Utshovসর্গ 23
23.1
ততঃ সমুপজিঘ্রংতী কপি রাজস্য তৎ মুখম্ ।
পতিম্ লোকশ্রুতা তারা মৃতম্ বচনম্ অব্রবীৎ ॥৪-২৩-১॥
23.2
শেষে ত্বম্ বিষমে দুঃখম্ অকৃত্বা বচনম্ মম ।
উপল উপচিতে বীর সুদুঃখে বসুধা তলে ॥৪-২৩-২॥
23.3
মত্তঃ প্রিয়তরা নূনম্ বানরেন্দ্র মহী তব ।
শেষে হি তাম্ পরিষ্বজ্য মাম্ চ ন প্রতিভাষসে ॥৪-২৩-৩॥
23.4
সুগ্রীবস্য বশম্ প্রাপ্তো বিধিঃ এষ ভবত্য অহো ।
সুগ্রীব এব বিক্রাংতো বীর সাহসিক প্রিয় ॥৪-২৩-৪॥
23.5
ঋক্ষ বানর মুখ্যাঃ ত্বাম্ বলিনম্ পর্যুপাসতে ।
তেষাম্ বিলপিতম্ কৃচ্ছ্রম্ অংগদস্য চ শোচতঃ ॥৪-২৩-৫॥
23.6
মম চ ইমা গিরঃ শ্রুত্বা কিম্ ত্বম্ ন প্রতিবুধ্যসে ।
ইদম্ তৎ বীর শয়নম্ তত্র শেষে হতো যুধি ॥৪-২৩-৬॥
23.7
শায়িতা নিহতা যত্র ত্বয়া এব রিপবঃ পুরা ।
বিশুদ্ধ সত্ত্ব অভিজন প্রিয়য়ুদ্ধ মম প্রিয় ॥৪-২৩-৭॥
23.8
মাম্ অনাথাম্ বিহায় একাম্ গতঃ ত্বম্ অসি মানদ ।
শূরায় ন প্রদাতব্যা কন্যা খলু বিপশ্চিতা ॥৪-২৩-৮॥
23.9
শূর ভার্যাম্ হতাম্ পশ্য সদ্যো মাম্ বিধবাম্ কৃতাম্ ।
অবভগ্নঃ চ মে মানো ভগ্না মে শাশ্বতী গতিঃ ॥৪-২৩-৯॥
23.10
অগাধে চ নিমগ্না অস্মি বিপুলে শোক সাগরে ।
অশ্ম সারময়ম্ নূনম্ ইদম্ মে হৃদয়ম্ দৃঢম্ ॥৪-২৩-১০॥
23.11
ভর্তারম্ নিহতম্ দৃষ্ট্বা যৎ ন অদ্য শতধা গতম্ ।
সুহৃৎ চৈব হি ভর্তা চ প্রকৃত্যা চ মম প্রিয়ঃ ॥৪-২৩-১১॥
23.12
প্রহারে চ পরাক্রান্তঃ শূরঃ পংচত্বম্ আগতঃ ।
পতি হীনা তু যা নারী কামম্ ভবতু পুত্রিণী ॥৪-২৩-১২॥
23.13
ধন ধান্য সমৃদ্ধা অপি বিধবা ইতি উচ্যতে জনৈঃ ।
স্ব গাত্র প্রভবে বীর শেষে রুধির মণ্ডলে ॥৪-২৩-১৩॥
23.14
কৃমি রাগ পরিস্তোমে স্বকীয়ে শয়নে যথা ।
রেণু শোণিত সংবীতম্ গাত্রম্ তব সমংততঃ ॥৪-২৩-১৪॥
23.15
পরিরব্ধুম্ ন শক্নোমি ভুজাভ্যাম্ প্লবগর্ষভ ।
কৃত কৃত্যো অদ্য সুগ্রীবো বৈরে অস্মিন্ অতিদারুণে ॥৪-২৩-১৫॥
23.16
যস্য রাম বিমুক্তেন হৃতম্ এক ইষুণা ভয়ম্ ।
শরেণ হৃদি লগ্নেন গাত্র সংস্পর্শনে তব ॥৪-২৩-১৬॥
23.17
বার্যামি ত্বাম্ নিরীক্ষন্তী ত্বয়ি পংচত্বম্ আগতে ।
উদ্ববর্হ শরম্ নীলঃ তস্য গাত্র গতম্ তদা ॥৪-২৩-১৭॥
23.18
গিরি গহ্বর সংলীনম্ দীপ্তম্ আশী বিষম্ যথা ।
তস্য নিষ্কৃষ্যমাণস্য বাণস্য চ বভৌ দ্যুতিঃ ॥৪-২৩-১৮॥
23.19
অস্ত মস্তক সংরুদ্ধো রশ্মিঃ দিনকরাৎ ইব ।
পেতুঃ ক্ষতজ ধারাঃ তু ব্রণেভ্যঃ তস্য সর্বশঃ ॥৪-২৩-১৯॥
23.20
তাম্র গৈরিক সংপৃক্তা ধারা ইব ধরা ধরাৎ ।
অবকীর্ণম্ বিমার্জন্তী ভর্তারম্ রণ রেণুনা ॥৪-২৩-২০॥
23.21
অস্রৈঃ নয়নজৈঃ শূরম্ সিষেচ অস্ত্র সমাহতম্ ।
রুধিরোক্ষিত সর্বান্গম্ দৃষ্ট্বা বিনিহতম্ পতিম্ ॥৪-২৩-২১॥
23.22
উবাচ তারা পিংগাক্ষম্ পুত্রম্ অংগদম্ অংগনা ।
অবস্থাম্ পশ্চিমাম্ পশ্য পিতুঃ পুত্র সুদারুণাম্ ॥৪-২৩-২২॥
23.23
সংপ্রসক্তস্য বৈরস্য গতো অন্তঃ পাপ কর্মণা ।
বাল সূর্যোজ্জ্বল তনুম্ প্রয়াতম্ যম সাদনম্ ॥৪-২৩-২৩॥
23.24
অভিবাদয় রাজানম্ পিতরম্ পুত্র মানদম্ ।
এবম্ উক্তঃ সমুত্থায় জগ্রাহ চরণৌ পিতুঃ ॥৪-২৩-২৪॥
23.25
ভুজাভ্যাম্ পীন বৃতাভ্যাম্ অংগদো অহম্ ইতি ব্রুবন্ ।
অভিবাদয়মানম্ ত্বাম্ অংগদম্ ত্বম্ যথা পুরা ॥৪-২৩-২৫॥
23.26
দীর্ঘ আয়ুর্ ভব পুত্র ইতি কিম্ অর্থম্ ন অভিভাষসে ।
অহম্ পুত্র সহায়া ত্বাম্ উপাসে গত চেতনম্ ।সিংহেন পাতিতম্ সদ্যো গৌঃ স বত্সা ইব গো বৃষম্ ॥৪-২৩-২৬॥
23.27
ইষ্ট্বা সংগ্রাম যজ্ঞেন রাম প্রহরণ অংভসা ।
অস্মিন্ অবভৃথে স্নাতঃ কথম্ পত্ন্যা ময়া বিনা ॥৪-২৩-২৭॥
23.28
যা দত্তা দেব রাজেন তব তুষ্টেন সংয়ুগে ।
শাত কৌম্ভীম্ প্রিয়াম্ মালাম্ তাম্ তে পশ্যামি ন ইহ কিম্ ॥৪-২৩-২৮॥
23.29
রাজ্যশ্রীঃ ন জহাতি ত্বাম্ গত অসুম্ অপি মানদ ।
সূর্যস্য আবর্তমানস্য শৈল রাজম্ ইব প্রভা ॥৪-২৩-২৯॥
23.30
ন মে বচঃ পথ্যম্ ইদম্ ত্বয়া কৃতম্ন চ অস্মি শক্তা হি নিবারণে তব ।
হতা সপুত্রা অস্মি হতেন সংয়ুগেসহ ত্বয়া শ্রীঃ বিজহাতি মাম্ অপি ॥৪-২৩-৩০॥