Utshovসর্গ 2
2.1
তৌ তু দৃষ্ট্বা মহাত্মানৌ ভ্রাতরৌ রাম লক্ষ্মণৌ ।
বর আয়ুধ ধরৌ বীরৌ সুগ্রীবঃ শ্ঙ্কিতোঽভবৎ ॥৪-২-১॥
2.2
উদ্বিগ্ন হৃদয়ঃ সর্বা দিশঃ সমবলোকয়ন্ ।
ন ব্যতিষ্ঠত কস্মিন্ চিৎ দেশে বানর পুঙ্গবঃ ॥৪-২-২॥
2.3
নৈব চক্রে মনঃ স্থাতুম্ বীক্ষমাণো মহাবলৌ ।
কপেঃ পরম ভীতস্য চিত্তম্ ব্যবসসাদ হ ॥৪-২-৩॥
2.4
চিন্তয়িত্বা স ধর্মাত্মা বিমৃশ্য গুরু লাঘবম্ ।
সুগ্রীবঃ পরম উদ্বিগ্নঃ সর্বৈঃ তৈঃ বানরৈঃ সহ ॥৪-২-৪॥
2.5
ততঃ স সচিবেভ্যঃ তু সুগ্রীবঃ প্লবগাধিপঃ ।
শশংস পরম উদ্বিগ্নঃ পশ্যন্ তৌ রাম লক্ষ্মণৌ ॥৪-২-৫॥
2.6
এতৌ বনম্ ইদম্ দুর্গম্ বালি প্রণিহিতৌ ধ্রুবম্ ।
ছদ্মনা চীর বসনৌ প্রচরন্তৌ ইহ আগতৌ ॥৪-২-৬॥
2.7
ততঃ সুগ্রীব সচিবা দৃষ্ট্বা পরম ধন্বিনৌ ।
জগ্মুঃ গিরি তটাৎ তস্মাদ্ অন্যৎ শিখরম্ উত্তমম্ ॥৪-২-৭॥
2.8
তে ক্ষিপ্রম্ অভিগম্য অথ যূথপা যূথপর্ষভম্ ।
হরয়ো বানর শ্রেষ্ঠম্ পরিবার্য উপতস্থিরে ॥৪-২-৮॥
2.9
এবম্ এক আয়ন গতাঃ প্লবমানা গিরেঃ গিরিম্ ।
প্রকংপয়ন্তো বেগেন গিরীণাম্ শিখরাণি চ ॥৪-২-৯॥
2.10
ততঃ শাখা মৃগাঃ সর্বে প্লবমানা মহাবলাঃ ।
বভংজুঃ চ নগান্ তত্র পুষ্পিতান্ দুর্গম্ আশ্রিতান্ ॥৪-২-১০॥
2.11
আপ্লবন্তো হরিবরাঃ সর্বতঃ তম্ মহাগিরিম্ ।
মৃগ মার্জার শার্দূলান্ ত্রাসয়ন্তো যয়ুঃ তদা ॥৪-২-১১॥
2.12
ততঃ সুগ্রীব সচিবাঃ পর্বতেন্দ্রে সমাহিতাঃ ।
সংগম্য কপি মুখ্যেন সর্বে প্রাংজলয়ঃ স্থিতাঃ ॥৪-২-১২॥
2.13
ততঃ তু ভয় সংত্রস্তম্ বালি কিল্বিষ শন্কিতম্ ।
উবাচ হনুমান্ বাক্যম্ সুগ্রীবম্ বাক্য কোবিদঃ ॥৪-২-১৩॥
2.14
সংভ্রমঃ ত্যজতাম্ এষ সর্বৈঃ বালি কৃতে মহান্ ।
মলয়োঽয়ম্ গিরিবরো ভয়ম্ ন ইহ অস্তি বালিনঃ ॥৪-২-১৪॥
2.15
যস্মাৎ উদ্বিগ্ন চেতাঃ ত্বম্ বিদ্রুতো হরিপুংগব ।
তম্ ক্রূর দর্শনম্ ক্রূরম্ ন ইহ পশ্যামি বালিনম্ ॥৪-২-১৫॥
2.16
যস্মাৎ তব ভয়ম্ সৌম্য পূর্বজাৎ পাপ কর্মণঃ ।
স ন ইহ বালী দুষ্টাত্মা ন তে পশ্যামি অহম্ ভয়ম্ ॥৪-২-১৬॥
2.17
অহো শাখা মৃগত্বম্ তে ব্যক্তম্ এব প্লবংগম ।
লঘু চিত্ততয়া আত্মানম্ ন স্থাপয়সি যো মতৌ ॥৪-২-১৭॥
2.18
বুদ্ধি বিজ্ঞান সংপন্ন ইঙ্গিতৈঃ সর্বম্ আচর ।
ন হি অবুদ্ধিম্ গতো রাজা সর্ব ভূতানি শাস্তি হি ॥৪-২-১৮॥
2.19
সুগ্রীবঃ তু শুভম্ বাক্যম্ শ্রুত্বা সর্বম্ হনূমতঃ ।
ততঃ শুভতরম্ বাক্যম্ হনূমন্তম্ উবাচ হ ॥৪-২-১৯॥
2.20
দীর্ঘ বাহূ বিশালাক্ষৌ শর চাপ অসি ধারিণৌ ।
কস্য ন স্যাৎ ভয়ম্ দৃষ্ট্বা হি এতৌ সুর সুত উপমৌ ॥৪-২-২০॥
2.21
বালি প্রণিহিতৌ এব শন্কে অহম্ পুরুষোত্তমৌ ।
রাজানো বহু মিত্রাঃ চ বিশ্বাসো ন অত্র হি ক্ষমঃ ॥৪-২-২১॥
2.22
অরয়ঃ চ মনুষ্যেণ বিজ্ঞেয়াঃ ছদ্ম চারিণঃ ।
বিশ্বস্তানাম্ অবিশ্বস্তাঃ ছিদ্রেষু প্রহরন্তি অপি ॥৪-২-২২॥
2.23
কৃত্যেষু বালী মেধাবী রাজানো বহু দর্শনঃ ।
ভবন্তি পর হন্তারঃ তে জ্ঞেয়াঃ প্রাকৃতৈঃ নরৈঃ ॥৪-২-২৩॥
2.24
তৌ ত্বয়া প্রাকৃতেন এব গত্বা জ্ঞেয়ৌ প্লবংগম ।
ইঙ্গিতানাম্ প্রকারৈঃ চ রূপব্যা ভাষণেন চ ॥৪-২-২৪॥
2.25
লক্ষয়স্ব তয়োঃ ভাবম্ প্রহৃষ্ট মনসৌ যদি ।
বিশ্বাসয়ন্ প্রশংসাভিঃ ইঙ্গিতৈঃ চ পুনঃ পুনঃ ॥৪-২-২৫॥
2.26
মম এব অভিমুখম্ স্থিত্বা পৃচ্ছ ত্বম্ হরি পুংগব ।
প্রয়োজনম্ প্রবেশস্য বনস্য অস্য ধনুর্ ধরৌ ॥৪-২-২৬॥
2.27
শুদ্ধ আত্মানৌ যদি এতৌ জানীহি ত্বম্ প্লবংগম ।
ব্যাভাষিতৈঃ বা রূপৈঃ বা বিজ্ঞেয়া দুষ্টতা অনয়োঃ ॥৪-২-২৭॥
2.28
ইতি এবম্ কপিরাজেন সংদিষ্টো মারুতাত্মজঃ ।
চকার গমনে বুদ্ধিম্ যত্র তৌ রাম লক্ষ্মণৌ ॥৪-২-২৮॥
2.29
তথা ইতি সংপূজ্য বচঃ তু তস্য কপেঃ সুভীতস্য দুরাসদস্য ।
মহানুভাবো হনুমান্ যয়ৌ তদা স যত্র রামো অতিবলী স লক্ষ্মণঃ ॥৪-২-২৯॥