Utshovসর্গ 38
38.1
প্রতিগৃহ্য চ তৎ সর্বম্ উপানয়ম্ উপাহৃতম্ ।
বানরান্ সান্ত্বয়িত্বা চ সর্বান্ এব ব্যসর্জয়ৎ ॥৪-৩৮-১॥
38.2
বিসর্জয়িত্বা স হরীন্ সহস্রান্ তান্ কৃত কর্মণঃ ।
মেনে কৃতার্থম্ আত্মানম্ রাঘবম্ চ মহাবলম্ ॥৪-৩৮-২॥
38.3
স লক্ষ্মণো ভীম বলম্ সর্ব বানর সত্তমম্ ।
অব্রবীৎ প্রশ্রিতম্ বাক্যম্ সুগ্রীবম্ সংপ্রহর্ষয়ন্ ॥৪-৩৮-৩॥
38.4
কিষ্কিংধায়া বিনিষ্ক্রাম যদি তে সৌম্য রোচতে ।
তস্য তৎ বচনম্ শ্রুত্বা লক্ষ্মণস্য সুভাষিতম্ ॥৪-৩৮-৪॥
38.5
সুগ্রীবঃ পরম প্রীতো বাক্যম্ এতৎ উবাচ হ ।
এবম্ ভবতু গচ্ছামঃ স্থেয়ম্ ত্বৎ শাসনে ময়া ॥৪-৩৮-৫॥
38.6
তম্ এবম্ উক্ত্বা সুগ্রীবো লক্ষ্মণম্ শুভ লক্ষণম্ ।
বিসর্জয়ামাস তদা তারা অদ্যাঃ চ এব যোষিতঃ ॥৪-৩৮-৬॥
38.7
এহি ইতি উচ্ছৈঃ হরি বরান্ সুগ্রীবঃ সমুদাহরৎ ।
তস্য তদ্ বচনম্ শ্রুত্বা হরয়ঃ শীঘ্রম্ আয়য়ুঃ ॥৪-৩৮-৭॥
38.8
বদ্ধ অংজলি পুটাঃ সর্বে যে স্যুঃ স্ত্রী দর্শন ক্ষমাঃ ।
তান্ উবাচ ততঃ প্রাপ্তান্ রাজা অর্ক সদৃশ প্রভঃ ॥৪-৩৮-৮॥
38.9
উপস্থাপয়ত ক্ষিপ্রম্ শিবিকাম্ মম বানরাঃ ।
শ্রুত্বা তু বচনম্ তস্য হরয়ঃ শীঘ্র বিক্রমাঃ ॥৪-৩৮-৯॥
38.10
সমুপস্থাপয়ামাসুঃ শিবিকাম্ প্রিয় দর্শনাম্ ।
তাম্ উপস্থাপিতাম্ দৃষ্ট্বা শিবিকাম্ বানরাধিপঃ ॥৪-৩৮-১০॥
38.11
লক্ষ্মণ আরুহ্যতাম্ শীঘ্রম্ ইতি সৌমিত্রিম্ অব্রবীৎ ।
ইতি উক্ত্বা কাংচনম্ যানম্ সুগ্রীবঃ সূর্য সন্নিভম্ ॥৪-৩৮-১১॥
38.12
বহুভিঃ হরিভিঃ যুক্তম্ আরুরোহ স লক্ষ্মণঃ ।
পাণ্ডুরেণ আতপত্রেণ ধ্রিয়মাণেন মূর্ধনি ॥৪-৩৮-১২॥
38.13
শুক্লৈঃ চ বাল ব্যজনৈঃ ধূয়মানৈঃ সমংততঃ ।
শংখ ভেরী নিনাদৈঃ চ বন্দিভিঃ চ অভিবন্দিতঃ ॥৪-৩৮-১৩॥
38.14
নির্যয়ৌ প্রাপ্য সুগ্রীবো রাজ্য শ্রিয়ম্ অনুত্তমাম্ ।
স বানর শতৈঃ তীষ্ক্ণৈঃ বহুভিঃ শস্ত্র পাণিভিঃ ॥৪-৩৮-১৪॥
38.15
পরিকীর্ণো যয়ৌ তত্র যত্র রামো ব্যবস্থিতঃ ।
স তম্ দেশম্ অনুপ্রাপ্য শ্রেষ্ঠম্ রাম নিষেবিতম্ ॥৪-৩৮-১৫॥
38.16
অবাতরৎ মহাতেজাঃ শিবিকায়াঃ স লক্ষ্মণঃ ।
আসাদ্য চ ততো রামম্ কৃত অংজলি পুটো অভবৎ ॥৪-৩৮-১৬॥
38.17
কৃত অংজলৌ স্থিতে তস্মিন্ বানরাঃ চ অভবন্ তথা ।
তটাকম্ ইব তম্ দৃষ্ট্বা রামঃ কুড্মল পংকজম্ ॥৪-৩৮-১৭॥
38.18
বানরাণাম্ মহৎ সৈন্যম্ সুগ্রীবে প্রীতিমান্ অভূৎ ।
পাদয়োঃ পতিতম্ মূর্ধ্না তম্ উত্থাপ্য হরীশ্বরম্ ॥৪-৩৮-১৮॥
38.19
প্রেম্ণা চ বহুমানাৎ চ রাঘবঃ পরিষস্বজে ।
পরিষ্বজ্য চ ধর্মাত্মা নিষীদ ইতি ততো অব্রবীৎ ॥৪-৩৮-১৯॥
38.20
নিষণ্ণম্ তম্ ততো দৃষ্ট্বা ক্ষিতৌ রামো অব্রবীৎ ততঃ ।
ধর্মম্ অর্থম্ চ কামম্ চ কালে যঃ তু নিষেবতে ॥৪-৩৮-২০॥
38.21
বিভজ্য সততম্ বীর স রাজা হরিসত্তম ।
হিত্বা ধর্মম্ তথা অর্থম্ চ কামম্ যঃ তু নিষেবতে ॥৪-৩৮-২১॥
38.22
স বৃক্ষ অগ্রে যথা সুপ্তঃ পতিতঃ প্রতিবুধ্যতে ।
অমিত্রাণাম্ বধে যুক্তো মিত্রাণাম্ সংগ্রহে রতঃ ॥৪-৩৮-২২॥
38.23
ত্রিবর্গ ফল ভোক্তা চ রাজা ধর্মেণ যুজ্যতে ।
উদ্যোগ সময়ঃ তু এষ প্রাপ্তঃ শত্রু নিষূদন ॥৪-৩৮-২৩॥
38.24
সংচিংত্যতাম্ হি পিংগেশ হরিভিঃ সহ মংত্রিভিঃ ।
এবম্ উক্তঃ তু সুগ্রীবো রামম্ বচনম্ অব্রবীৎ ॥৪-৩৮-২৪॥
38.25
প্রনষ্টা শ্রীঃ চ কীর্তিঃ চ কপি রাজ্যম্ চ শাশ্বতম্ ।
ত্বৎ প্রসাদাৎ মহাবাহো পুনঃ প্রাপ্তম্ ইদম্ ময়া ॥৪-৩৮-২৫॥
38.26
তব দেব প্রসদাৎ চ ভ্রাতুঃ চ জয়তাম্ বর ।
কৃতম্ ন প্রতিকুর্যাৎ যঃ পুরুষাণাম্ স দূষকঃ ॥৪-৩৮-২৬॥
38.27
এতে বানর মুখ্যাঃ চ শতশঃ শত্রু সূদন ।
প্রাপ্তাঃ চ আদায় বলিনঃ পৃথিব্যাম্ সর্ব বানরান্ ॥৪-৩৮-২৭॥
38.28
ঋক্ষাঃ চ বানরাঃ শূরা গোলাংগূলাঃ চ রাঘব ।
কাংতার বন দুর্গাণাম্ অভিজ্ঞা ঘোর দর্শনাঃ ॥৪-৩৮-২৮॥
38.29
দেব গন্ধর্ব পুত্রাঃ চ বানরাঃ কাম রূপিণঃ ।
স্বৈঃ স্বৈঃ পরিবৃতাঃ সৈন্যৈঃ বর্তন্তে পথি রাঘব ॥৪-৩৮-২৯॥
38.30
শতৈঃ শত সহস্রৈঃ চ কোটিভিঃ চ প্লবংগমাঃ ।
অয়ুতৈঃ চ আবৃতা বীরা শংকুভিঃ চ পরংতপ ॥৪-৩৮-৩০॥
38.31
অর্বুদৈঃ অর্বুদ শতৈঃ মধ্যৈঃ চ অন্তৈঃ চ বানরাঃ ।
সমুদ্রাঃ চ পরার্ধাঃ চ হরয়ো হরি যূথপাঃ ॥৪-৩৮-৩১॥
38.32
আগমিষ্যন্তি তে রাজন্ মহেন্দ্র সম বিক্রমাঃ ।
মেঘ পর্বত সংকাশা মেরু বিন্ধ্য কৃত আলয়াঃ ॥৪-৩৮-৩২॥
38.33
তে ত্বাম্ অভিগমিষ্যন্তি রাক্ষসম্ যোদ্ধুম্ আহবে ।
নিহত্য রাবণম্ যুদ্ধে হি আনয়িষ্যন্তি মৈথিলীম্ ॥৪-৩৮-৩৩॥
38.34
ততঃ সমুদ্যোগম্ অবেক্ষ্য বীর্যবান্হরি প্রবীরস্য নিদেশ বর্তিনঃ ।
বভূব হর্ষাৎ বসুধা অধিপ আত্মজঃপ্রবুদ্ধ নীল উত্পল তুল্য দর্শনঃ ॥৪-৩৮-৩৪॥