Utshovসর্গ 15
15.1
অথ তস্য নিনাদম্ তম্ সুগ্রীবস্য মহাত্মনঃ ।
শুশ্রাব অন্তঃপুর গতো বালী ভ্রাতুর্ অমর্ষণঃ ॥৪-১৫-১॥
15.2
শ্রুত্বা তু তস্য নিনদম্ সর্বভূত প্রকংপনম্ ।
মদঃ চ একপদে নষ্টঃ ক্রোধঃ চ আপাদিতো মহান্ ॥৪-১৫-২॥
15.3
ততো রোষ পরীত অংগো বালী স কনক প্রভঃ ।
উপরক্ত ইব আদিত্যঃ সদ্যো নিষ্প্রভতাম্ গতঃ ॥৪-১৫-৩॥
15.4
বালী দংষ্ট্রা করালঃ তু ক্রোধাদ্ দীপ্ত অগ্নি লোচনঃ ।
ভাতি উত্পতিত পদ্মাভঃ সমৃণাল ইব হ্রদঃ ॥৪-১৫-৪॥
15.5
শব্দম্ দুর্মর্ষণম্ শ্রুত্বা নিষ্পপাত ততো হরিঃ ।
বেগেন চ পদ ন্যাসৈর্ দারয়ন্ ইব মেদিনীম্ ॥৪-১৫-৫॥
15.6
তম্ তু তারা পরিষ্বজ্য স্নেহাদ্ দর্শিত সৌহৃদা ।
উবাচ ত্রস্ত সংভ্রাংতা হিত উদর্কম্ ইদম্ বচঃ ॥৪-১৫-৬॥
15.7
সাধু ক্রোধম্ ইমম্ বীর নদী বেগম্ ইব আগতম্ ।
শয়নাদ্ উত্থিতঃ কাল্যম্ ত্যজ ভুক্তাম্ ইব স্রজম্ ॥৪-১৫-৭॥
15.8
কাল্যম্ এতেন সংগ্রামম্ করিষ্যসি চ বানর ।
বীর তে শত্রু বাহুল্যম্ ফল্গুতা বা ন বিদ্যতে ॥৪-১৫-৮॥
15.9
সহসা তব নিষ্ক্রামো মম তাবৎ ন রোচতে ।
শ্রূয়তাম্ অভিধাস্যামি যন্ নিমিত্তম্ নিবার্যতে ॥৪-১৫-৯॥
15.10
পূর্বম্ আপতিতঃ ক্রোধাৎ স ত্বাম্ আহ্বয়তে যুধি ।
নিষ্পত্য চ নিরস্তঃ তে হন্যমানো দিশো গতঃ ॥৪-১৫-১০॥
15.11
ত্বয়া তস্য নিরস্তস্য পীডিতস্য বিশেষতঃ ।
ইহ এত্য পুনর্ আহ্বানম্ শংকাম্ জনয়তি ইব মে ॥৪-১৫-১১॥
15.12
দর্পঃ চ ব্যবসায়ঃ চ যাদৃশঃ তস্য নর্দতঃ ।
নিনাদস্য চ সংরংভো ন এতৎ অল্পম্ হি কারণম্ ॥৪-১৫-১২॥
15.13
ন অসহায়ম্ অহম্ মন্যে সুগ্রীবম্ তম্ ইহ আগতম্ ।
অবষ্টব্ধ সহায়ঃ চ যম্ আশ্রিত্য এষ গর্জতি ॥৪-১৫-১৩॥
15.14
প্রকৃত্যা নিপুণঃ চৈব বুদ্ধিমান্ চৈব বানরঃ ।
ন অপরীক্ষিত বীর্যেণ সুগ্রীবঃ সখ্যম্ এষ্যতি ॥৪-১৫-১৪॥
15.15
পূর্বম্ এব ময়া বীর শ্রুতম্ কথয়তো বচঃ ।
অংগদস্য কুমারস্য বক্ষ্যামি অদ্য হিতম্ বচঃ ॥৪-১৫-১৫॥
15.16
অংগদঃ তু কুমরো অয়ম্ বনাংতম্ উপনির্গতঃ ।
প্রবৃত্তিঃ তেন কথিতা চারৈঃ অসীৎ নিবেদিতা ॥৪-১৫-১৬॥
15.17
অয়োধ্য অধিপতেঃ পুত্রৌ শূরৌ সমর দুর্জয়ৌ ।
ইক্ষ্বাকূণাম্ কুলে জাতৌ প্রথিতৌ রাম লক্ষ্মণৌ ॥৪-১৫-১৭॥
15.18
সুগ্রীব প্রিয় কামার্থম্ প্রাপ্তৌ তত্র দুরাসদৌ ।
স তে ভ্রাতুর্ হি বিখ্যাতঃ সহায়ো রণ কর্মণি ॥৪-১৫-১৮॥
15.19
রামঃ পর বলমর্দী যুগান্ত অগ্নিঃ ইব উত্থিতঃ ।
নিবাস বৃক্ষঃ সাধূনাম্ আপন্নানাম্ পরা গতিঃ ॥৪-১৫-১৯॥
15.20
আর্তানাম্ সংশ্রয়ঃ চৈব যশসঃ চ এক ভাজনম্ ।
জ্ঞান বিজ্ঞান সংপন্নো নিদেশো নিরতঃ পিতুঃ ॥৪-১৫-২০॥
15.21
ধাতূনাম্ ইব শৈলেন্দ্রো গুণানাম্ আকরো মহান্ ।
তৎ ক্ষমো ন বিরোধঃ তে সহ তেন মহাত্মনা ॥৪-১৫-২১॥
15.22
দুর্জয়েন অপ্রমেয়েণ রামেণ রণ কর্মসু ।
শূর বক্ষ্যামি তে কিংচিন্ ন চ ইচ্ছামি অভ্যসূয়িতুম্ ॥৪-১৫-২২॥
15.23
শ্রূয়তাম্ ক্রিয়তাম্ চৈব তব বক্ষ্যামি যদ্ হিতম্ ।
যৌবরাজ্যেন সুগ্রীবম্ তূর্ণম্ সাধু অভিষেচয় ॥৪-১৫-২৩॥
15.24
বিগ্রহম্ মা কৃথা বীর ভ্রাত্রা রাজন্ যবীয়সা ।
অহম্ হি তে ক্ষমম্ মন্যে তেন রামেণ সৌহৃদম্ ॥৪-১৫-২৪॥
15.25
সুগ্রীবেণ চ সংপ্রীতিম্ বৈরম্ উত্সৃজ্য দূরতঃ ।
লালনীয়ো হি তে ভ্রাতা যবীয়ান্ এষ বানরঃ ॥৪-১৫-২৫॥
15.26
তত্র বা সন্নিহস্থো বা সর্বথা বন্ধুঃ এব তে ।
নহি তেন সমম্ বন্ধুম্ ভুবি পশ্যামি কিংচন ॥৪-১৫-২৬॥
15.27
দান মানাদি সত্কর্রৈঃ কুরুষ্ব প্রত্যনন্তরম্ ।
বৈরম্ এতৎ সম্ উত্স্রৃজ্য তব পার্শ্বে স তিষ্ঠতু ॥৪-১৫-২৭॥
15.28
সুগ্রীবো বিপুল গ্রীবো মহাবন্ধুঃ মতঃ তব ।
ভ্রাতৃ সৌহৃদম্ আলংব্য ন অন্যা গতি ইহ অস্তি তে ॥৪-১৫-২৮॥
15.29
যদি তে মৎ প্রিয়ম্ কার্যম্ যদি চ অবৈষি মাম্ হিতাম্ ।
যাচ্যমানঃ প্রিয়ত্বেন সাধু বাক্যম্ কুরুষ্ব মে ॥৪-১৫-২৯॥
15.30
প্রসীদ পথ্যম্ শ্রুণু জল্পিতম্ হি মেন রোষম্ এব অনুবিধাতুম্ অর্হসি ।
ক্ষমো হি তে কোশল রাজ সূনুনান বিগ্রহঃ শক্র সম তেজসা ॥৪-১৫-৩০॥
15.31
তদা হি তারা হিতম্ এব বাক্যম্তম্ বালিনম্ পথ্যম্ ইদম্ বভাষে ।
ন রোচতে তদ্ বচনম্ হি তস্যকাল অভিপন্নস্য বিনাশ কালে ॥৪-১৫-৩১॥