UtshovSarga 45
45.1
सर्वाः च आहूय सुग्रीवः प्लवगान् प्लवगर्षभः ।
समस्तान् च अब्रवीत् राजा राम कार्यार्थ सिद्धये ॥४-४५-१॥
Sarvah cha ahuya sugrivah plavagan plavagarshabhah
Samastan cha abravit raja rama karyartha siddhaye
45.2
एवम् एतत् विचेतव्यम् भवद्भिः वानरोत्तमैः ।
तत् उग्र शासनम् भर्तुर् विज्ञाय हरि पुंगवाः ॥४-४५-२॥
Evam etat vichetavyam bhavadbhih vanarottamaih
Tat ugra shasanam bhartur vigyaya hari pungavah
45.3
शलभा इव संछाद्य मेदिनीम् संप्रतस्थिरे ।
रामः प्रस्रवणे तस्मिन् न्यवसत् सह लक्ष्मणः ॥४-४५-३॥
Shalabha iva sanchhadya medinim sampratasthire
Ramah prasravane tasmin nyavasat saha lakshmanah
45.4
प्रतीक्षमाणः तम् मासम् यः सीता अधिगमे कृतः ।
उत्तराम् तु दिशम् रम्याम् गिरि राज समावृताम् ॥४-४५-४॥
Pratikshamanah tam masam yah sita adhigame kritah
Uttaram tu disham ramyam giri raja samavritam
45.5
प्रतस्थे सहसा वीरो हरिः शतबलिः तदा ।
पूर्वाम् दिशम् प्रति ययौ विनतो हरि यूथपः ॥४-४५-५॥
Pratasthe sahasa viro harih shatabalih tada
Purvam disham prati yayau vinato hari yuthapah
45.6
तारा अंगदादि सहितः प्लवगः पवनात्मजः ।
अगस्त्य चरिताम् आशाम् दक्षिणाम् हरि यूथपः ॥४-४५-६॥
Tara angadadi sahitah plavagah pavanatmajah
Agastya charitam asham dakshinam hari yuthapah
45.7
पश्चिमाम् तु दिशम् घोराम् सुषेणः प्लवगेश्वरः ।
प्रतस्थे हरि शार्दूलो दिशम् वरुण पालिताम् ॥४-४५-७॥
Pashchimam tu disham ghoram sushenah plavageshvarah
Pratasthe hari shardulo disham varuna palitam
45.8
ततः सर्वा दिशो राजा चोदयित्वा यथा तथम् ।
कपि सेना पतीन् वीरो मुमोद सुखितः सुखम् ॥४-४५-८॥
Tatah sarva disho raja chodayitva yatha tatham
Kapi sena patin viro mumoda sukhitah sukham
45.9
एवम् संचोदिताः सर्वे राज्ञा वानर यूथपाः ।
स्वाम् स्वाम् दिशम् अभिप्रेत्य त्वरिताः संप्रतस्थिरे ॥४-४५-९॥
Evam sanchoditah sarve ragya vanara yuthapah
Svam svam disham abhipretya tvaritah sampratasthire
45.10
नदन्तः च उन्नदन्तः च गर्जन्तः च प्लवंगमाः ।
क्ष्वेलन्तो धावमानाः च विनदन्तो महाबलाः ॥४-४५-१०॥
Nadantah cha unnadantah cha garjantah cha plavangamah
Kshvelanto dhavamanah cha vinadanto mahabalah
45.11
एवम् संचोदिताः सर्वे राज्ञा वानर यूथपाः ।
आनयिष्यामहे सीताम् हनिष्यामः च रावणम् ॥४-४५-११॥
Evam sanchoditah sarve ragya vanara yuthapah
Anayishyamahe sitam hanishyamah cha ravanam
45.12
अहम् एको वधिष्यामि प्राप्तम् रावणम् आहवे ।
ततः च उन्मथ्य सहसा हरिष्ये जनक आत्मजाम् ॥४-४५-१२॥
Aham eko vadhishyami praptam ravanam ahave
Tatah cha unmathya sahasa harishye janaka atmajam
45.13
वेपमानम् श्रमेण अद्य भवद्भिः स्थीयताम् इति ।
एक एव आहरिष्यामि पातालात् अपि जानकीम् ॥४-४५-१३॥
Vepamanam shramena adya bhavadbhih sthiyatam iti
Eka eva aharishyami patalat api janakim
45.14
विधमिष्यामि अहम् वृक्षान् दारयिष्यामि अहम् गिरीन् ।
धरणीम् दारयिष्यामि क्षोभयिष्यामि सागरान् ॥४-४५-१४॥
Vidhamishyami aham vrikshan darayishyami aham girin
Dharanim darayishyami kshobhayishyami sagaran
45.15
अहम् योजन संख्यायाः प्लविता न अत्र संशयः ।
शतम् योजन संख्यायाः शतम् समधिकम् हि अहम् ॥४-४५-१५॥
Aham yojana sankhyayah plavita na atra sanshayah
Shatam yojana sankhyayah shatam samadhikam hi aham
45.16
भू तले सागरे वा अपि शैलेषु च वनेषु च ।
पातालस्य अपि वा मध्ये न मम आच्छिद्यते गतिः ॥४-४५-१६॥
Bhu tale sagare va api shaileshu cha vaneshu cha
Patalasya api va madhye na mama achchhidyate gatih
45.17
इति एकैकः तदा तत्र वानरा बल दर्पिताः ।
ऊचुः च वचनम् तस्य हरि राजस्य सन्निधौ ॥४-४५-१७॥
Iti ekaikah tada tatra vanara bala darpitah
Uchuh cha vachanam tasya hari rajasya sannidhau