সর্গ 45

45.1

সর্বাঃ চ আহূয় সুগ্রীবঃ প্লবগান্ প্লবগর্ষভঃ ।
সমস্তান্ চ অব্রবীৎ রাজা রাম কার্যার্থ সিদ্ধয়ে ॥৪-৪৫-১॥

এবম্ এতৎ বিচেতব্যম্ ভবদ্ভিঃ বানরোত্তমৈঃ ।
তৎ উগ্র শাসনম্ ভর্তুর্ বিজ্ঞায় হরি পুংগবাঃ ॥৪-৪৫-২॥

শলভা ইব সংছাদ্য মেদিনীম্ সংপ্রতস্থিরে ।
রামঃ প্রস্রবণে তস্মিন্ ন্যবসৎ সহ লক্ষ্মণঃ ॥৪-৪৫-৩॥

প্রতীক্ষমাণঃ তম্ মাসম্ যঃ সীতা অধিগমে কৃতঃ ।
উত্তরাম্ তু দিশম্ রম্যাম্ গিরি রাজ সমাবৃতাম্ ॥৪-৪৫-৪॥

প্রতস্থে সহসা বীরো হরিঃ শতবলিঃ তদা ।
পূর্বাম্ দিশম্ প্রতি যয়ৌ বিনতো হরি যূথপঃ ॥৪-৪৫-৫॥

তারা অংগদাদি সহিতঃ প্লবগঃ পবনাত্মজঃ ।
অগস্ত্য চরিতাম্ আশাম্ দক্ষিণাম্ হরি যূথপঃ ॥৪-৪৫-৬॥

পশ্চিমাম্ তু দিশম্ ঘোরাম্ সুষেণঃ প্লবগেশ্বরঃ ।
প্রতস্থে হরি শার্দূলো দিশম্ বরুণ পালিতাম্ ॥৪-৪৫-৭॥

ততঃ সর্বা দিশো রাজা চোদয়িত্বা যথা তথম্ ।
কপি সেনা পতীন্ বীরো মুমোদ সুখিতঃ সুখম্ ॥৪-৪৫-৮॥

এবম্ সংচোদিতাঃ সর্বে রাজ্ঞা বানর যূথপাঃ ।
স্বাম্ স্বাম্ দিশম্ অভিপ্রেত্য ত্বরিতাঃ সংপ্রতস্থিরে ॥৪-৪৫-৯॥

নদন্তঃ চ উন্নদন্তঃ চ গর্জন্তঃ চ প্লবংগমাঃ ।
ক্ষ্বেলন্তো ধাবমানাঃ চ বিনদন্তো মহাবলাঃ ॥৪-৪৫-১০॥

এবম্ সংচোদিতাঃ সর্বে রাজ্ঞা বানর যূথপাঃ ।
আনয়িষ্যামহে সীতাম্ হনিষ্যামঃ চ রাবণম্ ॥৪-৪৫-১১॥

অহম্ একো বধিষ্যামি প্রাপ্তম্ রাবণম্ আহবে ।
ততঃ চ উন্মথ্য সহসা হরিষ্যে জনক আত্মজাম্ ॥৪-৪৫-১২॥

বেপমানম্ শ্রমেণ অদ্য ভবদ্ভিঃ স্থীয়তাম্ ইতি ।
এক এব আহরিষ্যামি পাতালাৎ অপি জানকীম্ ॥৪-৪৫-১৩॥

বিধমিষ্যামি অহম্ বৃক্ষান্ দারয়িষ্যামি অহম্ গিরীন্ ।
ধরণীম্ দারয়িষ্যামি ক্ষোভয়িষ্যামি সাগরান্ ॥৪-৪৫-১৪॥

অহম্ যোজন সংখ্যায়াঃ প্লবিতা ন অত্র সংশয়ঃ ।
শতম্ যোজন সংখ্যায়াঃ শতম্ সমধিকম্ হি অহম্ ॥৪-৪৫-১৫॥

ভূ তলে সাগরে বা অপি শৈলেষু চ বনেষু চ ।
পাতালস্য অপি বা মধ্যে ন মম আচ্ছিদ্যতে গতিঃ ॥৪-৪৫-১৬॥

ইতি একৈকঃ তদা তত্র বানরা বল দর্পিতাঃ ।
ঊচুঃ চ বচনম্ তস্য হরি রাজস্য সন্নিধৌ ॥৪-৪৫-১৭॥