Utshovসর্গ 12
12.1
স প্রবিশ্য আশ্রম পদম্ লক্ষ্মণো রাঘব অনুজঃ ।
অগস্ত্য শিষ্যম্ আসাদ্য বাক্যম্ এতদ্ উবাচ হ ॥৩-১২-১॥
12.2
রাজা দশরথো নাম জ্যেষ্ঠঃ তস্য সুতো বলী ।
রামঃ প্রাপ্তো মুনিম্ দ্রষ্টুম্ ভার্যয়া সহ সীতয়া ॥৩-১২-২॥
12.3
লক্ষ্মণো নাম তস্য অহম্ ভ্রাতা তু অবরজো হিতঃ ।
অনুকূলঃ চ ভক্তঃ চ যদি তে শ্রোত্রম্ আগতঃ ॥৩-১২-৩॥
12.4
তে বয়ম্ বনম্ অত্যুগ্রম্ প্রবিষ্টাঃ পিতৃ শাসনাৎ ।
দ্রষ্টুম্ ইচ্ছামহে সর্বে ভগবন্তম্ নিবেদ্যতাম্ ॥৩-১২-৪॥
12.5
তস্য তদ্ বচনম্ শ্রুত্বা লক্ষ্মণস্য তপোধনঃ ।
তথা ইতি উক্ত্বা অগ্নি শরণম্ প্রবিবেশ নিবেদিতুম্ ॥৩-১২-৫॥
12.6
স প্রবিশ্য মুনিশ্রেষ্ঠম্ তপসা দুষ্প্রধর্ষণম্ ।
কৃত অংজলিঃ উবাচ ইদম্ রাম আগমনম্ অঞ্জসা ॥৩-১২-৬॥
12.7
যথা উক্তম্ লক্ষ্মণেন এব শিষ্যঃ তস্য অগস্তস্য সংমতঃ ।
পুত্রৌ দশরথস্য ইমৌ রামো লক্ষ্মণ এব চ ॥৩-১২-৭॥
12.8
প্রবিষ্টৌ আশ্রমপদম্ সীতয়া সহ ভার্যয়া ।
দ্রষ্টুম্ ভবন্তম্ আয়াতৌ শুশ্রূষার্থম্ অরিন্দমৌ ॥৩-১২-৮॥
12.9
যদ্ অত্র অনংতরম্ তৎ ত্বম্ আজ্ঞাপয়িতুম্ অর্হসি ।
ততঃ শিষ্যাৎ উপশ্রুত্য প্রাপ্তম্ রামম্ স লক্ষ্মণম্ ॥৩-১২-৯॥
12.10
বৈদেহীম্ চ মহাভাগাম্ ইদম্ বচনম্ অব্রবীৎ ।
দিষ্ট্যা রামঃ চিরস্য অদ্য দ্রষ্টুম্ মাম্ সমুপাগতঃ ॥৩-১২-১০॥
12.11
মনসা কাংক্ষিতম্ হি অস্য ময়া অপি আগমনম্ প্রতি ।
গম্যতাম্ সত্কৃতো রামঃ স ভার্যঃ সহ লক্ষ্মণঃ ॥৩-১২-১১॥
12.12
প্রবেশ্যতাম্ সমীপম্ মে কিম্ অসৌ ন প্রবেশিতঃ ।
এবম্ উক্তঃ তু মুনিনা ধর্মজ্ঞেন মহাত্মনা ॥৩-১২-১২॥
12.13
অভিবাদ্য অব্রবীৎ শিষ্যঃ তথা ইতি নিয়ত অংজলিঃ ।
তদা নিষ্ক্রম্য সংভ্রান্তঃ শিষ্যো লক্ষ্মণম্ অব্রবীৎ ॥৩-১২-১৩॥
12.14
ক্ব অসৌ রামো মুনিম্ দ্রষ্টুম্ এতু প্রবিশতু স্বয়ম্ ।
ততো গত্বা আশ্রম পদম্ শিষ্যেণ সহ লক্ষ্মণঃ ॥৩-১২-১৪॥
12.15
দর্শয়ামাস কাকুত্স্থম্ সীতাম্ চ জনকাত্মজাম্ ।
তম্ শিষ্যঃ প্রশ্রিতম্ বাক্যম্ অগস্ত্য বচনম্ ব্রুবন্ ॥৩-১২-১৫॥
12.16
প্রাবেশয়ৎ যথা ন্যায়ম্ সত্কার অর্হ সুসত্কৃতম্ ।
প্রবিবেশ ততো রামঃ সীতয়া সহ লক্ষ্মণঃ ॥৩-১২-১৬॥
12.17
প্রশান্ত হরিণ আকীর্ণম্ আশ্রমম্ হি অবলোকয়ন্ ।
স তত্র ব্রহ্মণঃ স্থানম্ অগ্নেঃ স্থানম্ তথৈব চ ॥৩-১২-১৭॥
12.18
বিষ্ণোঃ স্থানম্ মহেন্দ্রস্য স্থানম্ চৈব বিবস্বতঃ ।
সোম স্থানম্ ভগ স্থানম্ স্থানম্ কৌবেরম্ এব চ ॥৩-১২-১৮॥
12.19
ধাতুর্ বিধাতুঃ স্থানম্ চ বায়োঃ স্থানম্ তথৈব চ ।
স্থানম্ চ পাশ হস্তস্য বারুণস্য মহাত্মনঃ ॥৩-১২-১৯॥
12.20
স্থানম্ তথৈব গায়ত্র্যা বসূনাম্ স্থানম্ এব চ ।
স্থানম্ চ নাগরাজস্য গরুড স্থানম্ এব চ ॥৩-১২-২০॥
12.21
কার্তিকেয়স্য চ স্থানম্ ধর্ম স্থানম্ চ পশ্যতি ।
ততঃ শিষ্যৈঃ পরিবৃতো মুনির্ অপি অভিনিষ্পতৎ ॥৩-১২-২১॥
12.22
তম্ দদর্শ অগ্রতো রামো মুনীনাম্ দীপ্ত তেজসম্ ।
অব্রবীৎ বচনম্ বীরো লক্ষ্মণম্ লক্ষ্মিবর্ধনম্ ॥৩-১২-২২॥
12.23
বহির্ লক্ষ্মণ নিষ্ক্রামতি অগস্ত্যো ভগবান্ ঋষিঃ ।
ঔদার্যেণ অবগচ্ছামি নিধানম্ তপসাম্ ইমম্ ॥৩-১২-২৩॥
12.24
এবম্ উক্ত্বা মহাবাহুঃ অগস্ত্যম্ সূর্য বর্চসম্ ।
জগ্রাহ আপতৎ তস্য পাদৌ চ রঘুনন্দন ॥৩-১২-২৪॥
12.25
অভিবাদ্য তু ধর্মাত্মা তস্থৌ রামঃ কৃতাংজলিঃ ।
সীতয়া সহ বৈদেহ্যা তদা রামঃ স লক্ষ্মণঃ ॥৩-১২-২৫॥
12.26
প্রতিগৃহ্য চ কাকুত্স্থম্ অর্চয়িত্বা আসন উদকৈঃ ।
কুশল প্রশ্নম্ উক্ত্বা চ আস্যতাম্ ইতি সোঽব্রবীৎ ॥৩-১২-২৬॥
12.27
অগ্নিম্ হুত্বা প্রদায় অর্ঘ্যম্ অতিথিন্ প্রতিপূজ্য চ ।
বানপ্রস্থেন ধর্মেণ স তেষাম্ ভোজনম্ দদৌ ॥৩-১২-২৭॥
12.28
প্রথমম্ চ উপবিশ্য অথ ধর্মজ্ঞো মুনিপুংগবঃ ।
উবাচ রামম্ আসীনম্ প্রাংজলিম্ ধর্মকোবিদম্ ॥৩-১২-২৮॥
12.29
অগ্নিম্ হুত্বা প্রদায় অর্ঘ্যম্ অতিথিম্ প্রতিপূজয়েৎ ।
অন্যথা খলু কাকুত্স্থ তপস্বী সমুদাচরন্ ।দুঃসাক্ষী ইব পরে লোকে স্বানি মাংসানি ভক্ষয়েৎ ॥৩-১২-২৯॥
12.30
রাজা সর্বস্য লোকস্য ধর্মচারী মহারথঃ ।
পূজনীয়ঃ চ মান্যঃ চ ভবান্ প্রাপ্তঃ প্রিয় অতিথিঃ ॥৩-১২-৩০॥
12.31
এবম্ উক্ত্বা ফলৈঃ মূলৈঃ পুষ্পৈঃ চ অন্যৈঃ চ রাঘবম্ ।
পূজয়িত্বা যথা কামম্ ততো অগস্ত্যঃ তম্ অব্রবীৎ ॥৩-১২-৩১॥
12.32
ইদম্ দিব্যম্ মহৎ চাপম্ হেম বজ্র বিভূষিতম্ ।
বৈষ্ণবম্ পুরুষব্যাঘ্র নির্মিতম্ বিশ্বকর্মণা ॥৩-১২-৩২॥
12.33
অমোঘঃ সূর্য সংকাশো ব্রহ্মদত্তঃ শর উত্তমঃ ।
দত্তো মম মহেন্দ্রেণ তূণী চ অক্ষয় সায়কৌ ॥৩-১২-৩৩॥
12.34
সংপূর্ণৌ নিশিতৈঃ বাণৈঃ জ্বলদ্ভিঃ ইব পাবকৈঃ ।
মহা রজত কোশো অয়ম্ অসিঃ হেমবিভূষিতঃ ॥৩-১২-৩৪॥
12.35
অনেন ধনুষা রাম হত্বা সংখ্যে মহাসুরান্ ।
আজহার শ্রিয়ম্ দীপ্তাম্ পুরা বিষ্ণুর্ দিব ওকসাম্ ॥৩-১২-৩৫॥
12.36
তৎ ধনুঃ তৌ চ তূণি চ শরম্ খড্গম্ চ মানদ ।
জয়ায় প্রতিগৃহ্ণীষ্ব বজ্রম্ বজ্রধরো যথা ॥৩-১২-৩৬॥
12.37
এবম্ উক্ত্বা মহা তেজাঃ সমস্তম্ তৎ বর আয়ুধম্ ।
দত্ত্বা রামায় ভগবান্ অগস্ত্যঃ পুনর্ অব্রবীৎ ॥৩-১২-৩৭॥