Utshovসর্গ 40
40.1
অথ রাজা সমৃদ্ধ অর্থঃ সুগ্রীবঃ প্লবগেশ্বরঃ ।
উবাচ নরশার্দূলম্ রামম্ পরবলার্দনম্ ॥৪-৪০-১॥
40.2
আগতা বিনিবিষ্টাঃ চ বলিনঃ কামরূপিণঃ ।
বানরেন্দ্রা মহেন্দ্র আভা যে মৎ বিষয় বাসিনঃ ॥৪-৪০-২॥
40.3
ত ইমে বহু বিক্রান্তৈঃ বলিভিঃ ভীম বিক্রমৈঃ ।
আগতা বানরা ঘোরা দৈত্য দানব সংনিভাঃ ॥৪-৪০-৩॥
40.4
খ্যাত কর্ম অপদানাঃ চ বলবন্তো জিত ক্লমাঃ ।
পরাক্রমেষু বিখ্যাতা ব্যবসায়েষু চ উত্তমাঃ ॥৪-৪০-৪॥
40.5
পৃথিবি অংবু চরা রাম নানা নগ নিবাসিনঃ ।
কোটি ওঘাঃ চ ইমে প্রাপ্তা বানরাঃ তব কিংকরাঃ ॥৪-৪০-৫॥
40.6
নিদেশ বর্তিনঃ সর্বে সর্বে গুরু হিতে স্থিতাঃ ।
অভিপ্রেতম্ অনুষ্ঠাতুম্ তব শক্ষ্যন্তি অরিংদম ॥৪-৪০-৬॥
40.7
ত ইমে বহু সাহস্রৈঃ অনেকৈঃ বহু বিক্রমৈঃ ।
আগতা বানরা ঘোরা দৈত্য দানব সংনিভাঃ ॥৪-৪০-৭॥
40.8
যৎ মন্যসে নরব্যাঘ্র প্রাপ্ত কালম্ তৎ উচ্যতাম্ ।
তৎ সৈন্যম্ ত্বৎ বশে যুক্তম্ আজ্ঞাপয়িতুম্ অর্হসি ॥৪-৪০-৮॥
40.9
কামম্ এষাম্ ইদম্ কার্যম্ বিদিতম্ মম তত্ত্বতঃ ।
তথা অপি তু যথা যুক্তম্ আজ্ঞাপয়িতুম্ অর্হসি ॥৪-৪০-৯॥
40.10
তথা ব্রুবাণম্ সুগ্রীবম্ রামো দশরথাত্মজঃ ।
বাহুভ্যাম্ সংপরিষ্বজ্য ইদম্ বচনম্ অব্রবীৎ ॥৪-৪০-১০॥
40.11
জ্ঞায়তাম্ সৌম্য বৈদেহী যদি জীবতি বা ন বা ।
স চ দেশো মহাপ্রাজ্ঞ যস্মিন্ বসতি রাবণঃ ॥৪-৪০-১১॥
40.12
অধিগম্য তু বৈদেহীম্ নিলয়ম্ রাবণস্য চ ।
প্রাপ্ত কালম্ বিধাস্যামি তস্মিন্ কালে সহ ত্বয়া ॥৪-৪০-১২॥
40.13
ন অহম্ অস্মিন্ প্রভুঃ কার্যে বানরেন্দ্র ন লক্ষ্মণঃ ।
ত্বম্ অস্য হেতুঃ কার্যস্য প্রভুঃ চ প্লবগেশ্বর ॥৪-৪০-১৩॥
40.14
ত্বম্ এব আজ্ঞাপয় বিভো মম কার্য বিনিশ্চয়ম্ ।
ত্বম্ হি জানাসি যৎ কার্যম্ মম বীর ন সংশয়ঃ ॥৪-৪০-১৪॥
40.15
সুহৃদ্ দ্বিতীয়ো বিক্রান্তঃ প্রাজ্ঞঃ কাল বিশেষ বিৎ ।
ভবান্ অস্মৎ হিতে যুক্তঃ সুহৃদ্ আপ্তো অর্থবিত্তমঃ ॥৪-৪০-১৫॥
40.16
এবম্ উক্তঃ তু সুগ্রীবো বিনতম্ নাম যূথপম্ ।
অব্রবীৎ রাম সাংনিধ্যে লক্ষ্মণস্য চ ধীমতঃ ॥৪-৪০-১৬॥
40.17
শৈলাভম্ মেঘ নির্ঘোষম্ ঊর্জিতম্ প্লবগেশ্বরম্ ।
সোম সূর্য নিভৈঃ সার্ধম্ বানরৈঃ বানরোত্তম ॥৪-৪০-১৭॥
40.18
দেশ কাল নয়ৈঃ যুক্তঃ বিজ্ঞঃ কার্য বিনিশ্চয়ে ।
বৃতঃ শত সহস্রেণ বানরাণাম্ তরস্বিনাম্ ॥৪-৪০-১৮॥
40.19
অধিগচ্ছ দিশম্ পূর্বাম্ স শৈল বন কাননাম্ ।
তত্র সীতাম্ চ বৈদেহীম্ নিলয়ম্ রাবণস্য চ ॥৪-৪০-১৯॥
40.20
মার্গধ্বম্ গিরি দুর্গেষু বনেষু চ নদীষু চ ।
নদীম্ ভাগীরথীম্ রম্যাম্ সরয়ূম্ কৌশিকীম্ তথা ॥৪-৪০-২০॥
40.21
কালিংদীম্ যমুনাম্ রম্যাম্ যামুনম্ চ মহাগিরিম্ ।
সরস্বতীম্ চ সিংধুম্ চ শোণম্ মণি নিভ উদকম্ ॥৪-৪০-২১॥
40.22
মহীম্ কালমহীম্ চৈব শৈল কানন শোভিতাম্ ।
ব্রহ্মমালান্ বিদেহান্ চ মালবান্ কাশি কোসলান্ ॥৪-৪০-২২॥
40.23
মাগধাম্ চ মহাগ্রামান্ পুণ্ড্রান্ অংগাম্ তথৈব চ ।
ভূমিম্ চ কোশকারাণাম্ ভূমিম্ চ রজত আকরাম্ ॥৪-৪০-২৩॥
40.24
সর্বম্ চ তৎ বিচেতব্যম্ মার্গয়দ্ভিঃ ততঃ ততঃ ।
রামস্য দয়িতাম্ ভার্যাম্ সীতাম্ দশরথঃ স্নুষাম্ ॥৪-৪০-২৪॥
40.25
সমুদ্রম্ অবগাঢান্ চ পর্বতান্ পত্তনানি চ ।
মংদরস্য চ যে কোটিম্ সংশ্রিতাঃ কেচিৎ আলয়াঃ ॥৪-৪০-২৫॥
40.26
কর্ণ প্রাবরণাঃ চৈব তথা চ অপি ওষ্ঠ কর্ণকাঃ ।
ঘোর লোহ মুখাঃ চৈব জবনাঃ চ এক পাদকাঃ ॥৪-৪০-২৬॥
40.27
অক্ষয়া বলবংতঃ চ তথৈব পুরুষ আদকাঃ ।
কিরাতাঃ তীক্ষ্ণ চূডাঃ চ হেমাভাঃ প্রিয় দর্শনাঃ ॥৪-৪০-২৭॥
40.28
আম মীন অশনাঃ চাপি কিরাতা দ্বীপ বাসিনঃ ।
অংতর্ জল চরা ঘোরা নরব্যাঘ্রা ইতি স্মৃতাঃ ॥৪-৪০-২৮॥
40.29
এতেষাম্ আশ্রয়াঃ সর্বে বিচেয়াঃ কানন ওকসঃ ।
গিরিভির্ যে চ গম্যন্তে প্লবনেন প্লবেন চ ॥৪-৪০-২৯॥
40.30
যত্নবন্তো যব দ্বীপম্ সপ্ত রাজ্য উপশোভিতম্ ।
সুবর্ণ রূপ্যকম্ দ্বীপম্ সুবর্ণ আকর মণ্ডিতম্ ॥৪-৪০-৩০॥
40.31
যব দ্বীপম্ অতিক্রম্য শিশিরো নাম পর্বতঃ ।
দিবম্ স্পৃশতি শৃন্গেণ দেব দানব সেবিতঃ ॥৪-৪০-৩১॥
40.32
এতেষাম্ গিরি দুর্গেষু প্রপাতেষু বনেষু চ ।
মার্গধ্বম্ সহিতাঃ সর্বে রাম পত্নীম্ যশস্বিনীম্ ॥৪-৪০-৩২॥
40.33
ততো রক্ত জলম্ প্রাপ্য শোণ আখ্যম্ শীঘ্র বাহিনীম্ ।
গত্বা পারম্ সমুদ্রস্য সিদ্ধ চারণ সেবিতম্ ॥৪-৪০-৩৩॥
40.34
তস্য তীর্থেষু রম্যেষু বিচিত্রেষু বনেষু চ ।
রাবণঃ সহ বৈদেহ্যা মার্গিতব্যঃ ততঃ ততঃ ॥৪-৪০-৩৪॥
40.35
পর্বত প্রভবা নদ্যঃ সুভীম বহু নিষ্কুটাঃ ।
মার্গিতব্যা দরীমন্তঃ পর্বতাঃ চ বনানি চ ॥৪-৪০-৩৫॥
40.36
ততঃ সমুদ্র দ্বীপান্ চ সুভীমান্ দ্রষ্টুম্ অর্হথ ।
ঊর্মিমংতম্ মহারৌদ্রম্ ক্রোশংতম্ অনিল উদ্ধিতম্ ॥৪-৪০-৩৬॥
40.37
তত্র অসুরা মহাকায়াঃ ছায়াম্ গৃহ্ণন্তি নিত্যশঃ ।
ব্রহ্মণা সমনুজ্ঞাতা দীর্ঘ কালম্ বুভুক্ষিতাঃ ॥৪-৪০-৩৭॥
40.38
তম্ কাল মেঘ প্রতিমম্ মহোরগ নিষেবিতম্ ।
অভিগম্য মহানাদম্ তীর্থেন এব মহোদধিম্ ॥৪-৪০-৩৮॥
40.39
ততো রক্তজলম্ ভীমম্ লোহিতম্ নাম সাগরম্ ।
গত্বা প্রেক্ষ্যথ তাম্ চৈব বৃহতীম্ কূটশাল্মলীম্ ॥৪-৪০-৩৯॥
40.40
গৃহম্ চ বৈনতেয়স্য নানা রত্ন বিভূষিতম্ ।
তত্র কৈলাস সংকাশম্ বিহিতম্ বিশ্বকর্মণা ॥৪-৪০-৪০॥
40.41
তত্র শৈল নিভা ভীমা মন্দেহা নাম রাক্ষসাঃ ।
শৈল শৃংগেষু লংবন্তে নানা রূপা ভয়াবহাঃ ॥৪-৪০-৪১॥
40.42
তে পতন্তি জলে নিত্যম্ সূর্যস্য উদয়নম্ প্রতি ।
অভিতপ্তাঃ চ সূর্যেণ লংবন্তে স্ম পুনঃ পুনঃ ॥৪-৪০-৪২॥
40.43
নিহতা ব্রহ্ম তেজোভিঃ অহনি অহনি রাক্ষসাঃ ।
ততঃ পাণ্ডুর মেঘাভম্ ক্ষীরৌদম্ নাম সাগরম্ ॥৪-৪০-৪৩॥
40.44
গত্বা দ্রক্ষ্যথ দুর্ধর্ষা মুক্তা হারম্ ইব ঊর্মিভিঃ ।
তস্য মধ্যে মহা শ্বেতো ঋষভো নাম পর্বতঃ ॥৪-৪০-৪৪॥
40.45
দিব্য গন্ধৈঃ কুসুমিতৈ আচিতৈঃ চ নগৈঃ বৃতঃ ।
সরঃ চ রাজতৈঃ পদ্মৈঃ জ্বলিতৈঃ হেম কেসরৈঃ ॥৪-৪০-৪৫॥
40.46
নাম্না সুদর্শনম্ নাম রাজহংসৈঃ সমাকুলম্ ।
বিবুধাঃ চারণা যক্ষাঃ কিন্নরাঃ স অপ্সরো গণাঃ ॥৪-৪০-৪৬॥
40.47
হৃষ্টাঃ সমধিগচ্ছন্তি নলিনীম্ তাম্ রিরংসবঃ ।
ক্ষীরোদম্ সমতিক্রম্য ততো দ্রক্ষ্যথ বানরাঃ ॥৪-৪০-৪৭॥
40.48
জলোদম্ সাগরম্ শীঘ্রম্ সর্ব ভূত ভয়াবহম্ ।
তত্র তৎ কোপজম্ তেজঃ কৃতম্ হয়মুখম্ মহৎ ॥৪-৪০-৪৮॥
40.49
অস্য আহুঃ তন্ মহাবেগম্ ওদনম্ স চরাচরম্ ।
তত্র বিক্রোশতাম্ নাদো ভূতানাম্ সাগর ওকসাম্ ।শ্রূয়তে চ অসমর্থানাম্ দৃষ্ট্বা তৎ বডবা মুখম্ ॥৪-৪০-৪৯॥
40.50
স্বাদু উদস্য উত্তরে দেশে যোজনানি ত্রয়োদশ ।
জাতরূপ শিলো নাম সুমহান্ কনক প্রভঃ ॥৪-৪০-৫০॥
40.51
তত্র চন্দ্র প্রতীকাশম্ পন্নগম্ ধরণী ধরম্ ।
পদ্ম পত্র বিশালাক্ষম্ ততো দ্রক্ষ্যধ বানরাঃ ॥৪-৪০-৫১॥
40.52
আসীনম্ পর্বতস্য অগ্রে সর্ব ভূত নমস্কৃতম্ ।
সহস্র শিরসম্ দেবম্ অনংতম্ নীল বাসসম্ ॥৪-৪০-৫২॥
40.53
ত্রিশিরাঃ কাংচনঃ কেতুঃ তালঃ তস্য মহাত্মনঃ ।
স্থাপিতঃ পর্বতস্য অগ্রে বিরাজতি স বেদিকঃ ॥৪-৪০-৫৩॥
40.54
পূর্বস্যাম্ দিশি নির্মাণম্ কৃতম্ তৎ ত্রিদশেশ্বরৈঃ ।
ততঃ পরম্ হেমময়ঃ শ্রীমান্ উদয় পর্বতঃ ॥৪-৪০-৫৪॥
40.55
তস্য কোটিঃ দিবম্ স্পৃষ্ট্বা শত যোজনম্ আয়তা ।
জাতরূপময়ী দিব্যা বিরাজতি স বেদিকা ॥৪-৪০-৫৫॥
40.56
সালৈঃ তালৈঃ তমালৈঃ চ কর্ণিকারৈঃ চ পুষ্পিতৈঃ ।
জাতরূপময়ৈঃ দিব্যৈঃ শোভতে সূর্য সন্নিভৈঃ ॥৪-৪০-৫৬॥
40.57
তত্র যোজন বিস্তারম্ উচ্ছ্রিতম্ দশ যোজনম্ ।
শৃংগম্ সৌমনসম্ নাম জাতরূপময়ম্ ধ্রুবম্ ॥৪-৪০-৫৭॥
40.58
তত্র পূর্বম্ পদম্ কৃত্বা পুরা বিষ্ণুঃ ত্রিবিক্রমে ।
দ্বিতীয়ম্ শিখরম্ মেরোঃ চকার পুরুষোত্তমঃ ॥৪-৪০-৫৮॥
40.59
উত্তরেণ পরিক্রম্য জংবূ দ্বীপম্ দিবাকরঃ ।
দৃশ্যো ভবতি ভূয়িষ্ঠম্ শিখরম্ তন্ মহোচ্ছ্রয়ম্ ॥৪-৪০-৫৯॥
40.60
তত্র বৈখানসা নাম বালখিল্যা মহর্ষয়ঃ ।
প্রকাশমানা দৃশ্যন্তে সূর্য বর্ণাঃ তপস্বিনঃ ॥৪-৪০-৬০॥
40.61
অয়ম্ সুদর্শনো দ্বীপঃ পুরো যস্য প্রকাশতে ।
তস্মিন্ তেজঃ চ চক্ষুঃ চ সর্ব প্রাণভৃতাম্ অপি ॥৪-৪০-৬১॥
40.62
শৈলস্য তস্য পৃষ্ঠেষু কংদরেষু বনেষু চ ।
রাবণঃ সহ বৈদেহ্যা মার্গিতব্যঃ ততঃ ততঃ ॥৪-৪০-৬২॥
40.63
কাংচনস্য চ শৈলস্য সূর্যস্য চ মহাত্মনঃ ।
আবিষ্টা তেজসা সংধ্যা পূর্বা রক্তা প্রকাশতে ॥৪-৪০-৬৩॥
40.64
পূর্বম্ এতৎ কৃতম্ দ্বারম্ পৃথিব্যা ভুবনস্য চ ।
সূর্যস্য উদয়নম্ চৈব পূর্বা হি এষা দিক্ উচ্যতে ॥৪-৪০-৬৪॥
40.65
তস্য শলস্য পৃষ্ঠেষু নির্ঝরেষু গুহাসু চ ।
রাবণঃ সহ বৈদেহ্যা মার্গতব্যা ততঃ ততঃ ॥৪-৪০-৬৫॥
40.66
ততঃ পরম্ অগম্যা স্যাৎ দিক্ পূর্বা ত্রিদশ আবৃতা ।
রহিতা চন্দ্র সূর্যাভ্যাম্ অদৃশ্যা তিমির আবৃতা ॥৪-৪০-৬৬॥
40.67
শৈলেষু তেষু সর্বেষু কংদরেষু বনেষু চ ।
যে চ ন উক্তা ময়োদ্দেশা বিচেয়া তেষু জানকী ॥৪-৪০-৬৭॥
40.68
এতাবৎ বানরৈঃ শক্যম্ গন্তুম্ বানর পুংগবাঃ ।
অভাস্করম্ অমর্যাদম্ ন জানীমঃ ততঃ পরম্ ॥৪-৪০-৬৮॥
40.69
অভিগম্য তু বৈদেহীম্ নিলয়ম্ রাবণস্য চ ।
মাসে পূর্ণে নিবর্তধ্বম্ উদয়ম্ প্রাপ্য পর্বতম্ ॥৪-৪০-৬৯॥
40.70
ঊর্ধ্বম্ মাসাৎ ন বস্তব্যম্ বসন্ বধ্যো ভবেন্ মম ।
সিদ্ধ অর্থাঃ সংনিবর্তধ্বম্ অধিগম্য চ মৈথিলীম্ ॥৪-৪০-৭০॥
40.71
মহেন্দ্র কাংতাম্ বন ষণ্ড মণ্ডিতাম্দিশম্ চরিত্বা নিপুণেন বানরাঃ ।
অবাপ্য সীতাম্ রঘু বংশজ প্রিয়াম্ততো নিবৃত্তাঃ সুখিনো ভবিষ্যথ ॥৪-৪০-৭১॥