সর্গ 36

36.1

ইতি উক্তঃ তারয়া বাক্যম্ প্রশ্রিতম্ ধর্ম সংহিতম্ ।
মৃদু স্বভাবঃ সৌমিত্রিঃ প্রতিজগ্রাহ তৎ বচঃ ॥৪-৩৬-১॥

তস্মিন্ প্রতিগৃহীতে তু বাক্যে হরি গণ ঈশ্বরঃ ।
লক্ষ্মণাৎ সুমহৎ ত্রাসম্ বস্ত্রম্ ক্লিন্নম্ ইব অত্যজৎ ॥৪-৩৬-২॥

ততঃ কণ্ঠ গতম্ মাল্যম্ চিত্রম্ বহু গুণম্ মহৎ ।
চিচ্ছেদ বিমদঃ চ আসীৎ সুগ্রীবো বানর ঈশ্বরঃ ॥৪-৩৬-৩॥

স লক্ষ্মণম্ ভীম বলম্ সর্ব বানর সত্তমঃ ।
অব্রবীৎ প্রশ্রিতম্ বাক্যম্ সুগ্রীবঃ সংপ্রহর্ষয়ন্ ॥৪-৩৬-৪॥

প্রনষ্টা শ্রীঃ চ কীর্তিঃ চ কপি রাজ্যম্ চ শাশ্বতম্ ।
রাম প্রসাদাৎ সৌমিত্রে পুনঃ চ আপ্তম্ ইদম্ ময়া ॥৪-৩৬-৫॥

কঃ শক্তঃ তস্য দেবস্য খ্যাতস্য স্বেন কর্মণা ।
তাদৃশম্ প্রতিকুর্বীত অংশেন অপি নৃপাত্মজ ॥৪-৩৬-৬॥

সীতাম্ প্রাপ্স্যতি ধর্মাত্মা বধিষ্যতি চ রাবণম্ ।
সহায় মাত্রেণ ময়া রাঘবঃ স্বেন তেজসা ॥৪-৩৬-৭॥

সহায় কৃত্যম্ কিম্ তস্য যেন সপ্ত মহাদ্রুমাঃ ।
শৈলঃ চ বসুধা চৈব বাণেন একেন দারিতাঃ ॥৪-৩৬-৮॥

ধনুর্ বিস্ফারমাণস্য যস্য শব্দেন লক্ষ্মণ ।
স শৈলা কম্পিতা ভূমিঃ সহায়ৈঃ কিম্ নু তস্য বৈ ॥৪-৩৬-৯॥

অনুয়াত্রাম্ নর ইন্দ্রস্য করিষ্যে অহম্ নরষভ ।
গচ্ছতো রাবণম্ হন্তুম্ বৈরিণম্ স পুরঃসরম্ ॥৪-৩৬-১০॥

যদি কিংচিৎ অতিক্রান্তম্ বিশ্বাসাৎ প্রণয়েন বা ।
প্রেষ্যস্য ক্ষমিতব্যম্ মে ন কশ্চিন্ ন অপরাধ্যতি ॥৪-৩৬-১১॥

ইতি তস্য ব্রুবাণস্য সুগ্রীবস্য মহাত্মনঃ ।
অভবৎ লক্ষ্মণঃ প্রীতঃ প্রেম্ণা চ ইদম্ উবাচ হ ॥৪-৩৬-১২॥

সর্বথা হি মম ভ্রাতা স নাথো বানরেশ্বর ।
ত্বয়া নাথেন সুগ্রীব প্রশ্রিতেন বিশেষতঃ ॥৪-৩৬-১৩॥

যঃ তে প্রভাবঃ সুগ্রীব যৎ চ তে শৌচম্ ঈদৃশম্ ।
অর্হঃ তম্ কপি রাজ্যস্য শ্রিয়ম্ ভোক্তুম্ অনুত্তমাম্ ॥৪-৩৬-১৪॥

সহায়েন চ সুগ্রীব ত্বয়া রামঃ প্রতাপবান্ ।
বধিষ্যতি রণে শত্রূন্ অচিরাৎ ন অত্র সংশয়ঃ ॥৪-৩৬-১৫॥

ধর্মজ্ঞস্য কৃতজ্ঞস্য সংগ্রামেষু অনিবর্তিনঃ ।
উপপন্নম্ চ যুক্তম্ চ সুগ্রীব তব ভাষিতম্ ॥৪-৩৬-১৬॥

দোষজ্ঞঃ সতি সামর্থ্যে কো অন্যো ভাষিতুম্ অর্হতি ।
বর্জয়িত্বা মম জ্যেষ্ঠম্ ত্বাম্ চ বানর সত্তম ॥৪-৩৬-১৭॥

সদৃশঃ চ অসি রামস্য বিক্রমেণ বলেন চ ।
সহায়ো দৈবতৈঃ দত্তঃ চিরায় হরি পুংগব ॥৪-৩৬-১৮॥

কিম্ তু শীঘ্রম্ ইতো বীর নিষ্ক্রাম ত্বম্ ময়া সহ ।
সান্ত্বয়স্ব বয়স্যম্ চ ভার্যা হরণ দুঃখিতম্ ॥৪-৩৬-১৯॥

যৎ চ শোক অভিভূতস্য শ্রুত্বা রামস্য ভাষিতম্ ।
ময়া ত্বম্ পরুষাণি উক্তঃ তৎ ক্ষমস্ব সখে মম ॥৪-৩৬-২০॥