Utshovসর্গ 39
39.1
ইতি ব্রুবাণম্ সুগ্রীবম্ রামো ধর্মভৃতাম্ বরঃ ।
বাহুভ্যাম্ সংপরিষ্বজ্য প্রত্যুবাচ কৃতাংজলিম্ ॥৪-৩৯-১॥
39.2
যৎ ইন্দ্রো বর্ষতে বর্ষম্ ন তৎ চিত্রম্ ভবিষ্যতি ।
আদিত্যো অসৌ সহস্রাংশুঃ কুর্যাৎ বিতিমিরম্ নভঃ ॥৪-৩৯-২॥
39.3
চন্দ্রমা রজনীম্ কুর্যাৎ প্রভয়া সৌম্য নির্মলাম্ ।
ত্বৎ বিধো বা অপি মিত্রাণাম্ প্রীতিম্ কুর্যাৎ পরংতপ ॥৪-৩৯-৩॥
39.4
এবম্ ত্বয়ি তৎ ন চিত্রম্ ভবেৎ যৎ সৌম্য শোভনম্ ।
জানামি অহম্ ত্বাম্ সুগ্রীব সততম্ প্রিয় বাদিনম্ ॥৪-৩৯-৪॥
39.5
ত্বৎ স নাথঃ সখে সংখ্যে জেতা অস্মি সকলান্ অরীন্ ।
ত্বম্ এব মে সুহৃৎ মিত্রম্ সাহায্যম্ কর্তুম্ অর্হসি ॥৪-৩৯-৫॥
39.6
জহার আত্ম বিনাশায় বৈদেহীম্ রাক্ষস অধমঃ ।
বংচয়িত্বা তু পৌলোমীম্ অনুহ্লাদো যথা শচীম্ ॥৪-৩৯-৬॥
39.7
ন চিরাৎ তম্ হনিষ্যামি রাবণম্ নিশিতৈঃ শরৈঃ ।
পৌলোম্যাঃ পিতরম্ দৃপ্তম্ শত ক্রতুঃ ইব অরিহা ॥৪-৩৯-৭॥
39.8
এতস্মিন্ অন্তরে চ এব রজঃ সমভিবর্তত ।
উষ্ণাম্ তীব্রাম্ সহস্রাংশোঃ ছাদয়ৎ গগনে প্রভাম্ ॥৪-৩৯-৮॥
39.9
দিশঃ পর্যাকুলাঃ চ আসন্ তমসা তেন দূষিতাঃ ।
চচাল চ মহী সর্বা স শৈল বন কাননা ॥৪-৩৯-৯॥
39.10
ততো নগেন্দ্র সংকাশৈঃ তীক্ষ্ণ দন্ষ্ট্রৈঃ মহাবলৈঃ ।
কৃত্স্না সংছাদিতা ভূমিঃ অসংখ্যেয়ৈঃ প্লবংগমৈঃ ॥৪-৩৯-১০॥
39.11
নিমেষ অংতর মাত্রেণ ততঃ তৈঃ হরি যূথপৈঃ ।
কোটী শত পরীবারৈঃ কামরূপিভিঃ আবৃতা ॥৪-৩৯-১১॥
39.12
নাদেয়ৈঃ পার্বতেয়ৈঃ চ সামুদ্রৈঃ চ মহাবলৈঃ ।
হরিভিঃ মেঘ নির্হ্রাদৈঃ অন্যৈঃ চ বন বাসিভিঃ ॥৪-৩৯-১২॥
39.13
তরুণ আদিত্য বর্ণৈঃ চ শশি গৌরৈঃ চ বানরৈঃ ।
পদ্ম কেসর বর্ণৈঃ চ শ্বেতৈঃ মেরু কৃত আলয়ৈঃ ॥৪-৩৯-১৩॥
39.14
কোটী সহস্রৈঃ দশভিঃ শ্রীমান্ পরিবৃতঃ তদা ।
বীরঃ শতবলিঃ নাম বানরঃ প্রত্যদৃশ্যত ॥৪-৩৯-১৪॥
39.15
ততঃ কাংচন শৈল আভঃ তারায়া বীর্যবান্ পিতা ।
অনেকৈঃ বহু সাহস্রৈঃ কোটিভিঃ প্রত্যদৃশ্যত ॥৪-৩৯-১৫॥
39.16
তথা অপরেণ কোটীনাম্ সাহস্রেণ সমন্বিতঃ ।
পিতা রুময়াঃ সংপ্রাপ্তঃ সুগ্রীব শ্বশুরো বিভুঃ ॥৪-৩৯-১৬॥
39.17
পদ্ম কেসর সংকাশঃ তরুণ অর্ক নিভ আননঃ ।
বুদ্ধিমান্ বানর শ্রেষ্ঠঃ সর্ব বানর সত্তমঃ ॥৪-৩৯-১৭॥
39.18
অনীকৈঃ বহু সাহস্রৈঃ বানরাণাম্ সমন্বিতঃ ।
পিতা হনুমতঃ শ্রীমান্ কেসরী প্রত্যদৃশ্যত ॥৪-৩৯-১৮॥
39.19
গো লাংগূল মহারাজো গবাক্ষো ভীম বিক্রমঃ ।
বৃতঃ কোটি সহস্রেণ বানরাণাম্ অদৃশ্যত ॥৪-৩৯-১৯॥
39.20
ঋক্ষাণাম্ ভীম বেগানাম্ ধূম্রঃ শত্রু নিবর্হণঃ ।
বৃতঃ কোটি সহস্রাভ্যাম্ দ্বাভ্যাম্ সমভিবর্তত ॥৪-৩৯-২০॥
39.21
মহা অচল নিভৈঃ ঘোরৈঃ পনসো নাম যূথপঃ ।
আজগাম মহাবীর্যঃ তিসৃভিঃ কোটিভিঃ বৃতঃ ॥৪-৩৯-২১॥
39.22
নীল অংজন চয় আকারো নীলো নাম অথ যূথপঃ ।
অদৃশ্যত মহাকায়ঃ কোটিভিঃ দশভিঃ বৃতঃ ॥৪-৩৯-২২॥
39.23
ততঃ কাংচন আভো গবয়ো নাম যূথপঃ ।
আজগাম মহাবীর্যঃ কোটিভিঃ পংচভিঃ বৃতঃ ॥৪-৩৯-২৩॥
39.24
দরীমুখঃ চ বলবান্ যূথপো অভ্যায়য়ৌ তদা ।
বৃতঃ কোটি সহস্রেণ সুগ্রীবম্ সমুপস্থিতঃ ॥৪-৩৯-২৪॥
39.25
মৈন্দঃ চ দ্বিবিদঃ চ উভৌ অশ্বি পুত্রৌ মহাবলৌ ।
কোটি কোটি সহস্রেণ বানরাণাম্ অদৃশ্যতাম্ ॥৪-৩৯-২৫॥
39.26
গজঃ চ বলবান্ বীরঃ ত্রিসৃভিঃ কোটিভিঃ বৃতঃ ।
আজগাম মহাতেজাঃ সুগ্রীবস্য সমীপতঃ ॥৪-৩৯-২৬॥
39.27
ঋক্ষ রাজো মহাতেজা জাংববান্ নাম নামতঃ ।
কোটিভিঃ দশভিঃ ব্যাপ্তঃ সুগ্রীবস্য বশে স্থিতঃ ॥৪-৩৯-২৭॥
39.28
রুমণো নাম তেজস্বী বিক্রান্তৈঃ বানরৈঃ বৃতঃ ।
আগতো বলবান্ তূর্ণম্ কোটি শত সমাবৃতঃ ॥৪-৩৯-২৮॥
39.29
ততঃ কোটি সহস্রাণাম্ সহস্রেণ শতেন চ ।
পৃষ্ঠতো অনুগতঃ প্রাপ্তো হরিভিঃ গংধমাদনঃ ॥৪-৩৯-২৯॥
39.30
ততঃ পদ্ম সহস্রেণ বৃতঃ শন্কু শতেন চ ।
যুব রাজো অংগদঃ প্রাপ্তঃ পিতৃ তুল্য পরাক্রমঃ ॥৪-৩৯-৩০॥
39.31
ততঃ তারা দ্যুতিঃ তারো হরিঃ ভীম পরাক্রমঃ ।
পংচভিঃ হরি কোটীভিঃ দূরতঃ প্রত্যদৃশ্যত ॥৪-৩৯-৩১॥
39.32
ইন্দ্রজানুঃ কপিঃ বীরো যূথপঃ প্রত্যদৃশ্যত ।
একাদশানাম্ কোটীনাম্ ঈশ্বরঃ তৈঃ চ সম্বৃতঃ ॥৪-৩৯-৩২॥
39.33
ততো রংভঃ তু অনুপ্রাপ্তঃ তরুণ আদিত্য সংনিভঃ ।
আয়ুতেন বৃতঃ চৈব সহস্রেণ শতেন চ ॥৪-৩৯-৩৩॥
39.34
ততো যূথ পতিঃ বীরো দুর্মুখো নাম বানরঃ ।
প্রত্যদৃশ্যত কোটিভ্যাম্ দ্বাভ্যাম্ পরিবৃতো বলী ॥৪-৩৯-৩৪॥
39.35
কৈলাস শিখর আকারৈঃ বানরৈঃ ভীম বিক্রমৈঃ ।
বৃতঃ কোটি সহস্রেণ হনুমান্ প্রত্যদৃশ্যত ॥৪-৩৯-৩৫॥
39.36
নলঃ চ অপি মহাবীর্যঃ সংবৃতো দ্রুম বাসিভিঃ ।
কোটী শতেন সংপ্রাপ্তঃ সহস্রেণ শতেন চ ॥৪-৩৯-৩৬॥
39.37
ততো দধিমুখঃ শ্রীমান্ কোটিভিঃ দশভিঃ বৃতঃ ।
সংপ্রাপ্তো অভিনদন্ তস্য সুগ্রীবস্য মহাত্মনঃ ॥৪-৩৯-৩৭॥
39.38
শরভঃ কুমুদো বহ্নিঃ বানরো রংহঃ এব চ ।
এতে চ অন্যে চ বহবো বানরাঃ কাম রূপিণঃ ॥৪-৩৯-৩৮॥
39.39
আবৃত্য পৃথিবীম্ সর্বাম্ পর্বতান্ চ বনানি চ ।
যূথপাঃ সমনুপ্রাপ্তা এষাম্ সংখ্যা ন বিদ্যতে ॥৪-৩৯-৩৯॥
39.40
আগতাঃ চ নিবিষ্টাঃ চ পৃথিব্যাম্ সর্ব বানরাঃ ।
আপ্লবংতঃ প্লবংতঃ চ গর্জংতঃ চ প্লবংগমাঃ ।অভ্যবর্তন্ত সুগ্রীবম্ সূর্যম্ অভ্র গণা ইব ॥৪-৩৯-৪০॥
39.41
কুর্বাণা বহু শব্দান্ চ প্রকৃষ্টা বলশালিনঃ ।
শিরোভিঃ বানরেন্দ্রায় সুগ্রীবায় ন্যবেদয়ন্ ॥৪-৩৯-৪১॥
39.42
অপরে বানর শ্রেষ্ঠাঃ সংগম্য চ যথা উচিতম্ ।
সুগ্রীবেণ সমাগম্য স্থিতাঃ প্রাংজলয়ঃ তদা ॥৪-৩৯-৪২॥
39.43
সুগ্রীবঃ ত্বরিতো রামে সর্বান্ তান্ বানরর্ষভান্ ।
নিবেদয়িত্বা ধর্মজ্ঞঃ স্থিতঃ প্রান্জলিঃ অব্রবীৎ ॥৪-৩৯-৪৩॥
39.44
যথা সুখম্ পর্বত নির্ঝরেষুবনেষু সর্বেষু চ বানরেন্দ্রাঃ ।
নিবেশয়িত্বা বিধিবৎ বলানিবলম্ বলজ্ঞঃ প্রতিপত্তুম্ ঈষ্টে ॥৪-৩৯-৪৪॥