Utshovসর্গ 46
46.1
গতেষু বানরেন্দ্রেষু রামঃ সুগ্রীবম্ অব্রবীৎ ।
কথম্ ভবান্ বিজানীতে সর্বম্ বৈ মণ্ডলম্ ভুবঃ ॥৪-৪৬-১॥
46.2
সুগ্রীবঃ চ ততো রামম্ উবাচ প্রণত আত্মবান্ ।
শ্রূয়তাম্ সর্বম্ আখ্যাস্যে বিস্তরেণ বচো মম ॥৪-৪৬-২॥
46.3
যদা তু দুংদুভিম্ নাম দানবম্ মহিষ আকৃতিম্ ।
পরিকালয়তে বালী মলয়ম্ প্রতি পর্বতম্ ॥৪-৪৬-৩॥
46.4
তদা বিবেশ মহিষো মলয়স্য গুহাম্ প্রতি ।
বিবেশ বালী তত্র অপি মলয়ম্ তৎ জিঘাংসয়া ॥৪-৪৬-৪॥
46.5
ততো অহম্ তত্র নিক্ষিপ্তো গুহা দ্বারি বিনীতবৎ ।
ন চ নিষ্ক্রমতে বালী তদা সংবত্সরে গতে ॥৪-৪৬-৫॥
46.6
ততঃ ক্ষতজ বেগেন আপুপূরে তদা বিলম্ ।
তৎ অহম্ বিস্মিতো দৃষ্ট্বা ভ্রাতুঃ শোক বিষ অর্দিতঃ ॥৪-৪৬-৬॥
46.7
অথ অহম্ গত বুদ্ধিঃ তু সুব্যক্তম্ নিহতো গুরুঃ ।
শিলা পর্বত সংকাশা বিল দ্বারি ময়া কৃতা ॥৪-৪৬-৭॥
46.8
অশক্নুবন্ নিষ্ক্রমিতুম্ মহিষো বিনশিষ্যতি ।
ততো অহম্ আগাম্ কিষ্কিংধাম্ নিরাশঃ তস্য জীবিতে ॥৪-৪৬-৮॥
46.9
রাজ্যম্ চ সুমহৎ প্রাপ্য তারাম্ চ রুময়া সহ ।
মিত্রৈঃ চ সহিতঃ তত্র বসামি বিগত জ্বরঃ ॥৪-৪৬-৯॥
46.10
আজগাম ততো বালী হত্বা তম্ দানবর্ষভঃ ।
ততো অহম্ অদদাম্ রাজ্যম্ গৌরবাৎ ভয় যংত্রিতঃ ॥৪-৪৬-১০॥
46.11
স মাম্ জিঘাংসুঃ দুষ্টাত্মা বালী প্রব্যথিত ইন্দ্রিয়ঃ ।
পরিকালয়তে ক্রোধাৎ ধাবংতম্ সচিবৈঃ সহ ॥৪-৪৬-১১॥
46.12
ততো অহম্ বালিনা তেন সানুবন্ধঃ প্রধাবিতঃ ।
নদীঃ চ বিবিধাঃ পশ্যন্ বনানি নগরাণি চ ॥৪-৪৬-১২॥
46.13
আদর্শ তল সংকাশা ততো বৈ পৃথিবী ময়া ।
অলাত চক্র প্রতিমা দৃষ্টা গোষ্পদবৎ তদা - কৃতা ॥৪-৪৬-১৩॥
46.14
পূর্বম্ দিশাম্ ততো গত্বা পশ্যামি বিবিধান্ দ্রুমান্ ।
পর্বতান্ স দরীন্ রম্যান্ সরাংসি বিবিধানি চ ॥৪-৪৬-১৪॥
46.15
উদয়ম্ তত্র পশ্যামি পর্বতম্ ধাতু মণ্ডিতম্ ।
ক্ষীরোদম্ সাগরম্ চৈব নিত্যম্ অপ্সর আলয়ম্ ॥৪-৪৬-১৫॥
46.16
পরিকাল্যমানঃ তদা বালিনা অভিদ্রুতঃ হি অহম্ ।
পুনঃ আবৃত্য সহসা প্রস্থিতো অহম্ তদা বিভো ॥৪-৪৬-১৬॥
46.17
দিশঃ তস্যাঃ ততো ভূয়ঃ প্রস্থিতো দক্ষিণম্ দিশম্ ।
বিন্ধ্য পাদপ সংকীর্ণাম্ চন্দন দ্রুম শোভিতাম্ ॥৪-৪৬-১৭॥
46.18
দ্রুম শৈল অন্তরে পশ্যন্ ভূয়ো দক্ষিণতো অপরাঅম্ ।
অপরাম্ চ দিশম্ প্রাপ্তো বালিনা সমভিদ্রুতঃ ॥৪-৪৬-১৮॥
46.19
স পশ্যন্ বিবিধান্ দেশান্ অস্তম্ চ গিরি সত্তমম্ ।
প্রাপ্য চ অস্তম্ গিরি শ্রেষ্ঠম্ উত্তরম্ সংপ্রধাবিতঃ ॥৪-৪৬-১৯॥
46.20
হিমবংতম্ চ মেরুম্ চ সমুদ্রম্ চ তথা উত্তরম্ ।
যদা ন বিন্দে শরণম্ বালিনা সমভিদ্রুতঃ ॥৪-৪৬-২০॥
46.21
ততো মাম্ বুদ্ধি সংপন্নো হনুমান্ বাক্যম্ অব্রবীৎ ।
ইদানীম্ মে স্মৃতম্ রাজন্ যথা বালী হরীশ্বরঃ ॥৪-৪৬-২১॥
46.22
মতংগেন তদা শপ্তো হি অস্মিন্ আশ্রম মণ্ডলে ।
প্রবিশেৎ যদি বৈ বালী মূর্ধা অস্য শতধা ভবেৎ ॥৪-৪৬-২২॥
46.23
তত্র বাসঃ সুখো অস্মাকম্ নির্উদ্বিগ্নো ভবিষ্যতি ।
ততঃ পর্বতম্ আসাদ্য ঋশ্যমূকম্ নৃপাত্মজ ॥৪-৪৬-২৩॥
46.24
ন বিবেশ তদা বালী মতংগস্য ভয়াৎ তদা ।
এবম্ ময়া তদা রাজন্ প্রত্যক্ষম্ উপলক্ষিতম্ ।পৃথিবী মণ্ডলম্ সর্বম্ গুহাম্ অস্মি আগতঃ ততঃ ॥৪-৪৬-২৪॥