Utshovসর্গ 19
19.1
স বানর মহারাজঃ শয়ানঃ শর পীডিতঃ ।
প্রত্যুক্তো হেতুমদ্ বাক্যৈঃ ন উত্তরম্ প্রত্যপদ্যত ॥৪-১৯-১॥
19.2
অশ্মভিঃ পরিভিন্ন অংগঃ পাদপৈর্ আহতো ভৃশম্ ।
রাম বাণেন চ আক্রান্তো জীবিত অংতে মুমোহ সঃ ॥৪-১৯-২॥
19.3
তম্ ভার্যা বাণ মোক্ষেণ রাম দত্তেন সংয়ুগে ।
হতম্ প্লবগ শার্দূলম্ তারা শুশ্রাব বালিনম্ ॥৪-১৯-৩॥
19.4
সা সপুত্র অপ্রিয়ম্ শ্রুত্বা বধম্ ভর্তুঃ সুদারুণম্ ।
নিষ্পপাত ভৃশম্ তস্মাৎ উদ্বিগ্না গিরি কংদরাৎ ॥৪-১৯-৪॥
19.5
যে তে অংগদ পরীবারা বানরা হি মহাবলাঃ ।
তে সকার্মুকম্ আলোক্য রামম্ ত্রস্তাঃ প্রদুদ্রুবুঃ ॥৪-১৯-৫॥
19.6
সা দদর্শ ততঃ ত্রস্তান্ হরীন্ আপততো দ্রুতম্ ।
যূথাদ্ ইব পরিভ্রষ্টান্ মৃগান্ নিহত যূথপান্ ॥৪-১৯-৬॥
19.7
তান্ উবাচ সমাসাদ্য দুঃখিতান্ দুঃখিতা সতী ।
রাম বিত্রাসিতান্ সর্বান্ অনুবদ্ধান্ ইব ইষুভিঃ ॥৪-১৯-৭॥
19.8
বানরা রাজ সিংহস্য যস্য যূয়ম্ পুরঃ সরাঃ ।
তম্ বিহায় সুবিত্রস্তাঃ কস্মাদ্ দ্রবত দুর্গতাঃ ॥৪-১৯-৮॥
19.9
রাজ্য হেতোঃ স চেৎ ভ্রাতা ভ্রাত্রা কৄরেণ পাতিতঃ ।
রামেণ প্রসৃতৈঃ দূরাৎ মার্গণৈঃ দূর পাতিভিঃ ॥৪-১৯-৯॥
19.10
কপি পত্ন্যা বচঃ শ্রুত্বা কপয়ঃ কাম রূপিণঃ ।
প্রাপ্ত কালম্ অবিশ্লিষ্টম্ ঊচুর্ বচনম্ অংগনাম্ ॥৪-১৯-১০॥
19.11
জীবপুত্রে নিবর্তস্ব পুত্রম্ রক্ষস্ব চ অন্দগম্ ।
অংতকো রাম রূপেণ হত্বা নয়তি বালিনম্ ॥৪-১৯-১১॥
19.12
ক্ষিপ্তান্ বৃক্ষান্ সমাবিধ্য বিপুলাঃ চ শিলাঃ তথা ।
বালী বজ্র সমৈর্ বাণৈর্ বজ্রেণ ইব নিপাতিতঃ ॥৪-১৯-১২॥
19.13
অভিভূতম্ ইদম্ সর্বম্ বিদ্রুতম্ বানরম্ বলম্ ।
অস্মিন্ প্লবগ শার্দূলে হতে শক্র সম প্রভে ॥৪-১৯-১৩॥
19.14
রক্ষ্যতাম্ নগরম্ শূরৈর্ অংগদঃ চ অভিষিচ্যতাম্ ।
পদস্থম্ বালিনঃ পুত্রম্ ভজিষ্যন্তি প্লবংগমাঃ ॥৪-১৯-১৪॥
19.15
অথবা অরুচিতম্ স্থানম্ ইহ তে রুচিরাননে ।
আবিশন্তি হি দুর্গাণি ক্ষিপ্রম্ অদ্য এব বানরাঃ ॥৪-১৯-১৫॥
19.16
অভার্যাঃ সহ ভার্যাঃ চ সন্তি অত্র বন চারিণঃ ।
লুব্ধেভ্যো বিপ্রলব্ধেয়ঃ তেভ্যো নঃ সুমহদ্ ভয়ম্ ॥৪-১৯-১৬॥
19.17
অল্পাংতর গতানাম্ তু শ্রুত্বা বচনম্ অংগনা ।
আত্মনঃ প্রতিরূপম্ সা বভাষে চারু হাসিনী ॥৪-১৯-১৭॥
19.18
পুত্রেণ মম কিম্ কার্যম্ কিম্ রাজ্যেন কিম্ আত্মনা ।
কপি সিম্হে মহা ভাগে তস্মিন্ ভর্তরি নশ্যতি ॥৪-১৯-১৮॥
19.19
পাদ মূলম্ গমিষ্যামি তস্য এব অহম্ মহাত্মনঃ ।
যো অসৌ রাম প্রয়ুক্তেন শরেণ বিনিপাতিতঃ ॥৪-১৯-১৯॥
19.20
এবম্ উক্ত্বা প্রদুদ্রাব রুদতী শোক মূর্চ্ছিতা ।
শিরঃ চ উরঃ চ বাহুভ্যাম্ দুঃখেন সমভিঘ্নতী ॥৪-১৯-২০॥
19.21
সা ব্রজন্তী দদর্শ অথ পতিম্ নিপতিতম্ ভুবি ।
হন্তারম্ দানব ইন্দ্রাণাম্ সমরেষু অনিবর্তিনাম্ ॥৪-১৯-২১॥
19.22
ক্ষেপ্তারম্ পর্বত ইন্দ্রাণাম্ বজ্রাণাম্ ইব বাসবম্ ।
মহাবাত সমাবিষ্টম্ মহামেঘ ঔঘ নিঃস্বনম্ ॥৪-১৯-২২॥
19.23
শক্রতুল্য পরাক্রাংতম্ বৃষ্ট্বা ইব উপরতম্ ঘনম্ ।
নর্দন্তম্ নর্দতাম্ ভীমম্ শূরম্ শূরেণ পাতিতম্ ।শার্দূলেন আমিষস্য অর্থে মৃগ রাজম্ ইব আহতম্ ॥৪-১৯-২৩॥
19.24
অর্চিতম্ সর্ব লোকস্য সপতাকম্ সবেদিকম্ ।
নাগ হেতোঃ সুপর্ণেন চৈত্যম্ উন্মথিতম্ যথা ॥৪-১৯-২৪॥
19.25
অবষ্টভ্য অবতিষ্ঠংতম্ দদর্শ ধনুর্ ঊর্জিতম্ ।
রামম্ রামানুজম্ চৈব ভর্তুঃ চৈব তথা অনুজম্ ॥৪-১৯-২৫॥
19.26
তান্ অতীত্য সমাসাদ্য ভর্তারম্ নিহতম্ রণে ।
সমীক্ষ্য ব্যথিতা ভূমৌ সংভ্রাংতা নিপপাত হ ॥৪-১৯-২৬॥
19.27
সুপ্তা ইব পুনর্ উত্থায় আর্য পুত্র ইতি বাদিনী ।
রুরোদ সা পতিম্ দৃষ্ট্বা সম্বীতম্ মৃত্যু দামভিঃ ॥৪-১৯-২৭॥
19.28
তাম্ অবেক্ষ্য তু সুগ্রীবঃ ক্রোশন্তীম্ কুররীম্ ইব ।
বিষাদম্ অগমৎ কষ্টম্ দৃষ্ট্বা চ অংগদম্ আগতম্ ॥৪-১৯-২৮॥