Utshovসর্গ 13
13.1
ঋশ্যমূকাৎ স ধর্মাত্মা কিষ্কিন্ধাম্ লক্ষ্মণ অগ্রজঃ ।
জগাম সহ সুগ্রীবো বালি বিক্রম পালিতাম্ ॥৪-১৩-১॥
13.2
সমুদ্যম্য মহৎ চাপম্ রামঃ কাংচন ভূষিতম্ ।
শরাম্ চ আদিত্য সংকাশান্ গৃহীত্বা রণ সাধকান্ ॥৪-১৩-২॥
13.3
অগ্রতঃ তু যয়ৌ তস্য রাঘবস্য মহাত্মনঃ ।
সুগ্রীবঃ সংহত গ্রীবো লক্ষ্মণঃ চ মহাবলঃ ॥৪-১৩-৩॥
13.4
পৃষ্ঠতো হনুমান্ বীরো নলো নীলঃ চ বীর্যবান্ ।
তারঃ চৈব মহাতেজা হরি যূথপ যূথপাঃ ॥৪-১৩-৪॥
13.5
তে বীক্ষমাণা বৃক্ষাম্ চ পুষ্প ভার অবলম্বিনঃ ।
প্রসন্ন অংবুবহাঃ চৈব সরিতঃ সাগরম্ গমাঃ ॥৪-১৩-৫॥
13.6
কন্দরাণি চ শৈলাম্ চ নির্দরাণি গুহাঃ তথা ।
শিখরাণি চ মুখ্যানি দরীঃ চ প্রিয় দর্শনাঃ ॥৪-১৩-৬॥
13.7
বৈদূর্য বিমলৈঃ তোয়ৈঃ পদ্মৈঃ চ আকোশ কুড্মলৈঃ ।
শোভিতান্ সজলান্ মার্গে তটাকান্ চ অবলোকয়ন্ ॥৪-১৩-৭॥
13.8
কারণ্ডৈস্সারসৈর্হম্সৈর্বঞ্জুলৈর্জলকুক্কুটৈঃ ।
চক্রবাকৈস্থাচান্যৈশ্শকুনৈর্প্রতিনাদিতান্।যদ্বা -কারণ্ডৈঃ সারসৈঃ হংসৈঃ বংজুলৈঃ জল কুক্কুটৈঃ ।চক্রবাকৈঃ তথা চ অন্যৈঃ শকুনৈঃ প্রতিনাদিতান্ ॥৪-১৩-৮॥
13.9
মৃদুশষ্পাঙ্কুরাঅহারান্নির্ভয়ান্বনগোচরান্ ।
চরতাংসর্বতোপশ্যন্স্থলীষু হরিণান্স্থিতান্।যদ্বা -মৃদু শষ্প অংকুর আহারান্ নির্ভয়ান্ বন গোচরান্ ।চরতাম্ সর্বতো অপশ্যন্ স্থলীষু হরিণান্ স্থিতান্ ॥৪-১৩-৯॥
13.10
তটাক বৈরিণঃ চ অপি শুক্ল দন্ত বিভূষিতান্ ।
ঘোরান্ একচরান্ বন্যান্ দ্বিরদান্ কূল ঘাতিনঃ ॥৪-১৩-১০॥
13.11
মত্তন্ গিরি তট উদ্ঘুষ্টান্ পর্বতান্ ইব জংগমান্ ।
বানরান্ দ্বিরদ প্রখ্যান্ মহী রেণু সমুক্ষিতান্ ॥৪-১৩-১১॥
13.12
বনে বন চরাম্ চ অন্যান্ খেচরাম্ চ বিহংগমান্ ।
পশ্যন্তঃ ত্বরিতা জগ্মুঃ সুগ্রীব বশ বর্তিনঃ ॥৪-১৩-১২॥
13.13
তেষাম্ তু গচ্ছতাম্ তত্র ত্বরিতম্ রঘুনংদনঃ ।
দ্রুম ষণ্ড বনম্ দৃষ্ট্বা রামঃ সুগ্রীবম্ অব্রবীৎ ॥৪-১৩-১৩॥
13.14
এষ মেঘ ইব আকাশে বৃক্ষ ষণ্ডঃ প্রকাশতে ।
মেঘ সংঘাত বিপুলঃ পর্যন্ত কদলী বৃতঃ ॥৪-১৩-১৪॥
13.15
কিম্ এতৎ জ্ঞাতুম্ ইচ্ছামি সখে কৌতূহলম্ মম ।
কৌতূহল অপনয়নম্ কর্তুম্ ইচ্ছামি অহম্ ত্বয়া ॥৪-১৩-১৫॥
13.16
তস্য তদ্ বচনম্ শ্রুত্বা রাঘবস্য মহাত্মনঃ ।
গচ্ছন্ন্ এব আচচক্ষে অথ সুগ্রীবঃ তৎ মহদ্ বনম্ ॥৪-১৩-১৬॥
13.17
এতদ্ রাঘব বিস্তীর্ণম্ আশ্রমম্ শ্রম নাশনম্ ।
উদ্যান বন সংপন্নম্ স্বাদু মূল ফল উদকম্ ॥৪-১৩-১৭॥
13.18
অত্র সপ্তজনা নাম মুনয়ঃ সংশিত ব্রতাঃ ।
সপ্ত এব আসন্ অধঃ শীর্ষা নিয়তম্ জল শায়িনঃ ॥৪-১৩-১৮॥
13.19
সপ্ত রাত্রে কৃত আহারা বায়ুনা অচল বাসিনঃ ।
দিবম্ বর্ষ শতৈঃ যাতাঃ সপ্তভিঃ সকলেবরাঃ ॥৪-১৩-১৯॥
13.20
তেষাম্ এতৎ প্রভাবেণ দ্রুম প্রাকার সংবৃতম্ ।
আশ্রমম্ সুদুরাধর্ষম্ অপি স ইন্দ্রৈঃ সুর অসুরৈঃ ॥৪-১৩-২০॥
13.21
পক্ষিণো বর্জয়ন্তি এতৎ তথা অন্যে বনচারিণঃ ।
বিশন্তি মোহাদ্ যে অপি অত্র ন নিবর্তন্তে তে পুনঃ ॥৪-১৩-২১॥
13.22
বিভূষণ রবাঅঃ চ অত্র শ্রূয়ংতে সকলাক্ষরাঃ ।
তূর্য গীত স্বনাঅঃ চ অপি গন্ধো দিব্যঃ চ রাঘব ॥৪-১৩-২২॥
13.23
ত্রেতাগ্নয়ো অপি দীপ্যন্তে ধূমো হি এষ প্রদৃশ্যতে ।
বেষ্টয়ন্ ইব বৃক্ষ অগ্রান্ কপোত অংগ অরুণো ঘনঃ ॥৪-১৩-২৩॥
13.24
এতে বৃক্ষাঃ প্রকাশন্তে ধূম সংসক্ত মস্তকাঃ ।
মেঘ জাল প্রতিচ্ছন্না বৈদূর্য গিরয়ো যথা ॥৪-১৩-২৪॥
13.25
কুরু প্রণামম্ ধর্মাত্মন্ তেষাম্ উদ্দিশ্য রাঘবঃ ।
লক্ষ্মণেন সহ ভ্রাত্রা প্রয়তঃ সংয়ত অংজলিঃ ॥৪-১৩-২৫॥
13.26
প্রণমন্তি হি যে তেষাম্ ঋষীণাম্ ভাবিত আত্মনাম্ ।
ন তেষাম্ অশুভম্ কিংচিৎ শরীরে রাম দৃশ্যতে ॥৪-১৩-২৬॥
13.27
ততো রামঃ সহ ভ্রাত্রা লক্ষ্মণেন কৃতাংজলিঃ ।
সমুদ্দিশ্য মহাত্মানঃ তান্ ঋষীন্ অভ্যবাদয়ৎ ॥৪-১৩-২৭॥
13.28
অভিবাদ্য চ ধর্মাত্মা রামো ভ্রাতা চ লক্ষ্মণঃ ।
সুগ্রীবো বানরাঅঃ চৈব জগ্মুঃ সংহৃষ্ট মানসাঃ ॥৪-১৩-২৮॥
13.29
তে গত্বা দূরম্ অধ্বানম্ তস্মাৎ সপ্ত জন আশ্রমাৎ ।
দদৃশুঃ তাম্ দুরাধর্ষাম্ কিষ্কিন্ধাম্ বালি পালিতাম্ ॥৪-১৩-২৯॥
13.30
ততস্তু রামানুজ রাম বানরাঃপ্রগৃহ্য শস্ত্রাণি উদিত উগ্র তেজসা ।
পুরীম্ সুরেশ আত্মজ বীর্য পালিতাম্বধায় শত্রোঃ পুনর্ আগতাঃ ইহ ॥৪-১৩-৩০॥