Utshovসর্গ 3
3.1
বচো বিজ্ঞায় হনুমান্ সুগ্রীবস্য মহাত্মনঃ ।
পর্বতাৎ ঋষ্যমূকাৎ তু পুপ্লুবে যত্র রাঘবৌ ॥৪-৩-১॥
3.2
কপি রূপম্ পরিত্যজ্য হনুমান্ মারুতাত্মজঃ ।
ভিক্ষু রূপম্ ততো ভেজে শঠবুদ্ধিতয়া কপিঃ ॥৪-৩-২॥
3.3
ততঃ চ হনুমান্ বাচা শ্লক্ষ্ণয়া সুমনোজ্ঞয়া ।
বিনীতবৎ উপাগম্য রাঘবৌ প্রণিপত্য চ ॥৪-৩-৩॥
3.4
অবভাষে চ তৌ বীরৌ যথাবৎ প্রশশংস চ ।
সংপূজ্য বিধিবদ্ বীরৌ হনুমান্ বানরোত্তমঃ ॥৪-৩-৪॥
3.5
উবাচ কামতো বাক্যম্ মৃদু সত্য পরাক্রমৌ ।
রাজর্ষি দেব প্রতিমৌ তাপসৌ সংশিত ব্রতৌ ॥৪-৩-৫॥
3.6
দেশম্ কথম্ ইমম্ প্রাপ্তৌ ভবন্তৌ বর বর্ণিনৌ ।
ত্রাসয়ন্তৌ মৃগ গণান্ অন্যাম্ চ বন চারিণঃ ॥৪-৩-৬॥
3.7
পম্পা তীর রুহান্ বৃক্ষান্ বীক্ষমাণৌ সমংততঃ ।
ইমাম্ নদীম্ শুভ জলাম্ শোভয়ন্তৌ তরস্বিনৌ ॥৪-৩-৭॥
3.8
ধৈর্যবন্তৌ সুবর্ণাভৌ কৌ যুবাম্ চীর বাসসৌ ।
নিঃশ্বসন্তৌ বর ভুজৌ পীডয়ন্তৌ ইমাঃ প্রজাঃ ॥৪-৩-৮॥
3.9
সিংহ বিপ্রেক্ষিতৌ বীরৌ মহাবল পরাক্রমৌ ।
শক্র চাপ নিভে চাপে গৃহীত্বা শত্রু নাশনৌ ॥৪-৩-৯॥
3.10
শ্রীমন্তৌ রূপ সংপন্নৌ বৃষভ শ্রেষ্ঠ বিক্রমৌ ।
হস্তি হস্ত উপম ভুজৌ দ্যুতিমন্তৌ নরর্ষভৌ ॥৪-৩-১০॥
3.11
প্রভয়া পর্বত ইন্দ্রঃ অসৌ যুবয়োঃ অবভাসিতঃ ।
রাজ্য অর্হৌ অমর প্রখ্যৌ কথম্ দেশম্ ইহ আগতৌ ॥৪-৩-১১॥
3.12
পদ্ম পত্র ঈক্ষণৌ বীরৌ জটা মণ্ডল ধারিণৌ ।
অন্যোন্য সদৃশৌ বীরৌ দেব লোকাৎ ইহ আগতৌ ॥৪-৩-১২॥
3.13
যদৃচ্ছয়েব সংপ্রাপ্তৌ চন্দ্র সূর্যৌ বসুংধরাম্ ।
বিশাল বক্ষসৌ বীরৌ মানুষৌ দেব রূপিণৌ ॥৪-৩-১৩॥
3.14
সিংহ স্কন্ধৌ মহা উত্সাহৌ সমদৌ ইব গোবৃষৌ ।
আয়তাঃ চ সুবৃত্তাঃ চ বাহবঃ পরিঘোপমাঃ ॥৪-৩-১৪॥
3.15
সর্ব ভূষণ ভূষার্হাঃ কিম্ অর্থম্ ন বিভূষিতাঃ ।
উভৌ যোগ্যৌ অহম্ মন্যে রক্ষিতুম্ পৃথিবীম্ ইমাম্ ॥৪-৩-১৫॥
3.16
স সাগর বনাম্ কৃত্স্নাম্ বিন্ধ্য মেরু বিভূষিতাম্ ।
ইমে চ ধনুষী চিত্রে শ্লক্ষ্ণে চিত্র অনুলেপনে ॥৪-৩-১৬॥
3.17
প্রকাশেতে যথা ইন্দ্রস্য বজ্রে হেম বিভূষিতে ।
সংপূর্ণাঃ চ শিতৈঃ বাণৈঃ তূণাঃ চ শুভ দর্শনাঃ ॥৪-৩-১৭॥
3.18
জীবিত অন্তকরৈঃ ঘোরৈঃ জ্বলদ্ভিঃ ইব পন্নগৈঃ ।
মহা প্রমাণৌ বিপুলৌ তপ্ত হাটক ভূষণৌ ॥৪-৩-১৮॥
3.19
খড্গৌ এতৌ বিরাজেতে নির্মুক্ত ভুজগৌ ইব ।
এবম্ মাম্ পরিভাষন্তম্ কস্মাদ্ বৈ ন অভি ভাষতঃ ॥৪-৩-১৯॥
3.20
সুগ্রীবো নাম ধর্মাত্মা কশ্চিৎ বানর পুংগবঃ ।
বীরো বিনিকৃতো ভ্রাত্রা জগৎ ভ্রমতি দুঃখিতঃ ॥৪-৩-২০॥
3.21
প্রাপ্তঃ অহম্ প্রেষিতঃ তেন সুগ্রীবেণ মহাত্মনা ।
রাজ্ঞা বানর মুখ্যানাম্ হনুমান্ নাম বানরঃ ॥৪-৩-২১॥
3.22
যুবাভ্যাম্ স হি ধর্মাত্মা সুগ্রীবঃ সখ্যম্ ইচ্ছতি ।
তস্য মাম্ সচিবম্ বিত্তম্ বানরম্ পবনাত্মজম্ ॥৪-৩-২২॥
3.23
ভিক্ষু রূপ প্রতি চ্ছন্নম্ সুগ্রীব প্রিয় কারণাৎ ।
ঋশ্যমূকাৎ ইহ প্রাপ্তম্ কামগম্ কামচারিণম্ ॥৪-৩-২৩॥
3.24
এবম্ উক্ত্বা তু হনুমাম্ তৌ বীরৌ রাম লক্ষ্মণৌ ।
বাক্যজ্ঞো বাক্য কুশলঃ পুনঃ ন উবাচ কিংচন ॥৪-৩-২৪॥
3.25
এতৎ শ্রুত্বা বচঃ তস্য রামো লক্ষ্মণম্ অব্রবীৎ ।
প্রহৃষ্ট বদনঃ শ্রীমান্ ভ্রাতরম্ পার্শ্বতঃ স্থিতম্ ॥৪-৩-২৫॥
3.26
সচিবো অয়ম্ কপীন্দ্রস্য সুগ্রীবস্য মহাত্মনঃ ।
তম্ এব কাঙ্ক্ষমাণস্য মম অন্তিকম্ ইহ আগতঃ ॥৪-৩-২৬॥
3.27
তম্ অভ্যভাষ সৌমিত্রে সুগ্রীব সচিবম্ কপিম্ ।
বাক্যজ্ঞম্ মধুরৈঃ বাক্যৈঃ স্নেহ যুক্তম্ অরিন্দম ॥৪-৩-২৭॥
3.28
ন অন্ ঋগ্বেদ বিনীতস্য ন অ\-\-যজুর্বেদ ধারিণঃ ।
ন অ\-\-সাম বেদ বিদুষঃ শক্যম্ এবম্ বিভাষিতুম্ ॥৪-৩-২৮॥
3.29
নূনম্ ব্যকরণম্ কৃত্স্নম্ অনেন বহুধা শ্রুতম্ ।
বহু ব্যাহরতা অনেন ন কিংচিৎ অপ শব্দিতম্ ॥৪-৩-২৯॥
3.30
ন মুখে নেত্রয়োঃ চ অপি ললাটে চ ভ্রুবোঃ তথা ।
অন্যেষু অপি চ সর্বেষু দোষঃ সংবিদিতঃ ক্বচিৎ ॥৪-৩-৩০॥
3.31
অবিস্তরম্ অসংদিগ্ধম্ অবিলম্বিতম্ অব্যথম্ ।
উরঃস্থম্ কণ্ঠগম্ বাক্যম্ বর্ততে মধ্যমে স্বরম্ ॥৪-৩-৩১॥
3.32
সংস্কার ক্রম সংপন্নাম্ অদ্ভুতাম্ অবিলম্বিতাম্ ।
উচ্চারয়তি কল্যাণীম্ বাচম্ হৃদয় হর্ষিণীম্ ॥৪-৩-৩২॥
3.33
অনয়া চিত্রয়া বাচা ত্রিস্থান ব্যংজনস্থয়াঃ ।
কস্য ন আরাধ্যতে চিত্তম্ উদ্যৎ অসে অরেঃ অপি ॥৪-৩-৩৩॥
3.34
এবম্ বিধো যস্য দূতো ন ভবেৎ পার্থিবস্য তু ।
সিদ্ধ্যন্তি হি কথম্ তস্য কার্যাণাম্ গতয়োঽনঘ ॥৪-৩-৩৪॥
3.35
এবম্ গুণ গণৈর্ যুক্তা যস্য স্যুঃ কার্য সাধকাঃ ।
তস্য সিদ্ধ্যন্তি সর্বেঽর্থা দূত বাক্য প্রচোদিতাঃ ॥৪-৩-৩৫॥
3.36
এবম্ উক্তঃ তু সোউমিত্রিঃ সুগ্রীব সচিবম্ কপিম্ ।
অভ্যভাষত বাক্যজ্ঞো বাক্যজ্ঞম্ পবনাত্মজম্ ॥৪-৩-৩৬॥
3.37
বিদিতা নৌ গুণা বিদ্বন্ সুগ্রীবস্য মহাত্মনঃ ।
তম্ এব চ অবাম্ মার্গাবঃ সুগ্রীবম্ প্লবগেশ্বরম্ ॥৪-৩-৩৭॥
3.38
যথা ব্রবীষি হনুমান্ সুগ্রীব বচনাদ্ ইহ ।
তৎ তথা হি করিষ্যাবো বচনাৎ তব সত্তম ॥৪-৩-৩৮॥
3.39
তৎ তস্য বাক্যম্ নিপুণম্ নিশম্যপ্রহৃষ্ট রূপঃ পবনাত্মজঃ কপিঃ ।
মনঃ সমাধায় জয় উপপত্তৌসখ্যম্ তদা কর্তুম্ ইয়েষ তাভ্যাম্ ॥৪-৩-৩৯॥