-৩০॥
12.31
স্বরেণ বর্চসা চ এব প্রেক্ষিতেন চ বানর ।
বিক্রমেণ চ বাক্যৈঃ চ ব্যক্তিম্ বাম্ ন উপলক্ষয়ে ॥৪-১২-৩১॥
12.32
ততো অহম্ রূপ সাদৃশ্যাৎ মোহিতো বানরোত্তম ।
ন উত্সৃজামি মহাবেগম্ শরম্ শত্রু নিবর্হণম্ ॥৪-১২-৩২॥
12.33
জীবিত অন্তকরম্ ঘোরম্ সাদৃশ্যাৎ তু বিশংকিতঃ ।
মূলঘাতো ন নৌ স্যাদ্ধি দ্বয়োঃ ইতি কৃতো ময়া ॥৪-১২-৩৩॥
12.34
ত্বয়ি বীর বিপন্নে হি অজ্ঞান্ লাঘবান্ ময়া ।
মৌঢ্যম্ চ মম বাল্যম্ চ খ্যাপিতম্ স্যাৎ কপীস্বর ॥৪-১২-৩৪॥
12.35
দত্ত অভয় বধো নাম পাতকম্ মহৎ অদ্ভুতম্ ।
অহম্ চ লক্ষ্মণঃ চ এব সীত চ বরবর্ণিনী ॥৪-১২-৩৫॥
12.36
ত্বৎ অধীনা বয়ম্ সর্বে বনে অস্মিন্ শরণম্ ভবান্ ।
তস্মাৎ যুধ্যস্ব ভূয়স্ত্বম্ মা শংকী চ বানর ॥৪-১২-৩৬॥
12.37
এতন্ মুহূর্তে তু ময়া পশ্য বালিনম্ আহবে ।
নিরস্তম্ ইষুণা একেন বেষ্টমানম্ মহীতলে ॥৪-১২-৩৭॥
12.38
অভিজ্ঞানম্ কুরুষ্ব ত্বম্ আত্মনো বানরেশ্বর ।
যেন ত্বাম্ অভিজানীয়াম্ দ্বন্দ্ব যুদ্ধম্ উপাগতম্ ॥৪-১২-৩৮॥
12.39
গজ পুষ্পীম্ ইমাম্ ফুল্লাম্ উত্পাট্য শুভ লক্ষণাম্ ।
কুরু লক্ষ্মণ কণ্ঠে অস্য সুগ্রীবস্য মহাত্মনঃ ॥৪-১২-৩৯॥
12.40
ততো গিরি তটে জাতাম্ উত্পাট্য কুসুমায়ুতাম্ ।
লক্ষ্মণো গজ পুষ্পীম্ তাম্ তস্য কণ্ঠে ব্যসর্জয়ৎ ॥৪-১২-৪০॥
12.41
স তথা শুশুভে শ্রীমান্ লতয়া কণ্ঠ সক্তয়া ।
মালয়া ইব বলাকানাম্ সসংধ্য ইব তোয়দঃ ॥৪-১২-৪১॥
12.42
বিভ্রাজমানো বপুষা রাম বাক্য সমাহিতঃ ।
জগাম সহ রামেণ কিষ্কিংধাম্ পুনরাপ সঃ ॥৪-১২-৪২॥