Utshovসর্গ 17
17.1
ততঃ শরেণ অভিহতো রামেণ রণ কর্কশঃ ।
পপাত সহসা বালী নিকৃত্তৈব পাদপঃ ॥৪-১৭-১॥
17.2
স ভূমৌ ন্যস্ত সর্বাংগঃ তপ্ত কাংচন ভূষণঃ ।
অপতৎ দেব রাজস্য মুক্ত রশ্মির্ ইব ধ্বজঃ ॥৪-১৭-২॥
17.3
অস্মিন্ নিপতিতে ভূমৌ হরি ঋষাণাম্ গণেশ্বরে ।
নষ্ট চন্দ্রম্ ইব ব্যোম ন ব্যরাজত মেদিনী ॥৪-১৭-৩॥
17.4
ভূমৌ নিপতিতস্য অপি তস্য দেহম্ মহাত্মনঃ ।
ন শ্রীর্ জহাতি ন প্রাণা ন তেজো ন পরাক্রমঃ ॥৪-১৭-৪॥
17.5
শক্র দত্তা বরা মালা কান্চনী রত্ন ভূষিতা ।
দধার হরি মুখ্যস্য প্রাণান্ তেজঃ শ্রিয়ম্ চ সা ॥৪-১৭-৫॥
17.6
স তয়া মালয়া বীরো হৈময়া হরিয়ূথপঃ ।
সংধ্যানুগত পর্যন্তঃ পয়োধর ইব অভবৎ ॥৪-১৭-৬॥
17.7
তস্য মালা চ দেহঃ চ মর্মঘাতী চ যঃ শরঃ ।
ত্রিধা ইব রচিতা লক্ষ্মীঃ পতিতস্য অপি শোভতে ॥৪-১৭-৭॥
17.8
তৎ অস্ত্রম্ তস্য বীরস্য স্বর্গ মার্গ প্রভাবনম্ ।
রাম বাণাসন ক্ষিপ্তম্ আবহৎ পরমাম্ গতিম্ ॥৪-১৭-৮॥
17.9
তম্ তথা পতিতম্ সংখ্যে গত অর্চিষম্ ইব অনলম্ ।
যয়াতিম্ ইব পুণ্যান্তে দেব লোকাৎ পরিচ্যুতম্ ॥৪-১৭-৯॥
17.10
আদিত্যম্ ইব কালেন যুগান্তে ভুবি পাতিতম্ ।
মহেন্দ্রম্ ইব দুর্ধর্ষম্ উপেন্দ্রম্ ইব দুস্সহম্ ॥৪-১৭-১০॥
17.11
মহেন্দ্র পুত্রম্ পতিতম্ বালিনম্ হেম মালিনম্ ।
ব্যূঢ উরস্কম্ মহাবাহুম্ দীপ্তাস্যম্ হরি লোচনম্ ॥৪-১৭-১১॥
17.12
লক্ষ্মণ অনুচরো রামো দদর্শ উপসসর্প চ ।
তম্ তথা পতিতম্ বীরম্ গত অর্চিষ্মতম্ ইব অনলম্ ॥৪-১৭-১২॥
17.13
বহুমান্য চ তম্ বীরম্ বীক্ষমাণম্ শনৈরিব ।
উপয়াতৌ মহাবীর্যৌ ভ্রাতরৌ রাম লক্ষ্মণৌ ॥৪-১৭-১৩॥
17.14
তম্ দৃষ্ট্বা রাঘবম্ বালী লক্ষ্মণম্ চ মহাবলম্ ।
অব্রবীৎ পরুষম্ বাক্যম্ প্রশ্রিতম্ ধর্ম সংহিতম্ ॥৪-১৭-১৪॥
17.15
স ভূমৌ অল্পতেজোসুঃ নিহতো নষ্ট চেতনঃ ।
অর্থ সহিতয়া বাচা গর্বিতম্ রণ গর্বিতম্ ॥৪-১৭-১৫॥
17.16
ত্বম্ নরাধিপতেঃ পুত্রঃ প্রথিতঃ প্রিয় দর্শনঃ ।
পরাঙ্মুখ বধম্ কৃত্বা কো অত্র প্রাপ্তঃ ত্বয়া গুণঃ ।যদহম্ যুদ্ধ সম্রব্ধঃ ত্বৎ কৃতে নিধনম্ গতঃ ॥৪-১৭-১৬॥
17.17
কুলীনঃ সত্ত্ব সংপন্নঃ তেজস্বী চরিতব্রতঃ ।
রামঃ করুণবেদী চ প্রজানাম্ চ হিতেরতঃ ॥৪-১৭-১৭॥
17.18
সানুক্রোশো মহোত্সাহঃ সময়জ্ঞো দৃঢব্রতঃ ।
ইতি এতৎ সর্ব ভূতানি কথয়ন্তি যশো ভুবি ॥৪-১৭-১৮॥
17.19
দমঃ শমঃ ক্ষমা ধর্মো ধৃতি সত্যম্ পরাক্রমঃ ।
পর্থিবানাম্ গুণা রাজন্ দণ্ডঃ চ অপকারিষু ॥৪-১৭-১৯॥
17.20
তান্ গুণান্ সংপ্রধার্য অহম্ অগ্র্যম্ চ অভিজনম্ তব ।
তারয়া প্রতিষিদ্ধো অপি সুগ্রীবেণ সমাগতঃ ॥৪-১৭-২০॥
17.21
ন মাম্ অন্যেন সংরব্ধম্ প্রমত্তম্ বেদ্ধুম্ অর্হসি ।
ইতি মে বুদ্ধির্ উত্পন্না বভূব অদর্শনে তব ॥৪-১৭-২১॥
17.22
ন ত্বাম্ বিনিহত আত্মানম্ ধর্ম ধ্বজম্ অধার্মিকম্ ।
জানে পাপ সমাচারম্ তৃণৈঃ কূপম্ ইব আবৃতম্ ॥৪-১৭-২২॥
17.23
সতাম্ বেষ ধরম্ পাপম্ প্রচ্ছন্নম্ ইব পাবকম্ ।
ন অহম্ ত্বাম্ অভিজানামি ধর্ম ছদ্মাভি সংবৃতম্ ॥৪-১৭-২৩॥
17.24
বিষয়ে বা পুরে বা তে যদা পাপম্ করোমি অহম্ ।
ন চ ত্বাম্ অবজানে অহং কস্মাৎ ত্বম্ হংসি অকিল্বিষম্ ॥৪-১৭-২৪॥
17.25
ফল মূল অশনম্ নিত্যম্ বানরম্ বন গোচরম্ ।
মাম্ ইহ অপ্রতিয়ুধ্যন্তম্ অন্যেন চ সমাগতম্ ॥৪-১৭-২৫॥
17.26
ত্বম্ নরাধিপতেঃ পুত্রঃ প্রতীতঃ প্রিয়দর্শনঃ ।
লিন্গম্ অপি অস্তি তে রাজন্ দৃশ্যতে ধর্ম সম্হিতম্ ॥৪-১৭-২৬॥
17.27
কঃ ক্ষত্রিয় কুলেজাতঃ শ্রুতবান্ নষ্টসংশয়ঃ ।
ধর্ম লিংগ প্রতিচ্ছন্নঃ ক্রূরম্ কর্ম সমাচরেৎ ॥৪-১৭-২৭॥
17.28
রাম রাঘব কুলে জাতো ধর্মবান্ ইতি বিশ্রুতঃ ।
অভব্যো ভব্য রূপেণ কিম্ অর্থম্ পরিধাবসে ॥৪-১৭-২৮॥
17.29
সাম দানম্ ক্ষমা ধর্মঃ সত্যম্ ধৃতি পরাক্রমৌ ।
পার্থিবানাম্ গুণা রাজন্ দণ্ডঃ চ অপি অপকারিষু ॥৪-১৭-২৯॥
17.30
বয়ম্ বনচরা রাম মৃগা মূল ফল অশনাঃ ।
এষা প্রকৃতির্ অস্মাকম্ পুরুষঃ ত্বম্ নরেশ্বরঃ ॥৪-১৭-৩০॥
17.31
ভূমির্ হিরণ্যম্ রূপম্ চ নিগ্রহে কারণানি চ ।
তত্র কঃ তে বনে লোভো মদীয়েষু ফলেষু বা ॥৪-১৭-৩১॥
17.32
নয়ঃ চ বিনয়ঃ চ উভৌ নিগ্রহ অনুগ্রহৌ অপি ।
রাজ বৃত্তির্ অসংকীর্ণা ন নৃপাঃ কাম বৃত্তয়ঃ ॥৪-১৭-৩২॥
17.33
ত্বম্ তু কাম প্রধানঃ চ কোপনঃ চ অনবস্থিতঃ ।
রাজ বৃত্তেষু সংকীর্ণঃ শরাসন পরায়ণঃ ॥৪-১৭-৩৩॥
17.34
ন তে অস্তি অপচিতিঃ ধর্মে ন অর্থে বুদ্ধির্ অবস্থিতা ।
ইন্দ্রিয়ৈঃ কাম বৃত্তঃ সন্ কৃষ্যসে মনুজেশ্বর ॥৪-১৭-৩৪॥
17.35
হত্বা বাণেন কাকুত্স্থ মাম্ ইহ অনপরাধিনম্ ।
কিম্ বক্ষ্যসি সতাম্ মধ্যে কর্ম কৃত্বা জুগুপ্সিতম্ ॥৪-১৭-৩৫॥
17.36
রাজহা ব্রহ্মহা গোঘ্নঃ চোরঃ প্রাণিবধে রতঃ ।
নাস্তিকঃ পরিবেত্তা চ সর্বে নিরয় গামিনঃ ॥৪-১৭-৩৬॥
17.37
সূচকঃ চ কদর্যঃ চ মিত্র্ঘ্নো গুরুতল্পগঃ ।
লোকং পাপাত্মানম্ এতে গচ্ছন্তে ন অত্র সংশয়ঃ ॥৪-১৭-৩৭॥
17.38
অধার্যম্ চর্ম মে সদ্ভী রোমাণি অস্থি চ বর্জিতম্ ।
অভক্ষ্যাণি চ মাংসানি ত্বৎ বিধৈঃ ধর্মচারিভিঃ ॥৪-১৭-৩৮॥
17.39
পংচ পংচ নখা ভক্ষ্যা ব্রহ্ম ক্ষত্রেণ রাঘব ।
শল্যকঃ শ্বাবিধো গোধা শশঃ কূর্মঃ চ পংচমঃ ॥৪-১৭-৩৯॥
17.40
চর্ম চ অস্থি চ মে রাজন্ ন স্পৃশন্তি মনীষিণঃ ।
অভক্ষ্যাণি চ মাংসানি সো অহম্ পংচ নখো হতঃ ॥৪-১৭-৪০॥
17.41
তারয়া বাক্যম্ উক্তো অহম্ সত্যম্ সর্বজ্ঞয়া হিতম্ ।
তদ্ অতিক্রম্য মোহেন কালস্য বশম্ আগতঃ ॥৪-১৭-৪১॥
17.42
ত্বয়া নাথেন কাকুত্স্থ ন সনাথা বসুংধরা ।
প্রমদা শীল সংপূর্ণা পতি এব চ বিধর্মিণা ॥৪-১৭-৪২॥
17.43
শঠো নৈকৃতিকঃ ক্ষুদ্রো মিথ্যা প্রশ্রিত মানসঃ ।
কথম্ দশরথেন ত্বম্ জাতঃ পাপো মহাত্মনা ॥৪-১৭-৪৩॥
17.44
ছিন্ন চারিত্র্য কক্ষ্যেণ সতাম্ ধর্ম অতিবর্তিনা ।
ত্যক্ত ধর্ম অংকুশেন অহম্ নিহতো রাম হস্তিনা ॥৪-১৭-৪৪॥
17.45
অশুভম্ চ অপি অয়ুক্তম্ চ সতাম্ চ এব বিগর্হিতম্ ।
বক্ষ্যসে চ ঈদৃশম্ কৃত্বা সদ্ভিঃ সহ সমাগতঃ ॥৪-১৭-৪৫॥
17.46
উদাসীনেষু যো অস্মাসু বিক্রমো অয়ম্ প্রকাশিতঃ ।
অপকারিষু তে রাম ন এবম্ পশ্যামি বিক্রমম্ ॥৪-১৭-৪৬॥
17.47
দৃশ্যমানঃ তু যুধ্যেথা ময়া যুধি নৃপাত্মজ ।
অদ্য বৈবস্বতম্ দেবম্ পশ্যেঃ ত্বম্ নিহতো ময়া ॥৪-১৭-৪৭॥
17.48
ত্বয়া অদৃশ্যেন তু রণে নিহতো অহম্ দুরাসদঃ ।
প্রসুপ্তঃ পন্নগেন ইব নরঃ পাপ বশম্ গতঃ ॥৪-১৭-৪৮॥
17.49
সুগ্রীব প্রিয় কামেন যদ্ অহম্ নিহতঃ ত্বয়া ।
মাম্ এব যদি পূর্বম্ ত্বম্ এতদ্ অর্থম্ অচোদয়ঃ ।মৈথিলিম্ অহম্ এক আহ্না তব চ আনীতবান্ ভবেঃ ॥৪-১৭-৪৯॥
17.50
রাক্ষসম্ চ দুরাত্মানাম্ তব ভার্য অপহারিণম্ ।
কণ্ঠে বদ্ধ্বা প্রদদ্যাম্ তে অনিহতম্ রাবণম্ রণে ॥৪-১৭-৫০॥
17.51
ন্যস্তাম্ সাগর তোয়ে বা পাতালে বা অপি মৈথিলীম্ ।
আনয়েয়ম্ তব আদেশাৎ শ্বেতাম্ অশ্বতরীম্ ইব ॥৪-১৭-৫১॥
17.52
যুক্তম্ যৎ প্রপ্নুয়াৎ রাজ্যম্ সুগ্রীবঃ স্বর্ গতে ময়ি ।
অয়ুক্তম্ যদ্ অধর্মেণ ত্বয়া অহম্ নিহতো রণে ॥৪-১৭-৫২॥
17.53
কামম্ এবম্ বিধম্ লোকঃ কালেন বিনিয়ুজ্যতে ।
ক্ষমম্ চেৎ ভবতা প্রাপ্তম্ উত্তরম্ সাধু চিংত্যতাম্ ॥৪-১৭-৫৩॥
17.54
ইতি এবম্ উক্ত্বা পরিশুষ্ক বক্ত্রঃশর অভিঘাতাৎ ব্যথিতো মহাত্মা ।
সমীক্ষ্য রামম্ রবি সংনিকাশম্তূষ্ণীম্ বভৌ বানর রাজ সূনুঃ ॥৪-১৭-৫৪॥