Utshovসর্গ 8
8.1
পরিতুষ্টঃ তু সুগ্রীবঃ তেন বাক্যেন হর্ষিতঃ ।
লক্ষ্মণস্য অগ্রজম্ শূরম্ ইদম্ বচনম্ অব্রবীৎ ॥৪-৮-১॥
8.2
সর্বথা অহম্ অনুগ্রাহ্যো দেবতানাম্ ন সংশয়ঃ ।
উপপন্নঃ গুণ উপেতঃ সখা যস্য ভবান্ মম ॥৪-৮-২॥
8.3
শক্যম্ খলু ভবেৎ রাম সহায়েন ত্বয়া অনঘ ।
সুর রাজ্যম্ অপি প্রাপ্তুম্ স্ব রাজ্যম্ কিমুত প্রভো ॥৪-৮-৩॥
8.4
সোঽহম্ সভাজ্যো বন্ধূনাম্ সুহৃদাম্ চৈব রাঘব ।
যস্য অগ্নি সাক্ষিকম্ মিত্রম্ লব্ধম্ রাঘব বংশজম্ ॥৪-৮-৪॥
8.5
অহম্ অপি অনুরূপঃ তে বয়স্যো জ্ঞাস্যসে শনৈঃ ।
ন তু বক্তুম্ সমর্থোঽহম্ ত্বয়ি আত্মগতান্ গুণান্ ॥৪-৮-৫॥
8.6
মহাত্মনাম্ তু ভূয়িষ্ঠম্ ত্বৎ বিধানাম্ কৃত আত্মনাম্ ।
নিশ্চলা ভবতি প্রীতিঃ ধৈর্যম্ আত্মবতাম্ বর ॥৪-৮-৬॥
8.7
রজতম্ বা সুবর্ণম্ বা শুভানি আভরণানি চ ।
অবিভক্তানি সাধূনাম্ অবগচ্ছন্তি সাধবঃ ॥৪-৮-৭॥
8.8
আঢ্যো বা অপি দরিদ্রো বা দুঃখিতঃ সুখিতোঽপি বা ।
নির্দোষঃ চ সদোষঃ চ বয়স্যঃ পরমা গতিঃ ॥৪-৮-৮॥
8.9
ধন ত্যাগঃ সুখ ত্যাগো দেশ ত্যাগোঽপি বা অনঘঃ ।
বয়স্যার্থে প্রবর্তন্তে স্নেহম্ দৃষ্ট্বা তথা বিধম্ ॥৪-৮-৯॥
8.10
তৎ তথা ইতি অব্রবীৎ রামঃ সুগ্রীবম্ প্রিয় দর্শনম্ ।
লক্ষ্মণস্য অগ্রতঃ লক্ষ্ম্যা বাসবস্য ইব ধীমতঃ ॥৪-৮-১০॥
8.11
ততো রামম্ স্থিতম্ দৃষ্ট্বা লক্ষ্মণম্ চ মহাবলম্ ।
সুগ্রীবঃ সর্বতঃ চক্ষুঃ বনে লোলম্ অপাতয়ৎ ॥৪-৮-১১॥
8.12
স দদর্শ ততঃ সালম্ অবিদূরে হরীশ্বরঃ ।
সুপুষ্পম্ ঈষৎ পত্র আঢ্যম্ ভ্রমরৈঃ উপশোভিতম্ ॥৪-৮-১২॥
8.13
তস্য একাম্ পর্ণ বহুলাম্ শাখাম্ ভংক্ত্বা সুশোভিতাম্ ।
রামস্য আস্তীর্য সুগ্রীবো নিষসাদ স রাঘবঃ ॥৪-৮-১৩॥
8.14
তৌ আসীনৌ ততঃ দৃষ্ট্বা হনূমান্ অপি লক্ষ্মণম্ ।
সাল শাখাম্ সমুত্পাট্য বিনীতম্ উপবেশয়ৎ ॥৪-৮-১৪॥
8.15
সুখ উপবিষ্টম্ রামম্ তু প্রসন্নম্ উদধিম্ যথা ।
সাল পুষ্পাব সংকীর্ণে তস্মিন্ গিরিবর উত্তমে ॥৪-৮-১৫॥
8.16
ততঃ প্রহৃষ্টঃ সুগ্রীবঃ শ্লক্ষ্ণয়া শুভয়া গিরা ।
উবাচ প্রণয়াদ্ রামম্ হর্ষ ব্যাকুলিত অক্ষরম্ ॥৪-৮-১৬॥
8.17
অহম্ বিনিকৃতো ভ্রাত্রা চরামি এষ ভয়ার্দিতঃ ।
ঋষ্যমূকম্ গিরি বরম্ হৃত ভার্যঃ সুদুঃখিতঃ ॥৪-৮-১৭॥
8.18
সোঽহম্ ত্রস্তঃ ভয়ে মগ্নঃ বনে সংব্রান্ত চেতনঃ ।
বালিনা নিকৃতঃ ভ্রাত্রা কৃত বৈরঃ চ রাঘব ॥৪-৮-১৮॥
8.19
বালিনঃ মে ভয় আর্তস্য সর্বলোক অভয়ংকর ।
মম অপি ত্বম্ অনাথস্য প্রসাদম্ কর্তুম্ অর্হসি ॥৪-৮-১৯॥
8.20
এবম্ উক্তঃ তু তেজস্বী ধর্মজ্ঞো ধর্ম বত্সলঃ ।
প্রত্যুবাচ স কাকুত্স্থঃ সুগ্রীবম্ প্রহসন্ ইব ॥৪-৮-২০॥
8.21
উপকার ফলম্ মিত্রম্ অপকারো অরি লক্ষণম্ ।
অদ্য এব তম্ বধিষ্যামি তব ভার্যা অপহারিণম্ ॥৪-৮-২১॥
8.22
ইমে হি মে মহাভাগ পত্রিণঃ তিগ্ম তেজসঃ ।
কার্তিকেয় বন উদ্ভূতাঃ শরা হেম বিভূষিতাঃ ॥৪-৮-২২॥
8.23
কন্ক পত্র পরিচ্ছন্না মহেন্দ্র অশনি সন্নিভাঃ ।
সুপর্বাণঃ সুতীক্ষ্ণ অগ্রা সরোষা ভুজগা ইব ॥৪-৮-২৩॥
8.24
বালি সজ্ঞম্ অমিত্রম্ তে ভ্রাতরম্ কৃত কিল্বিষম্ ।
শরৈঃ বিনিহতম্ পশ্য বিকীর্ণম্ ইব পর্বতম্ ॥৪-৮-২৪॥
8.25
রাঘবস্য বচঃ শ্রুত্বা সুগ্রীবো বাহিনী পতিঃ ।
প্রহর্ষম্ অতুলম্ লেভে সাধু সাধ্বিতি চ অব্রবীৎ ॥৪-৮-২৫॥
8.26
রাম শোক অভিভূতো অহম্ শোক আর্তানাম্ ভবান্ গতিঃ ।
বয়স্য ইতি কৃত্বা হি ত্বয়ি অহম্ পরিদেবয়ে ॥৪-৮-২৬॥
8.27
ত্বম্ হি পাণি প্রদানেন বয়স্যো মে অগ্নি সাক্ষিকম্ ।
কৃতঃ প্রাণৈঃ বহুমতঃ সত্যেন চ শপামি অহম্ ॥৪-৮-২৭॥
8.28
বয়স্য ইতি কৃত্বা চ বিস্রব্ধঃ প্রবদামি অহম্ ।
দুঃখম্ অন্তর্গতম্ তন্ মে মনো হরতি নিত্যশঃ ॥৪-৮-২৮॥
8.29
এতাবৎ উক্ত্বা বচনম্ বাষ্প দূষিত লোচনঃ ।
বাষ্প দূষিতয়া বাচা ন উচ্চৈঃ শ্ক্নোতি ভাষিতুম্ ॥৪-৮-২৯॥
8.30
বাষ্প বেগম্ তু সহসা নদী বেগম্ ইব আগতম্ ।
ধারয়ামাস ধৈর্যেণ সুগ্রীবঃ রাম সংনিধৌ ॥৪-৮-৩০॥
8.31
স নিগৃহ্য তু তম্ বাষ্পম্ প্রমৃজ্য নয়নে শুভে ।
বিনিঃশ্বস্য চ তেজস্বী রাঘবম্ পুনরূচিবান্ ॥৪-৮-৩১॥
8.32
পুরা অহম্ বলিনা রাম রাজ্যাৎ স্বাৎ অবরোপিতঃ ।
পরুষাণি চ সংশ্রাব্য নির্ধূতো অস্মি বলীয়সা ॥৪-৮-৩২॥
8.33
হৃতা ভার্যা চ মে তেন প্রাণেভ্যো অপি গরীয়সী ।
সুহৃদঃ চ মদীয়া যে সংয়তা বন্ধনেষু তে ॥৪-৮-৩৩॥
8.34
যত্নবান্ চ স দুষ্টাত্মা মদ্ বিনাশায় রাঘব ।
বহুশঃ তৎ প্রয়ুক্তাঃ চ বানরা নিহতা ময়া ॥৪-৮-৩৪॥
8.35
শংকয়া এতয়া অহম্ চ দৃষ্ট্বা ত্বাম্ অপি রাঘব ।
ন উপসর্পামি অহম্ ভীতো ভয়ে সর্বে হি বিভ্যতি ॥৪-৮-৩৫॥
8.36
কেবলম্ হি সহায়া মে হনুমৎ প্রমুখাস্ত্বিমে ।
অতঃ অহম্ ধারয়ামি অদ্য প্রাণান্ কৃচ্ছ্র গতঃ অপি সন্ ॥৪-৮-৩৬॥
8.37
এতে হি কপয়ঃ স্নিগ্ধা মাম্ রক্ষন্তি সমন্ততঃ ।
সহ গচ্ছন্তি গন্তব্যে নিত্যম্ তিষ্ঠন্তি চ স্থিতে ॥৪-৮-৩৭॥
8.38
সংক্ষেপঃ তে এষ মে রাম কিম্ উক্ত্বা বিস্তরম্ হি তে ।
স মে জ্যেষ্ঠো রিপুঃ ভ্রাতা বালী বিশ্রুত পৌরুষঃ ॥৪-৮-৩৮॥
8.39
তদ্ বিনাশে অপি মে দুঃখম্ প্রমৃষ্টম্ স্যাৎ অনন্তরম্ ।
সুখম্ মে জীবিতম্ চৈব তদ্ বিনাশ নিবন্ধনম্ ॥৪-৮-৩৯॥
8.40
এষ মে রাম শোকান্তঃ শোক আর্তেন নিবেদিতঃ ।
দুঃখিতঃ সুখিতঃ বা অপি সখ্যুঃ নিত্যম্ সখা গতিঃ ॥৪-৮-৪০॥
8.41
শ্রুত্বা এতৎ চ বচঃ রামঃ সুগ্রীবম্ ইদম্ অব্রবীৎ ।
কিম্ নিমিত্তম্ অভূৎ বৈরম্ শ্রোতুম্ ইচ্ছামি তত্ত্বতঃ ॥৪-৮-৪১॥
8.42
সুখম্ হি কারণম্ শ্রুত্বা বৈরস্য তব বানর ।
আনন্তর্যদ্ বিধাস্যামি সংপ্রধার্য বলাবলম্ ॥৪-৮-৪২॥
8.43
বলবান্ হি মম অমর্ষঃ শ্রুত্বা ত্বাম্ অবমানিতম্ ।
বর্ধতে হৃদয় উত্কম্পী প্রাবৃড্ বেগ ইব অংভসঃ ॥৪-৮-৪৩॥
8.44
হৃষ্টঃ কথয় বিস্রব্ধো যাবৎ আরোপ্যতে ধনুঃ ।
সৃষ্টঃ চ হি ময়া বাণো নিরস্তঃ চ রিপুঃ তব ॥৪-৮-৪৪॥
8.45
এবম্ উক্তঃ তু সুগ্রীবঃ কাকুত্স্থেন মহাত্মনা ।
প্রহর্ষম্ অতুলম্ লেভে চতুর্ভিঃ সহ বানরৈঃ ॥৪-৮-৪৫॥
8.46
ততঃ প্রহৃ^ইষ্ট বদনঃ সুগ্রীবঃ লক্ষ্মণাগ্রজে ।
বৈরস্য কারণম্ তত্ত্বম্ আখ্যাতুম্ উপচক্রমে ॥৪-৮-৪৬॥