সর্গ 44

44.1

বিশেষেণ তু সুগ্রীবো হনূমতি অর্থম্ উক্তবান্ ।
স হি তস্মিন্ হরি শ্রেষ্ঠে নিশ্চিতার্থো অর্থ সাধনে ॥৪-৪৪-১॥

অব্রবীৎ চ হনূমংতম্ বিক্রংতম্ অনিল আত্মজম্ ।
সুগ্রীবঃ পরম প্রীতঃ প্রভুঃ সর্ব বন ওকসাম্ ॥৪-৪৪-২॥

ন ভূমৌ ন অংতরিক্ষে বা ন অংবরে ন অমর আলয়ে ।
ন অপ্সু বা গতি সংগম্ তে পশ্যামি হরি পুম্গব ॥৪-৪৪-৩॥

স অসুরাঃ সহ গংধর্বাঃ স নাগ নর দেবতাঃ ।
বিদিতাঃ সর্ব লোকাঃ তে স সাগর ধরা ধরাঃ ॥৪-৪৪-৪॥

গতিঃ বেগঃ চ তেজঃ চ লাঘবম্ চ মহাকপে ।
পিতুঃ তে সদৃশম্ বীর মারুতস্য মহা ওজসঃ ॥৪-৪৪-৫॥

তেজসা বা অপি তে ভূতম্ ন সমম্ ভুবি বিদ্যতে ।
তৎ যথা লভ্যতে সীতা তৎ ত্বম্ এব অনুচিংতয় ॥৪-৪৪-৬॥

ত্বয়ি এব হনুমন্ অস্তি বলম্ বুদ্ধিঃ পরাক্রমঃ ।
দেশ কাল অনুবৃত্তিঃ চ নয়ঃ চ নয় পণ্ডিত ॥৪-৪৪-৭॥

ততঃ কার্য সমাসংগম্ অবগম্য হনূমতি ।
বিদিত্বা হনুমন্তম্ চ চিন্তয়ামাস রাঘবঃ ॥৪-৪৪-৮॥

সর্বথা নিশ্চিত অর্থো অয়ম্ হনূমতি হরি ঈশ্বরঃ ।
নিশ্চিত অর্থতরঃ চ অপি হনূমান্ কার্য সাধনে ॥৪-৪৪-৯॥

তৎ এবম্ প্রস্থিতস্য অস্য পরিজ্ঞাতস্য কর্মভিঃ ।
ভর্ত্রা পরিগৃহীতস্য ধ্রুবঃ কার্য ফলোদয়ঃ ॥৪-৪৪-১০॥

তম্ সমীক্ষ্য মহাতেজা ব্যবসায়োত্তরম্ হরিম্ ।
কৃতার্থ ইব সংহৃষ্টঃ প্রহৃষ্ট ইন্দ্রিয় মানসঃ ॥৪-৪৪-১১॥

দদৌ তস্য ততঃ প্রীতঃ স্ব নামাংক উপশোভিতম্ ।
অংগুলীয়ম্ অভিজ্ঞানম্ রাজপুত্র্যাঃ পরংতপঃ ॥৪-৪৪-১২॥

অনেন ত্বাম্ হরিশ্রেষ্ঠ চিহ্নেন জনকাঅত্মজা ।
মৎ সকাশাৎ অনুপ্রাপ্তম্ অনুদ্বিগ্না অনুপশ্যতি ॥৪-৪৪-১৩॥

ব্যবসায়ঃ চ তে বীর সত্ত্ব যুক্তঃ চ বিক্রমঃ ।
সুগ্রীবস্য চ সংদেশঃ সিদ্ধিম্ কথয়তি ইব মে ॥৪-৪৪-১৪॥

স তৎ গৃহ্য হরিশ্রেষ্ঠঃ স্থাপ্য মূর্ধ্নি কৃতাংজলিঃ ।
বন্দিত্বা চরণৌ চৈব প্রস্থিতঃ প্লবগর্ষভঃ ॥৪-৪৪-১৫॥

স তৎ প্রকর্ষন্ হরিণাম্ মহৎ বলম্বভূব বীরঃ পবনাত্মজঃ কপিঃ ।
গত অংবুদে ব্যোম্নি বিশুদ্ধ মণ্ডলঃশশী ইব নক্ষত্র গণোপশোভিতঃ ॥৪-৪৪-১৬॥

অতিবল বলম্ আশ্রিতঃ তব অহম্হরি বর বিক্রম বিক্রমৈঃ অনল্পৈঃ ।
পবন সুত যথা অধিগম্যতে সাজনক সুতা হনুমন্ তথা কুরুষ্ব ॥৪-৪৪-১৭॥