Utshovসর্গ 9
9.1
সুতীক্ষ্ণেন অভ্যনুজ্ঞাতম্ প্রস্থিতম্ রঘু নন্দনম্ ।
হৃদ্যয়া স্নিগ্ধয়া বাচা ভর্তারম্ ইদম্ অব্রবীৎ ॥৩-৯-১॥
9.2
অধর্মম্ তু সুসূক্ষ্মেণ বিধিনা প্রাপ্যতে মহান্ ।
নিবৃত্তেন চ শক্যো অয়ম্ ব্যসনাৎ কামজাদ্ ইহ ॥৩-৯-২॥
9.3
ত্রীণি এব ব্যসনানি অত্র কামজানি ভবন্তি উত ।
মিথ্যা বাক্যম্ তু পরমম্ তস্মাৎ গুরুতরা উভৌ ॥৩-৯-৩॥
9.4
পর দার অভিগমনম্ বিনা বৈরম্ চ রৌদ্রতা ।
মিথ্যা বাক্যম্ ন তে ভূতম্ ন ভবিষ্যতি রাঘব ॥৩-৯-৪॥
9.5
কুতো অভিলষণম্ স্ত্রীণাম্ পরেষাম্ ধর্ম নাশনম্ ।
তব নাস্তি মনুষ্যেন্দ্র ন চ আভূৎ তে কদাচন ॥৩-৯-৫॥
9.6
মনস্যপি তথা রাম ন চ এতৎ বিদ্যতে ক্বচিৎ ।
স্ব দার নিরতঃ চ এব নিত্যম্ এব নৃপাত্মজ ॥৩-৯-৬॥
9.7
ধর্মিষ্টঃ সত্য সন্ধঃ চ পিতুঃ নির্দেশ কারকঃ ।
ত্বয়ি ধর্মঃ চ সত্যম্ চ ত্বয়ি সর্বম্ প্রতিষ্টিতম্ ॥৩-৯-৭॥
9.8
তচ্চ সর্বম্ মহাবাহো শক্যম্ বোঢুম্ জিতেইন্দ্রিয়ৈঃ ।
তব বশ্য ইন্দ্রিয়ত্বম্ চ জানামি শুভদর্শন ॥৩-৯-৮॥
9.9
তৃতীয়ম্ যদ্ ইদম্ রৌদ্রম্ পর প্রাণ অভিহিংসনম্ ।
নির্বৈরম্ ক্রিয়তে মোহাৎ তৎ চ তে সমুপস্থিতম্ ॥৩-৯-৯॥
9.10
প্রতিজ্ঞাতঃ ত্বয়া বীর দণ্ডকারণ্য বাসিনাম্ ।
ঋষীণাম্ রক্ষণার্থায় বধঃ সংয়তি রক্ষসাম্ ॥৩-৯-১০॥
9.11
এতন্ নিমিত্তম্ চ বনম্ দণ্ডকা ইতি বিশ্রুতম্ ।
প্রস্থিতঃ ত্বম্ সহ ভ্রাত্রা ধৃত বাণ শরাঅসনঃ ॥৩-৯-১১॥
9.12
ততঃ ত্বাম্ প্রস্থিতম্ দৃষ্ট্বা মম চিন্ত আকুলম্ মনঃ ।
ত্বৎ বৃত্তম্ চিন্তয়ন্ত্যা বৈ ভবেৎ নিঃশ্রেয়সম্ হিতম্ ॥৩-৯-১২॥
9.13
ন হি মে রোচতে বীরঃ গমনম্ দণ্ডকান্ প্রতি ।
কারণম্ তত্র বক্ষ্যামি বদন্ত্যাঃ শ্রূয়তাম্ মম ॥৩-৯-১৩॥
9.14
ত্বম্ হি বাণ ধনুষ্পাণিঃ ভ্রাত্রা সহ বনম্ গতঃ ।
দৃষ্ট্বা বন চরান্ সর্বান্ কচ্চিৎ কুর্যাঃ শর ব্যয়ম্ ॥৩-৯-১৪॥
9.15
ক্ষত্রিয়াণাম্ ইহ ধনুর্ হুতাশস্য ইন্ধনানি চ ।
সমীপতঃ স্থিতম্ তেজো বলম্ উচ্ছ্রয়তে ভৃশম্ ॥৩-৯-১৫॥
9.16
পুরা কিল মহাবাহো তপস্বী সত্য বাক্ শুচিঃ ।
কস্মিন্ চিৎ অভবৎ পুণ্যে বনে রত মৃগ দ্বিজে ॥৩-৯-১৬॥
9.17
তস্য এব তপসো বিঘ্নম্ কর্তুম্ ইন্দ্রঃ শচীপতিঃ ।
খড্গ পাণিঃ অথ আগচ্ছৎ আশ্রমম্ ভট রূপ ধৃক্ ॥৩-৯-১৭॥
9.18
তস্মিন্ তৎ আশ্রম পদে নিহিতঃ খড্গ উত্তমঃ ।
স ন্যাস বিধিনা দত্তঃ পুণ্যে তপসি তিষ্ঠতঃ ॥৩-৯-১৮॥
9.19
স তৎ শস্ত্রম্ অনুপ্রাপ্য ন্যাস রক্ষণ তত্পরঃ ।
বনে তু বিচরতি এব রক্ষন্ প্রত্যয়ম্ আত্মনঃ ॥৩-৯-১৯॥
9.20
যত্র গচ্ছতি উপাদাতুম্ মূলানি চ ফলানি চ ।
ন বিনা যাতি তম্ খড্গম্ ন্যাস রক্ষণ তত্পরঃ ॥৩-৯-২০॥
9.21
নিত্যম্ শস্ত্রম্ পরিবহন্ ক্রমেণ স তপোধনঃ ।
চকার রৌদ্রীম্ স্বাম্ বুদ্ধিম্ ত্যক্ত্বা তপসি নিশ্চয়ম্ ॥৩-৯-২১॥
9.22
ততঃ স রৌদ্র অভিরতঃ প্রমত্তো অধর্ম কর্ষিতঃ ।
তস্য শস্ত্রস্য সংবাসাৎ জগাম নরকম্ মুনিঃ ॥৩-৯-২২॥
9.23
এবম্ এতৎ পুরা বৃত্তম্ শস্ত্র সংয়োগ কারণম্ ।
অগ্নি সংয়োগবৎ হেতুঃ শস্ত্র সংয়োগ উচ্যতে ॥৩-৯-২৩॥
9.24
স্নেহাৎ চ বহুমানাৎ চ স্মারয়ে ত্বাম্ ন শিক্ষয়ে ।
ন কথংচন সা কার্যা গৃহীত ধনুষা ত্বয়া ॥৩-৯-২৪॥
9.25
বুদ্ধিঃ বৈরম্ বিনা হন্তুম্ রাক্ষসান্ দণ্ডক আশ্রিতান্ ।
অপরাধম্ বিনা হন্তুম্ লোকো বীর ন কাময়ে ॥৩-৯-২৫॥
9.26
ক্ষত্রিয়াণাম্ তু বীরাণাম্ বনেষু নিয়তাত্মনাম্ ।
ধনুষা কার্যম্ এতাবৎ আর্তানাম্ অভিরক্ষণম্ ॥৩-৯-২৬॥
9.27
ক্ব চ শস্ত্রম্ ক্ব চ বনম্ ক্ব চ ক্ষাত্রম্ তপঃ ক্ব চ ।
ব্যাবিদ্ধম্ ইদম্ অস্মাভিঃ দেশ ধর্মঃ তু পূজ্যতাম্ ॥৩-৯-২৭॥
9.28
তদার্য কলুষা বুদ্ধিঃ জায়তে শস্ত্র সেবনাৎ ।
পুনর্ গত্বাৎ তৎ অয়োধ্যায়াম্ ক্ষত্র ধর্মম্ চরিষ্যসি ॥৩-৯-২৮॥
9.29
অক্ষয়া তু ভবেৎ প্রীতিঃ শ্বশ্রূ শ্বশুরয়োঃ মম ।
যদি রাজ্যম্ হি সংন্যস্য ভবেৎ ত্বম্ নিরতো মুনিঃ ॥৩-৯-২৯॥
9.30
ধর্মাৎ অর্থঃ প্রভবতি ধর্মাৎ প্রভবতে সুখম্ ।
ধর্মেণ লভতে সর্বম্ ধর্ম সারম্ ইদম্ জগৎ ॥৩-৯-৩০॥
9.31
আত্মানম্ নিয়মৈঃ তৈঃ তৈঃ কর্ষয়িত্বা প্রয়ত্নতঃ ।
প্রাপ্যতে নিপুণৈঃ ধর্মো ন সুখাৎ লভতে সুখম্ ॥৩-৯-৩১॥
9.32
নিত্যম্ শুচি মতিঃ সৌম্য চর ধর্মম্ তপো বনে ।
সর্বম্ হি বিদিতম্ তুভ্যম্ ত্রৈলোক্যম্ অপি তত্ত্বতঃ ॥৩-৯-৩২॥
9.33
স্ত্রী চাপলাৎ এতৎ উদাহৃতম্ মেধর্মম্ চ বক্তুম্ তব কঃ সমর্থঃ ।
বিচার্য বুদ্ধ্যা তু সহ অনুজেনয়ৎ রোচতে তৎ কুরু ম অচিরেণ ॥৩-৯-৩৩॥