Utshovসর্গ 7
7.1
এবম্ উক্তঃ তু সুগ্রীবঃ রামেণ আর্তেন বানরঃ ।
অব্রবীৎ প্রাঞ্জলিঃ বাক্যম্ সবাষ্পম্ বাষ্প গদ্গদঃ ॥৪-৭-১॥
7.2
ন জানে নিলয়ম্ তস্য সর্বথা পাপ রক্ষসঃ ।
সামর্থ্যম্ বিক্রমম্ বা অপি দৌষ্কুলেয়স্য বা কুলম্ ॥৪-৭-২॥
7.3
সত্যম্ তু প্রতিজানামি ত্যজ শোকম্ অরিন্দম ।
করিষ্যামি তথা যত্নম্ যথা প্রাপ্স্যসি মৈথিলীম্ ॥৪-৭-৩॥
7.4
রাবণম্ সগণম্ হত্বা পরিতোষ্য আত্ম পৌরুষম্ ।
তথা অস্মি কর্তা নচিরাদ্ যথা প্রীতো ভবিষ্যসি ॥৪-৭-৪॥
7.5
অলম্ বৈক্লব্যম্ আলম্ব্য ধৈর্যম্ আত্মগতম্ স্মর ।
ত্বৎ বিধানাম্ ন সদৃশম্ ঈদৃশম্ বুদ্ধি লাঘবম্ ॥৪-৭-৫॥
7.6
ময়া অপি ব্যসনম্ প্রাপ্তম্ ভার্যা বিরহজম্ মহৎ ।
ন অহম্ এবম্ হি শোচামি ধৈর্যম্ ন চ পরিত্যজে ॥৪-৭-৬॥
7.7
ন অহম্ তাম্ অনুশোচামি প্রাকৃতো বানরো অপি সন্ ।
মহাত্মা চ বিনীতঃ চ কিম্ পুনর্ ধৃতিমান্ মহান্ ॥৪-৭-৭॥
7.8
বাষ্পম্ আপতিতম্ ধৈর্যাৎ নিগ্রহীতুম্ ত্বম্ অর্হসি ।
মর্যাদাম্ সত্ত্ব যুক্তানাম্ ধৃতিম্ ন উত্স্রষ্টুম্ অর্হসি ॥৪-৭-৮॥
7.9
ব্যসনে বা অর্থ কৃচ্ছ্রে বা ভয়ে বা জীবিতান্তগে ।
বিমৃশন্ বৈ স্বয়া বুদ্ধ্যা ধৃতিমান্ ন অবসীদতি ॥৪-৭-৯॥
7.10
বালিশস্ তু নরো নিত্যম্ বৈক্লব্যম্ যোঽনুবর্ততে ।
স মজ্জতি অবশঃ শোকে ভার আক্রান্তা ইব নৌঃ জলে ॥৪-৭-১০॥
7.11
এষো অন্জলিঃ ময়া বদ্ধঃ প্রণয়াৎ ত্বাম্ প্রসাদয়ে ।
পৌরুষম্ শ্রয় শোকস্য ন অন্তরম্ দাতুম্ অর্হসি ॥৪-৭-১১॥
7.12
যে শোকম্ অনুবর্তন্তে ন তেষাম্ বিদ্যতে সুখম্ ।
তেজঃ চ ক্ষীয়তে তেষাম্ ন ত্বম্ শোচিতুম্ অর্হসি ॥৪-৭-১২॥
7.13
শোকেন অভিপ্রপন্নস্য জীবিতে চ অপি সংশয়ঃ ।
স শোকম্ ত্যজ রাজেন্দ্র ধৈর্যম্ আশ্রয় কেবলম্ ॥৪-৭-১৩॥
7.14
হিতম্ বয়স্য ভাবেন ব্রূমি ন উপদিশামি তে ।
বয়স্যতাম্ পূজয়ন্ মে ন ত্বম্ শোচিতুম্ অর্হসি ॥৪-৭-১৪॥
7.15
মধুরম্ সান্ত্বিতঃ তেন সুগ্রীবেণ স রাঘবঃ ।
মুখম্ অশ্রু পরি ক্লিন্নম্ বস্ত্র অন্তেন প্রমার্জয়ৎ ॥৪-৭-১৫॥
7.16
প্রকৃতিঃ স্থঃ তু কাকুত্স্থঃ সুগ্রীব বচনাৎ প্রভুঃ ।
সংপরিষ্বজ্য সুগ্রীবম্ ইদম্ বচনম্ অব্রবীৎ ॥৪-৭-১৬॥
7.17
কর্তব্যম্ যৎ বয়স্যেন স্নিগ্ধেন চ হিতেন চ ।
অনুরূপম্ চ যুক্তম্ চ কৃতম্ সুগ্রীব তৎ ত্বয়া ॥৪-৭-১৭॥
7.18
এষ চ প্রকৃতিঃ স্থঃ অহম্ অনুনীতঃ ত্বয়া সখে ।
দুর্লভো হি ঈদৃশো বন্ধুঃ অস্মিন্ কালে বিশেষতঃ ॥৪-৭-১৮॥
7.19
কিম্ তু যত্নঃ ত্বয়া কার্যো মৈথিল্যাঃ পরিমার্গণে ।
রাক্ষসস্য চ রৌদ্রস্য রাবণস্য দুরাত্মনঃ ॥৪-৭-১৯॥
7.20
ময়া চ যদ্ অনুষ্ঠেয়ম্ বিস্রব্ধেন তৎ উচ্যতাম্ ।
বর্ষাসু ইব চ সুক্ষেত্রে সর্বম্ সংপদ্যতে তব ॥৪-৭-২০॥
7.21
ময়া চ যদিদম্ বাক্যম্ অভিমানাৎ সমীরিতম্ ।
তৎ ত্বয়া হরিশার্দূল তৎ ত্বম্ ইতি উপধার্যতাম্ ॥৪-৭-২১॥
7.22
অনৃতম্ ন উক্ত পূর্বম্ মে ন চ বক্ষ্যে কদাচন ।
এতৎ তে প্রতিজানামি সত্যেন এব শপামি অহম্ ॥৪-৭-২২॥
7.23
ততঃ প্রহৃষ্টঃ সুগ্রীবঃ বানরৈঃ সচিবৈঃ সহ ।
রাঘবস্য বচঃ শ্রুত্বা প্রতিজ্ঞাতম্ বিশেষতঃ ॥৪-৭-২৩॥
7.24
এবম্ একান্ত সংপৃক্তৌ ততঃ তৌ নর বানরৌ ।
উভৌ অন্যোন্য সদৃশম্ সুখ দুঃখম্ অভাষ্তাম্ ॥৪-৭-২৪॥
7.25
মহানুভাবস্য বচো নিশম্যহরির্ নৃপাণাম্ অধিপস্য তস্য ।
কৃতম্ স মেনে হরিবীর মুখ্যঃতদা চ কার্যম্ হৃদয়েন বিদ্বান্ ॥৪-৭-২৫॥