Utshovসর্গ 1
1.1
স তাম্ পুষ্করিণীম্ গত্বা পদ্ম উত্পল ঝষাকুলাম্ ।
রামঃ সৌমিত্রি সহিতো বিললাপ অকুলেন্দ্রিয়ঃ ॥৪-১-১॥
1.2
তত্র দৃষ্ট্বৈবা তাম্ হর্ষাৎ ইন্দ্রিয়াণি চকম্পিরে ।
স কামবশম্ আপন্নঃ সৌমিত্রিম্ ইদম্ অব্রবীৎ ॥৪-১-২॥
1.3
সৌমিত্রে শোভতে পম্পা বৈদূর্য বিমল উদকা ।
ফুল্ল পদ্ম উত্পলবতী শোভিতা বিবিধৈঃ দ্রুমৈঃ ॥৪-১-৩॥
1.4
সৌমিত্রে পশ্য পম্পায়াঃ কাননম্ শুভ দর্শনম্ ।
যত্র রাজন্তি শৈলা বা দ্রুমাঃ স শিখরা ইব ॥৪-১-৪॥
1.5
মাম্ তু শোকাভি সন্তপ্তম্ আধয়ঃ পীডয়ন্তি বৈ ।
ভরতস্য চ দুঃখেন বৈদেহ্যা হরণেন চ ॥৪-১-৫॥
1.6
শোকার্তস্য অপি মে পম্পা শোভতে চিত্র কাননা ।
ব্যবকীর্ণা বহু বিধৈঃ পুষ্পৈঃ শীতোদকা শিবা ॥৪-১-৬॥
1.7
নলিনৈঃ অপি সংছন্না হি অত্যর্থ শুভ দর্শনা ।
সর্প ব্যাল অনুচরিতা মৃগ দ্বিজ সমাকুলা ॥৪-১-৭॥
1.8
অধিকম্ প্রবিভাতি এতৎ নীল পীতম্ তু শাদ্বলম্ ।
দ্রুমাণাম্ বিবিধৈঃ পুষ্পৈঃ পরিস্তোমৈঃ ইব অর্পিতম্ ॥৪-১-৮॥
1.9
পুষ্প ভার সমৃদ্ধানি শিখরাণি সমন্ততঃ ।
লতাভিঃ পুষ্পিত অগ্রাভিঃ উপগূঢানি সর্বতঃ ॥৪-১-৯॥
1.10
সুখ অনিলোঽয়ম্ সৌমিত্রে কালঃ প্রচুর মন্মথঃ ।
গন্ধবান্ সুরভির্ মাসো জাত পুষ্প ফল দ্রুমঃ ॥৪-১-১০॥
1.11
পশ্য রূপাণি সৌমিত্রে বনানাম্ পুষ্প শালিনাম্ ।
সৃজতাম্ পুষ্প বর্ষাণি বর্ষম্ তোয়মুচাম্ ইব ॥৪-১-১১॥
1.12
প্রস্তরেষু চ রম্যেষু বিবিধাঃ কানন দ্রুমাঃ ।
বায়ু বেগ প্রচলিতাঃ পুষ্পৈঃ অবকিরন্তি গাম্ ॥৪-১-১২॥
1.13
পতিতৈঃ পতমানৈঃ চ পাদপস্থৈঃ চ মারুতঃ ।
কুসুমৈঃ পশ্য সৌমিত্রে ক্রীডতীব সমন্ততঃ ॥৪-১-১৩॥
1.14
বিক্ষিপন্ বিবিধাঃ শাখা নগানাম্ কুসুমোত্কটাঃ ।
মারুতঃ চলিত স্থানৈঃ ষট্পদৈঃ অনুগীয়তে ॥৪-১-১৪॥
1.15
মত্ত কোকিল সন্নাদৈঃ নর্তয়ন্ ইব পাদপান্ ।
শৈল কন্দর নিষ্ক্রান্তঃ প্রগীত ইব চ অনিলঃ ॥৪-১-১৫॥
1.16
তেন বিক্ষিপতা অত্যর্থম্ পবনেন সমন্ততঃ ।
অমী সংসক্ত শাখাগ্রা গ্রথিতা ইব পাদপাঃ ॥৪-১-১৬॥
1.17
স এব সুখ সংস্পর্শো বাতি চন্দন শীতলঃ ।
গন্ধম্ অভ্যবহন্ পুণ্যম্ শ্রম অপনয়ো অনিলঃ ॥৪-১-১৭॥
1.18
অমী পবন বিক্ষিপ্তা বিনন্দন্তী ইব পাদপাঃ ।
ষট্পদৈঃ অনুকূজদ্ভিঃ বনেষু মধু গন্ধিষু ॥৪-১-১৮॥
1.19
গিরি প্রস্থেষু রম্যেষু পুষ্পবদ্ভিঃ মনোরমৈঃ ।
সংসক্ত শিখরা শৈলা বিরাজন্তি মহাদ্রুমৈঃ ॥৪-১-১৯॥
1.20
পুষ্প সংছন্ন শিখরা মারুতঃ উত্ক্ষেপ চংচলা ।
অমী মধুকরোত্তংসাঃ প্রগীত ইব পাদপাঃ ॥৪-১-২০॥
1.21
সুপুষ্পিতাংস্তু পশ্য এতান্ কর্ণিকারান্ সমন্ততঃ ।
হাটক প্রতি সংচ্ছন্নান্ নরান্ পীতাংবরান্ ইব ॥৪-১-২১॥
1.22
অয়ম্ বসন্তঃ সৌমিত্রে নানা বিহগ নাদিতঃ ।
সীতয়া বিপ্রহীণস্য শোক সন্দীপনো মম ॥৪-১-২২॥
1.23
মাম্ হি শোক সমাক্রান্তম্ সংতাপয়তি মন্মথঃ ।
হৃষ্টম্ প্রবদমানশ্চ সমাহ্বয়তি কোকিলঃ ॥৪-১-২৩॥
1.24
এষ দাঅত্যূহকো হৃষ্টো রম্যে মাম্ বন নির্ঝরে ।
প্রণদন্ মন্মথাবিষ্টম্ শোচয়িষ্যতি লক্ষ্মণ ॥৪-১-২৪॥
1.25
শ্রুত্বা এতস্য পুরা শব্দম্ আশ্রমস্থা মম প্রিয়া ।
মাম্ আহূয় প্রমুদিতা পরমম্ প্রত্যনন্দত ॥৪-১-২৫॥
1.26
এবম্ বিচিত্রাঃ পতগা নানা রাব বিরাবিণঃ ।
বৃক্ষ গুল্ম লতাঃ পশ্য সংপতন্তি সমন্ততঃ ॥৪-১-২৬॥
1.27
বিমিশ্রা বিহগাঃ পুংভিঃ আত্ম ব্যূহ অভিনন্দিতাঃ ।
ভৃঙ্গরাজ প্রমুদিতাঃ সৌমিত্রে মধুর স্বরাঃ ॥৪-১-২৭॥
1.28
অস্যাঃ কূলে প্রমুদিতাঃ সংঘশঃ শকুনাস্ত্বিহ ।
দাত্যূহরতি বিক্রন্দৈঃ পুংস্কোকিল রুতৈঃ অপি ॥৪-১-২৮॥
1.29
স্বনন্তি পাদপাঃ চ ইমে মাম্ অনঙ্গ প্রদীপকাঃ ।
অশোক স্তবক অঙ্গারঃ ষট্পদ স্বন নিস্বনঃ ॥৪-১-২৯॥
1.30
মাম্ হি পল্লব তাম্রার্চিঃ বসন্তাগ্নিঃ প্রধক্ষ্যতি ।
ন হি তাম্ সূক্ষ্মপক্ষ্মাক্ষীম্ সুকেশীম্ মৃদু ভাষিণীম্ ॥৪-১-৩০॥
1.31
অপশ্যতো মে সৌউমিত্রে জীবিতেঽস্তি প্রয়োজনম্ ।
অয়ম্ হি রুচিরঃ তস্যাঃ কালো রুচির কাননঃ ॥৪-১-৩১॥
1.32
কোকিলাকুল সীমান্তঃ দয়িতায়া মম অনঘঃ ।
মন্মধ আয়াস সংভূতো বসন্ত গুণ বর্ধিতঃ ॥৪-১-৩২॥
1.33
অয়ম্ মাম্ ধক্ষ্যতি ক্ষিপ্রম্ শোকাগ্নিঃ ন চিরাদিব ।
অপশ্যত তাম্ বনিতাম্ পশ্যতো রুচির দ্রুমান্ ॥৪-১-৩৩॥
1.34
মম অয়ম্ আত্মপ্রভবো ভূয়স্ত্বম্ উপয়াস্যতি ।
অদৃশ্যমানা বৈদেহী শোকম্ বর্ধয়তী ইহ মে ॥৪-১-৩৪॥
1.35
দৃশ্যমানো বসন্তঃ চ স্বেদ সংসর্গ দূষকঃ ।
মাম্ হি সা মৃগশাবাক্ষী চিন্তা শোক বলাত্কৃতম্ ॥৪-১-৩৫॥
1.36
সংতাপয়তি সৌমিত্রে কৃইরঃ চৈত্র বনানিলঃ ।
অমী ময়ূরাঃ শোভন্তে প্রনৃত্যন্তঃ ততঃ ততঃ ॥৪-১-৩৬॥
1.37
স্ত্বৈঃ পক্ষৈঃ পবন উদ্ধূতৈঃ গবাক্ষৈঃ স্ফাটিকৈঃ ইব ।
শিখিনীভিঃ পরিবৃতাস্ত এতে মদ মূর্ছিতাঃ ॥৪-১-৩৭॥
1.38
মন্মথ অভিপরীতস্য মম মন্মথ বর্ধনাঃ ।
পশ্য লক্ষ্ণম নৃত্যন্তম্ ময়ূরম্ উপনৃত্যতি ॥৪-১-৩৮॥
1.39
শিখিনী মন্মথ আর্তৈঃ এষা ভর্তারম্ গিরি সানুনি ।
তাম্ এব মনসা রামাম্ ময়ুরোঽপি অনুধাবতি ॥৪-১-৩৯॥
1.40
বিতত্য রুচিরৌ পক্ষৌ রুতৈঃ উপহসন্ ইব ।
ময়ূরস্য বনে নূনম্ রক্ষসা ন হৃতা প্রিয়া ॥৪-১-৪০॥
1.41
তস্মাৎ নৃত্যতি রম্যেষু বনেষু সহ কান্তয়া ।
মম ত্বয়ম্ বিনা বাসঃ পুষ্পমাসে সুদুঃসহঃ ॥৪-১-৪১॥
1.42
পশ্য লক্ষ্মণ সংরাগঃ তির্যক্ যোনিগতেষু অপি ।
যদেষা শিখিনী কামাৎ ভর্তারম্ অভিবর্ততে ॥৪-১-৪২॥
1.43
মাম্ অপি এবম্ বিশালাক্ষী জানকী জাত সংভ্রমা ।
মদনেন অভিবর্তেত যদি ন অপহৃতা ভবেৎ ॥৪-১-৪৩॥
1.44
পশ্য লক্ষ্মণ পুষ্পাণি নিষ্ফলানি ভবন্তি মে ।
পুষ্প ভার সমৃদ্ধানাম্ বনানাম্ শিশিরাত্যয়ে ॥৪-১-৪৪॥
1.45
রুচিরাণি অপি পুষ্পাণি পাদপানাম্ অতিশ্রিয়া ।
নিষ্ফলানি মহীম্ যান্তি সমম্ মধুকরোত্করৈঃ ॥৪-১-৪৫॥
1.46
নদন্তি কাবম্ মুদিতাঃ শকুনা সঙ্ঘশঃ কলম্ ।
আহ্বয়ন্ত ইব অন্যোন্যম্ কাম উন্মাদকরা মম ॥৪-১-৪৬॥
1.47
বসন্তো যদি তত্র অপি যত্র মে বসতি প্রিয়া ।
নূনম্ পরবশা সীতা সা অপি শোচ্যতি অহম্ যথা ॥৪-১-৪৭॥
1.48
নূনম্ ন তু বসন্তঃ তম্ দেশম্ স্পৃশতি যত্র সা ।
কথম্ হি অসিত পদ্মাক্ষী বর্তয়েৎ সা ময়া বিনা ॥৪-১-৪৮॥
1.49
অথবা বর্ততে তত্র বসন্তো যত্র মে প্রিয়া ।
কিম্ করিষ্যতি সুশ্রোণী সা তু নির্ ভর্ত্সিতা পরৈঃ ॥৪-১-৪৯॥
1.50
শ্যামা পদ্ম পলাশাক্ষী মৃদু ভাষা চ মেম্ প্রিয়া ।
নূনম্ বসন্তম্ আসাদ্য পরিত্যক্ষ্যতি জীবিতম্ ॥৪-১-৫০॥
1.51
দৃঢম্ হি হৃদয়ে বুধিঃ মম সংপ্রতিবর্ততে ।
ন অলম্ বর্তয়িতুম্ সীতা সাধ্বী মৎ বিরহম্ গতা ॥৪-১-৫১॥
1.52
ময়ি ভাবো হি বৈদেহ্যাঃ তত্ত্বতো বিনিবেশিতঃ ।
মম অপি ভাবঃ সীতায়াম্ সর্বধা বিনিবেশিতঃ ॥৪-১-৫২॥
1.53
এষ পুষ্পবহো বায়ুঃ সুখ স্পর্শো হিমাবহঃ ।
তাম্ বিচিন্তয়তঃ কান্তাম্ পাবক প্রতিমো মম ॥৪-১-৫৩॥
1.54
সদা সুখম্ অহম্ মন্যে যম্ পুরা সহ সীতায়া ।
মারুতঃ স বিনা সীতাম্ শোক সংজনও মম ॥৪-১-৫৪॥
1.55
তাম্ বিন অথ বিহঙ্গো অসৌ পক্ষী প্রণদিতঃ তদা ।
বায়সঃ পাদপগতঃ প্রহৃষ্টম্ অভি কূজতি ॥৪-১-৫৫॥
1.56
এষ বৈ তত্র বৈদেহ্যা বিহগঃ প্রতিহারকঃ ।
পক্ষী মাম্ তু বিশালাক্ষ্যাঃ সমীপম্ উপনেষ্যতি ॥৪-১-৫৬॥
1.57
পশ্য লক্ষ্মণ সংনাদম্ বনে মদ বিবর্ধনম্ ।
পুষ্পিত অগ্রেষু বৃক্ষেষু দ্বিজানাম্ অবকূজতাম্ ॥৪-১-৫৭॥
1.58
বিক্ষিপ্তাম্ পবনেন এতাম্ অসৌ তিলক মঞ্জরীম্ ।
ষট্পদঃ সহসা অভ্যেতি মদ উদ্ধূতাম্ ইব প্রিয়াম্ ॥৪-১-৫৮॥
1.59
কামিনাম্ অয়ম্ অত্যন্তম্ অশোকঃ শোক বর্ধনঃ ।
স্তবকৈঃ পবন উত্ক্ষিপ্তৈঃ তর্জয়ন্ ইব মাম্ স্থিতঃ ॥৪-১-৫৯॥
1.60
অমী লক্ষ্মণ দৃশ্যন্তে চূতাঃ কুসুম শালিনঃ ।
বিভ্রম উত্সিক্ত মনসঃ স অঙ্গরাগা নরা ইব ॥৪-১-৬০॥
1.61
সৌমিত্রে পশ্য পম্পায়াঃ চিত্রাসু বন রাজিষু ।
কিংনরা নরশার্দূল বিচরন্তি ততঃ ততঃ ॥৪-১-৬১॥
1.62
ইমানি শুভ গন্ধীনি পশ্য লক্ষ্মণ সর্বশঃ ।
নলিনানি প্রকাশন্তে জলে তরুণ সূর্য বৎ ॥৪-১-৬২॥
1.63
এষা প্রসন্ন সলিলা পদ্ম নীল উত্পলায়ুতা ।
হংস কারণ্ডব আকীর্ণা পম্পা সৌগন্ধিকা যুতা ॥৪-১-৬৩॥
1.64
জলে তরুণ সূর্যাভৈঃ ষট্পদ আহত কেসরৈঃ ।
পন্কজৈঃ শোভতে পম্পা সমন্তাৎ অভিসংবৃতা ॥৪-১-৬৪॥
1.65
চক্রবাক যুতা নিত্যম্ চিত্র প্রস্থ বনান্তরা ।
মাতংগ মৃগ যূথৈঃ চ শোভতে সলিল অর্থিভিঃ ॥৪-১-৬৫॥
1.66
পবন আহত বেগাভিঃ ঊর্মিভিঃ বিমলে অংভসি ।
পন্কজানি বিরাজন্তে তাড্যমানানি লক্ষ্মণ ॥৪-১-৬৬॥
1.67
পদ্ম পত্র বিশালাক্ষীম্ সততম্ প্রিয় পন্কজাম্ ।
অপশ্যতো মে বৈদেহীম্ জীবিতম্ ন অভিরোচতে ॥৪-১-৬৭॥
1.68
অহো কামস্য বামত্বম্ যো গতাম্ অপি দুর্লভাম্ ।
স্মারয়িষ্যতি কল্যাণীম্ কল্যাণ তর বাদিনীম্ ॥৪-১-৬৮॥
1.69
শক্যো ধারয়িতুম্ কামো ভবেৎ অভ্যাগতো ময়া ।
যদি ভূয়ো বসন্তো মাম্ ন হন্যাৎ পুষ্পিত দ্রুমঃ ॥৪-১-৬৯॥
1.70
যানি স্ম রমণীয়ানি তয়া সহ ভবন্তি মে ।
তানি এব অরমণীয়ানি জায়ন্তে মে তয়া বিনা ॥৪-১-৭০॥
1.71
পদ্মকোশ পলাশানি দ্রষ্টুম্ দৃষ্টিঃ হি মন্যতে ।
সীতায়া নেত্র কোশাভ্যাম্ সদৃশান্ ইতি লক্ষ্মণ ॥৪-১-৭১॥
1.72
পদ্ম কেসর সংসৃষ্টো বৃক্ষান্তর বিনিঃসৃতঃ ।
নিঃশ্বাস ইব সীতায়া বাতি বায়ুঃ মনোহরঃ ॥৪-১-৭২॥
1.73
সৌমিত্রে পশ্য পম্পায়া দক্ষিণে গিরি সানুষু ।
পুষ্পিতান্ কর্ণিকারস্য যষ্টিম্ পরম শোভিতাম্ ॥৪-১-৭৩॥
1.74
অধিকম্ শৈল রাজোঽয়ম্ ধাতুভিঃ তু বিভূষিতঃ ।
বিচিত্রম্ সৃজতে রেণুম্ বায়ু বেগ বিঘট্টিতম্ ॥৪-১-৭৪॥
1.75
গিরি প্রস্থাস্তু সৌমিত্রে সর্বতঃ সংপ্রপুষ্পিতৈঃ ।
নিষ্পত্রৈঃ সর্বতো রম্যৈঃ প্রদীপ্তা ইব কিংশুকৈঃ ॥৪-১-৭৫॥
1.76
পম্পা তীর রুহাঃ চ ইমে সংসক্তা মধু গন্ধিনঃ ।
মালতী মল্লিকা পদ্ম করবীরাঃ চ পুষ্পিতাঃ ॥৪-১-৭৬॥
1.77
কেতক্যঃ সিন্ধুবারাঃ চ বাসন্ত্যঃ চ সুপুষ্পিতাঃ ।
মাধব্যো গন্ধপূর্ণাঃ চ কুংদগুল্মাঃ চ সর্বশঃ ॥৪-১-৭৭॥
1.78
চিরিবিল্বা মধূকাঃ চ বঞ্জুলা বকুলাঃ তথা ।
চম্পকাঃ তিলকাঃ চ এব নাগবৃক্ষাঃ চ পুষ্পিতাঃ ॥৪-১-৭৮॥
1.79
পদ্মকাঃ চ এব শোভন্তে নীল অশোকাঃ ।
চ পুষ্পিতাঃলোধ্রাঃ চ গিরি পৃষ্ঠেষু সিংহ কেসর পিন্জরাঃ ॥৪-১-৭৯॥
1.80
অন্কোলাঃ চ কুরণ্টাঃ চ পূর্ণকাঃ পারিভদ্রকাঃ ।
চূতাঃ পাটলয়ঃ চ অপি কোবিদারাঃ চ পুষ্পিতাঃ ॥৪-১-৮০॥
1.81
মুচুকুংদ অর্জুনাঃ চ এব দৃশ্যন্তে গিরিসানুষুকেতক উদ্দালকাঃ ।
চ এব শিরীষাঃ শিংশুপা ধবাঃ ॥৪-১-৮১॥
1.82
শাল্মল্যঃ কিংশুকাঃ চ এব রক্তাঃ কুরবকাঃ তথা ।
তিনিশা নক্তমালাঃ চ চংদনাঃ স্যংদনাঃ তথা ॥৪-১-৮২॥
1.83
হিন্তালঃ তিলকাঃ চ এব নাগ বৃক্ষাঃ চ পুষ্পিতাঃ ।
পুষ্পিতান্ পুষ্পিত অগ্রাভিঃ লতাভিঃ পরিবেষ্টিতান্ ॥৪-১-৮৩॥
1.84
দ্রুমান্ পশ্য ইহ সৌমিত্রে পম্পায়া রুচিরান্ বহূন্ ।
বাত বিক্ষিপ্ত বিটপান্ যথা আসন্নান্ দ্রুমান্ ইমান্ ॥৪-১-৮৪॥
1.85
লতাঃ সমনুবর্তন্তে মত্তা ইব বর স্ত্রিয়ঃ ।
পাদপাৎ পাদপম্ গচ্ছন্ শৈলাৎ শৈলম্ বনাৎ বনম্ ॥৪-১-৮৫॥
1.86
বাতি ন এক রস আস্বাদ সম্মোদিত ইব অনিলঃ ।
কেচিৎ পর্যাপ্ত কুসুমাঃ পাদপা মধু গন্ধিনঃ ॥৪-১-৮৬॥
1.87
কেচিৎ মুকুল সংবীতাঃ শ্যাম বর্ণা ইব আবভুঃ ।
ইদম্ মৃষ্টম্ ইদম্ স্বাদু প্রফুল্লম্ ইদম্ ইত্যপি ॥৪-১-৮৭॥
1.88
রাগ যুক্তো মধুকরঃ কুসুমেষু আবলীয়তে।
নিলীয় পুনর্ উত্পত্য সহসা অন্যত্র গচ্ছতি ।মধু লুব্ধো মধুকরঃ পংপা তীর দ্রুমেষু অসৌ ॥৪-১-৮৮॥
1.89
ইয়ম্ কুসুম সন্ঘাতৈঃ উপস্তীর্ণা সুখা কৃতা ।
স্বয়ম্ নিপতিতৈঃ ভূমিঃ শয়ন প্রস্তরৈঃ ইব ॥৪-১-৮৯॥
1.90
বিবিধা বিবিধৈঃ পুষ্পৈঃ তৈঃ এব নগসানুষু ।
বিস্তেএর্ণাঃ পীত রক্তাভা সৌমিত্রে প্রস্তরাঃ কৃতাঃ ॥৪-১-৯০॥
1.91
হিমান্তে পশ্য সৌমিত্রে বৃক্ষাণাম্ পুষ্প সংভবম্ ।
পুষ্প মাসে হি তরবঃ সংঘর্ষাৎ ইব পুষ্পিতাঃ ॥৪-১-৯১॥
1.92
আহ্বয়ন্ত ইব অন্যোন্যম্ নগাঃ ষট্পদ নাদিতাঃ ।
কুসুমোত্তংস বিটপাঃ শোভন্তে বহু লক্ষ্মণ ॥৪-১-৯২॥
1.93
এষ কারণ্ডবঃ পক্ষী বিগাহ্যা সলিলম্ শুভম্ ।
রমতে কান্তায়া সার্থম্ কামম্ উদ্দীপয়ন্ ইব ॥৪-১-৯৩॥
1.94
মংদকিন্যাস্তু যদিদম্ রূপম্ এতন্ মনোররম্ ।
স্থানে জগতি বিখ্যাতা গুণাঃ তস্যা মনোরমাঃ ॥৪-১-৯৪॥
1.95
যদি দৃশ্যেত সা সাধ্বী যদি চ ইহ বসেম হি ।
স্পৃহয়েয়ম্ ন শক্রায় ন অয়োধ্যায়ৈ রঘূত্তম ॥৪-১-৯৫॥
1.96
ন হি এবম্ রমণীয়েষু শাদ্বলেষু তয়া সহ ।
রমতো মে ভবেৎ চিন্তা ন স্পৃহা অন্যেষু বা ভবেৎ ॥৪-১-৯৬॥
1.97
অমী হি বিবিধৈঃ পুষ্পৈঃ তরবো রুচির চ্ছদাঃ ।
কাননে অস্মিন্ বিনা কান্তাম্ চিত্তম্ উত্পাদয়ন্তি মে ॥৪-১-৯৭॥
1.98
পশ্য শীত জলাম্ চ ইমাম্ সৌমিত্রে পুষ্কর আয়ুতাম্ ।
চক্রবাক অনুচরিতাম্ কারণ্ডব নিষেবিতাম্ ॥৪-১-৯৮॥
1.99
প্লবৈঃ ক্রৌঞ্চৈঃ চ সংপূর্ণাম্ মহা মৃগ নিষেবিতাম্ ।
অধিকম্ শোভতে পম্পা বিকূজদ্ভিঃ বিহঙ্গমৈঃ ॥৪-১-৯৯॥
1.100
দীপয়ন্তী ইব মে কামম্ বিবিধা মুদিতা দ্বিজাঃ ।
শ্যামাম্ চন্দ্র মুখীম্ স্মৃত্বা প্রিয়াম্ পদ্ম নিভ ঈক্ষণাম্ ॥৪-১-১০০॥
1.101
পশ্য সানুষু চিত্রেষু মৃগীভিঃ সহিতান্ মৃগান্ ।
মাম্ পুনঃ মৃগ শবাক্ষী বৈদেহ্যা বিরহীকৃতম্ ।ব্যধয়ন্তীব মে চিত্তম্ সংচরন্তঃ ততঃ ততঃ ॥৪-১-১০১॥
1.102
অস্মিন্ সানুনি রম্যে হি মত্ত দ্বিজ গণাকুলে ।
পশ্য অয়ম্ যদি তাম্ কন্তাম্ ততঃ স্বস্তি ভবেৎ মম ॥৪-১-১০২॥
1.103
জীবেয়ম্ খলু সৌমিত্রে ময়া সহ সুমধ্যমা ।
সেবেত যদি বৈদেহী পম্পায়াঃ পবনম্ শুভম্ ॥৪-১-১০৩॥
1.104
পদ্ম সৌগন্ধিক বহম্ শিবম্ শোক বিনাশনম্ ।
ধন্যা লক্ষ্মণ সেবন্তে পম্পায়া বন মরুতম্ ॥৪-১-১০৪॥
1.105
শ্যমা পদ্ম পলাশাক্ষী প্রিয়া বিরহিতা ময়া ।
কথম্ ধরয়তি প্রাণান্ বিবশা জনকাত্মজা ॥৪-১-১০৫॥
1.106
কিম্ নু বক্ষ্যামি ধর্মজ্ঞম্ রাজানম্ সত্য বাদিনম্ ।
জনকম্ পৃষ্ট সীতম্ তম্ কুশলম্ জন সংসদি ॥৪-১-১০৬॥
1.107
যা মম্ অনুগতা মন্দম্ পিত্রা প্রস্থাপিতুম্ বনম্ ।
সীতা ধর্মম্ সমাস্থয় ক্ব নু সা বর্ততে প্রিয়া ॥৪-১-১০৭॥
1.108
তয়া বিহীনঃ কৃপণঃ কথম্ লক্ষ্মণ ধারয়ে ।
য মাম্ অনুগতা রজ্যাৎ ভ্রষ্টম্ বিহত চেতসম্ ॥৪-১-১০৮॥
1.109
তৎ চারু অঞ্চিত পদ্মাক্ষম্ সুগন্ধি শুভম্ অব্রণম্ ।
অপশ্যতো মুখম্ তস্যাঃ সীদতি ইব মতিঃ মম ॥৪-১-১০৯॥
1.110
স্মিত হাস্যান্তর যুতম্ গুণবৎ মধুরম্ হিতম্ ।
বৈদেহ্যাঃ বাক্যম্ অতুলম্ কদা শ্রোষ্যামি লক্ষ্মণ ॥৪-১-১১০॥
1.111
প্রাপ্য দুঃখম্ বনে শ্যামা মাম্ মন্মধ বিকর্শিতম্ ।
নষ্ট দুঃখেব হৃষ্টেব সাধ্বী সাধু অভ্যভাষত ॥৪-১-১১১॥
1.112
কিম্ নু বক্ষ্যামি অয়োধ্যায়াম্ কৌসল্যাম্ হি নৃপাত্মজ ।
ক্ব সা স্নুষা ইতি পৃচ্ছন্তীম্ কথম্ চ অতি মনস্বিনীম্ ॥৪-১-১১২॥
1.113
গচ্ছ লক্ষ্মণ পশ্য ত্বম্ ভরতম্ ভ্রাতৃউ বত্সলম্ ।
ন হি অহম্ জীবিতুম্ শক্তঃ তাম্ ঋতে জনকাত্মজম্ ॥৪-১-১১৩॥
1.114
ইতি রামম্ মহাত্মানম্ বিলপন্তম্ অনাথ বৎ ।
উবাচ লক্ষ্মণো ভ্রাতা বচনম্ যুক্তম্ অব্যয়ম্ ॥৪-১-১১৪॥
1.115
সংস্থম্ভ রাম ভদ্রম্ তে মা শুচঃ পুরুষোত্তম ।
ন ঈদৃইশানাম্ মতিঃ মন্দা ভবতি অকলুষাত্মনাম্ ॥৪-১-১১৫॥
1.116
স্মৃত্বা বিয়োগজম্ দুঃখম্ ত্যজ স্নেহম্ প্রিয়ে জনে ।
অতি স্নেহ পরিষ্বন্গাৎ বর্তিঃ অর্দ্রা অপি দহ্যতে ॥৪-১-১১৬॥
1.117
যদি গচ্ছতি পতালম্ ততো অভ্যঽধিকম্ এব বা ।
সর্বধা রাবণঃ তাত ন ভবিষ্যতি রাঘব ॥৪-১-১১৭॥
1.118
প্রবৃত্তিঃ লভ্যতাম্ তাবৎ তস্য পাপস্য রক্ষসঃ ।
ততঃ হাস্যতি বা সীতাম্ নিধনম্ বা গমিষ্যতি ॥৪-১-১১৮॥
1.119
যদি যাতি দিতেঃ গর্ভম্ রাবণঃ সহ সীতায়া ।
তত্র অপি এনম্ হনিষ্যামি ন চেৎ দাস্যতি মৈথিলীম্ ॥৪-১-১১৯॥
1.120
স্বাস্থ্যম্ ভদ্রম্ ভজস্ব আর্যঃ ত্যজতাম্ কৃপণা মতিঃ ।
অর্থো হি নষ্ট কার্যার্থৈঃ ন অয়ত্নে ন অধিগম্যতে ॥৪-১-১২০॥
1.121
উত্সাহো বলবান্ আর্য নাস্তি উত্সাহাৎ পরম্ বলম্ ।
সঃ উত্সাহস্য হি লোকেষু ন কিংচিৎ অপি দুর্লভম্ ॥৪-১-১২১॥
1.122
উত্সাহবন্তঃ পুরুষা ন অবসীদন্তি কর্মসু ।
উত্সাহ মত্রম্ আশ্রিত্য সীতাম্ প্রতিলপ্স্যাম্ জনকীম্ ॥৪-১-১২২॥
1.123
ত্যজ্য কাম বৃত্তত্বম্ শোকম্ সম্ ন্যস্য পৃষ্টতঃ ।
মহাত্মানম্ কৃতাত্মানম্ আত্মানম্ ন অববুধ্যসে ॥৪-১-১২৩॥
1.124
এবম্ সংবোধিতঃ তেন শোকোপহত চেতনঃ ।
ত্য্জ্য শোকম্ চ মোহম্ চ রামো ধৈর্যম্ উপাগমৎ ॥৪-১-১২৪॥
1.125
সোঽভ্য অতিক্রামৎ অব্যগ্রঃ তাম্ অচিন্ত্য পরাক্রমঃ ।
রামঃ পম্পাম্ সু রুচিরাম্ রম্যাম্ পারিপ্লব দ্রুমান্ ॥৪-১-১২৫॥
1.126
নিরীক্ষমাণঃ সহসা মহাত্মা সর্বম্ বনম্ নির্ঝর কন্দরাম্ চ ।
উদ্বিগ্ন চেতাঃ সহ লক্ষ্মণেন বিচার্য দুঃখোপহতঃ প্রতস্থে ॥৪-১-১২৬॥
1.127
তম্ মত্ত মাতঙ্গ বিলাস গামী গচ্ছন্তম্ অব্যগ্র মনাঃ মহাত্মা ।
স লক্ষ্মণো রাঘবম্ অপ্রমত্তো ররক্ষ ধর্মেণ বলেন চ এব ॥৪-১-১২৭॥
1.128
তৌ ঋষ্যমূকস্য সমীপ চারী চরন্ দদর্শ অদ্ভুত দর্শনীয়ৌ ।
শাখা মৃগাণাম্ অধিপঃ তরস্বী বিতত্রসে নৈব চিচেষ্ট চেষ্টাম্ ॥৪-১-১২৮॥
1.129
স তৌ মহাত্মা গজ মন্দ গামি শখা মৃগঃ তত্র চিরন্ চরন্তৌ ।
দৃষ্ট্বা বিষাদম্ পরমম্ জগাম চিন্তা পরীতো ভয় ভার মগ্নঃ ॥৪-১-১২৯॥
1.130
তম্ আশ্রমম্ পুণ্য সুখম্ শরণ্যম্ সদৈব শাখা মৃগ সেবিতান্তম্ ।
ত্রস্তাঃ চ দৃষ্ট্বা হরয়োঃ অভিজগ্মুঃ মহৌজসৌ রাঘব লক্ষ্মণৌ তৌ ॥৪-১-১৩০॥