Utshovসর্গ 11
11.1
অগ্রতঃ প্রয়য়ৌ রামঃ সীতা মধ্যে সুশোভনা ।
পৃষ্ঠতঃ তু ধনুষ্পাণিঃ লক্ষ্মণঃ অনুজগাম হ ॥৩-১১-১॥
11.2
তৌ পশ্যমানৌ বিবিধান্ শৈল প্রস্থান্ বনানি চ ।
নদীঃ চ বিবিধা রম্যা জগ্মতুঃ সহ সীতয়া ॥৩-১১-২॥
11.3
সারসান্ চক্রবাকাং চ নদী পুলিন চারিণঃ ।
সরাংসি চ সপদ্মানি যুতানি জলজৈঃ খগৈঃ ॥৩-১১-৩॥
11.4
যূথ বদ্ধাম্ চ পৃষতান্ মদ উন্মত্তান্ বিষাণিনঃ ।
মহিষাম্ চ বরাহাম্ চ গজাম্ চ দ্রুম বৈরিণঃ ॥৩-১১-৪॥
11.5
তে গত্বা দূরম্ অধ্বানম্ লংবমানে দিবাকরে ।
দদৃশুঃ সহিতা রংয়ম্ তটাকম্ যোজন আয়ুতম্ ॥৩-১১-৫॥
11.6
পদ্ম পুষ্কর সংবাধম্ গজ যূথৈঃ অলংকৃতম্ ।
সারসৈঃ হংস কাদম্বৈঃ সংকুলম্ জল জাতিভিঃ ॥৩-১১-৬॥
11.7
প্রসন্ন সলিলে রম্যে তস্মিন্ সরসি শুশ্রুবে ।
গীত বাদিত্র নির্ঘোষো ন তু কশ্চন দৃশ্যতে ॥৩-১১-৭॥
11.8
ততঃ কৌতূহলাৎ রামো লক্ষ্মণঃ চ মহারথঃ ।
মুনিম্ ধর্মভৃতম্ নাম প্রষ্টুম্ সমুপচক্রমে ॥৩-১১-৮॥
11.9
ইদম্ অত্যদ্ভুতম্ শ্রুত্বা সর্বেষাম্ নো মহামুনে ।
কৌতূহলম্ মহৎ জাতম্ কিম্ ইদম্ সাধু কথ্যতাম্ ॥৩-১১-৯॥
11.10
তেন এবম্ উক্তো ধর্মাত্মা রাঘবেণ মুনিঃ তদা ।
প্রভাবম্ সরসঃ ক্ষিপ্রম্ আখ্যাতুম্ উপচক্রমে ॥৩-১১-১০॥
11.11
ইদম্ পংচ অপ্সরো নাম তটাকম্ সার্ব কালিকম্ ।
নির্মিতম্ তপসা রাম মুনিনা মাণ্ডকর্ণিনা ॥৩-১১-১১॥
11.12
স হি তেপে তপঃ তীব্রম্ মাণ্ডকর্ণিঃ মহামুনিঃ ।
দশ বর্ষ সহস্রাণি বায়ু ভক্ষো জলাশয়ে ॥৩-১১-১২॥
11.13
ততঃ প্রব্যথিতাঃ সর্বে দেবাঃ স অগ্নি পুরোগমাঃ ।
অব্রুবন্ বচনম্ সর্বে পরস্পর সমাগতাঃ ॥৩-১১-১৩॥
11.14
অস্মকম্ কস্যচিৎ স্থানম্ এষ প্রার্থয়তে মুনিঃ ।
ইতি সংবিগ্ন মনসঃ সর্বে তত্র দিবৌকসঃ ॥৩-১১-১৪॥
11.15
ততঃ কর্তুম্ তপো বিঘ্নম্ সর্ব দেবৈঃ নিয়োজিতাঃ ।
প্রধান অপ্সরসঃ পংচ বিদ্যুৎ চলিত বর্চসঃ ॥৩-১১-১৫॥
11.16
অপ্সরোভিঃ ততঃ তাভিঃ মুনিঃ দৃষ্ট পরাবরঃ ।
নীতো মদন বশ্যত্বম্ দেবানাম্ কার্য সিদ্ধয়ে ॥৩-১১-১৬॥
11.17
তাঃ চৈব অপ্সরসঃ পংচ মুনেঃ পত্নীত্বম্ আগতাঃ ।
তটাকে নির্মিতম্ তাসাম্ তস্মিন্ অন্তর্হিতম্ গৃহম্ ॥৩-১১-১৭॥
11.18
তত্র এব অপ্সরসঃ পংচ নিবসন্ত্যো যথা সুখম্ ।
রময়ন্তি তপোয়োগাৎ মুনিম্ যৌবনম্ আস্থিতম্ ॥৩-১১-১৮॥
11.19
তাসাম্ সংক্রীড মানানাম্ এষ বাদিত্র নিঃস্বনঃ ।
শ্রূয়তে ভূষণ উন্মিশ্রঃ গীত শব্দঃ মনোহরঃ ॥৩-১১-১৯॥
11.20
আশ্চর্যম্ ইতি তস্য এতদ্ বচনম্ ভাবিতাত্মনঃ ।
রাঘবঃ প্রতিজগ্রাহ সহ ভ্রাত্রা মহা যশাঃ ॥৩-১১-২০॥
11.21
এবম্ কথয়মানঃ স দদর্শ আশ্রম মণ্ডলম্ ।
কুশ চীর পরিক্ষিপ্তম্ ব্রাহ্ম্যা লক্ষ্ম্যা সমাবৃতম্ ॥৩-১১-২১॥
11.22
প্রবিশ্য সহ বৈদেহ্যা লক্ষ্মণেন চ রাঘবঃ ।
তদা তস্মিন্ স কাকুত্স্থঃ শ্রীমতি আশ্রম মণ্ডলে ॥৩-১১-২২॥
11.23
উষিত্বা স সুখম্ তত্র পূর্জ্যমানো মহর্ষিভিঃ ।
জগাম চ আশ্রমান্ তেষাম্ পর্যায়েণ তপস্বিনাম্ ॥৩-১১-২৩॥
11.24
যেষাম্ উষিতবান্ পূর্বম্ সকাশে স মহাস্ত্রবিৎ ।
ক্বচিৎ পরিদশান্ মাসান্ এক সংবত্সরম্ ক্বচিৎ ॥৩-১১-২৪॥
11.25
ক্বচিৎ চ চতুরো মাসান্ পংচ ষট্ চ পরান্ ক্বচিৎ ।
অপরত্র অধিকান্ মাসান্ অধ্যর্ধম্ অধিকম্ ক্বচিৎ ॥৩-১১-২৫॥
11.26
ত্রীন্ মাসান্ অষ্ট মাসান্ চ রাঘবো ন্যবসৎ সুখম্ ।
তত্র সংবসতঃ তস্য মুনীনাম্ আশ্রমেষু বৈ ॥৩-১১-২৬॥
11.27
রমতঃ চ আনুকূল্যেন যয়ুঃ সংবত্সরা দশ ।
পরিসৃত্য চ ধর্মজ্ঞঃ রাঘবঃ সহ সীতয়া ॥৩-১১-২৭॥
11.28
সুতীক্ষ্ণস্য আশ্রমম্ শ্রীমান্ পুনর্ এব আজগাম হ ।
স তম্ আশ্রমম্ আগম্য মুনিভিঃ পরিপূজিতঃ ॥৩-১১-২৮॥
11.29
তত্র অপি ন্যবসৎ রামঃ কংচিৎ কালম্ অরিন্দমঃ ।
অথ আশ্রমস্থো বিনয়াৎ কদাচিৎ তম্ মহামুনিম্ ॥৩-১১-২৯॥
11.30
উপাসীনঃ স কাকুত্স্থঃ সুতীক্ষ্ণম্ ইদম্ অব্রবীৎ ।
অস্মিন্ অরণ্যে ভগবন্ অগস্ত্যো মুনিসত্তমঃ ॥৩-১১-৩০॥
11.31
বসতি ইতি ময়া নিত্যম্ কথাঃ কথয়তাম্ শ্রুতম্ ।
ন তু জানামি তম্ দেশম্ বনস্য অস্য মহত্তয়া ॥৩-১১-৩১॥
11.32
কুত্র আশ্রম পদম্ পুণ্যম্ মহর্ষেঃ তস্য ধীমতঃ ।
প্রসাদ অর্থম্ ভগবতঃ সানুজঃ সহ সীতয়া ॥৩-১১-৩২॥
11.33
অগস্ত্যম্ অভিগচ্ছেয়ম্ অভিবাদয়িতুম্ মুনিম্ ।
মনোরথো মহান্ এষ হৃদি পরিবর্ততে ॥৩-১১-৩৩॥
11.34
যদি অহম্ তম্ মুনিবরম্ শুশ্রূষেয়ম্ অপি স্বয়ম্ ।
ইতি রামস্য স মুনিঃ শ্রুত্বা ধর্মাত্মনো বচঃ ॥৩-১১-৩৪॥
11.35
সুতীক্ষ্ণঃ প্রত্যুবাচ ইদম্ প্রীতো দশরথাত্মজম্ ।
অহম্ অপি এতদ্ এব ত্বাম্ বক্তু কামঃ স লক্ষ্মণম্ ॥৩-১১-৩৫॥
11.36
অগস্ত্যম্ অভিগচ্ছ ইতি সীতয়া সহ রাঘব ।
দিষ্ট্যা তু ইদানীম্ অর্থে অস্মিন্ স্বয়ম্ এব ব্রবীষি মাম্ ॥৩-১১-৩৬॥
11.37
অয়ম্ আখ্যামি তে রাম যত্র অগস্ত্যো মহামুনিঃ ।
যোজনানি আশ্রমাৎ তাত যাহি চত্বারি বৈ ততঃ ।দক্ষিণেন মহান্ শ্রীমান্ অগস্ত্য ভ্রাতুর্ আশ্রমঃ ॥৩-১১-৩৭॥
11.38
স্থলী প্রায় বনোদ্দেশে পিপ্পলী বন শোভিতে ।
বহু পুষ্প ফলে রম্যে নানা বিহগ নাদিতে ॥৩-১১-৩৮॥
11.39
পদ্মিন্যো বিবিধাঃ তত্র প্রসন্ন সলিল আশয়াঃ ।
হংস কারণ্ডব আকীর্ণাঃ চক্রবাক উপশোভিতাঃ ॥৩-১১-৩৯॥
11.40
তত্র একাম্ রজনীম্ ব্যুষ্য প্রভাতে রাম গম্যতাম্ ।
দক্ষিণাম্ দিশম্ আস্থায় বন ষণ্ডস্য পার্শ্বতঃ ॥৩-১১-৪০॥
11.41
তত্র অগস্ত্য আশ্রম পদম্ গত্বা যোজনম্ অন্তরম্ ।
রমণীয়ে বনোদ্দেশে বহু পাদপ শোভিতে ॥৩-১১-৪১॥
11.42
রংস্যতে তত্র বৈদেহী লক্ষ্মণঃ চ ত্বয়া সহ ।
স হি রম্যো বনোউদ্দেশো বহু পাদপ সংয়ুতঃ ॥৩-১১-৪২॥
11.43
যদি বুদ্ধিঃ কৃতা দ্রষ্টুম্ অগস্ত্যম্ তম্ মহামুনিম্ ।
অদ্য এব গমনে বুদ্ধিম্ রোচয়স্ব মহামতে ॥৩-১১-৪৩॥
11.44
ইতি রামো মুনেঃ শ্রুত্বা সহ ভ্রাত্রা অভিবাদ্য চ ।
প্রতস্থে অগস্ত্যম্ উদ্দিশ্য সানুগঃ সহ সীতয়া ॥৩-১১-৪৪॥
11.45
পশ্যন্ বনানি চিত্রাণি পর্বতাং চ অভ্র সংনিভান্ ।
সরাংসি সরিতঃ চৈব পথি মার্গ বশ অনুগতান্ ॥৩-১১-৪৫॥
11.46
সুতীক্ষ্ণেন উপদিষ্টেন গত্বা তেন পথা সুখম্ ।
ইদম্ পরম সংহৃষ্টো বাক্যম্ লক্ষ্মণম্ অব্রবীৎ ॥৩-১১-৪৬॥
11.47
এতদ্ এব আশ্রম পদম্ নূনম্ তস্য মহাত্মনঃ ।
অগস্ত্যস্য মুনের্ ভ্রাতুর্ দৃশ্যতে পুণ্য কর্মণঃ ॥৩-১১-৪৭॥
11.48
যথা হি ইমে বনস্য অস্য জ্ঞাতাঃ পথি সহস্রশঃ ।
সংনতাঃ ফল ভরেণ পুষ্প ভারেণ চ দ্রুমাঃ ॥৩-১১-৪৮॥
11.49
পিপ্পলীনাম্ চ পক্বানাম্ বনাদ্ অস্মাদ্ উপাগতঃ ।
গন্ধো অয়ম্ পবন উত্ক্ষিপ্তঃ সহসা কটুকোদয়ঃ ॥৩-১১-৪৯॥
11.50
তত্র তত্র চ দৃশ্যন্তে সংক্ষিপ্তাঃ কাষ্ঠ সংচয়াঃ ।
লূনাঃ চ পরিদৃশ্যন্তে দর্ভা বৈদূর্য বর্চসঃ ॥৩-১১-৫০॥
11.51
এতৎ চ বন মধ্যস্থম্ কৃষ্ণ অভ্র শিখর উপমম্ ।
পাবকস্য আশ্রমস্থস্য ধূমাগ্রম্ সংপ্রদৃশ্যতে ॥৩-১১-৫১॥
11.52
বিবিক্তেষু চ তীর্থেষু কৃত স্নানা দ্বিজাতয়ঃ ।
পুষ্প উপহারম্ কুর্বন্তি কুসুমৈঃ স্বয়ম্ আর্জিতৈঃ ॥৩-১১-৫২॥
11.53
ততঃ সুতীক্ষ্ণস্য বচনম্ যথা সৌম্য ময়া শ্রুতম্ ।
অগস্ত্যস্য আশ্রমো ভ্রাতুর্ নূনম্ এষ ভবিষ্যতি ॥৩-১১-৫৩॥
11.54
নিগৃহ্য তরসা মৃত্যুম্ লোকানাম্ হিত কাম্যয়া ।
যস্য ভ্রাত্রা কৃতা ইয়ম্ দিক্ শরণ্যা পুণ্য কর্মণা ॥৩-১১-৫৪॥
11.55
ইহ একদা কিল ক্রূরো বাতাপিঃ অপি চ ইল্বলঃ ।
ভ্রাতরৌ সহিতৌ আস্তাম্ ব্রাহ্মণঘ্নৌ মহা অসুরৌ ॥৩-১১-৫৫॥
11.56
ধারয়ন্ ব্রাহ্মণম্ রূপম্ ইল্বলঃ সংস্কৃতম্ বদন্ ।
আমংত্রয়তি বিপ্রান্ স শ্রাদ্ধম্ উদ্দিশ্য নির্ঘৃণঃ ॥৩-১১-৫৬॥
11.57
ভ্রাতরম্ সংস্কৃতম্ কৃত্বা ততঃ তম্ মেষ রূপিণম্ ।
তান্ দ্বিজান্ ভোজয়ামাস শ্রাদ্ধ দৃষ্টেন কর্মণা ॥৩-১১-৫৭॥
11.58
ততো ভুক্তবতাম্ তেষাম্ বিপ্রাণাম্ ইল্বলো অব্রবীৎ ।
বাতাপে নিষ্ক্রমস্ব ইতি স্বরেণ মহতা বদন্ ॥৩-১১-৫৮॥
11.59
ততো ভ্রাতুর্ বচঃ শ্রুত্বা বাতাপিঃ মেষবৎ নদন্ ।
ভিত্ত্বা ভিত্বা শরীরাণি ব্রাহ্মণানাম্ বিনিষ্পতৎ ॥৩-১১-৫৯॥
11.60
ব্রাহ্মণানাম্ সহস্রাণি তৈঃ এবম্ কাম রূপিভিঃ ।
বিনাশিতানি সংহত্য নিত্যশঃ পিশিত অশনৈঃ ॥৩-১১-৬০॥
11.61
অগস্ত্যেন তদা দেবৈঃ প্রার্থিতেন মহর্ষিণা ।
অনুভূয় কিল শ্রাদ্ধে ভক্ষিতঃ স মহা অসুরঃ ॥৩-১১-৬১॥
11.62
ততঃ সংপন্নম্ ইতি উক্ত্বা দত্ত্বা হস্তে অবনেজনম্ ।
ভ্রাতরম্ নিষ্ক্রমস্ব ইতি চ ইল্বলঃ সমভাষত ॥৩-১১-৬২॥
11.63
স তদা ভাষমাণম্ তু ভ্রাতরম্ বিপ্র ঘাতিনম্ ।
অব্রবীৎ প্রহসন্ ধীমান্ অগস্ত্যো মুনি সত্তমঃ ॥৩-১১-৬৩॥
11.64
কুতো নিষ্ক্রমিতুম্ শক্তির্ ময়া জীর্ণস্য রক্ষসঃ ।
ভ্রাতুঃ তে মেষ রূপস্য গতস্য যম সাদনম্ ॥৩-১১-৬৪॥
11.65
অথ তস্য বচঃ শ্রুত্বা ভ্রাতুর্ নিধন সংশ্রিতম্ ।
প্রধর্ষয়িতুম্ আরেভে মুনিম্ ক্রোধাৎ নিশা চরঃ ॥৩-১১-৬৫॥
11.66
সো অভ্যদ্রবৎ দ্বিজেংদ্রম্ তম্ মুনিনা দীপ্ত তেজসা ।
চক্ষুষা অনল কল্পেন নির্দগ্ধো নিধনম্ গতঃ ॥৩-১১-৬৬॥
11.67
তস্য অয়ম্ আশ্রমো ভ্রাতুঃ তটাক বন শোভিতঃ ।
বিপ্র অনুকম্পয়া যেন কর্ম ইদম্ দুষ্করম্ কৃতম্ ॥৩-১১-৬৭॥
11.68
এবম্ কথয়মানস্য তস্য সৌমিত্রিণা সহ ।
রামস্য অস্তম্ গতঃ সূর্যঃ সংধ্যা কালো অভ্যবর্তত ॥৩-১১-৬৮॥
11.69
উপাস্য পশ্চিমাম্ সংধ্যাম্ সহ ভ্রাত্রা যথা বিধি ।
প্রবিবেশ আশ্রম পদম্ তম্ ঋষিম্ চ অভ্যবাদয়ৎ ॥৩-১১-৬৯॥
11.70
সম্যক্ প্রতিগৃহীতঃ তু মুনিনা তেন রাঘবঃ ।
ন্যবসৎ তাম্ নিশাম্ একাম্ প্রাশ্য মূল ফলানি চ ॥৩-১১-৭০॥
11.71
তস্যাম্ রাত্র্যাম্ ব্যতীতায়াম্ উদিতে রবি মণ্ডলে ।
ভ্রাতরম্ তম্ অগস্ত্যস্য আমংত্রয়ত রাঘবঃ ॥৩-১১-৭১॥
11.72
অভিবাদয়ে ত্বাম্ ভগবন্ সুখম্ স্ম উষ্যতো নিশাম্ ।
আমংত্রয়ে ত্বাম্ গচ্ছামি গুরুম্ তে দ্রষ্টুম্ অগ্রজম্ ॥৩-১১-৭২॥
11.73
গম্যতাম্ ইতি তেন উক্তো জগাম রঘু নন্দনঃ ।
যথা উদ্দিষ্টেন মার্গেণ বনম্ তৎ চ অবলোকয়ন্ ॥৩-১১-৭৩॥
11.74
নীবারান্ পনসান্ সালান্ বন্জুলান্ তিনিশান্ তথা ।
চিরি বিল্বান্ মধূকান্ চ বিল্বান্ অথ চ তিন্দুকান্ ॥৩-১১-৭৪॥
11.75
পুষ্পিতান্ পুষ্পিত অগ্রাভির্ লতাভির্ উপশোভিতান্ ।
দদর্শ রামঃ শতশঃ তত্র কান্তার পাদপান্ ॥৩-১১-৭৫॥
11.76
হস্তি হস্তৈঃ বিমৃদিতান্ বানরৈঃ উপশোভিতান্ ।
মত্তৈঃ শকুনি সংঘৈঃ চ শতশঃ প্রতি নাদিতান্ ॥৩-১১-৭৬॥
11.77
ততো অব্রবীৎ সমীপস্থম্ রামো রাজীব লোচনঃ ।
পৃষ্ঠতো অনুগতম্ বীরম্ লক্ষ্মণম্ লক্ষ্মিবর্ধনম্ ॥৩-১১-৭৭॥
11.78
স্নিগ্ধ পত্রা যথা বৃক্ষা যথা ক্ষান্তা মৃগ দ্বিজাঃ ।
আশ্রমো ন অতিদূরস্থো মহর্ষের্ ভাবিত আত্মনঃ ॥৩-১১-৭৮॥
11.79
অগস্ত্য ইতি বিখ্যাতো লোকে স্বেন এব কর্মণা ।
আশ্রমো দৃশ্যতে তস্য পরিশ্রান্ত শ্রম অপহঃ ॥৩-১১-৭৯॥
11.80
প্রাজ্য ধূম আকুল বনঃ চীর মালা পরিষ্কৃতঃ ।
প্রশান্ত মৃগ যূথঃ চ নানা শকুনি নাদিতঃ ॥৩-১১-৮০॥
11.81
নিগৃহ্য তরসা মৃত্যুম্ লোকানাম্ হিত কাম্যয়া ।
দক্ষিণা দিক্ কৃতা যেন শরণ্যা পুণ্য কর্মণা ॥৩-১১-৮১॥
11.82
তস্য ইদম্ আশ্রম পদম্ প্রভাবাদ্ যস্য রাক্ষসৈঃ ।
দিক্ ইয়ম্ দক্ষিণা ত্রাসাদ্ দৃশ্যতে ন উপভুজ্যতে ॥৩-১১-৮২॥
11.83
যদা প্রভৃতি চ আক্রান্তা দিগ্ ইয়ম্ পুণ্য কর্মণা ।
তদা প্রভৃতি নির্ বৈরাঃ প্রশান্তা রজনী চরাঃ ॥৩-১১-৮৩॥
11.84
নাম্না চ ইয়ম্ ভগবতো দক্ষিণা দিক্ প্রদক্ষিণা ।
প্রথিতা ত্রিষু লোকেষু দুর্ধর্ষা ক্রূর কর্মভিঃ ॥৩-১১-৮৪॥
11.85
মার্গম্ নিরোদ্ধুম্ সততম্ ভাস্করস্য অচল উত্তমঃ ।
সংদেশম্ পালয়ন্ তস্য বিংধ্য শৈলো ন বর্ধতে ॥৩-১১-৮৫॥
11.86
অয়ম্ দীর্ঘ আয়ুষঃ তস্য লোকে বিশ্রুত কর্মণঃ ।
অগস্ত্যস্য আশ্রমঃ শ্রীমান্ বিনীত মৃগ সেবিতঃ ॥৩-১১-৮৬॥
11.87
এষ লোক অর্চিতঃ সাধুঃ হিতে নিত্যম্ রতঃ সতাম্ ।
অস্মান্ অধিগতান্ এষ শ্রেয়সা যোজয়িষ্যতি ॥৩-১১-৮৭॥
11.88
আরাধয়িষ্যামি অত্র অহম্ অগস্ত্যম্ তম্ মহামুনিম্ ।
শেষম্ চ বন বাসস্য সৌম্য বত্স্যামি অহম্ প্রভো ॥৩-১১-৮৮॥
11.89
অত্র দেবাঃ সগন্ধর্বাঃ সিদ্ধাঃ চ পরম ঋষয়ঃ ।
অগস্ত্যম্ নিয়ত আহারাঃ সততম্ পর্যুপাসতে ॥৩-১১-৮৯॥
11.90
ন অত্র জীবেৎ মৃষাবাদী ক্রূরো বা যদি বা শঠঃ ।
নৃশংসঃ পাপ বৃত্তো বা মুনিঃ এষ তথা বিধঃ ॥৩-১১-৯০॥
11.91
অত্র দেবাঃ চ যক্ষাঃ চ নাগাঃ চ পতগৈঃ সহ ।
বসন্তি নিয়ত আহারা ধর্মম্ আরাধয়িষ্ণবঃ ॥৩-১১-৯১॥
11.92
অত্র সিদ্ধা মহাত্মানো বিমানৈঃ সূর্য সন্নিভৈঃ ।
ত্যক্ত্বা দেহান্ নবৈর্ দেহৈঃ স্বর্ যাতাঃ পরম ঋষয়ঃ ॥৩-১১-৯২॥
11.93
যক্ষত্বম্ অমরত্বম্ চ রাজ্যানি বিবিধানি চ ।
অত্র দেবাঃ প্রয়চ্ছন্তি ভূতৈঃ আরাধিতাঃ শুভৈঃ ॥৩-১১-৯৩॥
11.94
আগতাঃ স্ম আশ্রম পদম্ সৌমিত্রে প্রবিশ অগ্রতঃ ।
নিবেদয় ইহ মাম্ প্রাপ্তম্ ঋষয়ে সহ সীতয়া ॥৩-১১-৯৪॥