Utshovসর্গ 13
13.1
রাম প্রীতো অস্মি ভদ্রম্ তে পরিতুষ্টো অস্মি লক্ষ্মণ ।
অভিবাদয়িতুম্ যন্ মাম্ প্রাপ্তৌ স্থঃ সহ সীতয়া ॥৩-১৩-১॥
13.2
অধ্ব শ্রমেণ বাম্ খেদো বাধতে প্রচুর শ্রমঃ ।
ব্যক্তম্ উত্কণ্ঠতে বা অপি মৈথিলী জনক আত্মজা ॥৩-১৩-২॥
13.3
এষা চ সুকুমারী চ খেদৈঃ চ ন বিমানিতা ।
প্রাঅজ্য দোষম্ বনম্ প্রপ্তা ভর্তৃ স্নেহ প্রচোদিতা ॥৩-১৩-৩॥
13.4
যথা এষা রমতে রাম ইহ সীতা তথা কুরু ।
দুষ্করম্ কৃতবতী এষা বনে ত্বাম্ অভিগচ্ছতী ॥৩-১৩-৪॥
13.5
এষা হি প্রকৃতিঃ স্ত্রীণাম্ আসৃষ্টে রঘুনংদন ।
সমস্থম্ অনুরংজংতে বিষমস্থম্ ত্যজন্তি চ ॥৩-১৩-৫॥
13.6
শত হ্রদানাম্ লোলত্বম্ শস্ত্রাণাম্ তীক্ষ্ণতাম্ তথা ।
গরুড অনিলয়োঃ শৈঘ্র্যম্ অনুগচ্ছন্তি যোষিতঃ ॥৩-১৩-৬॥
13.7
ইয়ম্ তু ভবতো ভার্যা দোষৈর্ এতৈর্ বিবর্জিতাঃ ।
শ্লাঘ্যা চ ব্যপদেশ্যা চ যথা দেবী হি অরুন্ধতী ॥৩-১৩-৭॥
13.8
অলংকৃতো অয়ম্ দেশঃ চ যত্র সৌমিত্রিণা সহ ।
বৈদেহ্যা চ অনয়া রাম বত্স্যসি ত্বম্ অরিংদম ॥৩-১৩-৮॥
13.9
এবম্ উক্তঃ তু মুনিনা রাঘবঃ সংয়ত অংজলিঃ ।
উবাচ প্রশ্রিতম্ বাক্যম্ ঋষিম্ দীপ্তম্ ইব অনলম্ ॥৩-১৩-৯॥
13.10
ধন্যোস্মি অনুগৃহীতোস্মি যস্য মে মুনি পুংগবঃ ।
গুণৈঃ সভ্রাতৃ ভার্যস্য গুরুঃ নঃ পরিতুষ্যতি ॥৩-১৩-১০॥
13.11
কিন্তু ব্যাদিশ মে দেশম্ স উদকম্ বহু কাননম্ ।
যত্র আশ্রম পদম্ কৃত্বা বসেয়ম্ নিরতঃ সুখম্ ॥৩-১৩-১১॥
13.12
ততো অব্রবীৎ মুনি শ্রেষ্ঠঃ শ্রুত্বা রামস্য ভাষিতম্ ।
ধ্যাত্বা মুহূর্তম্ ধর্মাত্মা ধীরো ধীরতরম্ বচঃ ॥৩-১৩-১২॥
13.13
ইতো দ্বি যোজনে তাত বহু মূল ফল উদকঃ ।
দেশো বহু মৃগঃ শ্রীমান্ পংচবটি অভিবিশ্রুতঃ ॥৩-১৩-১৩॥
13.14
তত্র গত্বা আশ্রম পদম্ কৃত্বা সৌমিত্রিণা সহ ।
রমস্ব ত্বম্ পিতুর্ বাক্যম্ যথা উক্তম্ অনুপালয়ন্ ॥৩-১৩-১৪॥
13.15
বিদিতো হি এষ বৃত্তাংতো মম সর্বঃ তব অনঘ ।
তপসঃ চ প্রভাবেণ স্নেহাদ্ দশরথস্য চ ॥৩-১৩-১৫॥
13.16
হৃদয়স্থঃ চ তে ছন্দো বিজ্ঞাতঃ তপসা ময়া ।
ইহ বাসম্ প্রতিজ্ঞায় ময়া সহ তপো বনে ॥৩-১৩-১৬॥
13.17
অতঃ চ ত্বাম্ অহম্ ব্রূমি গচ্ছ পংচবটীম্ ইতি ।
স হি রম্যো বনোদ্দেশো মৈথিলী তত্র রংস্যতে ॥৩-১৩-১৭॥
13.18
স দেশঃ শ্লাঘনীয়ঃ চ ন অতিদূরে চ রাঘব ।
গোদাবর্যাঃ সমীপে চ মৈথিলী তত্র রংস্যতে ॥৩-১৩-১৮॥
13.19
প্রাজ্য মূল ফলৈঃ চৈব নানা দ্বিজ গণৈর্ যুতঃ ।
বিবিক্তঃ চ মহাবাহো পুণ্যো রম্যঃ তথৈব চ ॥৩-১৩-১৯॥
13.20
ভবান্ অপি সদাচারঃ চ শক্তঃ চ পরিরক্ষণে ।
অপি চ অত্র বসন্ রাম তাপসান্ পালয়িষ্যসি ॥৩-১৩-২০॥
13.21
এতৎ আলক্ষ্যতে বীর মধূকানাম্ মহৎ বনম্ ।
উত্তরেণ অস্য গংতব্যম্ ন্যগ্রোধম্ অপি গচ্ছতা ॥৩-১৩-২১॥
13.22
ততঃ স্থলম্ উপারুহ্য পর্বতস্য অবিদূরতঃ ।
খ্যাতঃ পংচবটী ইতি এব নিত্য পুষ্পিত কাননঃ ॥৩-১৩-২২॥
13.23
অগস্ত্যেন এবম্ উক্তঃ তু রামঃ সৌমিত্রিণা সহ ।
সত্কৃত্য আমংত্রয়ামাস তম্ ঋষিম্ সত্য বাদিনম্ ॥৩-১৩-২৩॥
13.24
তৌ তু তেন অভ্যনুজ্ঞাতৌ কৃত পাদ অভিবন্দনৌ ।
তম্ আশ্রমম্ পংচবটীম্ জগ্মতুঃ সহ সীতয়া ॥৩-১৩-২৪॥
13.25
গৃহীত চাপৌ তু নরাধিপ আত্মজৌ<br>বিষক্ত তূণী সমরেষু অকাতরৌ ।
যথা উপদিষ্টেন পথা মহর্ষিণা ।প্রজগ্মতুঃ পংচবটীম্ সমাহিতৌ ॥৩-১৩-২৫॥