সর্গ 21

21.1

ততো নিপতিতাম্ তারাম্ চ্যুতাম্ তারাম্ ইব অংবরাৎ ।
শনৈঃ আশ্বাসয়ামাস হনূমান্ হরি যূথপঃ ॥৪-২১-১॥

গুণ দোষ কৃতম্ জংতুঃ স্বকর্ম ফল হেতুকম্ ।
অব্যগ্রঃ তদ্ অবাপ্নোতি সর্বম্ প্রেত্য শুভ অশুভম্ ॥৪-২১-২॥

শোচ্যা শোচসি কম্ শোচ্যম্ দীনম্ দীনা অনুকংপসে ।
কঃ চ কস্য অনুশোচ্যো অস্তি দেহে অস্মিন্ বুদ্বুদ উপমে ॥৪-২১-৩॥

অংগদঃ তু কুমারো অয়ম্ দ্রষ্টব্যো জীব পুত্রয়া ।
আয়ত্যা চ বিধেয়ানি সমর্থানি অস্য চিন্তয় ॥৪-২১-৪॥

জানাসি অনিয়তাম্ এবম্ ভূতানাম্ আগতিম্ গতিম্ ।
তস্মাৎ শুভম্ হি কর্তব্যম্ পণ্ডিতেন ইহ লৌকিকম্ ॥৪-২১-৫॥

যস্মিন্ হরি সহস্রাণি শতানি নিয়ুতানি চ ।
বর্তয়ন্তি কৃত আশানি সো অয়ম্ দিষ্টাংতম্ আগতঃ ॥৪-২১-৬॥

যদ্ অয়ম্ ন্যায় দৃষ্ট অর্থঃ সাম দান ক্ষমা পরঃ ।
গতো ধর্ম জিতাম্ ভূমিম্ ন এনম্ শোচিতুম্ অর্হসি ॥৪-২১-৭॥

সর্বে চ হরি শার্দূলাঃ পুত্রঃ চ অয়ম্ তব অংগদঃ ।
হরি ঋক্ষ পতি রাজ্যম্ চ ত্বৎ সনাথম্ অনিন্দিতে ॥৪-২১-৮॥

তৌ ইমৌ শোক সংতপ্তৌ শনৈঃ প্রেরয় ভামিনি ।
ত্বয়া পরিগৃহীতো অয়ম্ অংগদঃ শাস্তু মেদিনীম্ ॥৪-২১-৯॥

সংততিঃ চ যথা দৃষ্টা কৃত্যম্ যৎ চ অপি সাংপ্রতম্ ।
রাজ্ঞঃ তৎ ক্রিয়তাম্ সর্বম্ এষ কালস্য নিশ্চয়ঃ ॥৪-২১-১০॥

সংস্কার্যো হরি রাজঃ তু অংগদঃ চ অভিষিচ্যতাম্ ।
সিংহাসন গতম্ পুত্রম্ পশ্যন্তী শান্তিম্ এষ্যসি ॥৪-২১-১১॥

সা তস্য বচনম্ শ্রুত্বা ভর্তৃ ব্যসন পীডিতা ।
অব্রবীৎ উত্তরম্ তারা হনূমন্তম্ অবস্থিতম্ ॥৪-২১-১২॥

অংগদ প্রতিরূপাণাম্ পুত্রাণাম্ একতঃ শতম্ ।
হতস্য অপি অস্য বীরস্য গাত্র সংশ্লেষণম্ বরম্ ॥৪-২১-১৩॥

ন চ অহম্ হরি রাজ্যস্য প্রভবামি অংগদস্য বা ।
পিতৃব্যঃ তস্য সুগ্রীবঃ সর্ব কার্যেষুই অনংতরঃ ॥৪-২১-১৪॥

ন হি এষা বুদ্ধিঃ আস্থেয়া হনূমন্ অংগদম্ প্রতি ।
পিতা হি বংধুঃ পুত্রস্য ন মাতা হরি সত্তম ॥৪-২১-১৫॥

ন হি মম হরি রাজ সংশ্রয়াত্ক্ষমতরম্ অস্তি পরত্র চ ইহ বা ।
অভিমুখ হত বীর সেবিতম্শয়নম্ ইদম্ মম সেবিতুম্ ক্ষমম্ ॥৪-২১-১৬॥