Utshovসর্গ 43
43.1
ততঃ সংদিশ্য সুগ্রীবঃ শ্বশুরম্ পশ্চিমাম্ দিশম্ ।
বীরম্ শতবলিম্ নাম বানরম্ বানররেশ্বর ॥৪-৪৩-১॥
43.2
উবাচ রাজা সর্বজ্ঞঃ সর্ব বানর সত্তম ।
বাক্যম্ আত্ম হিতম্ চৈব রামস্য চ হিতম্ তদা ॥৪-৪৩-২॥
43.3
বৃতঃ শত সহস্রেণ ত্বৎ বিধানাম্ বন ওকসাম্ ।
বৈবস্বত সুতৈঃ সার্ধম্ প্রবিষ্ঠ সর্ব মংত্রিভিঃ ॥৪-৪৩-৩॥
43.4
দিশম্ হি উদীচীম্ বিক্রান্ত হিম শৈল অবতংসিকাম্ ।
সর্বতঃ পরিমার্গধ্বম্ রাম পত্নীম্ যশস্বিনীম্ ॥৪-৪৩-৪॥
43.5
অস্মিন্ কার্যে বিনিবৃত্তে কৃতে দাশরথেঃ প্রিয়ে ।
ঋণান্ মুক্তা ভবিষ্যামঃ কৃত অর্থা অর্থবিদাম্ বরাঃ ॥৪-৪৩-৫॥
43.6
কৃতম্ হি প্রিয়ম্ অস্মাকম্ রাঘবেণ মহাত্মনা ।
তস্য চেৎ প্রতিকারো অস্তি সফলম্ জীবিতম্ ভবেৎ ॥৪-৪৩-৬॥
43.7
অর্থিনঃ কার্য নির্বৃত্তিম্ অকর্তুম্ অপি যঃ চরেৎ ।
তস্য স্যাৎ সফলম্ জন্ম কিম্ পুনঃ পূর্ব কারিণঃ ॥৪-৪৩-৭॥
43.8
এতাম্ বুদ্ধিম্ সমাস্থায় দৃশ্যতে জানকী যথা ।
তথা ভবদ্ভিঃ কর্তব্যম্ অস্মৎ প্রিয় হিত এষিভিঃ ॥৪-৪৩-৮॥
43.9
অয়ম্ হি সর্ব ভূতানাম্ মান্যঃ তু নর সত্তমঃ ।
অস্মাসু চ গতঃ প্রীতিম্ রামঃ পর পুরম্ জয়ঃ ॥৪-৪৩-৯॥
43.10
ইমানি বহু দুর্গাণি নদ্যঃ শৈল অংতরাণি চ ।
ভবন্তঃ পরিমার্গন্তু বুদ্ধি বিক্রম সংপদা ॥৪-৪৩-১০॥
43.11
তত্র ম্লেচ্ছান্ পুলিন্দান্ চ শূরসেনান্ তথৈব চ ।
প্রস্থালান্ ভরতান্ চৈব কুরূম্ চ সহ মদ্রকৈঃ ॥৪-৪৩-১১॥
43.12
কাংবোজ যবনান্ চৈব শকান্ পত্তনানি চ ।
অন্বীক্ষ্য দরদান্ চৈব হিমবন্তম্ বিচিন্বথ ॥৪-৪৩-১২॥
43.13
লোধ্র পদ্মক খণ্ডেষু দেবদারু বনেষু চ ।
রাবণঃ সহ বৈদেহ্যা মার্গিতব্যা ততঃ ততঃ ॥৪-৪৩-১৩॥
43.14
ততঃ সোম আশ্রমম্ গত্বা দেব গন্ধর্ব সেবিতম্ ।
কালম্ নাম মহাসানুম্ পর্বতম্ তম্ গমিষ্যথ ॥৪-৪৩-১৪॥
43.15
মহত্সু তস্য শৈলেষু পর্বতেষু গুহাসু চ ।
বিচিন্বত মহাভাগাম্ রাম পত্নীম্ অনিন্দিতাম্ ॥৪-৪৩-১৫॥
43.16
তম্ অতিক্রম্য শৈলেন্দ্রম্ হেম গর্ভম্ মহাগিরিম্ ।
ততঃ সুদর্শনম্ নাম পর্বতম্ গন্তুম্ অর্হথ ॥৪-৪৩-১৬॥
43.17
ততো দেবসখো নাম পর্বতঃ পতগ আলয় ।
নানা পক্ষি সমাকীর্ণো বিবিধ দ্রুম ভূষিতঃ ॥৪-৪৩-১৭॥
43.18
তস্য কানন খণ্ডেষু নির্ঝরেষু গুহাসু চ ।
রাবণঃ সহ বৈদেহ্যা মার্গিতব্যঃ ততঃ ততঃ ॥৪-৪৩-১৮॥
43.19
তম্ অতিক্রম্য চ আকাশম্ সর্বতঃ শত যোজনম্ ।
অপর্বত নদী বৃক্ষম্ সর্ব সত্ত্ব বিবর্জিতম্ ॥৪-৪৩-১৯॥
43.20
তৎ তু শীঘ্রম্ অতিক্রম্য কাংতারম্ রোম হর্ষণম্ ।
কৈলাসম্ পাণ্ডুরম্ প্রাপ্য হৃষ্টা যূয়ম্ ভবিষ্যথ ॥৪-৪৩-২০॥
43.21
তত্র পাণ্ডুর মেঘাভম্ জাম্বূনদ পরিষ্কৃতম্ ।
কুবের ভবনম্ রম্যম্ নির্মিতম্ বিশ্বকর্মণা ॥৪-৪৩-২১॥
43.22
বিশালা নলিনী যত্র প্রভূত কমলোত্পলা ।
হংস কারণ্ডব আকীর্ণা অপ্সরো গণ সেবিতা ॥৪-৪৩-২২॥
43.23
তত্র বৈশ্রবণো রাজা সর্ব ভূত নমস্কৃতঃ ।
ধনদো রমতে শ্রীমান্ গুহ্যকৈঃ সহ যক্ষ রাট্ ॥৪-৪৩-২৩॥
43.24
তস্য চন্দ্র নিকশেষু পর্বতেষু গুহাসু চ ।
রাবণঃ সহ বৈদেহ্যা মার্গিতব্যঃ ততঃ ততঃ ॥৪-৪৩-২৪॥
43.25
ক্রৌন্চম্ তু গিরিম্ আসাদ্য বিলম্ তস্য সুদুর্গমম্ ।
অপ্রমত্তৈঃ প্রবেষ্টব্যম্ দুষ্প্রবেশম্ হি তৎ স্মৃতম্ ॥৪-৪৩-২৫॥
43.26
বসন্তি হি মহাত্মানঃ তত্র সূর্য সম প্রভাঃ ।
দেবৈঃ অভ্যর্থিতাঃ সম্যক্ দেব রূপা মহর্ষয়ঃ ॥৪-৪৩-২৬॥
43.27
ক্রৌন্চস্য তু গুহাঃ চ অন্যাঃ সানূনি শিখরাণি চ ।
নির্দরাঃ চ নিতংবাঃ চ বিচেতব্যাঃ ততঃ ততঃ ॥৪-৪৩-২৭॥
43.28
অবৃক্ষম্ কাম শৈলম্ চ মানসম্ বিহগ আলয়ম্ ।
ন গতিঃ তত্র ভূতানাম্ দেবানাম্ ন চ রক্ষসাম্ ॥৪-৪৩-২৮॥
43.29
স চ সর্বৈঃ বিচেতব্যঃ স সানু প্রস্থ ভূধরঃ ।
ক্রৌন্চম্ গিরিম্ অতিক্রম্য মৈনাকো নাম পর্বতঃ ॥৪-৪৩-২৯॥
43.30
ময়স্য ভবনম্ তত্র দানবস্য স্বয়ম্ কৃতম্ ।
মৈনাকঃ তু বিচেতব্যঃ স সানু প্রস্থ কংদরঃ ॥৪-৪৩-৩০॥
43.31
স্ত্রীণাম্ অশ্ব মুখীনাম্ চ নিকেতাঃ তত্র তত্র তু ।
তম্ দেশম্ সমতিক্রম্য আশ্রমম্ সিদ্ধ সেবিতম্ ॥৪-৪৩-৩১॥
43.32
সিদ্ধা বৈখানসাঃ তত্র বালখিল্যাঃ চ তাপসাঃ ।
বন্দিতব্যাঃ ততঃ সিদ্ধাঃ তাপসা বীত কল্মষাঃ ॥৪-৪৩-৩২॥
43.33
প্রষ্টব্যাঃ চ অপি সীতায়াঃ প্রবৃত্তিম্ বিনয় অন্বিতৈঃ ।
হেম পুষ্কর সংছন্নম্ তত্র বৈখানসম্ সরঃ ॥৪-৪৩-৩৩॥
43.34
তরুণ আদিত্য সংকাশৈঃ হংসৈঃ বিচরিতম্ শুভৈঃ ।
ঔপবাহ্যঃ কুবেরস্য সর্বভৌম ইতি স্মৃতঃ ॥৪-৪৩-৩৪॥
43.35
গজঃ পর্যেতি তম্ দেশম্ সদা সহ করেণুভিঃ ।
তৎ সারঃ সমতিক্রম্য নষ্ট চন্দ্র দিবাকরম্ ।অনক্ষত্র গণম্ ব্যোম নিষ্পয়োদম্ অনাঅদিতম্ ॥৪-৪৩-৩৫॥
43.36
গভস্তিভিঃ ইব অর্কস্য স তু দেশঃ প্রকাশতে ।
বিশ্রাম্যদ্ভিঃ তপঃ সিদ্ধৈঃ দেব কল্পৈঃ স্বয়ংপ্রভৈঃ ॥৪-৪৩-৩৬॥
43.37
তম্ তু দেশম্ অতিক্রম্য শৈলোদা নাম নিম্নগা ।
উভয়োঃ তীরয়োঃ তস্যাঃ কীচকা নাম বেণবঃ ॥৪-৪৩-৩৭॥
43.38
তে নয়ংতি পরম্ তীরম্ সিদ্ধান্ প্রত্যানয়ন্তি চ ।
উত্তরাঃ কুরবঃ তত্র কৃত পুণ্য প্রতিশ্রিয়াঃ ॥৪-৪৩-৩৮॥
43.39
ততঃ কাংচন পদ্মাভিঃ পদ্মিনীভিঃ কৃতোদকাঃ ।
নীল বৈদূর্য পত্রাঢ্যা নদ্যঃ তত্র সহস্রশঃ ॥৪-৪৩-৩৯॥
43.40
রক্তোত্পল বনৈঃ চ অত্র মণ্ডিতাঃ চ হিরণ্ময়ৈঃ ।
তরুণ আদিত্য সংকাশা ভান্তি তত্র জলাশয়াঃ ॥৪-৪৩-৪০॥
43.41
মহাঅর্হ মণি পত্রৈঃ চ কাংচন প্রভ কেসরৈঃ ।
নীলোত্পল বনৈঃ চিত্রৈঃ স দেশঃ সর্বতো বৃতঃ ॥৪-৪৩-৪১॥
43.42
নিস্তুলাভিঃ চ মুক্তাভিঃ মণিভিঃ চ মহাধনৈঃ ।
উদ্ভূত পুলিনাঃ তত্র জাতরূপৈঃ চ নিম্নগাঃ ॥৪-৪৩-৪২॥
43.43
সর্ব রত্নময়ৈঃ চিত্রৈঃ অবগাঢা নগোত্তমৈঃ ।
জাতরূপময়ৈঃ চ অপি হুতাশন সম প্রভৈঃ ॥৪-৪৩-৪৩॥
43.44
নিত্য পুষ্প ফলাঃ তত্র নগাঃ পত্ররথ আকুলাঃ ।
দিব্য গন্ধ রস স্পর্শাঃ সর্ব কামান্ স্রবন্তি চ ॥৪-৪৩-৪৪॥
43.45
নানা আকারাণি বাসাংসি ফলন্তি অন্যে নগোত্তমাঃ ।
মুক্তা বৈদূর্য চিত্রাণি ভূষণানি তথৈব চ ।স্ত্রীণাম্ যানি অনুরূপাণি পুরুষাণাম্ তথৈব চ ॥৪-৪৩-৪৫॥
43.46
সর্ব ঋতু সুখ সেব্যানি ফলন্তি অন্যে নগোত্তমাঃ ।
মহা অর্হাণি মণি চিত্রাণি ফলন্তি অন্যে নগোত্তমাঃ ॥৪-৪৩-৪৬॥
43.47
শয়নানি প্রসূয়ন্তে চিত্র আস্তারণবন্তি চ ।
মনঃ কান্তানি মাল্যানি ফলন্তি অত্র অপরে দ্রুমাঃ ॥৪-৪৩-৪৭॥
43.48
পানানি চ মহা অর্হাণি ভক্ষ্যাণি বিবিধানি চ ।
স্ত্রিয়ঃ চ গুণ সংপন্না রূপ যৌবন লক্ষিতাঃ ॥৪-৪৩-৪৮॥
43.49
গন্ধর্বাঃ কিংনরা সিদ্ধা নাগা বিদ্যাধরাঃ তথা ।
রমন্তে সহিতাঃ তত্র নারীভিঃ ভাস্বর প্রভাঃ ॥৪-৪৩-৪৯॥
43.50
সর্বে সুকৃত কর্মাণঃ সর্বে রতি পরায়ণাঃ ।
সর্বে কাম অর্থ সহিতা বসংতি সহ যোষিতঃ ॥৪-৪৩-৫০॥
43.51
গীত বাদিত্র নির্ঘোষঃ স উত্কৃষ্ট হসিত স্বনঃ ।
শ্রূয়তে সততম্ তত্র সর্ব ভূত মনোরমঃ ॥৪-৪৩-৫১॥
43.52
তত্র ন অমুদিতঃ কশ্চিন্ ন অত্র কশ্চিৎ অসৎ প্রিয়ঃ ।
অহনি অহনি বর্ধন্তে গুণাঃ তত্র মনোরমাঃ ॥৪-৪৩-৫২॥
43.53
তম্ অতিক্রম্য শৈলেন্দ্রম্ উত্তরঃ পয্সাম্ নিধিঃ ।
তত্র সোম গিরির্ নাম মধ্যে হেমময়ো মহান্ ॥৪-৪৩-৫৩॥
43.54
ইন্দ্র লোক গতা যে চ ব্রহ্ম লোক গতাঃ চ যে ।
দেবাঃ তম্ সমবেক্ষন্তে গিরি রাজম্ দিবম্ গতাঃ ॥৪-৪৩-৫৪॥
43.55
স তু দেশো বিসূর্যো অপি তস্য ভাসা প্রকাশতে ।
সূর্য লক্ষ্ম্যা অভিবিজ্ঞেয়ঃ তপতা ইব বিবস্বতা ॥৪-৪৩-৫৫॥
43.56
ভগবান্ তত্র বিশ্বাত্মা শম্ভুঃ একাদশ আত্মকঃ ।
ব্রহ্মা বসতি দেবেশো ব্রহ্ম ঋষি পরিবারিতঃ ॥৪-৪৩-৫৬॥
43.57
ন কথংচন গংতব্যম্ কুরূণাম্ উত্তরেণ বঃ ।
অন্যেষাম্ অপি ভূতানাম্ ন অনুক্রামতি বৈ গতিঃ ॥৪-৪৩-৫৭॥
43.58
সা হি সোম গিরিঃ নাম দেবানাম্ অপি দুর্গমঃ ।
তম্ আলোক্য ততঃ ক্ষিপ্রম্ উপাবর্তিতুম্ অর্হথ ॥৪-৪৩-৫৮॥
43.59
এতাবৎ বানরৈঃ শক্যম্ গংতুম্ বানর পুংগবাঃ ।
অভাস্করম্ অমর্যাদম্ ন জানীমঃ ততঃ পরম্ ॥৪-৪৩-৫৯॥
43.60
সর্বম্ এতৎ বিচেতব্যম্ যন্ ময়া পরিকীর্তিতম্ ।
যৎ অন্যৎ অপি ন উক্তম্ চ তত্র অপি ক্রিয়তাম্ মতিঃ ॥৪-৪৩-৬০॥
43.61
ততঃ কৃতম্ দাশরথেঃ মহৎ প্রিয়ম্মহত্তরম্ চ অপি ততো মম প্রিয়ম্ ।
কৃতম্ ভবিষ্যতি অনিলোঅনলোউপমাবিদেহজা দর্শনজেন কর্মণা ॥৪-৪৩-৬১॥
43.62
ততঃ কৃতার্থাঃ সহিতাঃ সবান্ধবাময়া অর্চিতাঃ সর্ব গুণৈঃ মনো রমৈঃ ।
চরিষ্যথ উর্বীম্ প্রতিশান্ত শত্রবাঅঃসহ প্রিয়া ভূত ধরাঃ প্লবংগমাঃ ॥৪-৪৩-৬২॥