সর্গ 14

14.1

সর্বে তে ত্বরিতম্ গত্বা কিষ্কিন্ধাম্ বালিনঃ পালিতাম্ ।
বৃক্ষৈর্ আত্মানম্ আবৃত্য ব্যতিষ্ঠন্ গহনে বনে ॥৪-১৪-১॥

বিসার্য সর্বতো দৃষ্টিম্ কাননে কানন প্রিয়ঃ ।
সুগ্রীবো বিপুল গ্রীবঃ ক্রোধম্ আহারয়দ্ ভৃশম্ ॥৪-১৪-২॥

ততঃ তু নিনদম্ ঘোরম্ কৃত্বা যুদ্ধায় চ আহ্বয়ৎ ।
পরিবারৈঃ পরিবৃতো নাদৈর্ ভিন্দন্ ইব অংবরম্ ॥৪-১৪-৩॥

গর্জন্ ইব মহামেঘো বায়ু বেগ পুরস্সরঃ ।
অথ বালার্ক সদৃশো দৃপ্ত সিম্হ গতিঃ ততঃ ॥৪-১৪-৪॥

দৃষ্ট্বা রামম্ ক্রিয়া দক্ষম্ সুগ্রীবো বাক্যম্ অব্রবীৎ ।
হরি বাগুরয়া ব্যাপ্তম্ তপ্ত কাংচন তোরণাম্ ॥৪-১৪-৫॥

প্রাপ্তাঃ স্ম ধ্বজ যংত্র আঢ্যাম্ কিষ্কিন্ধাম্ বালিনঃ পুরীম্ ।
প্রতিজ্ঞা যা কৃতা বীর ত্বয়া বালি বধে পুরা ॥৪-১৪-৬॥

সফলাম্ কুরু তাম্ ক্ষিপ্রম্ লতাম্ কাল ইব আগতঃ ।
এবম্ উক্তঃ তু ধর্মাত্মা সুগ্রীবেণ স রাঘবঃ ॥৪-১৪-৭॥

তম্ এব উবাচ বচনম্ সুগ্রীবম্ শত্রু সূদনঃ ।
কৃত অভিজ্ঞান চিহ্নঃ ত্বম্ অনয়া গজ সাহ্বয়া ॥৪-১৪-৮॥

লক্ষ্মণেন সমুত্পাট্য এষা কণ্ঠে কৃতা তব ।
সোভাসে অপি অধিকম্ বীর লতয়া কণ্ঠসক্তয়া ॥৪-১৪-৯॥

বিপরীত ইব আকাশে সূর্যো নক্ষত্র মালয়া ।
অদ্য বালি সমুত্থম্ তে ভয়ম্ বৈরম্ চ বানর ॥৪-১৪-১০॥

একেন অহম্ প্রমোক্ষ্যামি বাণ মোক্ষেণ সংয়ুগে ।
মম দর্শয় সুগ্রীব বৈরিণম্ ভ্রাতৃ রূপিণম্ ॥৪-১৪-১১॥

বালী বিনিহতো যাবদ্ বনে পাংসুষু চেষ্টতে ।
যদি দৃষ্টি পথম্ প্রাপ্তো জীবন্ স বিনিবর্ততে ॥৪-১৪-১২॥

ততো দোষেণ মা গচ্ছেৎ সদ্যো গর্হেচ্চ মাম্ ভবান্ ।
প্রত্যক্ষম্ সপ্ত তে সালা ময়া বাণেন দারিতাঃ ॥৪-১৪-১৩॥

ততো বেত্সি বলেন অদ্য বালিনম্ নিহতম্ ময়া ।
অনৃতম্ ন উক্ত পূর্বম্ মে চিরম্ কৃচ্ছ্রে অপি তিষ্ঠতা ॥৪-১৪-১৪॥

ধর্ম লোভ পরীতেন ন চ বক্ষ্যে কথংচন ।
সফলাম্ চ করিষ্যামি প্রতিজ্ঞাম্ জহি সংভ্রমম্ ॥৪-১৪-১৫॥

প্রসূতম্ কলমক্ষেত্রে বর্ষেণ ইব শতক্রতুঃ ।
তদ্ আহ্বান নিমিত্তম্ চ বালিনো হেমমালিনঃ ॥৪-১৪-১৬॥

সুগ্রীব কুরু তম্ শব্দম্ নিষ্পতেদ্ যেন বানরঃ ।
জিতকাশী জয়শ্লাঘী ত্বয়া চ অধর্ষিতঃ পুরাৎ ॥৪-১৪-১৭॥

নিষ্পতিষ্যতি অসংগেন বালী স প্রিয়সম্যুগঃ ।
রিপূণাম্ ধর্ষিতম্ শ্রুত্বা মর্ষয়ন্তি ন সংয়ুগে ॥৪-১৪-১৮॥

জানন্তঃ তু স্বকম্ বীর্যম্ স্ত্রী সমক্ষম্ বিশেষতঃ ।
স তু রাম বচঃ শ্রুত্বা সুগ্রীবো হেমপিংগলঃ ॥৪-১৪-১৯॥

ননর্দ ক্রূর নাদেন বিনির্ভিন্দন্ ইব অম্বরম্ ।
তত্র শব্দেন বিত্রস্তা গাবো যান্তি হতপ্রভাঃ ॥৪-১৪-২০॥

রাজদোষ পরামৃষ্টাঃ কুলস্ত্রিয় ইব আকুলাঃ ।
দ্রবন্তি চ মৃগাঃ শীঘ্রম্ ভগ্না;ইব রণে হয়াঃ ।পতন্তি চ খগা ভূমৌ ক্ষীণ পুণ্যা ইব গ্রহাঃ ॥৪-১৪-২১॥

ততঃ স জীমূত কৃত প্রণাদোনাদম্ হি অমুংচৎ ত্বরয়া প্রতীতঃ ।
সূর্যাত্মজঃ শৌর্য বিবৃদ্ধ তেজাঃসরিৎ পতির্বা অনিল চংচল ঊর্মিঃ ॥৪-১৪-২২॥