Utshovসর্গ 37
37.1
এবম্ উক্তঃ তু সুগ্রীবো লক্ষ্মণেন মহাত্মনা ।
হনূমন্তম্ স্থিতম্ পার্শ্বে বচনম্ চ ইদম্ অব্রবীৎ ॥৪-৩৭-১॥
37.2
মহেন্দ্র হিমবৎ বিংধ্য কৈলাস শিখরেষু চ ।
মন্দরে পাণ্ডু শিখরে পংচ শৈলেষু যে স্থিতাঃ ॥৪-৩৭-২॥
37.3
তরুণ আদিত্য বর্ণেষু ভ্রাজমানেষু নিত্যশঃ ।
পর্বতেষু সমুদ্র অংতে পশ্চিমস্যাম্ তু যে দিশি ॥৪-৩৭-৩॥
37.4
আদিত্য ভবনে চৈব গিরৌ সংধ্যা অভ্র সংনিভে ।
পদ্ম তাল বনম্ ভীমাঃ সংশ্রিতা হরি পুংগবাঃ ॥৪-৩৭-৪॥
37.5
অংজন অংবুদ সংকাশাঃ কুংজর প্রতিম ওজসঃ ।
অংজনে পর্বতে চৈব যে বসন্তি প্লবংগমাঃ ॥৪-৩৭-৫॥
37.6
মহাশৈল গুহা আবাসা বানরাঃ কনক প্রভাঃ ।
মেরু পার্শ্ব গতাঃ চৈব যে চ ধূম্র গিরিম্ শ্রিতাঃ ॥৪-৩৭-৬॥
37.7
তরুণ আদিত্য বর্ণাঃ চ পর্বতে যে মহাঅরুণে ।
পিবংতো মধু মৈরেয়ম্ ভীম বেগাঃ প্লবংগমাঃ ॥৪-৩৭-৭॥
37.8
বনেষু চ সুরম্যেষু সুগন্ধিষু মহত্সু চ ।
তাপস আশ্রম রম্যেষু বন অন্তেষু সমংততঃ ॥৪-৩৭-৮॥
37.9
তান্ তান্ ত্বম্ আনয় ক্ষিপ্রম্ পৃথিব্যাম্ সর্ব বানরান্ ।
সাম দান আদিভিঃ কল্পৈঃ বানরৈঃ বেগবত্তরৈঃ ॥৪-৩৭-৯॥
37.10
প্রেষিতাঃ প্রথমম্ যে চ ময়া আজ্ঞাতাঃ মহাজবাঃ ।
ত্বরণ অর্থম্ তু ভূয়ঃ ত্বম্ সংপ্রেষয় হরীশ্বরান্ ॥৪-৩৭-১০॥
37.11
যে প্রসক্তাঃ চ কামেষু দীর্ঘ সূত্রাঃ চ বানরাঃ ।
ইহ আনয়স্ব তান্ শীঘ্রম্ সর্বান্ এব কপীশ্বরান্ ॥৪-৩৭-১১॥
37.12
অহোভিঃ দশভিঃ যে চ ন আগচ্ছন্তি মম আজ্ঞয়া ।
হন্তব্যাঃ তে দুরাত্মানো রাজ শাসন দূষকাঃ ॥৪-৩৭-১২॥
37.13
শতানি অথ সহস্রাণি কোট্যঃ চ মম শাসনাৎ ।
প্রয়ান্তু কপি সিংহানাম্ নিদিশে মম যে স্থিতাঃ ॥৪-৩৭-১৩॥
37.14
মেঘ পর্বত সংকাশাঃ ছাদয়ন্ত ইব অংবরম্ ।
ঘোর রূপাঃ কপি শ্রেষ্ঠা যান্তু মৎ শাসনাৎ ইতঃ ॥৪-৩৭-১৪॥
37.15
তে গতিজ্ঞা গতিম্ গত্বা পৃথিব্যাম্ সর্ব বানরাঃ ।
আনয়ংতু হরীন্ সর্বান্ ত্বরিতাঃ শাসনান্ মম ॥৪-৩৭-১৫॥
37.16
তস্য বানর রাজস্য শ্রুত্বা বায়ু সুতো বচঃ ।
দিক্ষু সর্বাসু বিক্রান্তান্ প্রেষয়ামাস বানরান্ ॥৪-৩৭-১৬॥
37.17
তে পদম্ বিষ্ণু বিক্রান্তম্ পতত্রি জ্যোতিঃ অধ্বগাঃ ।
প্রয়াতাঃ প্রহিতা রাজ্ঞা হরয়ঃ তু ক্ষণেন বৈ ॥৪-৩৭-১৭॥
37.18
তে সমুদ্রেষু গিরিষু বনেষু চ সরঃসু চ ।
বানরা বানরান্ সর্বান্ রাম হেতোঃ অচোদয়ন্ ॥৪-৩৭-১৮॥
37.19
মৃত্যু কাল উপমস্য আজ্ঞাম্ রাজ রাজস্য বানরাঃ ।
সুগ্রীবস্য আয়য়ুঃ শ্রুত্বা সুগ্রীব ভয় শন্কিতাঃ ॥৪-৩৭-১৯॥
37.20
ততঃ তে অংজন সংকাশা গিরেঃ তস্মাৎ মহাজবাঃ ।
তিস্রঃ কোট্যঃ প্লবংগানাম্ নির্যয়ুর্ যত্র রাঘবঃ ॥৪-৩৭-২০॥
37.21
অস্তম্ গচ্ছতি যত্র অর্কঃ তস্মিন্ গিরিবরে রতাঃ ।
সংতপ্ত হেম বর্ণ আভা তস্মাৎ কোট্যো দশ চ্যুতাঃ ॥৪-৩৭-২১॥
37.22
কৈলাস শিখরেভ্যঃ চ সিংহ কেসর বর্চসাম্ ।
ততঃ কোটি সহস্রাণি বানরাণাম্ সমাগমন্ ॥৪-৩৭-২২॥
37.23
ফল মূলেন জীবন্তো হিমবন্তম্ উপাশ্রিতাঃ ।
তেষাম্ কোটি সহস্রাণাম্ সহস্রম্ সমবর্তত ॥৪-৩৭-২৩॥
37.24
অংগারক সমানানাম্ ভীমানাম্ ভীম কর্মণাম্ ।
বিংধ্যাৎ বানর কোটীনাম্ সহস্রাণি অপতন্ দ্রুতম্ ॥৪-৩৭-২৪॥
37.25
ক্ষীর উদ বেলা নিলয়াঃ তমাল বন বাসিনঃ ।
নারি কেল অশনাঃ চৈব তেষাম্ সংখ্যা ন বিদ্যতে ॥৪-৩৭-২৫॥
37.26
বনেভ্যো গহ্বরেভ্যঃ চ সরিত্ভ্যঃ চ মহাবলাঃ ।
আগচ্ছৎ বানরী সেনা পিবন্তি ইব দিবা করম্ ॥৪-৩৭-২৬॥
37.27
যে তু ত্বরয়িতুম্ যাতা বানরাঃ সর্ব বানরান্ ।
তে বীরা হিমবৎ শৈলে দদৃশুঃ তম্ মহাদ্রুমম্ ॥৪-৩৭-২৭॥
37.28
তস্মিন্ গিরি বরে পুণ্যে যজ্ঞো মাহেশ্বরঃ পুরা ।
সর্ব দেব মনঃ তোষো বভূব সু মনোরমঃ ॥৪-৩৭-২৮॥
37.29
অন্ন নিস্যংদ জাতানি মূলানি চ ফলানি চ ।
অমৃত স্বাদু কল্পানি দদৃশুঃ তত্র বানরাঃ ॥৪-৩৭-২৯॥
37.30
তৎ অন্ন সংভবম্ দিব্যম্ ফলম্ মূলম্ মনোহরম্ ।
যঃ কশ্চিৎ সকৃৎ অশ্নাতি মাসম্ ভবতি তর্পিতঃ ॥৪-৩৭-৩০॥
37.31
তানি মূলানি দিব্যানি ফলানি চ ফল অশনাঃ ।
ঔষধানি চ দিব্যানি জগৃহুর্ হরি পুংগবাঃ ॥৪-৩৭-৩১॥
37.32
তস্মাৎ চ যজ্ঞ আয়তনাৎ পুষ্পাণি সুরভীণি চ ।
আনিন্যুর্ বানরা গত্বা সুগ্রীব প্রিয় কারণাৎ ॥৪-৩৭-৩২॥
37.33
তে তু সর্বে হরিবরাঃ পৃথিব্যাম্ সর্ব বানরান্ ।
সংচোদয়িত্বা ত্বরিতম্ যূথানাম্ জগ্মুর্ অগ্রতঃ ॥৪-৩৭-৩৩॥
37.34
তে তু তেন মুহূর্তেন কপয়ঃ শীঘ্র চারিণঃ ।
কিষ্কিংধাম্ ত্বরয়া প্রাপ্তাঃ সুগ্রীবো যত্র বানরঃ ॥৪-৩৭-৩৪॥
37.35
তে গৃহীত্বা ওষধীঃ সর্বাঃ ফল মূলম্ চ বানরাঃ ।
তম্ প্রতিগ্রাহয়ামাসুর্ বচনম্ চ ইদম্ অব্রুবন্ ॥৪-৩৭-৩৫॥
37.36
সর্বে পরিসৃতাঃ শৈলাঃ সরিতঃ চ বনানি চ ।
পৃথিব্যাম্ বানরাঃ সর্বে শাসনাৎ উপয়ান্তি তে ॥৪-৩৭-৩৬॥
37.37
এবম্ শ্রুত্বা ততো হৃষ্টঃ সুগ্রীবঃ প্লবগ অধিপঃ ।
প্রতিজগ্রাহ চ প্রীতঃ তেষাম্ সর্বম্ উপায়নম্ ॥৪-৩৭-৩৭॥