Utshovসর্গ 16
16.1
তাম্ এবম্ ব্রুবতীম্ তারাম্ তারাধিপ নিভ আননাম্ ।
বালী নির্ভর্ত্সয়ামাস বচনম্ চ ইদম্ অব্রবীৎ ॥৪-১৬-১॥
16.2
গর্জতো অস্য চ সুসংরব্ধম্ ভ্রাতুঃ শত্রোর্ বিশেষতঃ ।
মর্ষয়িষ্যামি কেন কারণেন বরাননে ॥৪-১৬-২॥
16.3
অধর্ষিতানাম্ শূরাণাম্ সমরেষু অনিবর্তিনাম্ ।
ধর্ষণাম্ অর্ষণম্ ভীরু মরণাৎ অতিরিচ্যতে ॥৪-১৬-৩॥
16.4
সোঢুম্ ন চ সমর্থো অহম্ যুদ্ধ কামস্য সংয়ুগে ।
সুগ্রীবস্য চ সংরংভম্ হীন গ্রীবস্য গর্জতম্ ॥৪-১৬-৪॥
16.5
ন চ কার্যো বিষাদঃ তে রাঘবম্ প্রতি মৎ কৃতে ।
ধর্মজ্ঞঃ চ কৃতজ্ঞঃ চ কথম্ পাপম্ করিষ্যতি ॥৪-১৬-৫॥
16.6
নিবর্তস্ব সহ স্ত্রীভিঃ কথম্ ভূয়ো অনুগচ্ছসি ।
সৌহৃদম্ দর্শিতম্ তাবৎ ময়ি ভক্তিঃ ত্বয়া কৃতা ॥৪-১৬-৬॥
16.7
প্রতি যোত্স্যামি অহম্ গত্বা সুগ্রীবম্ জহি সংভ্রমম্ ।
দর্পম্ চ অস্য বিনেষ্যামি ন চ প্রাণৈর্ বিয়োক্ষ্যতে ॥৪-১৬-৭॥
16.8
অহম্ হি অজি স্থিতস্য অস্য করিষ্যামি যৎ ঈপ্সিতম্ ।
বৃক্ষৈঃ মুষ্টি প্রহারৈঃ চ পীডিতঃ প্রতি যাস্যতি ॥৪-১৬-৮॥
16.9
ন মে গর্বিতম্ আয়স্তম্ সহিষ্যতি দুরাত্মবান্ ।
কৃতম্ তারে সহায়ত্বম্ দর্শিতম্ সৌহৃদম্ ময়ি ॥৪-১৬-৯॥
16.10
শাপিতা অসি মম প্রাণৈঃ নিবর্তস্ব জনেন চ ।
অলম্ জিত্বা নিবর্তিষ্যে তম্ অহম্ ভ্রাতরম্ রণে ॥৪-১৬-১০॥
16.11
তম্ তু তারা পরিষ্বজ্য বালিনম্ প্রিয় বাদিনী ।
চকার রুদতী মন্দম্ দক্ষিণা সা প্রদক্ষিণম্ ॥৪-১৬-১১॥
16.12
ততঃ স্বস্ত্যয়নম্ কৃত্বা মংত্রবিৎ বিজয় এষিণী ।
অংতঃপুরম্ সহ স্ত্রীভিঃ প্রবিষ্টা শোক মোহিতা ॥৪-১৬-১২॥
16.13
প্রবিষ্টায়াম্ তু তারায়াম্ সহ স্ত্রীভিঃ স্বম্ আলয়ম্ ।
নগর্যা নির্যয়ৌ ক্রুদ্ধো মহা সর্প ইব শ্বসন্ ॥৪-১৬-১৩॥
16.14
স নিঃশ্বস্য মহারোষো বালী পরম বেগবান্ ।
সর্বতঃ চারয়ন্ দৃষ্টিম্ শত্রু দর্শন কাংক্ষয়া ॥৪-১৬-১৪॥
16.15
স দদর্শ ততঃ শ্রীমান্ সুগ্রীবম্ হেম পিঙ্গলম্ ।
সুসংবীতম্ অবষ্টব্ধম্ দীপ্যমানম্ ইব অনলম্ ॥৪-১৬-১৫॥
16.16
তম্ স দৃষ্ট্বা মহাবাহুঃ সুগ্রীবম্ পর্যবস্থিতম্ ।
গাঢম্ পরিদধে বাসো বালী পরম কোপিনঃ ॥৪-১৬-১৬॥
16.17
স বালী গাঢ সংবীতো মুষ্টিম্ উদ্যম্য বীর্যবান্ ।
সুগ্রীবম্ এব অভিমুখো যয়ৌ যোদ্ধুম্ কৃত ক্ষণঃ ॥৪-১৬-১৭॥
16.18
শ্লিষ্টম্ মুষ্টিম্ সমুদ্যম্য সংরব্ধতরম্ আগতঃ ।
সুগ্রীবো অপি সমুদ্দিশ্য বালিনম্ হেম মালিনম্ ॥৪-১৬-১৮॥
16.19
তম্ বালী ক্রোধ তাম্রাক্ষঃ সুগ্রীবম্ রণ কোবিদম্ ।
আপতংতম্ মহা বেগম্ ইদম্ বচনম্ অব্রবীৎ ॥৪-১৬-১৯॥
16.20
এষ মুষ্টির্ মহান্ বদ্ধো গাঢঃ সুনিয়ত অংগুলিঃ ।
ময়া বেগ বিমুক্তঃ তে প্রাণান্ আদায় যাস্যতি ॥৪-১৬-২০॥
16.21
এবম্ উক্তঃ তু সুগ্রীবঃ ক্রুদ্ধো বালিনম্ অব্রবীৎ ।
তব চ এষ হরন্ প্রাণান্ মুষ্টিঃ পততু মূর্ধনি ॥৪-১৬-২১॥
16.22
তাডিতঃ তেন তম্ ক্রুদ্ধঃ সমভিক্রম্য বেগতঃ ।
অভবৎ শোণিত উদ্গারী সাপীড ইব পর্বতঃ ॥৪-১৬-২২॥
16.23
সুগ্রীবেণ তু নিঃশংকম্ সালম্ উত্পাট্য তেজসা ।
গাত্রেষু অভিহতো বালী বজ্রেণ ইব মহা গিরিঃ ॥৪-১৬-২৩॥
16.24
স তু বৃক্ষেণ নির্ভগ্নঃ সাল তাডন বিহ্বলঃ ।
গুরু ভার ভর আক্রান্তা নৌঃ সসার্থা ইব সাগরে ॥৪-১৬-২৪॥
16.25
তৌ ভীম বল বিক্রান্তৌ সুপর্ণ সম বেগিনৌ ।
প্রয়ুদ্ধৌ ঘোর বপুষৌ চন্দ্র সূর্যৌ ইব অংবরে ॥৪-১৬-২৫॥
16.26
পরস্পরম্ অমিত্র ঘ্নৌ চ্ছিদ্র অন্বেষণ তত্পরৌ ।
ততো অবর্ধত বালী তু বল বীর্য সমন্বিতঃ ॥৪-১৬-২৬॥
16.27
সূর্য পুত্রো মহাবীর্যঃ সুগ্রীবঃ পরিহীয়ত ।
বালিনা ভগ্ন দর্পঃ তু সুগ্রীবো মন্দ বিক্রমঃ ॥৪-১৬-২৭॥
16.28
বালিনম্ প্রতি সামর্ষো দর্শয়ামাস রাঘবম্ ।
বৃক্ষৈঃ স শাখৈঃ শিখরৈঃ বজ্র কোটি নিভৈঃ নখৈঃ ॥৪-১৬-২৮॥
16.29
মুষ্টিভিঃ জানুভিঃ পদ্ভিঃ বাহুভিঃ চ পুনঃ পুনঃ ।
তয়োঃ যুদ্দ্ধম্ অভূৎ ঘোরম্ বৃত্র বাসবোঃ ইব ॥৪-১৬-২৯॥
16.30
তৌ শোণিতাত্কৌ যুধ্যেতাম্ বানারৌ বন্ চারিণৌ ।
মেঘৌ ইব মহা শব্দৈঃ তর্জমানৌ পরস্পরম্ ॥৪-১৬-৩০॥
16.31
হীয়মানম্ অথ অপশ্যৎ সুগ্রীবম্ বানরেশ্বরম্ ।
প্রেক্ষমাণম্ দিশঃ চ এব রাঘবঃ স মুহুর্ মুহুর্ ॥৪-১৬-৩১॥
16.32
ততো রামো মহাতেজা আর্তম্ দৃষ্ট্বা হরীশ্বরম্ ।
স শরম্ বীক্ষতে বীরো বালিনো বধ কাংক্ষয়া ॥৪-১৬-৩২॥
16.33
ততো ধনুষি সংধায় শরম্ আশী বিষ উপমম্ ।
পূরয়ামাস তৎ চাপম্ কাল চক্রম্ ইব অন্তকঃ ॥৪-১৬-৩৩॥
16.34
তস্য জ্যাতল ঘোষেণ ত্রস্তাঃ পত্ররথেশ্বরাঃ ।
প্রদুদ্রুবুর্ মৃগাঃ চ এব যুগাংত ইব মোহিতাঃ ॥৪-১৬-৩৪॥
16.35
মুক্তস্তু বজ্র নির্ঘোষঃ প্রদীপ্ত অশনি সংনিভঃ ।
রাঘবেণ মহা বাণো বালি বক্ষসি পাতিতঃ ॥৪-১৬-৩৫॥
16.36
ততঃ তেন মহাতেজা বীর্য যুক্তঃ কপীশ্বরঃ ।
বেগেন অভিহতো বালী নিপপাত মহী তলে ॥৪-১৬-৩৬॥
16.37
ইন্দ্র ধ্বজ ইব উদ্ধূত পৌর্ণ মাস্যাম্ মহীতলে ।
অশ্বয়ুক্ সময়ে মাসি গত সত্ত্বো বিচেতনঃ ।বাষ্প সংরুদ্ধ কণ্ঠস্তু বালী চ আর্ত স্বরঃ শনৈঃ ॥৪-১৬-৩৭॥
16.38
নরোত্তমঃ কাল যুগাংতকোপমম্ শরোত্তমম্ কাংচন রূপ্যভূষিতম্ ।
সসর্জ দীপ্তম্ তম্ অমিত্র মর্দনম্ স ধূমমগ্নিম্ মুখতো যথা হরঃ ॥৪-১৬-৩৮॥
16.39
অথ উক্ষিতঃ শোণিত তোয় বিস্রবৈঃসুপুষ্পিত অশোক ইব অচলোদ্গতঃ ।
বিচেতনো বাসব সূনুর্ আহবেপ্রভ্রঞ্শিত ইন্দ্র ধ্বজবৎ ক্ষিতিম্ গতঃ ॥৪-১৬-৩৯॥