Utshovসর্গ 18
18.1
ইত্যুক্তঃ প্রশ্রিতং বাক্যং ধর্মার্থসহিতং হিতম্ ।
পরুষং বালিনা রামো নিহতেন বিচেতসা ॥৪-১৮-১॥
18.2
তং নিষ্প্রভম্ ইব আদিত্যং মুক্ত তোয়ম্ ইবাম্বুদম্ ।
উক্ত বাক্যং হরি শ্রেষ্ঠম্ উপশাংতম্ ইবানলম্ ॥৪-১৮-২॥
18.3
ধর্মার্থগুণ সম্পন্নম্ হরীশ্বরমনুত্তমম্ ।
অধিক্ষিপ্তস্তদা রামঃ পশ্চাৎ বালিনম্ অব্রবীৎ ॥৪-১৮-৩॥
18.4
ধর্মম্ অর্থঞ্চ কামঞ্চ সময়ঞ্চ অপি লৌকিকম্ ।
অবিজ্ঞায় কথম্ বাল্যাৎ মাম্ ইহ অদ্য বিগর্হসে ॥৪-১৮-৪॥
18.5
অপৃষ্ট্বা বুদ্ধি সংপন্নান্ বৃদ্ধান্ আচার্য সংমতান্ ।
সৌম্য বানর চাপল্যাৎ ত্বম্ মাম্ বক্তুম্ ইহ ইচ্ছসি ॥৪-১৮-৫॥
18.6
ইক্ষ্বাকূণাম্ ইয়ম্ ভূমিঃ স শৈল বন কাননা ।
মৃগ পক্ষি মনুষ্যাণাম্ নিগ্রহ অনুগ্রহেষু অপি ॥৪-১৮-৬॥
18.7
তাম্ পালয়তি ধর্মাত্মা ভরতঃ সত্যবান্ ঋজুঃ ।
ধর্ম কাম অর্থ তত্ত্বজ্ঞো নিগ্রহ অনুগ্রহে রতঃ ॥৪-১৮-৭॥
18.8
নয়ঃ চ বিনয়ঃ চ উভৌ যস্মিন্ সত্যম্ চ সুস্থিতম্ ।
বিক্রমঃ চ যথা দৃষ্টঃ স রাজা দেশ কালবিৎ ॥৪-১৮-৮॥
18.9
তস্য ধর্ম কৃত আদেশা বয়ম্ অন্যে চ পার্থিবঃ ।
চরামো বসুধাম্ কৃত্স্নাম্ ধর্ম সংতানম্ ইচ্ছবঃ ॥৪-১৮-৯॥
18.10
তস্মিন্ নৃপতি শার্দূল ভরতে ধর্ম বত্সলে ।
পালয়তি অখিলাম্ পৃথ্বীম্ কঃ চরেৎ ধর্ম বিপ্রিয়ম্ ॥৪-১৮-১০॥
18.11
তে বয়ম্ মার্গ বিভ্রষ্টম্ স্বধর্মে পরমে স্থিতাঃ ।
ভরত আজ্ঞাম্ পুরস্কৃত্য নিগৃহ্ণীমো যথা বিধি ॥৪-১৮-১১॥
18.12
ত্বম্ তু সংক্লিষ্ট ধর্মঃ চ কর্মণা চ বিগর্হিতঃ ।
কাম তংত্র প্রধানঃ চ ন স্থিতো রাজ বর্ত্মনি ॥৪-১৮-১২॥
18.13
জ্যেষ্ঠো ভ্রাতা পিতা চৈব যঃ চ বিদ্যাম্ প্রয়চ্ছতি ।
ত্রয়ঃ তে পিতরো জ্ঞেয়া ধর্মে চ পথি বর্তিনঃ ॥৪-১৮-১৩॥
18.14
যবীয়ান্ আত্মনঃ পুত্রঃ শিষ্যঃ চ অপি গুণোদিতঃ ।
পুত্রবৎ তে ত্রয়ঃ চিংত্যা ধর্মঃ চৈব অত্র কারণম্ ॥৪-১৮-১৪॥
18.15
সূক্ষ্মঃ পরম দুর্জ্ঞেয়ঃ সতাম্ ধর্মঃ প্লবংগম ।
হৃদিস্থঃ সর্ব ভূতানাম্ আত্মা বেদ শুভাশুভম্ ॥৪-১৮-১৫॥
18.16
চপলঃ চপলৈঃ সার্ধম্ বানরৈঃ অকৃত আত্মভিঃ ।
জাত্যংধ ইব জাত্যন্ধৈঃ মংত্রয়ন্ দ্রক্ষ্যসে নু কিম্ ॥৪-১৮-১৬॥
18.17
অহম্ তু ব্যক্ততাম্ অস্য বচনস্য ব্রবীমি তে ।
ন হি মাম্ কেবলম্ রোষাৎ ত্বম্ বিগর্হিতুম্ অর্হসি ॥৪-১৮-১৭॥
18.18
তৎ এতৎ কারণম্ পশ্য যৎ অর্থম্ ত্বম্ ময়া হতঃ ।
ভ্রাতুর্ বর্তসি ভার্যায়াম্ ত্যক্ত্বা ধর্মম্ সনাতনম্ ॥৪-১৮-১৮॥
18.19
অস্য ত্বম্ ধরমাণস্য সুগ্রীবস্য মহাত্মনঃ ।
রুমায়াম্ বর্তসে কামাৎ স্নুষায়াম্ পাপ কর্মকৃৎ ॥৪-১৮-১৯॥
18.20
তদ্ ব্যতীতস্য তে ধর্মাৎ কাম বৃত্তস্য বানর ।
ভ্রাতৃ ভার্যা অভিমর্শে অস্মিন্ দণ্ডো অয়ম্ প্রতিপাদিতঃ ॥৪-১৮-২০॥
18.21
ন হি লোক বিরুদ্ধস্য লোক বৃত্তাৎ অপেয়ুষঃ ।
দণ্ডাৎ অন্যত্র পশ্যামি নিগ্রহম্ হরি যূথপ ॥৪-১৮-২১॥
18.22
ন চ তে মর্ষয়ে পাপম্ ক্ষ্ত্রিয়ো অহম্ কুলোদ্গতঃ ।
ঔরসীম্ ভগিনীম্ বা অপি ভার্যাম্ বা অপি অনুজস্য যঃ ॥৪-১৮-২২॥
18.23
প্রচরেত নরঃ কামাৎ তস্য দণ্ডো বধঃ স্মৃতঃ ।
ভরতঃ তু মহীপালো বয়ম্ তু আদেশ বর্তিনঃ ॥৪-১৮-২৩॥
18.24
ত্বম্ চ ধর্মাৎ অতিক্রান্তঃ কথম্ শক্যম্ উপেক্ষিতুম্ ।
গুরু ধর্ম ব্যতিক্রান্তম্ প্রাজ্ঞো ধর্মেণ পালয়ন্ ॥৪-১৮-২৪॥
18.25
ভরতঃ কাম যুক্তানাম্ নিগ্রহে পর্যবস্থিতঃ ।
বয়ম্ তু ভরত আদেশম্ বিধিম্ কৃত্বা হরীশ্বর ।ত্বৎ বিধান্ ভিন্ন মর্যাদান্ নিগ্রহীতুম্ ব্যবস্থিতাঃ ॥৪-১৮-২৫॥
18.26
সুগ্রীবেণ চ মে সখ্যম্ লক্ষ্মণেন যথা তথা ।
দার রাজ্য নিমিত্তম্ চ নিঃশ্রেয়সকরঃ স মে ॥৪-১৮-২৬॥
18.27
প্রতিজ্ঞা চ ময়া দত্তা তদা বানর সংনিধৌ ।
প্রতিজ্ঞা চ কথম্ শক্যা মৎ বিধেন অনবেক্ষিতুম্ ॥৪-১৮-২৭॥
18.28
তৎ এভিঃ কারণৈঃ সর্বৈর্ মহদ্ভিঃ ধর্ম সংহিতৈঃ ।
শাসনম্ তব যৎ যুক্তম্ তৎ ভবান্ অনুমন্যতাম্ ॥৪-১৮-২৮॥
18.29
সর্বথা ধর্ম ইতি এব দ্রষ্টব্যঃ তব নিগ্রহঃ ।
বয়স্যস্য উপকর্তব্যম্ ধর্মম্ এব অনুপশ্যতা ॥৪-১৮-২৯॥
18.30
শক্যম্ ত্বয়া অপি তৎ কার্যম্ ধর্মম্ এব অনুবর্ততা ।
শ্রূয়তে মনুনা গীতৌ শ্লোকৌ চারিত্র বত্সলৌ।গৃহীতৌ ধর্ম কুশলৈঃ তথা তৎ চরিতম্ ময়াঅ ॥৪-১৮-৩০॥
18.31
রাজভিঃ ধৃত দণ্ডাঃ চ কৃত্বা পাপানি মানবাঃ ।
নির্মলাঃ স্বর্গম্ আয়ান্তি সন্তঃ সুকৃতিনো যথা ॥৪-১৮-৩১॥
18.32
শসনাৎ বা অপি মোক্ষাৎ বা স্তেনঃ পাপাৎ প্রমুচ্যতে ।
রাজা তু অশাসন্ পাপস্য তদ্ আপ্নোতি কিল্বিষম্ ॥৪-১৮-৩২॥
18.33
আর্যেণ মম মান্ধাত্রা ব্যসনম্ ঘোরম্ ঈপ্সিতম্ ।
শ্রমণেন কৃতে পাপে যথা পাপম্ কৃতম্ ত্বয়া ॥৪-১৮-৩৩॥
18.34
অন্যৈঃ অপি কৃতম্ পাপম্ প্রমত্তৈঃ বসুধা অধিপৈঃ ।
প্রায়শ্চিত্তম্ চ কুর্বন্তি তেন তৎ শাম্যতে রজঃ ॥৪-১৮-৩৪॥
18.35
তৎ অলম্ পরিতাপেন ধর্মতঃ পরিকল্পিতঃ ।
বধো বানরশার্দূল ন বয়ম্ স্ব বশে স্থিতাঃ ॥৪-১৮-৩৫॥
18.36
শ্রুণু চ অপি অপরম্ ভূয়ঃ কারণম্ হরিপুংগব ।
তৎ শ্রুত্বা হি মহৎ বীর ন মন্যুম্ কর্তুম্ অর্হসি ॥৪-১৮-৩৬॥
18.37
ন মে তত্র মনস্তাপো ন মন্যুঃ হরিপুংগব ।
বাগুরাভিঃ চ পাশৈঃ চ কূটৈঃ চ বিবিধৈঃ নরাঃ ॥৪-১৮-৩৭॥
18.38
প্রতিচ্ছন্নাঃ চ দৃশ্যাঃ চ গৃহ্ণন্তি সুবহূন্ মৃগান্ ।
প্রধাবিতান্ বা বিত্রস্তান্ বিস্রব্ধান্ অতিবিষ্ঠিতান্ ॥৪-১৮-৩৮॥
18.39
প্রমত্তান্ অপ্রমত্তান্ বা নরা মাম্স অশিনো ভৃশম্ ।
বিধ্যন্তি বিমুখাম্ চ অপি ন চ দোষো অত্র বিদ্যতে ॥৪-১৮-৩৯॥
18.40
যান্তি রাজর্ষয়ঃ চ অত্র মৃগয়াম্ ধর্ম কোবিদাঃ ।
তস্মাৎ ত্বম্ নিহতো যুদ্ধে ময়া বাণেন বানর ।অয়ুধ্যন্ প্রতিয়ুধ্যন্ বা যস্মাৎ শাখা মৃগো হি অসি ॥৪-১৮-৪০॥
18.41
দুর্লভস্য চ ধর্মস্য জীবিতস্য শুভস্য চ ।
রাজানো বানরশ্রেষ্ঠ প্রদাতারো ন সম্শয়ঃ ॥৪-১৮-৪১॥
18.42
তান্ ন হিংস্যাৎ ন চ আক্রোশেন্ ন আক্ষিপেন্ ন অপ্রিয়ম্ বদেৎ ।
দেবা মানুষ রূপেণ চরন্তি এতে মহী তলে ॥৪-১৮-৪২॥
18.43
ত্বম্ তু ধর্মম্ অবিজ্ঞায় কেবলম্ রোষম্ আস্থিতঃ ।
বিদূষয়সি মাম্ ধর্মে পিতৃ পৈতামহে স্থিতম্ ॥৪-১৮-৪৩॥
18.44
এবম্ উক্তঃ তু রামেণ বালী প্রব্যথিতো ভৃশম্ ।
ন দোষম্ রাঘবে দধ্যৌ ধর্মে অধিগত নিশ্চয়ঃ ॥৪-১৮-৪৪॥
18.45
প্রত্যুবাচ ততো রামম্ প্রাংজলির্ বানরেশ্বরঃ ।
যৎ ত্বম্ আত্থ নরশ্রেষ্ঠ তৎ থথা এব ন অত্র সংশয়ঃ ॥৪-১৮-৪৫॥
18.46
প্রতিবক্তুম্ প্রকৃষ্টে হি ন অপকৃষ্টঃ তু শক্নুয়াৎ ।
যৎ অয়ুক্তম্ ময়া পূর্বম্ প্রমাদাৎ বাক্যম্ অপ্রিয়ম্ ॥৪-১৮-৪৬॥
18.47
তত্র অপি খলু মাম্ দোষম্ কর্তুম্ ন অর্হসি রাঘব ।
ত্বম্ হি দৃষ্টার্থ তত্ত্বজ্ঞঃ প্রজানাম্ চ হিতে রতঃ ।কার্য কারণ সিদ্ধৌ চ প্রসন্না বুদ্ধিঃ অব্যয়া ॥৪-১৮-৪৭॥
18.48
মাম্ অপি অবগতম্ ধর্মাৎ ব্যতিক্রান্ত পুরস্কৃতম্ ।
ধর্ম সংহিতয়া বাচা ধর্মজ্ঞ পরিপালয় ॥৪-১৮-৪৮॥
18.49
বাষ্প সংরুদ্ধ কণ্ঠঃ তু বালী স আর্ত রবঃ শনৈঃ ।
উবাচ রামম্ সংপ্রেক্ষ্য পংকলগ্ন ইব দ্বিপঃ ॥৪-১৮-৪৯॥
18.50
ন চ আত্মানম্ অহম্ শোচে ন তারাম্ ন অপি বান্ধবান্ ।
যথা পুত্রম্ গুণশ্রেষ্ঠম্ অংগদম্ কনকাংগদম্ ॥৪-১৮-৫০॥
18.51
স মম অদর্শনাৎ দীনো বাল্যাৎ প্রভৃতি লালিতঃ ।
তটাক ইব পীতাংবুঃ উপশোষম্ গমিষ্যতি ॥৪-১৮-৫১॥
18.52
বালঃ চ অকৃতবুদ্ধিঃ চ এক পুত্রঃ চ মে প্রিয়ঃ ।
তারেয়ো রাম ভবতা রক্ষণীয়ো মহাবলঃ ॥৪-১৮-৫২॥
18.53
সুগ্রীবে চ অংগদে চৈব বিধত্স্ব মতিম্ উত্তমাম্ ।
ত্বম্ হি গোপ্তা চ শাস্তা চ কার্যাকার্য বিধৌ স্থিতঃ ॥৪-১৮-৫৩॥
18.54
যা তে নরপতে বৃত্তিঃ ভরতে লক্ষ্মণে চ যা ।
সুগ্রীবে চ অংগদে রাজন্ তাম্ চিংতয়িতুম্ অর্হসি ॥৪-১৮-৫৪॥
18.55
মৎ দোষ কৃত দোষাম্ তাম্ যথা তারাম্ তপস্বিনীম্ ।
সুগ্রীবো ন অবমন্যেত তথা অবস্থাতুম্ অর্হসি ॥৪-১৮-৫৫॥
18.56
ত্বয়া হি অনুগৃহীতেন শক্যম্ রাজ্যম্ উপাসিতুম্ ।
ত্বৎ বশে বর্তমানেন তব চিত্ত অনুবর্তিনা ॥৪-১৮-৫৬॥
18.57
শক্যম্ দিবম্ চ আর্জয়িতুম্ বসুধাম্ চ অপি শাসিতুম্ ।
ত্বতঃ অহম্ বধম্ আকাংক্ষয়ন্ বার্যমাণো অপি তারয়া ॥৪-১৮-৫৭॥
18.58
সুগ্রীবেণ সহ ভ্রাতা দ্বন্দ্ব যুদ্ধম্ উপাগতম্ ।
ইতি উক্ত্বা বানরো রামম্ বিররাম হরীশ্বরঃ ॥৪-১৮-৫৮॥
18.59
স তম্ আশ্বাসয়ৎ রামো বালিনম্ ব্যক্ত দর্শনম্ ।
সাধু সম্মতয়া বাচা ধর্ম তত্ত্বার্ত্ধ যুক্তয়া ॥৪-১৮-৫৯॥
18.60
ন সংতাপঃ ত্বয়া কার্যম্ এতৎ অর্থম্ প্লবংগম ।
ন বয়ম্ ভবতা চিংত্যা ন অপি আত্মা হরিসত্তম ।বয়ম্ ভবৎ বিশেষেণ ধর্মতঃ কৃত নিশ্চয়াঃ ॥৪-১৮-৬০॥
18.61
দণ্ড্যে যঃ পাতয়েৎ দণ্ডম্ দণ্ড্যো যঃ চ অপি দণ্ড্যতে ।
কার্য কারণ সিদ্ধার্থৌ উভৌ তৌ ন অবসীদতঃ ॥৪-১৮-৬১॥
18.62
তৎ ভবান্ দণ্ড সম্যোগাৎ অস্মাৎ বিগত কল্মষঃ ।
গতঃ স্বাম্ প্রকৃতিম্ ধর্ম্যাম্ ধর্ম দিষ্টেন বর্ত্মনা ॥৪-১৮-৬২॥
18.63
ত্যজ শোকম্ চ মোহম্ চ ভয়ম্ চ হৃদয়ে স্থিতম্ ।
ত্বয়া বিধানম্ হর্যগ্র্য ন শক্যম্ অতিবর্তিতুম্ ॥৪-১৮-৬৩॥
18.64
যথা ত্বয়ি অংগদো নিত্যম্ বর্ততে বানরেশ্বরঃ ।
তথা বর্ততে সুগ্রীবো ময়ি চ অপি ন সংশয়ঃ ॥৪-১৮-৬৪॥
18.65
স তস্য বাক্যম্ মধুরম্ মহাত্মনঃসমাহিতম্ ধর্ম পথানুবর্তিনঃ ।
নিশম্য রামস্য রণাবমর্দিনোবচঃ সুয়ুক্তম্ নিজগাদ বানরঃ ॥৪-১৮-৬৫॥
18.66
শরাভিতপ্তেন বিচেতসা ময়াপ্রদূষিতঃ ত্বম্ যদ্ অজানতা বিভো ।
ইদম্ মহেন্দ্রোপম ভীম বিক্রমপ্রসাদিতঃ ত্বম্ ক্ষম মে নরেশ্বর ॥৪-১৮-৬৬॥