সর্গ 35

35.1

তথা ব্রুবাণম্ সৌমিত্রিম্ প্রদীপ্তম্ ইব তেজসা ।
অব্রবীৎ লক্ষ্মণম্ তারা তারা অধিপ নিভ আননা ॥৪-৩৫-১॥

ন এবম্ লক্ষ্মণ বক্তব্যো ন অয়ম্ পরুষম্ অর্হতি ।
হরীণাম্ ঈশ্বরঃ শ্রোতুম্ তব বক্ত্রাৎ বিশেষতঃ ॥৪-৩৫-২॥

ন এব অকৃতজ্ঞঃ সুগ্রীবো ন শঠো ন অপি দারুণঃ ।
ন এব অনৃত কথো বীর ন জিহ্মঃ চ কপীশ্বরঃ ॥৪-৩৫-৩॥

উপকারম্ কৃতম্ বীরো ন অপি অয়ম্ বিস্মৃতঃ কপিঃ ।
রামেণ বীর সুগ্রীবো যৎ অন্যৈঃ দুষ্করম্ রণে ॥৪-৩৫-৪॥

রাম প্রসাদাৎ কীর্তিম্ চ কপি রাজ্যম্ চ শাশ্বতম্ ।
প্রাপ্তবান্ ইহ সুগ্রীবো রুমাম্ মাম্ চ পরংতপ ॥৪-৩৫-৫॥

সুদুঃখ শয়িতঃ পূর্বম্ প্রাপ্য ইদম্ সুখম্ উত্তমম্ ।
প্রাপ্ত কালম্ ন জানীতে বিশ্বামিত্রো যথা মুনিঃ ॥৪-৩৫-৬॥

ঘৃতাচ্যাম্ কিল সংসক্তো দশ বর্ষাণি লক্ষ্মণ ।
অহো অমন্যত ধর্মাত্মা বিশ্বামিত্রো মহামুনিঃ ॥৪-৩৫-৭॥

স হি প্রাপ্তম্ ন জানীতে কালম্ কালবিদাম্ বরঃ ।
বিশ্বামিত্রো মহাতেজাঃ কিম্ পুনর্ যঃ পৃথগ্ জনঃ ॥৪-৩৫-৮॥

দেহ ধর্ম গতস্য অস্য পরিশ্রান্তস্য লক্ষ্মণ ।
অবিতৃপ্তস্য কামেষু রামঃ ক্ষন্তুম্ ইহ অর্হতি ॥৪-৩৫-৯॥

ন চ রোষ বশম্ তাত গংতুম্ অর্হসি লক্ষ্মণ ।
নিশ্চয়ার্থম্ অবিজ্ঞায় সহসা প্রাকৃতো যথা ॥৪-৩৫-১০॥

সত্ত্ব যুক্তা হি পুরুষাঃ ত্বৎ বিধাঃ পুরুষর্ষভ ।
অবিমৃশ্য ন রোষস্য সহসা যান্তি বশ্যতাম্ ॥৪-৩৫-১১॥

প্রসাদয়ে ত্বাম্ ধর্মজ্ঞ সুগ্রীবার্থে সমাহিতা ।
মহান্ রোষ সমুত্পন্নঃ সংরংভঃ ত্যজ্যতাম্ অয়ম্ ॥৪-৩৫-১২॥

রুমাম্ মাম্ চ অংগদম্ রাজ্যম্ ধন ধান্য পশূনি চ ।
রাম প্রিয়ার্থম্ সুগ্রীবঃ ত্যজেৎ ইতি মতির্ মম ॥৪-৩৫-১৩॥

সমানেষ্যতি সুগ্রীবঃ সীতয়া সহ রাঘবম্ ।
শশাংকম্ ইব রোহিণ্যা হত্বা তম্ রাক্ষস অধমম্ ॥৪-৩৫-১৪॥

শত কোটি সহস্রাণি লংকায়াম্ কিল রক্ষসাম্ ।
অয়ুতানি চ ষট্ ত্রিংশৎ সহস্রাণি শতানি চ ॥৪-৩৫-১৫॥

অহত্বা তাম্ চ দুর্ধর্ষান্ রাক্ষসান্ কাম রূপিণঃ ।
ন শক্যো রাবণো হংতুম্ যেন সা মৈথিলী হৃতা ॥৪-৩৫-১৬॥

তে ন শক্যা রণে হংতুম্ অসহায়েন লক্ষ্মণ ।
রাবণঃ ক্রূর কর্মা চ সুগ্রীবেণ বিশেষতঃ ॥৪-৩৫-১৭॥

এবম্ আখ্যাতবান্ বালী স হি অভিজ্ঞো হরীশ্বরঃ ।
আগমঃ তু ন মে ব্যক্তঃ শ্রবাৎ তস্য ব্রবীমি অহম্ ॥৪-৩৫-১৮॥

ত্বৎ সহায় নিমিত্তম্ হি প্রেষিতা হরিপুংগবাঃ ।
আনেতুম্ বানরান্ যুদ্ধে সুবহূন্ হরিপুংগবান্ ॥৪-৩৫-১৯॥

তাম্ চ প্রতীক্ষমাণো অয়ম্ বিক্রাংতান্ সুমহা বলান্ ।
রাঘবস্য অর্থ সিদ্ধি অর্থম্ ন নির্যাতি হরি ঈশ্বরঃ ॥৪-৩৫-২০॥

কৃতা সুসংস্থা সৌমিত্রে সুগ্রীবেণ যথা পুরা ।
অদ্য তৈঃ বানরৈঃ সর্বৈঃ আগংতব্যম্ মহাবলৈঃ ॥৪-৩৫-২১॥

ঋক্ষ কোটি সহস্রাণি গোলাংগূল শতানি চ ।
অদ্য ত্বাম্ উপয়াস্যন্তি জহি কোপম্ অরিন্দমকোট্যো অনেকাঃ তু কাকুত্স্থ কপীনাম্ দীপ্ত তেজসাম্ ॥৪-৩৫-২২॥

তব হি মুখম্ ইদম্ নিরীক্ষ্য কোপাত্ক্ষতজ সমে নয়নে নিরীক্ষমাণাঃ ।
হরি বর বনিতা ন যান্তি শান্তিম্প্রথম ভয়স্য হি শন্কিতাঃ স্ম সর্বাঃ ॥৪-৩৫-২৩॥