Utshovসর্গ 41
41.1
ততঃ প্রস্থাপ্য সুগ্রীবঃ তন্ মহৎ বানরম্ বলম্ ।
দক্ষিণাম্ প্রেষয়ামাস বানরান্ অভিলক্ষিতান্ ॥৪-৪১-১॥
41.2
নীলম্ অগ্নি সুতম্ চৈব হনূমন্তম্ চ বানরম্ ।
পিতামহ সুতম্ চৈব জাংববংতম্ মহোজসম্ ॥৪-৪১-২॥
41.3
সুহোত্রম্ চ শরারিম্ চ শরগুল্মম্ তথা এব চ ।
গজম্ গবাক্ষম্ গবয়ম্ সুষেণম্ বৃষভম্ তথা ॥৪-৪১-৩॥
41.4
মৈন্দম্ চ দ্বিবিদম্ চৈব সুষেণম্ গন্ধমাদনম্ ।
উল্কামুখম্ অনংগম্ চ হুতশন সুতৌ উভৌ ॥৪-৪১-৪॥
41.5
অংগদ প্রমুখান্ বীরান্ বীরঃ কপি গণ ঈশ্বরঃ ।
বেগ বিক্রম সংপন্নান্ সংদিদেশ বিশেষবিৎ ॥৪-৪১-৫॥
41.6
তেষাম্ অগ্রেসরম্ চৈব বৃহদ্ বলম্ অথ অংগদম্ ।
বিধায় হরি বীরাণাম্ আদিশদ্ দক্ষিণাম্ দিশম্ ॥৪-৪১-৬॥
41.7
যে কেচন সমুদ্দেশাঃ তস্যাম্ দিশি সুদুর্গমাঃ ।
কপীইশঃ কপি মুখ্যানাম্ স তেষাম্ সমুদাহরৎ ॥৪-৪১-৭॥
41.8
সহস্র শিরসম্ বিংধ্যম্ নানা দ্রুম লতা আয়ুতম্ ।
নর্মদাম্ চ নদীম্ রম্যাম্ মহোরগ নিষেবিতাম্ ॥৪-৪১-৮॥
41.9
ততো গোদাবরীম্ রম্যাম্ কৃষ্ণাবেণীম্ মহানদীম্ ।
বরদাম্ চ মহাভাগাম্ মহোরগ নিষেবিতাম্ ।মেখলান্ উত্কলাম্ চৈব দশার্ণ নগরাণি অপি ॥৪-৪১-৯॥
41.10
অব্রবংতীম্ অবংতীম্ চ সর্বম্ এব অনুপশ্যত ।
বিদর্ভান্ ঋষ্টিকান্ চৈব রম্যান্ মাহিষকান্ অপি ॥৪-৪১-১০॥
41.11
তথা বন্গান্ কলিন্গাম্ চ কৌশিকান্ চ সমংততঃ ।
অন্বীক্ষ্য দণ্ডক অরণ্যম্ স পর্বত নদী গুহম্ ॥৪-৪১-১১॥
41.12
নদীম্ গোদাবরীম্ চৈব সর্বম্ এব অনুপশ্যত ।
তথৈব আন্ধ্রান্ চ পুণ্ড্রান্ চ চোলান্ পাণ্ড্যান্ কেরলান্ ॥৪-৪১-১২॥
41.13
অয়োমুখঃ চ গংতব্যঃ পর্বতো ধাতু মণ্ডিতঃ ।
বিচিত্র শিখরঃ শ্রীমান্ চিত্র পুষ্পিত কাননঃ ॥৪-৪১-১৩॥
41.14
সুচংদন বনোদ্দেশো মার্গিতব্যো মহাগিরিঃ ।
ততঃ তাম্ আপগাম্ দিব্যাম্ প্রসন্ন সলিলাশয়ান্ ॥৪-৪১-১৪॥
41.15
তত্র দ্রক্ষ্যথ কাবেরীম্ বিহৃতাম্ অপ্সরো গণৈঃ ।
তস্য আসীনম্ নগস্য অগ্রে মলয়স্য মহোজসম্ ॥৪-৪১-১৫॥
41.16
দ্রক্ষ্যথ আদিত্য সংকাশম্ অগস্ত্যম্ ঋষি সত্তমম্ ।
ততঃ তেন অভ্যনুজ্ঞাতাঃ প্রসন্নেন মহাত্মনা ॥৪-৪১-১৬॥
41.17
তাম্রপর্ণীম্ গ্রাহ জুষ্টাম্ তরিষ্যথ মহানদীম্ ।
সা চন্দন বনৈঃ চিত্রৈঃ প্রচ্ছন্না দ্বীপ বারিণী ॥৪-৪১-১৭॥
41.18
কান্তা ইব যুবতী কান্তম্ সমুদ্রম্ অবগাহতে ।
ততো হেমময়ম্ দিব্যম্ মুক্তা মণি বিভূষিতম্ ॥৪-৪১-১৮॥
41.19
যুক্তম্ কবাটম্ পাণ্ড্যানাম্ গতা দ্রক্ষ্যথ বানরাঃ ।
ততঃ সমুদ্রম্ আসাদ্য সংপ্রধার্য অর্থ নিশ্চয়ম্ ॥৪-৪১-১৯॥
41.20
অগস্ত্যেন অন্তরে তত্র সাগরে বিনিবেশিতঃ ।
চিত্র সানু নগঃ শ্রীমান্ মহেন্দ্রঃ পর্বতোত্তমঃ ॥৪-৪১-২০॥
41.21
জাত রূপময়ঃ শ্রীমান্ অবগাঢো মহার্ণবম্ ।
নানা বিধৈঃ নগৈঃ ফুল্লৈঃ লতাভিঃ চ উপশোভিতম্ ॥৪-৪১-২১॥
41.22
দেব ঋষি যক্ষ প্রবরৈঃ অপ্সরোভিঃ চ সেবিতম্ ।
সিদ্ধ চারণ সংঘৈঃ চ প্রকীর্ণম্ সুমনোহরম্ ॥৪-৪১-২২॥
41.23
তম্ উপৈতি সহস্রাক্ষঃ সদা পর্বসু পর্বসু ।
দ্বীপঃ তস্য অপরে পারে শত যোজন বিসৃতঃ ॥৪-৪১-২৩॥
41.24
অগম্যো মানুষৈঃ দীপ্তঃ তম্ মার্গধ্বম্ সমংততঃ ।
তত্র সর্ব আত্মনা সীতা মার্গিতব্যা বিশেষতঃ ॥৪-৪১-২৪॥
41.25
স হি দেশঃ তু বধ্যস্য রাবণস্য দুরাত্মনঃ ।
রাক্ষস অধিপতেঃ বাসঃ সহস্রাক্ষ সমদ্যুতেঃ ॥৪-৪১-২৫॥
41.26
দক্ষিণস্য সমুদ্রস্য মধ্যে তস্য তু রাক্ষসী ।
অংগারক ইতি বিখ্যাতা চায়াম্ আক্ষিপ্য ভোজিনী ॥৪-৪১-২৬॥
41.27
এবম্ নিঃসংশয়ান্ কৃত্বা সংশয়ান্ নষ্ট সংশয়াঃ ।
মৃগয়ধ্বম্ নরেন্দ্রস্য পত্নীম্ অমিত ওজসঃ ॥৪-৪১-২৭॥
41.28
তম্ অতিক্রম্য লক্ষ্মীবান্ সমুদ্রে শত যোজনে ।
গিরিঃ পুষ্পিতকো নাম সিদ্ধ চারণ সেবিতঃ ॥৪-৪১-২৮॥
41.29
চন্দ্র সূর্য অংশু সংকাশঃ সাগর অংবু সমাশ্রয়ঃ ।
ভ্রাজতে বিপুলৈঃ শৃন্গৈঃ অম্বরম্ বিলিখন্ ইব ॥৪-৪১-২৯॥
41.30
তস্য একম্ কাংচনম্ শৃংগম্ সেবতে যম্ দিবাকরঃ ।
শ্বেতম্ রাজতম্ একম্ চ সেবতে যম্ নিশাকরঃ ।ন তম্ কৃতঘ্নাঃ পশ্যন্তি ন নৃশংসা ন নাস্তিকাঃ ॥৪-৪১-৩০॥
41.31
প্রণম্য শিরসা শৈলম্ তম্ বিমার্গথ বানরাঃ ।
তম্ অতিক্রম্য দুর্ধর্ষম্ সূর্যবান্ নাম পর্বতঃ ॥৪-৪১-৩১॥
41.32
অধ্বনা দুর্বিগাহেন যোজনানি চতুর্দশ ।
ততঃ তম্ অপি অতিক্রম্য বৈদ্যুতো নাম পর্বতঃ ॥৪-৪১-৩২॥
41.33
সর্ব কাম ফলৈঃ বৃক্ষৈঃ সর্ব কাল মনোহরৈঃ ।
তত্র ভুক্ত্বা বর অর্হাণি মূলানি চ ফলানি চ ॥৪-৪১-৩৩॥
41.34
মধূনি পীত্বা জুষ্টানি পরম্ গচ্ছত বানরাঃ ।
তত্র নেত্র মনঃ কাংতঃ কুংজরো নাম পর্বতঃ ॥৪-৪১-৩৪॥
41.35
অগস্ত্য ভবনম্ যত্র নির্মিতম্ বিশ্বকর্মণা ।
তত্র যোজন বিস্তারম্ উচ্ছ্রিতম্ দশ যোজনম্ ॥৪-৪১-৩৫॥
41.36
শরণম্ কাংচনম্ দিব্যম্ নানা রত্ন বিভূষিতম্ ।
তত্র ভোগবতী নাম সর্পাণাম্ আলয়ঃ পুরী ॥৪-৪১-৩৬॥
41.37
বিশাল রথ্যা দুর্ধর্ষা সর্বতঃ পরিরক্ষিতা ।
রক্ষিতা পন্নগৈঃ ঘোরৈঃ তীষ্ক্ণ দম্ষ্ট্রৈঃ মহা বিষৈঃ ॥৪-৪১-৩৭॥
41.38
সর্প রাজো মহাঘোরো যস্যাম্ বসতি বাসুকিঃ ।
নির্যায় মার্গিতব্যা চ সা চ ভোগবতী পুরী ॥৪-৪১-৩৮॥
41.39
তত্র চ অংতরোদ্দেশা যে কেচন সমাবৃতাঃ ।
তম্ চ দেশম্ অতিক্রম্য মহান্ ঋষভ সংস্থিতিঃ ॥৪-৪১-৩৯॥
41.40
সর্ব রত্নময়ঃ শ্রীমান্ ঋষভো নাম পর্বতঃ ।
গোশীর্ষকম্ পদ্মকম্ চ হরিশ্যামম্ চ চন্দনম্ ॥৪-৪১-৪০॥
41.41
দিব্যম্ উত্পদ্যতে যত্র তৎ চৈব অগ্নি সম প্রভম্ ।
ন তু তৎ চন্দনম্ দৃষ্ট্বা স্প্রষ্টব্যম্ চ কদাচন ॥৪-৪১-৪১॥
41.42
রোহিতা নাম গংধর্বা ঘোরম্ রক্ষন্তি তদ্ বনম্ ।
তত্র গংধর্ব পতয়ঃ পংচ সূর্য সম প্রভাঃ ॥৪-৪১-৪২॥
41.43
শৈলূষো গ্রামণীঃ শিক্ষঃ শুকো বভ্রুঃ তথৈব চ ।
রবি সোম অগ্নি বপুষা নিবাসঃ পুণ্য কর্মণাম্ ॥৪-৪১-৪৩॥
41.44
অন্তে পৃথিব্যা দুর্ধর্ষাঃ ততঃ স্বর্গ জিতঃ স্থিতাঃ ।
ততঃ পরম্ ন বঃ সেব্যঃ পিতৃ লোকঃ সুদারুণঃ ॥৪-৪১-৪৪॥
41.45
রাজধানী যমস্য এষা কষ্টেন তমসা আবৃতা ।
এতাবৎ এব যুষ্মাভিঃ বীরা বানর পুংগবাঃ ।শক্যম্ বিচেতুম্ গন্তুম্ বা ন অতো গতিমতাম্ গতিঃ ॥৪-৪১-৪৫॥
41.46
সর্বম্ এতৎ সমালোক্য যৎ চ অন্যৎ অপি দৃশ্যতে ।
গতিম্ বিদিত্বা বৈদেহ্যাঃ সংনিবর্তিতম্ অর্হথ ॥৪-৪১-৪৬॥
41.47
যঃ চ মাসান্ নিবৃত্তো অগ্রে দৃষ্টা সীত ইতি বক্ষ্যতি ।
মৎ তুল্য বিভবো ভোগৈঃ সুখম্ স বিহরিষ্যতি ॥৪-৪১-৪৭॥
41.48
ততঃ প্রিয়তরো ন অস্তি মম প্রাণাৎ বিশেষতঃ ।
কৃত অপরাধো বহুশো মম বন্ধুঃ ভবিষ্যতি ॥৪-৪১-৪৮॥
41.49
অমিত বল পরাক্রমা ভবন্তোবিপুল গুণেষু কুলেষু চ প্রসূতাঃ ।
মনুজ পতি সুতাম্ যথা লভধ্বম্তৎ অধিগুণম্ পুরুষার্থম্ আরভধ্বম্ ॥৪-৪১-৪৯॥