Utshovসর্গ 50
50.1
সহ তারা অংগদাভ্যাম্ তু সংগম্য হনুমান্ কপিঃ ।
বিচিনোতি চ বিন্ধ্যস্য গুহাঃ চ গহনানি চ ॥৪-৫০-১॥
50.2
সিংহ শার্দূল জুষ্টাঃ চ গুহাঃ চ পরিতঃ তথা ।
বিষমেষু নগ ইন্দ্রস্য মহা প্রস্রবণেষু চ ॥৪-৫০-২॥
50.3
আসেদুঃ তস্য শৈলস্য কোটিম্ দক্ষিণ পস্চিমাম্ ।
তেষাম্ তত্র এব বসতাম্ স কালো ব্যত্যবর্তত ॥৪-৫০-৩॥
50.4
স হি দেশো দুরন্বেষ্যো গুহা গহনবান্ মহান্ ।
তত্র বায়ু সুতঃ সর্বম্ বিচিনোতি স্ম পর্বতম্ ॥৪-৫০-৪॥
50.5
পরস্পরেণ রহিতা অন্যোন্যস্য অবিদূরতঃ ।
গজো গবাক্ষো গবয়ঃ শরভো গন্ধমাদনঃ ॥৪-৫০-৫॥
50.6
মৈন্দঃ চ দ্বিবিদঃ চৈব হনুমান্ জাংববান্ অপি ।
অংগদো যুব রাজঃ চ তারঃ চ বনগোচরঃ ॥৪-৫০-৬॥
50.7
গিরি জাল আবৃতান্ দেশান্ মার্গিত্বা দক্ষিণাম্ দিশম্ ।
বিচিন্বন্তঃ ততঃ তত্র দদৃশুঃ বিবৃতম্ বিলম্ ॥৪-৫০-৭॥
50.8
দুর্গম্ ঋক্ষ বিলম্ নাম দানবেন অভিরক্ষিতম্ ।
ক্ষুৎ পিপাসা পরীতাঃ তু শ্রান্তাঃ তু সলিল অর্থিনঃ ॥৪-৫০-৮॥
50.9
অবকীর্ণম্ লতা বৃক্ষৈঃ দদৃশুঃ তে মহা বিলম্ ।
তত্র ক্রৌন্চাঃ চ হংসাঃ চ সারসাঃ চ অপি নিষ্ক্রমন্ ॥৪-৫০-৯॥
50.10
জল আর্দ্রাঃ চক্রবাকাঃ চ রক্ত অংগাঃ পদ্ম রেণুভিঃ ।
ততঃ তৎ বিলম্ আসাদ্য সুগন্ধি দুরতিক্রমম্ ॥৪-৫০-১০॥
50.11
বিস্ময় ব্যগ্র মনসো বভূবুঃ বানরর্ষভাঃ ।
সংজাত পরিশংকাঃ তে তৎ বিলম্ প্লবগ উত্তমাঃ ॥৪-৫০-১১॥
50.12
অভ্যপদ্যন্ত সংহৃষ্টাঃ তেজোবন্তো মহাবলাঃ ।
নানা সত্ত্ব সমাকীর্ণাম্ দৈত্য ইন্দ্র নিলয় উপমম্ ॥৪-৫০-১২॥
50.13
দুর্দর্শম্ ইব ঘোরম্ চ দুর্বিগাহ্যম্ চ সর্বশঃ ।
ততঃ পর্বত কূট আভো হনুমান্ মারুত আত্মজঃ ॥৪-৫০-১৩॥
50.14
অব্রবীৎ বানরান্ ঘোরান্ কান্তার বন কোবিদঃ ।
গিরি জাল আবৃতান্ দেশান্ মার্গিত্বা দক্ষিণাম্ দিশম্ ॥৪-৫০-১৪॥
50.15
বয়ম্ সর্বে পরিশ্রাংতা ন চ পশ্যাম মৈথিলীম্ ।
অস্মাৎ চ অপি বিলাৎ হংসাঃ ক্রৌন্চাঃ চ সহ সারসৈঃ ॥৪-৫০-১৫॥
50.16
জল আর্দ্রাঃ চক্রবাকাঃ চ নিষ্পতন্তি স্ম সর্বশঃ ।
নূনম্ সলিলবান্ অত্র কূপো বা যদি বা হ্রদঃ ॥৪-৫০-১৬॥
50.17
তথা চ ইমে বিল দ্বারে স্নিগ্ধাঃ তিষ্ঠন্তি পাদপাঃ ।
ইতি উক্তাঃ তৎ বিলম্ সর্বে বিবিশুঃ তিমির আবৃতম্ ॥৪-৫০-১৭॥
50.18
অচন্দ্র সূর্যম্ হরয়ো দদৃশূ রোম হর্ষণম্ ।
নিশম্য তস্মাৎ সিংহাঃ চ তান্ তান্ চ মৃগ পক্ষিণঃ ॥৪-৫০-১৮॥
50.19
প্রবিষ্টা হরি শার্দূলা বিলম্ তিমির আবৃতম্ ।
ন তেষাম্ সজ্জতে দৃষ্টিঃ ন তেজঃ ন পরাক্রমঃ ॥৪-৫০-১৯॥
50.20
বায়োঃ ইব গতিঃ তেষাম্ দৃষ্টিঃ তম্ অপি বর্ততে ।
তে প্রবিষ্টাঃ তু বেগেন তৎ বিলম্ কপি কুংজরাঃ ॥৪-৫০-২০॥
50.21
প্রকাশম্ চ অভিরামম্ চ দদৃশুঃ দেশম্ উত্তমম্ ।
ততঃ তস্মিন্ বিলে ভীমে নানা পাদপ সংকুলে ॥৪-৫০-২১॥
50.22
অন্যোন্যম্ সংপরিষ্বজ্য জগ্মুর্ যোজনম্ অংতরম্ ।
তে নষ্ট সংজ্ঞাঃ তৃষিতাঃ সংভ্রাংতাঃ সলিল অর্থিনঃ ॥৪-৫০-২২॥
50.23
পরিপেতুর্ বিলে তস্মিন্ কংচিৎ কালম্ অতন্দ্রিতাঃ ।
তে কৃশা দীন বদনাঃ পরিশ্রান্তাঃ প্লবংগমাঃ ॥৪-৫০-২৩॥
50.24
আলোকম্ দদৃশুঃ বীরা নিরাশা জীবিতে যদা ।
ততঃ তম্ দেশম্ আগম্য সৌম্যাঃ বিতিমিরম্ বনম্ ॥৪-৫০-২৪॥
50.25
দদৃশুঃ কান্চনান্ বৃক্ষান্ দীপ্ত বৈশ্বানর প্রভান্ ।
সালান্ তালান্ তমালান্ চ পুন্নাগান্ বংজুলান্ ধবান্ ॥৪-৫০-২৫॥
50.26
চংপকান্ নাগ বৃক্ষান্ চ কর্ণিকারান্ চ পুষ্পিতান্ ।
স্তবকৈঃ কাংচনৈঃ চিত্রৈঃ রক্তৈঃ কিসলয়ৈঃ তথা ॥৪-৫০-২৬॥
50.27
আপীডৈঃ চ লতাভিঃ চ হেম আভরণ ভূষিতৈঃ ।
তরুণ আদিত্য সংকাশান্ বৈদূর্যময় বেদিকান্ ॥৪-৫০-২৭॥
50.28
বিভ্রাজমানান্ বপুষা পাদপান্ চ হিরণ্ময়ান্ ।
নীল বৈদূর্য বর্ণাঃ চ পদ্মিনীঃ পতগৈঃ আবৃতাঃ ॥৪-৫০-২৮॥
50.29
মহদ্ভিঃ কাংচনৈঃ বৃক্ষৈঃ বৃতা বাল অর্ক সংনিভৈঃ ।
জাতরূপময়ৈঃ মত্স্যৈঃ মহদ্ভিঃ চ অথ পন্কজৈঃ ॥৪-৫০-২৯॥
50.30
নলিনীঃ তত্র দদৃশুঃ প্রসন্ন সলিল আয়ুতাঃ ।
কাংচনানি বিমানানি রাজতানি তথা এব চ ॥৪-৫০-৩০॥
50.31
তপনীয় গবাক্ষাণি মুক্তা জাল আবৃতানি চ ।
হৈম রাজত ভৌমানি বৈদূর্য মণিমন্তি চ ॥৪-৫০-৩১॥
50.32
দদৃশুঃ তত্র হরয়ো গৃহ মুখ্যানি সর্বশঃ ।
পুষ্পিতান্ ফলিনো বৃক্ষান্ প্রবাল মণি সংনিভান্ ॥৪-৫০-৩২॥
50.33
কাংচন ভ্রমরান্ চৈব মধূনি চ সমন্ততঃ ।
মণি কাংচন চিত্রাণি শয়নানি আসনানি চ ॥৪-৫০-৩৩॥
50.34
বিবিধানি বিশালানি দদৃশুঃ তে সমন্ততঃ ।
হেম রজত কাংস্যানাম্ ভাজনানাম্ চ রাশয়ঃ ॥৪-৫০-৩৪॥
50.35
অগুরূণাম্ চ দিব্যানাম্ চংদনানাম্ চ সংচয়ম্ ।
শুচীনি অভ্যবহারাণি মূলানি চ ফলানি চ ॥৪-৫০-৩৫॥
50.36
মহা অর্হাণি চ পানানি মধূনি রসবন্তি চ ।
দিব্যানাম্ অম্বরাণাম্ চ মহা অর্হাণাম্ চ সংচয়ান্ ॥৪-৫০-৩৬॥
50.37
কংবলানাম্ চ চিত্রাণাম্ অজিনানাম্ চ সংচয়ান্ ।
তত্র তত্র বিন্যস্তান্ দীপ্তান্ বৈশ্বানর প্রভান্ ॥৪-৫০-৩৭॥
50.38
দদৃশুঃ বানরাঃ শুভ্রান্ জাতরূপস্য সংচয়ান্ ।
তত্র তত্র বিচিন্বন্তো বিলে তত্র মহা প্রভাঃ ॥৪-৫০-৩৮॥
50.39
দদৃশুঃ বানরাঃ শূরাঃ স্ত্রিয়ম্ কাংচিৎ অদূরতঃ ।
তাম্ চ তে দদৃশুঃ তত্র চীর কৃষ্ণ অজিন অম্বরাম্ ॥৪-৫০-৩৯॥
50.40
তাপসীম্ নিয়ত আহারাম্ জ্বলংতীম্ ইব তেজসা ।
বিস্মিতা হরয়ঃ তত্র ব্যবতিষ্টন্ত সর্বশঃ ।প্রপচ্ছ হনুমান্ তত্র কা অসি ত্বম্ কস্য বা বিলম্ ॥৪-৫০-৪০॥
50.41
ততো হনূমান্ গিরি সন্নিকাশঃকৃত অংজলিঃ তাম্ অভিবাদ্য বৃদ্ধাম্ ।
পপ্রচ্ছ কা ত্বম্ ভবনম্ বিলম্ চরত্নানি চ ইমানি বদস্ব কস্য ॥৪-৫০-৪১॥