Utshovসর্গ 22
22.1
বীক্ষমাণঃ তু মংদাসুঃ সর্বতো মংদম্ উচ্ছ্বসন্ ।
আদৌ এব তু সুগ্রীবম্ দদর্শ অনুজম্ অগ্রতঃ ॥৪-২২-১॥
22.2
তম্ প্রাপ্ত বিজয়ম্ বালী সুগ্রীবম্ প্লবগ ঈশ্বরম্ ।
আভাষ্য ব্যক্তয়া বাচা সস্নেহম্ ইদম্ অব্রবীৎ ॥৪-২২-২॥
22.3
সুগ্রীব দোষেণ ন মাম্ গন্তুম্ অর্হসি কিল্বিষাৎ ।
কৃষ্যমাণম্ ভবিষ্যেণ বুদ্ধি মোহেন মাম্ বলাৎ ॥৪-২২-৩॥
22.4
যুগপদ্ বিহিতম্ তাত ন মন্যে সুখম্ অবয়োঃ ।
সৌহার্দম্ ভ্রাতৃ যুক্তম্ হি তদ্ ইদম্ জাতম্ অন্যথা ॥৪-২২-৪॥
22.5
প্রতিপদ্য ত্বম্ অদ্য এব রাজ্যম্ এষাম্ বন ওকসাম্ ।
মাম্ অপি অদ্য এব গচ্ছংতম্ বিদ্ধি বৈবস্বত ক্ষয়ম্ ॥৪-২২-৫॥
22.6
জীবিতম্ চ হি রাজ্যম্ চ শ্রিয়ম্ চ বিপুলাম্ ইমাম্ ।
প্রজহামি এষ বৈ তূর্ণম্ অহম্ চ অগর্হিতম্ যশঃ ॥৪-২২-৬॥
22.7
অস্যাম্ ত্বম্ অহম্ অবস্থায়াম্ বীর বক্ষ্যামি যদ্ বচঃ ।
যদি অপি অসুকরম্ রাজন্ কর্তুম্ এব তদ্ অর্হসি ॥৪-২২-৭॥
22.8
সুখার্হম্ সুখ সংবৃদ্ধম্ বালম্ এনম্ অবালিশম্ ।
বাষ্প পূর্ণ মুখম্ পশ্য ভূমৌ পতিতম্ অংগদম্ ॥৪-২২-৮॥
22.9
মম প্রাণৈঃ প্রিয়তরম্ পুত্রম্ পুত্রম্ ইব ঔরসম্ ।
ময়া হীনম্ অহীনার্থম্ সর্বতঃ পরিপালয় ॥৪-২২-৯॥
22.10
ত্বম্ অপি অস্য পিতা দাতা চ পরিত্রাতা চ সর্বতঃ ।
ভয়েষু অভয়দঃ চৈব যথা অহম্ প্লবগেশ্বর ॥৪-২২-১০॥
22.11
এষ তারাত্মজঃ শ্রীমান্ ত্বয়া তুল্য পরাক্রমঃ ।
রক্ষসাম্ চ বধে তেষাম্ অগ্রতঃ তে ভবিষ্যতি ॥৪-২২-১১॥
22.12
অনুরূপাণি কর্মাণি বিক্রম্য বলবান্ রণে ।
করিষ্যতি এষ তারেয়ঃ তরস্বী তরুণো অংগদঃ ॥৪-২২-১২॥
22.13
সুষেণ দুহিতা চ ইয়ম্ অর্থ সূক্ষ্ম বিনিশ্চয়ে ।
ঔত্পাতিকে চ বিবিধে সর্বতঃ পরিনিষ্ঠিতা ॥৪-২২-১৩॥
22.14
যদ্ এষ সাধু ইতি ব্রূয়াৎ কার্যম্ তন্ মুক্ত সংশয়ম্ ।
ন হি তারা মতম্ কিংচিৎ অন্যথা পরিবর্ততে ॥৪-২২-১৪॥
22.15
রাঘবস্য চ তে কার্যম্ কর্তব্যম্ অবিশংকয়া ।
স্যাৎ অধর্মো হি অকরণে ত্বাম্ চ হিংস্যাৎ অমানিতঃ ॥৪-২২-১৫॥
22.16
ইমাম্ চ মালাম্ আধত্স্ব দিব্যাম্ সুগ্রীব কাংচনীম্ ।
উদারা শ্রীঃ স্থিতা হি অস্যাম্ সংপ্রজহ্যাৎ মৃতে ময়ি ॥৪-২২-১৬॥
22.17
ইতি এবম্ উক্তঃ সুগ্রীবো বালিনা ভ্রাতৃ সৌহৃদাৎ ।
হর্ষম্ ত্যক্ত্বা পুনর্ দীনো গ্রহ গ্রস্ত ইব উডু রাট্ ॥৪-২২-১৭॥
22.18
তৎ বালি বচনাৎ শান্তঃ কুর্বন্ যুক্তম্ অতংদ্রিতঃ ।
জগ্রাহ সো অভ্যনুজ্ঞাতো মালাম্ তাম্ চৈব কাংচনীম্ ॥৪-২২-১৮॥
22.19
তাম্ মালাম্ কাংচনীম্ দত্ত্বা বালী দৃষ্ট্বা আত্মজম্ স্থিতম্ ।
সংসিদ্ধঃ প্রেত্য ভাবায় স্নেহাৎ অংগদম্ অব্রবীৎ ॥৪-২২-১৯॥
22.20
দেশ কালৌ ভজস্ব অদ্য ক্ষমমাণঃ প্রিয় অপ্রিয়ে ।
সুখ দুঃখ সহঃ কালে সুগ্রীব বশগো ভব ॥৪-২২-২০॥
22.21
যথা হি ত্বম্ মহাবাহো লালিতঃ সততম্ ময়া ।
ন তথা বর্তমানম্ ত্বাম্ সুগ্রীবো বহু মন্যতে ॥৪-২২-২১॥
22.22
না অস্য অমিত্রৈঃ গতম্ গচ্ছেঃ মা শত্রুভিঃ অরিংদম ।
ভর্তুঃ অর্থ পরো দান্তঃ সুগ্রীব বশগো ভব ॥৪-২২-২২॥
22.23
ন চ অতিপ্রণয়ঃ কার্যঃ কর্তব্যো অপ্রণয়ঃ চ তে ।
উভয়ম্ হি মহাদোষম্ তস্মাৎ অংতর দৃক্ ভব ॥৪-২২-২৩॥
22.24
ইতি উক্ত্বা অথ বিবৃত্ত অক্ষঃ শর সংপীডিতো ভৃশম্ ।
বিবৃতৈঃ দশনৈঃ ভীমৈঃ বভূব উত্ক্রান্ত জীবিতঃ ॥৪-২২-২৪॥
22.25
ততো বিচুক্রুশুর্ তত্র বানরা হত যূথপাঃ ।
পরিদেবয়মানাঃ তে সর্বে প্লবগ সত্তমাঃ ॥৪-২২-২৫॥
22.26
কিষ্কিন্ধা হি অথ শূন্যা চ স্বর্ গতে বানরেশ্বরে ।
উদ্যানানি চ শূন্যানি পর্বতাঃ কানানি চ ॥৪-২২-২৬॥
22.27
হতে প্লবগ শার্দূলে নিষ্ প্রভা বানরাঃ কৃতাঃ ।
যস্য বেগেন মহতা কাননানি বনানি চ ॥৪-২২-২৭॥
22.28
পুষ্প ওঘেণ অনুবদ্ধন্তে করিষ্যতি তৎ অদ্য কহঃ ।
যেন দত্তম্ মহৎ যুদ্ধম্ গন্ধর্বস্য মহাত্মনঃ ॥৪-২২-২৮॥
22.29
গোলভস্য মহাবাহুঃ দশ বর্ষাণি পংচ চ ।
ন এব রাত্রৌ ন দিবসে তৎ যুদ্ধম্ উপশাম্যতি ॥৪-২২-২৯॥
22.30
ততঃ ষোডশমে বর্ষে গোলভো বিনিপাতিতঃ ।
তম্ হত্বা দুর্বিনীতিম্ তু বালী দংষ্ট্র করালবান্ ।সর্বা অভয়ম্ করঃ অস্মাকম্ কথম্ এষ নিপাতিতঃ ॥৪-২২-৩০॥
22.31
হতে তু বীরে প্লবগাধিপে তদাপ্লবংগমাঃ তত্র ন শর্ম লেভিরে ।
বনে চরাঃ সিংহ যুতে মহাবনেয়থা হি গাবো নিহতে গবাম্ পতৌ ॥৪-২২-৩১॥
22.32
ততঃ তু তারা ব্যসন অর্ণব প্লুতামৃতস্যা ভর্তুর্ বদনম্ সমীক্ষ্য সা ।
জগাম ভূমিম্ পরিরভ্য বালিনম্মহা দ্রুমম্ ছিন্নম্ ইব আশ্রিতা লতা ॥৪-২২-৩২॥