সর্গ 10

10.1

বাক্যম্ এতৎ তু বৈদেহ্যা ব্যাহৃতম্ ভর্তৃ ভক্ত্যা ।
শ্রুত্বা ধর্মে স্থিতো রামঃ প্রত্যুবাচ জানকীম্ ॥৩-১০-১॥

হিতম্ উক্তম্ ত্বয়া দেবি স্নিগ্ধয়া সদৃশম্ বচঃ ।
কুলম্ ব্যপদিশন্ত্যা চ ধর্মজ্ঞে জনক আত্মজে ॥৩-১০-২॥

কিম্ নু বক্ষ্যামি অহম্ দেবি ত্বয়া এব উক্তম্ ইদম্ বচঃ ।
ক্ষত্রিয়ৈঃ ধার্যতে চাপো ন আর্ত শব্দো ভবেদ্ ইতি ॥৩-১০-৩॥

তে চ আর্তা দণ্ডকারণ্যে মুনয়ঃ সংশিত ব্রতাঃ ।
মাম্ সীতে স্বয়ম্ আগম্য শরণ্যাঃ শরণম্ গতাঃ ॥৩-১০-৪॥

বসন্তঃ কাল কালেষু বনে মূল ফল অশনাঃ ।
ন লভন্তে সুখম্ ভীরু রাক্ষসৈঃ ক্রূর কর্মভিঃ ॥৩-১০-৫॥

ভক্ষ্যন্তে রাক্ষসৈঃ ভীমৈঃ নর মাংসোপজীবিভিঃ ।
তে ভক্ষ্যমাণা মুনয়ো দণ্ডকারণ্য বাসিনঃ ॥৩-১০-৬॥

অস্মান্ অভ্যবপদ্য ইতি মাম্ ঊচুর্ দ্বিজ সত্তমাঃ ।
ময়া তু বচনম্ শ্রুত্বা তেষাম্ এবম্ মুখাৎ চ্যুতম্ ॥৩-১০-৭॥

কৃত্বা বচন শুশ্রুষাম্ বাক্যম্ এতৎ উদাহৃতম্ ।
প্রসীদন্তু ভবন্তো মে হ্রীঃ এষা তু মম অতুলা ॥৩-১০-৮॥

যদ্ ঈদৃশৈঃ অহম্ বিপ্রৈঃ উপস্থেয়ৈঃ উপস্থিতঃ ।
কিম্ করোমি ইতি চ ময়া ব্যাহৃতম্ দ্বিজ সংনিধৌ ॥৩-১০-৯॥

সর্বৈঃ এব সমাগম্য বাক্ ইয়ম্ সমুদাহৃতা ।
রাক্ষসৈঃ দণ্ডকারণ্যে বহুভিঃ কাম রূপিভিঃ ॥৩-১০-১০॥

অর্দিতাঃ স্ম ভৃশম্ রাম ভবান্ নঃ তত্র রক্ষতু ।
হোম কালে তু সংপ্রাপ্তে পর্ব কালেষু চ অনঘ ॥৩-১০-১১॥

ধর্ষয়ন্তি সুদুর্ধর্ষা রাক্ষসাঃ পিশিত অশনাঃ ।
রাক্ষসৈঃ ধর্ষিতানাম্ চ তাপসানাম্ তপস্বিনাম্ ॥৩-১০-১২॥

গতিম্ মৃগয়মাণানাম্ ভবান্ নঃ পরমা গতিঃ ।
কামম্ তপঃ প্রভাবেণ শক্তা হন্তুম্ নিশাচরান্ ॥৩-১০-১৩॥

চিরার্জিতম্ ন চ ইচ্ছামঃ তপঃ খণ্ডয়িতুম্ বয়ম্ ।
বহু বিঘ্নম্ তপো নিত্যম্ দুঃশ্চরম্ চৈব রাঘব ॥৩-১০-১৪॥

তেন শাপম্ ন মুংচামো ভক্ষ্যমাণাঃ চ রাক্ষসৈঃ ।
তদ্ অর্দ্যমানান্ রক্ষোভিঃ দণ্ডকারণ্য বাসিভিঃ ॥৩-১০-১৫॥

রক্ষ নঃ ত্বম্ সহ ভ্রাত্রা ত্বম্ নাথা হি বয়ম্ বনে ।
ময়া চ এতৎ বচঃ শ্রুত্বা কার্ত্স্ন্যেন পরিপালনম্ ॥৩-১০-১৬॥

ঋষীণাম্ দণ্ডকারণ্যে সংশ্রুতম্ জনকাঅত্মজে ।
সংশ্রুত্য ন চ শক্ষ্যামি জীবমানঃ প্রতিশ্রবম্ ॥৩-১০-১৭॥

মুনীনাম্ অন্যথা কর্তুম্ সত্যম্ ইষ্টম্ হি মে সদা ।
অপি অহম্ জীবিতম্ জহ্যাম্ ত্বাম্ বা সীতে স লক্ষ্মণাম্ ॥৩-১০-১৮॥

ন তু প্রতিজ্ঞাম্ সংশ্রুত্য ব্রাহ্মণেভ্যো বিশেষতঃ ।
তৎ অবশ্যম্ ময়া কার্যম্ ঋষীণাম্ পরিপালনম্ ॥৩-১০-১৯॥

অনুক্তেন অপি বৈদেহি প্রতিজ্ঞায় কথম্ পুনঃ ।
মম স্নেহাৎ চ সৌহার্দাৎ ইদম্ উক্তম্ ত্বয়া বচঃ ॥৩-১০-২০॥

পরিতুষ্টো অস্মি অহম্ সীতে ন হি অনিষ্টো অনুশাস্যতে ।
সদৃশম্ চ অনুরূপম্ চ কুলস্য তব শোভনে ।সধর্ম চারিণী মে ত্বম্ প্রাণেভ্যো অপি গরীয়সী ॥৩-১০-২১॥

ইতি এবম্ উক্ত্বা বচনম্ মহাত্মাসীতাম্ প্রিয়াম্ মৈথিল রাজ পুত্রীম্ ।
রামো ধনুষ্মান্ সহ লক্ষ্মণেনজগাম রম্যাণি তপো বনানি ॥৩-১০-২২॥