সর্গ 47

47.1

দর্শনার্থম্ তু বৈদেহ্যাঃ সর্বতঃ কপি কুংজরাঃ ।
ব্যাদিষ্টাঃ কপি রাজেন যথা উক্তম্ জগ্মুর্ অংজসা ॥৪-৪৭-১॥

তে সরাংসি সরিৎ কক্ষান্ আকাশম্ নগরাণি চ ।
নদী দুর্গান্ তথা শৈলান্ বিচিন্বন্তি সমন্ততঃ ॥৪-৪৭-২॥

সুগ্রীবেণ সমাখ্যাতাঃ সর্বে বানর যূথপাঃ ।
তত্র দেশান্ প্রবিচিন্বন্তি স শৈল বন কাননান্ ॥৪-৪৭-৩॥

বিচিন্ত্য দিবসম্ সর্বে সীতা অধিগমনে ধৃতাঃ ।
সমায়ান্তি স্ম মেদিন্যাম্ নিশা কালেষু বানরাঃ ॥৪-৪৭-৪॥

সর্ব ঋতুকান্ চ দেশেষু বানরাঃ স ফলান্ দ্রুমান্ ।
আসাদ্য রজনীম্ শয্যাম্ চক্রুঃ সর্বেষু অহস্সু তে ॥৪-৪৭-৫॥

তৎ অহঃ প্রথমম্ কৃত্বা মাসে প্রস্রবণম্ গতাঃ ।
কপি রাজেন সংগম্য নিরাশাঃ কপি কুংজরাঃ ॥৪-৪৭-৬॥

বিচিত্য তু দিশম্ পূর্বাম্ যথা উক্তাম্ সচিবৈঃ সহ ।
অদৃষ্ট্বা বিনতঃ সীতাম্ আজগাম মহাবলঃ ॥৪-৪৭-৭॥

দিশম্ অপি উত্তরাম্ সর্বাম্ বিবিচ্য স মহাকপিঃ ।
আগতঃ সহ সৈন্যেন বীরঃ শতবলিঃ তদা ॥৪-৪৭-৮॥

সুষেণঃ পশ্চিমাম্ আশাম্ বিবিচ্য সহ বানরৈঃ ।
সমেত্য মাসে পূর্ণে তু সুগ্রীবম্ উপচক্রমে ॥৪-৪৭-৯॥

তম্ প্রস্রবণ পৃষ্ঠস্থম্ সমাসাদ্য অভিবাদ্য চ ।
আসীনম্ সহ রামেণ সুগ্রীবম্ ইদম্ অব্রুবন্ ॥৪-৪৭-১০॥

বিচিতাঃ পর্বতাঃ সর্বে বনানি গহনানি চ ।
নিম্নগাঃ সাগর অন্তাঃ চ সর্বে জনপদাঃ তথা ॥৪-৪৭-১১॥

গুহাঃ চ বিচিতাঃ সর্বা যাঃ চ তে পরিকীর্তিতাঃ ।
বিচিতাঃ চ মহাগুল্মা লতা বিতত সংততাঃ ॥৪-৪৭-১২॥

গহনেষু চ দেশেষু দুর্গেষু বিষমেষু চ ।
সত্ত্বানি অতিপ্রমাণানি বিচিতানি হতানি চ ।যে চৈব গহনা দেশা বিচিতাঃ তে পুনঃ পুনঃ ॥৪-৪৭-১৩॥

উদার সত্ত্ব অভিজনো হনূমান্স মৈথিলীম্ জ্ঞাস্যসি বানরেন্দ্র ।
দিশম্ তু যাম্ এব গতা তু সীতাতাম্ আস্থিতো বায়ু সুতো হনূমান্ ॥৪-৪৭-১৪॥