UtshovSarga 11
11.1
अग्रतः प्रययौ रामः सीता मध्ये सुशोभना ।
पृष्ठतः तु धनुष्पाणिः लक्ष्मणः अनुजगाम ह ॥३-११-१॥
Agratah prayayau ramah sita madhye sushobhana
Prishthatah tu dhanushpanih lakshmanah anujagama ha
11.2
तौ पश्यमानौ विविधान् शैल प्रस्थान् वनानि च ।
नदीः च विविधा रम्या जग्मतुः सह सीतया ॥३-११-२॥
Tau pashyamanau vividhan shaila prasthan vanani cha
Nadih cha vividha ramya jagmatuh saha sitaya
11.3
सारसान् चक्रवाकां च नदी पुलिन चारिणः ।
सरांसि च सपद्मानि युतानि जलजैः खगैः ॥३-११-३॥
Sarasan chakravakam cha nadi pulina charinah
Saransi cha sapadmani yutani jalajaih khagaih
11.4
यूथ बद्धाम् च पृषतान् मद उन्मत्तान् विषाणिनः ।
महिषाम् च वराहाम् च गजाम् च द्रुम वैरिणः ॥३-११-४॥
Yutha baddham cha prishatan mada unmattan vishaninah
Mahisham cha varaham cha gajam cha druma vairinah
11.5
ते गत्वा दूरम् अध्वानम् लंबमाने दिवाकरे ।
ददृशुः सहिता रंयम् तटाकम् योजन आयुतम् ॥३-११-५॥
Te gatva duram adhvanam lambamane divakare
Dadrishuh sahita ranyam tatakam yojana ayutam
11.6
पद्म पुष्कर संबाधम् गज यूथैः अलंकृतम् ।
सारसैः हंस कादम्बैः संकुलम् जल जातिभिः ॥३-११-६॥
Padma pushkara sambadham gaja yuthaih alankritam
Sarasaih hansa kadambaih sankulam jala jatibhih
11.7
प्रसन्न सलिले रम्ये तस्मिन् सरसि शुश्रुवे ।
गीत वादित्र निर्घोषो न तु कश्चन दृश्यते ॥३-११-७॥
Prasanna salile ramye tasmin sarasi shushruve
Gita vaditra nirghosho na tu kashchana drishyate
11.8
ततः कौतूहलात् रामो लक्ष्मणः च महारथः ।
मुनिम् धर्मभृतम् नाम प्रष्टुम् समुपचक्रमे ॥३-११-८॥
Tatah kautuhalat ramo lakshmanah cha maharathah
Munim dharmabhritam nama prashtum samupachakrame
11.9
इदम् अत्यद्भुतम् श्रुत्वा सर्वेषाम् नो महामुने ।
कौतूहलम् महत् जातम् किम् इदम् साधु कथ्यताम् ॥३-११-९॥
Idam atyadbhutam shrutva sarvesham no mahamune
Kautuhalam mahat jatam kim idam sadhu kathyatam
11.10
तेन एवम् उक्तो धर्मात्मा राघवेण मुनिः तदा ।
प्रभावम् सरसः क्षिप्रम् आख्यातुम् उपचक्रमे ॥३-११-१०॥
Tena evam ukto dharmatma raghavena munih tada
Prabhavam sarasah kshipram akhyatum upachakrame
11.11
इदम् पंच अप्सरो नाम तटाकम् सार्व कालिकम् ।
निर्मितम् तपसा राम मुनिना माण्डकर्णिना ॥३-११-११॥
Idam pancha apsaro nama tatakam sarva kalikam
Nirmitam tapasa rama munina mandakarnina
11.12
स हि तेपे तपः तीव्रम् माण्डकर्णिः महामुनिः ।
दश वर्ष सहस्राणि वायु भक्षो जलाशये ॥३-११-१२॥
Sa hi tepe tapah tivram mandakarnih mahamunih
Dasha varsha sahasrani vayu bhaksho jalashaye
11.13
ततः प्रव्यथिताः सर्वे देवाः स अग्नि पुरोगमाः ।
अब्रुवन् वचनम् सर्वे परस्पर समागताः ॥३-११-१३॥
Tatah pravyathitah sarve devah sa agni purogamah
Abruvan vachanam sarve paraspara samagatah
11.14
अस्मकम् कस्यचित् स्थानम् एष प्रार्थयते मुनिः ।
इति संविग्न मनसः सर्वे तत्र दिवौकसः ॥३-११-१४॥
Asmakam kasyachit sthanam esha prarthayate munih
Iti sanvigna manasah sarve tatra divaukasah
11.15
ततः कर्तुम् तपो विघ्नम् सर्व देवैः नियोजिताः ।
प्रधान अप्सरसः पंच विद्युत् चलित वर्चसः ॥३-११-१५॥
Tatah kartum tapo vighnam sarva devaih niyojitah
Pradhana apsarasah pancha vidyut chalita varchasah
11.16
अप्सरोभिः ततः ताभिः मुनिः दृष्ट परावरः ।
नीतो मदन वश्यत्वम् देवानाम् कार्य सिद्धये ॥३-११-१६॥
Apsarobhih tatah tabhih munih drishta paravarah
Nito madana vashyatvam devanam karya siddhaye
11.17
ताः चैव अप्सरसः पंच मुनेः पत्नीत्वम् आगताः ।
तटाके निर्मितम् तासाम् तस्मिन् अन्तर्हितम् गृहम् ॥३-११-१७॥
Tah chaiva apsarasah pancha muneh patnitvam agatah
Tatake nirmitam tasam tasmin antarhitam griham
11.18
तत्र एव अप्सरसः पंच निवसन्त्यो यथा सुखम् ।
रमयन्ति तपोयोगात् मुनिम् यौवनम् आस्थितम् ॥३-११-१८॥
Tatra eva apsarasah pancha nivasantyo yatha sukham
Ramayanti tapoyogat munim yauvanam asthitam
11.19
तासाम् संक्रीड मानानाम् एष वादित्र निःस्वनः ।
श्रूयते भूषण उन्मिश्रः गीत शब्दः मनोहरः ॥३-११-१९॥
Tasam sankrida mananam esha vaditra nihsvanah
Shruyate bhushana unmishrah gita shabdah manoharah
11.20
आश्चर्यम् इति तस्य एतद् वचनम् भावितात्मनः ।
राघवः प्रतिजग्राह सह भ्रात्रा महा यशाः ॥३-११-२०॥
Ashcharyam iti tasya etad vachanam bhavitatmanah
Raghavah pratijagraha saha bhratra maha yashah
11.21
एवम् कथयमानः स ददर्श आश्रम मण्डलम् ।
कुश चीर परिक्षिप्तम् ब्राह्म्या लक्ष्म्या समावृतम् ॥३-११-२१॥
Evam kathayamanah sa dadarsha ashrama mandalam
Kusha chira parikshiptam brahmya lakshmya samavritam
11.22
प्रविश्य सह वैदेह्या लक्ष्मणेन च राघवः ।
तदा तस्मिन् स काकुत्स्थः श्रीमति आश्रम मण्डले ॥३-११-२२॥
Pravishya saha vaidehya lakshmanena cha raghavah
Tada tasmin sa kakutsthah shrimati ashrama mandale
11.23
उषित्वा स सुखम् तत्र पूर्ज्यमानो महर्षिभिः ।
जगाम च आश्रमान् तेषाम् पर्यायेण तपस्विनाम् ॥३-११-२३॥
Ushitva sa sukham tatra purjyamano maharshibhih
Jagama cha ashraman tesham paryayena tapasvinam
11.24
येषाम् उषितवान् पूर्वम् सकाशे स महास्त्रवित् ।
क्वचित् परिदशान् मासान् एक संवत्सरम् क्वचित् ॥३-११-२४॥
Yesham ushitavan purvam sakashe sa mahastravit
Kvachit paridashan masan eka sanvatsaram kvachit
11.25
क्वचित् च चतुरो मासान् पंच षट् च परान् क्वचित् ।
अपरत्र अधिकान् मासान् अध्यर्धम् अधिकम् क्वचित् ॥३-११-२५॥
Kvachit cha chaturo masan pancha shat cha paran kvachit
Aparatra adhikan masan adhyardham adhikam kvachit
11.26
त्रीन् मासान् अष्ट मासान् च राघवो न्यवसत् सुखम् ।
तत्र संवसतः तस्य मुनीनाम् आश्रमेषु वै ॥३-११-२६॥
Trin masan ashta masan cha raghavo nyavasat sukham
Tatra sanvasatah tasya muninam ashrameshu vai
11.27
रमतः च आनुकूल्येन ययुः संवत्सरा दश ।
परिसृत्य च धर्मज्ञः राघवः सह सीतया ॥३-११-२७॥
Ramatah cha anukulyena yayuh sanvatsara dasha
Parisritya cha dharmagyah raghavah saha sitaya
11.28
सुतीक्ष्णस्य आश्रमम् श्रीमान् पुनर् एव आजगाम ह ।
स तम् आश्रमम् आगम्य मुनिभिः परिपूजितः ॥३-११-२८॥
Sutikshnasya ashramam shriman punar eva ajagama ha
Sa tam ashramam agamya munibhih paripujitah
11.29
तत्र अपि न्यवसत् रामः कंचित् कालम् अरिन्दमः ।
अथ आश्रमस्थो विनयात् कदाचित् तम् महामुनिम् ॥३-११-२९॥
Tatra api nyavasat ramah kanchit kalam arindamah
Atha ashramastho vinayat kadachit tam mahamunim
11.30
उपासीनः स काकुत्स्थः सुतीक्ष्णम् इदम् अब्रवीत् ।
अस्मिन् अरण्ये भगवन् अगस्त्यो मुनिसत्तमः ॥३-११-३०॥
Upasinah sa kakutsthah sutikshnam idam abravit
Asmin aranye bhagavan agastyo munisattamah
11.31
वसति इति मया नित्यम् कथाः कथयताम् श्रुतम् ।
न तु जानामि तम् देशम् वनस्य अस्य महत्तया ॥३-११-३१॥
Vasati iti maya nityam kathah kathayatam shrutam
Na tu janami tam desham vanasya asya mahattaya
11.32
कुत्र आश्रम पदम् पुण्यम् महर्षेः तस्य धीमतः ।
प्रसाद अर्थम् भगवतः सानुजः सह सीतया ॥३-११-३२॥
Kutra ashrama padam punyam maharsheh tasya dhimatah
Prasada artham bhagavatah sanujah saha sitaya
11.33
अगस्त्यम् अभिगच्छेयम् अभिवादयितुम् मुनिम् ।
मनोरथो महान् एष हृदि परिवर्तते ॥३-११-३३॥
Agastyam abhigachchheyam abhivadayitum munim
Manoratho mahan esha hridi parivartate
11.34
यदि अहम् तम् मुनिवरम् शुश्रूषेयम् अपि स्वयम् ।
इति रामस्य स मुनिः श्रुत्वा धर्मात्मनो वचः ॥३-११-३४॥
Yadi aham tam munivaram shushrusheyam api svayam
Iti ramasya sa munih shrutva dharmatmano vachah
11.35
सुतीक्ष्णः प्रत्युवाच इदम् प्रीतो दशरथात्मजम् ।
अहम् अपि एतद् एव त्वाम् वक्तु कामः स लक्ष्मणम् ॥३-११-३५॥
Sutikshnah pratyuvacha idam prito dasharathatmajam
Aham api etad eva tvam vaktu kamah sa lakshmanam
11.36
अगस्त्यम् अभिगच्छ इति सीतया सह राघव ।
दिष्ट्या तु इदानीम् अर्थे अस्मिन् स्वयम् एव ब्रवीषि माम् ॥३-११-३६॥
Agastyam abhigachchha iti sitaya saha raghava
Dishtya tu idanim arthe asmin svayam eva bravishi mam
11.37
अयम् आख्यामि ते राम यत्र अगस्त्यो महामुनिः ।
योजनानि आश्रमात् तात याहि चत्वारि वै ततः ।दक्षिणेन महान् श्रीमान् अगस्त्य भ्रातुर् आश्रमः ॥३-११-३७॥
Ayam akhyami te rama yatra agastyo mahamunih
Yojanani ashramat tata yahi chatvari vai tatah, dakshinena mahan shriman agastya bhratur ashramah
11.38
स्थली प्राय वनोद्देशे पिप्पली वन शोभिते ।
बहु पुष्प फले रम्ये नाना विहग नादिते ॥३-११-३८॥
Sthali praya vanoddeshe pippali vana shobhite
Bahu pushpa phale ramye nana vihaga nadite
11.39
पद्मिन्यो विविधाः तत्र प्रसन्न सलिल आशयाः ।
हंस कारण्डव आकीर्णाः चक्रवाक उपशोभिताः ॥३-११-३९॥
Padminyo vividhah tatra prasanna salila ashayah
Hansa karandava akirnah chakravaka upashobhitah
11.40
तत्र एकाम् रजनीम् व्युष्य प्रभाते राम गम्यताम् ।
दक्षिणाम् दिशम् आस्थाय वन षण्डस्य पार्श्वतः ॥३-११-४०॥
Tatra ekam rajanim vyushya prabhate rama gamyatam
Dakshinam disham asthaya vana shandasya parshvatah
11.41
तत्र अगस्त्य आश्रम पदम् गत्वा योजनम् अन्तरम् ।
रमणीये वनोद्देशे बहु पादप शोभिते ॥३-११-४१॥
Tatra agastya ashrama padam gatva yojanam antaram
Ramaniye vanoddeshe bahu padapa shobhite
11.42
रंस्यते तत्र वैदेही लक्ष्मणः च त्वया सह ।
स हि रम्यो वनोउद्देशो बहु पादप संयुतः ॥३-११-४२॥
Ransyate tatra vaidehi lakshmanah cha tvaya saha
Sa hi ramyo vanouddesho bahu padapa sanyutah
11.43
यदि बुद्धिः कृता द्रष्टुम् अगस्त्यम् तम् महामुनिम् ।
अद्य एव गमने बुद्धिम् रोचयस्व महामते ॥३-११-४३॥
Yadi buddhih krita drashtum agastyam tam mahamunim
Adya eva gamane buddhim rochayasva mahamate
11.44
इति रामो मुनेः श्रुत्वा सह भ्रात्रा अभिवाद्य च ।
प्रतस्थे अगस्त्यम् उद्दिश्य सानुगः सह सीतया ॥३-११-४४॥
Iti ramo muneh shrutva saha bhratra abhivadya cha
Pratasthe agastyam uddishya sanugah saha sitaya
11.45
पश्यन् वनानि चित्राणि पर्वतां च अभ्र संनिभान् ।
सरांसि सरितः चैव पथि मार्ग वश अनुगतान् ॥३-११-४५॥
Pashyan vanani chitrani parvatam cha abhra sannibhan
Saransi saritah chaiva pathi marga vasha anugatan
11.46
सुतीक्ष्णेन उपदिष्टेन गत्वा तेन पथा सुखम् ।
इदम् परम संहृष्टो वाक्यम् लक्ष्मणम् अब्रवीत् ॥३-११-४६॥
Sutikshnena upadishtena gatva tena patha sukham
Idam parama sanhrishto vakyam lakshmanam abravit
11.47
एतद् एव आश्रम पदम् नूनम् तस्य महात्मनः ।
अगस्त्यस्य मुनेर् भ्रातुर् दृश्यते पुण्य कर्मणः ॥३-११-४७॥
Etad eva ashrama padam nunam tasya mahatmanah
Agastyasya muner bhratur drishyate punya karmanah
11.48
यथा हि इमे वनस्य अस्य ज्ञाताः पथि सहस्रशः ।
संनताः फल भरेण पुष्प भारेण च द्रुमाः ॥३-११-४८॥
Yatha hi ime vanasya asya gyatah pathi sahasrashah
Sannatah phala bharena pushpa bharena cha drumah
11.49
पिप्पलीनाम् च पक्वानाम् वनाद् अस्माद् उपागतः ।
गन्धो अयम् पवन उत्क्षिप्तः सहसा कटुकोदयः ॥३-११-४९॥
Pippalinam cha pakvanam vanad asmad upagatah
Gandho ayam pavana utkshiptah sahasa katukodayah
11.50
तत्र तत्र च दृश्यन्ते संक्षिप्ताः काष्ठ संचयाः ।
लूनाः च परिदृश्यन्ते दर्भा वैदूर्य वर्चसः ॥३-११-५०॥
Tatra tatra cha drishyante sankshiptah kashtha sanchayah
Lunah cha paridrishyante darbha vaidurya varchasah
11.51
एतत् च वन मध्यस्थम् कृष्ण अभ्र शिखर उपमम् ।
पावकस्य आश्रमस्थस्य धूमाग्रम् संप्रदृश्यते ॥३-११-५१॥
Etat cha vana madhyastham krishna abhra shikhara upamam
Pavakasya ashramasthasya dhumagram sampradrishyate
11.52
विविक्तेषु च तीर्थेषु कृत स्नाना द्विजातयः ।
पुष्प उपहारम् कुर्वन्ति कुसुमैः स्वयम् आर्जितैः ॥३-११-५२॥
Vivikteshu cha tirtheshu krita snana dvijatayah
Pushpa upaharam kurvanti kusumaih svayam arjitaih
11.53
ततः सुतीक्ष्णस्य वचनम् यथा सौम्य मया श्रुतम् ।
अगस्त्यस्य आश्रमो भ्रातुर् नूनम् एष भविष्यति ॥३-११-५३॥
Tatah sutikshnasya vachanam yatha saumya maya shrutam
Agastyasya ashramo bhratur nunam esha bhavishyati
11.54
निगृह्य तरसा मृत्युम् लोकानाम् हित काम्यया ।
यस्य भ्रात्रा कृता इयम् दिक् शरण्या पुण्य कर्मणा ॥३-११-५४॥
Nigrihya tarasa mrityum lokanam hita kamyaya
Yasya bhratra krita iyam dik sharanya punya karmana
11.55
इह एकदा किल क्रूरो वातापिः अपि च इल्वलः ।
भ्रातरौ सहितौ आस्ताम् ब्राह्मणघ्नौ महा असुरौ ॥३-११-५५॥
Iha ekada kila kruro vatapih api cha ilvalah
Bhratarau sahitau astam brahmanaghnau maha asurau
11.56
धारयन् ब्राह्मणम् रूपम् इल्वलः संस्कृतम् वदन् ।
आमंत्रयति विप्रान् स श्राद्धम् उद्दिश्य निर्घृणः ॥३-११-५६॥
Dharayan brahmanam rupam ilvalah sanskritam vadan
Amantrayati vipran sa shraddham uddishya nirghrinah
11.57
भ्रातरम् संस्कृतम् कृत्वा ततः तम् मेष रूपिणम् ।
तान् द्विजान् भोजयामास श्राद्ध दृष्टेन कर्मणा ॥३-११-५७॥
Bhrataram sanskritam kritva tatah tam mesha rupinam
Tan dvijan bhojayamasa shraddha drishtena karmana
11.58
ततो भुक्तवताम् तेषाम् विप्राणाम् इल्वलो अब्रवीत् ।
वातापे निष्क्रमस्व इति स्वरेण महता वदन् ॥३-११-५८॥
Tato bhuktavatam tesham vipranam ilvalo abravit
Vatape nishkramasva iti svarena mahata vadan
11.59
ततो भ्रातुर् वचः श्रुत्वा वातापिः मेषवत् नदन् ।
भित्त्वा भित्वा शरीराणि ब्राह्मणानाम् विनिष्पतत् ॥३-११-५९॥
Tato bhratur vachah shrutva vatapih meshavat nadan
Bhittva bhitva sharirani brahmananam vinishpatat
11.60
ब्राह्मणानाम् सहस्राणि तैः एवम् काम रूपिभिः ।
विनाशितानि संहत्य नित्यशः पिशित अशनैः ॥३-११-६०॥
Brahmananam sahasrani taih evam kama rupibhih
Vinashitani sanhatya nityashah pishita ashanaih
11.61
अगस्त्येन तदा देवैः प्रार्थितेन महर्षिणा ।
अनुभूय किल श्राद्धे भक्षितः स महा असुरः ॥३-११-६१॥
Agastyena tada devaih prarthitena maharshina
Anubhuya kila shraddhe bhakshitah sa maha asurah
11.62
ततः संपन्नम् इति उक्त्वा दत्त्वा हस्ते अवनेजनम् ।
भ्रातरम् निष्क्रमस्व इति च इल्वलः समभाषत ॥३-११-६२॥
Tatah sampannam iti uktva dattva haste avanejanam
Bhrataram nishkramasva iti cha ilvalah samabhashata
11.63
स तदा भाषमाणम् तु भ्रातरम् विप्र घातिनम् ।
अब्रवीत् प्रहसन् धीमान् अगस्त्यो मुनि सत्तमः ॥३-११-६३॥
Sa tada bhashamanam tu bhrataram vipra ghatinam
Abravit prahasan dhiman agastyo muni sattamah
11.64
कुतो निष्क्रमितुम् शक्तिर् मया जीर्णस्य रक्षसः ।
भ्रातुः ते मेष रूपस्य गतस्य यम सादनम् ॥३-११-६४॥
Kuto nishkramitum shaktir maya jirnasya rakshasah
Bhratuh te mesha rupasya gatasya yama sadanam
11.65
अथ तस्य वचः श्रुत्वा भ्रातुर् निधन संश्रितम् ।
प्रधर्षयितुम् आरेभे मुनिम् क्रोधात् निशा चरः ॥३-११-६५॥
Atha tasya vachah shrutva bhratur nidhana sanshritam
Pradharshayitum arebhe munim krodhat nisha charah
11.66
सो अभ्यद्रवत् द्विजेंद्रम् तम् मुनिना दीप्त तेजसा ।
चक्षुषा अनल कल्पेन निर्दग्धो निधनम् गतः ॥३-११-६६॥
So abhyadravat dvijendram tam munina dipta tejasa
Chakshusha anala kalpena nirdagdho nidhanam gatah
11.67
तस्य अयम् आश्रमो भ्रातुः तटाक वन शोभितः ।
विप्र अनुकम्पया येन कर्म इदम् दुष्करम् कृतम् ॥३-११-६७॥
Tasya ayam ashramo bhratuh tataka vana shobhitah
Vipra anukampaya yena karma idam dushkaram kritam
11.68
एवम् कथयमानस्य तस्य सौमित्रिणा सह ।
रामस्य अस्तम् गतः सूर्यः संध्या कालो अभ्यवर्तत ॥३-११-६८॥
Evam kathayamanasya tasya saumitrina saha
Ramasya astam gatah suryah sandhya kalo abhyavartata
11.69
उपास्य पश्चिमाम् संध्याम् सह भ्रात्रा यथा विधि ।
प्रविवेश आश्रम पदम् तम् ऋषिम् च अभ्यवादयत् ॥३-११-६९॥
Upasya pashchimam sandhyam saha bhratra yatha vidhi
Pravivesha ashrama padam tam rishim cha abhyavadayat
11.70
सम्यक् प्रतिगृहीतः तु मुनिना तेन राघवः ।
न्यवसत् ताम् निशाम् एकाम् प्राश्य मूल फलानि च ॥३-११-७०॥
Samyak pratigrihitah tu munina tena raghavah
Nyavasat tam nisham ekam prashya mula phalani cha
11.71
तस्याम् रात्र्याम् व्यतीतायाम् उदिते रवि मण्डले ।
भ्रातरम् तम् अगस्त्यस्य आमंत्रयत राघवः ॥३-११-७१॥
Tasyam ratryam vyatitayam udite ravi mandale
Bhrataram tam agastyasya amantrayata raghavah
11.72
अभिवादये त्वाम् भगवन् सुखम् स्म उष्यतो निशाम् ।
आमंत्रये त्वाम् गच्छामि गुरुम् ते द्रष्टुम् अग्रजम् ॥३-११-७२॥
Abhivadaye tvam bhagavan sukham sma ushyato nisham
Amantraye tvam gachchhami gurum te drashtum agrajam
11.73
गम्यताम् इति तेन उक्तो जगाम रघु नन्दनः ।
यथा उद्दिष्टेन मार्गेण वनम् तत् च अवलोकयन् ॥३-११-७३॥
Gamyatam iti tena ukto jagama raghu nandanah
Yatha uddishtena margena vanam tat cha avalokayan
11.74
नीवारान् पनसान् सालान् वन्जुलान् तिनिशान् तथा ।
चिरि बिल्वान् मधूकान् च बिल्वान् अथ च तिन्दुकान् ॥३-११-७४॥
Nivaran panasan salan vanjulan tinishan tatha
Chiri bilvan madhukan cha bilvan atha cha tindukan
11.75
पुष्पितान् पुष्पित अग्राभिर् लताभिर् उपशोभितान् ।
ददर्श रामः शतशः तत्र कान्तार पादपान् ॥३-११-७५॥
Pushpitan pushpita agrabhir latabhir upashobhitan
Dadarsha ramah shatashah tatra kantara padapan
11.76
हस्ति हस्तैः विमृदितान् वानरैः उपशोभितान् ।
मत्तैः शकुनि संघैः च शतशः प्रति नादितान् ॥३-११-७६॥
Hasti hastaih vimriditan vanaraih upashobhitan
Mattaih shakuni sanghaih cha shatashah prati naditan
11.77
ततो अब्रवीत् समीपस्थम् रामो राजीव लोचनः ।
पृष्ठतो अनुगतम् वीरम् लक्ष्मणम् लक्ष्मिवर्धनम् ॥३-११-७७॥
Tato abravit samipastham ramo rajiva lochanah
Prishthato anugatam viram lakshmanam lakshmivardhanam
11.78
स्निग्ध पत्रा यथा वृक्षा यथा क्षान्ता मृग द्विजाः ।
आश्रमो न अतिदूरस्थो महर्षेर् भावित आत्मनः ॥३-११-७८॥
Snigdha patra yatha vriksha yatha kshanta mriga dvijah
Ashramo na atidurastho maharsher bhavita atmanah
11.79
अगस्त्य इति विख्यातो लोके स्वेन एव कर्मणा ।
आश्रमो दृश्यते तस्य परिश्रान्त श्रम अपहः ॥३-११-७९॥
Agastya iti vikhyato loke svena eva karmana
Ashramo drishyate tasya parishranta shrama apahah
11.80
प्राज्य धूम आकुल वनः चीर माला परिष्कृतः ।
प्रशान्त मृग यूथः च नाना शकुनि नादितः ॥३-११-८०॥
Prajya dhuma akula vanah chira mala parishkritah
Prashanta mriga yuthah cha nana shakuni naditah
11.81
निगृह्य तरसा मृत्युम् लोकानाम् हित काम्यया ।
दक्षिणा दिक् कृता येन शरण्या पुण्य कर्मणा ॥३-११-८१॥
Nigrihya tarasa mrityum lokanam hita kamyaya
Dakshina dik krita yena sharanya punya karmana
11.82
तस्य इदम् आश्रम पदम् प्रभावाद् यस्य राक्षसैः ।
दिक् इयम् दक्षिणा त्रासाद् दृश्यते न उपभुज्यते ॥३-११-८२॥
Tasya idam ashrama padam prabhavad yasya rakshasaih
Dik iyam dakshina trasad drishyate na upabhujyate
11.83
यदा प्रभृति च आक्रान्ता दिग् इयम् पुण्य कर्मणा ।
तदा प्रभृति निर् वैराः प्रशान्ता रजनी चराः ॥३-११-८३॥
Yada prabhriti cha akranta dig iyam punya karmana
Tada prabhriti nir vairah prashanta rajani charah
11.84
नाम्ना च इयम् भगवतो दक्षिणा दिक् प्रदक्षिणा ।
प्रथिता त्रिषु लोकेषु दुर्धर्षा क्रूर कर्मभिः ॥३-११-८४॥
Namna cha iyam bhagavato dakshina dik pradakshina
Prathita trishu lokeshu durdharsha krura karmabhih
11.85
मार्गम् निरोद्धुम् सततम् भास्करस्य अचल उत्तमः ।
संदेशम् पालयन् तस्य विंध्य शैलो न वर्धते ॥३-११-८५॥
Margam niroddhum satatam bhaskarasya achala uttamah
Sandesham palayan tasya vindhya shailo na vardhate
11.86
अयम् दीर्घ आयुषः तस्य लोके विश्रुत कर्मणः ।
अगस्त्यस्य आश्रमः श्रीमान् विनीत मृग सेवितः ॥३-११-८६॥
Ayam dirgha ayushah tasya loke vishruta karmanah
Agastyasya ashramah shriman vinita mriga sevitah
11.87
एष लोक अर्चितः साधुः हिते नित्यम् रतः सताम् ।
अस्मान् अधिगतान् एष श्रेयसा योजयिष्यति ॥३-११-८७॥
Esha loka architah sadhuh hite nityam ratah satam
Asman adhigatan esha shreyasa yojayishyati
11.88
आराधयिष्यामि अत्र अहम् अगस्त्यम् तम् महामुनिम् ।
शेषम् च वन वासस्य सौम्य वत्स्यामि अहम् प्रभो ॥३-११-८८॥
Aradhayishyami atra aham agastyam tam mahamunim
Shesham cha vana vasasya saumya vatsyami aham prabho
11.89
अत्र देवाः सगन्धर्वाः सिद्धाः च परम ऋषयः ।
अगस्त्यम् नियत आहाराः सततम् पर्युपासते ॥३-११-८९॥
Atra devah sagandharvah siddhah cha parama rishayah
Agastyam niyata aharah satatam paryupasate
11.90
न अत्र जीवेत् मृषावादी क्रूरो वा यदि वा शठः ।
नृशंसः पाप वृत्तो वा मुनिः एष तथा विधः ॥३-११-९०॥
Na atra jivet mrishavadi kruro va yadi va shathah
Nrishansah papa vritto va munih esha tatha vidhah
11.91
अत्र देवाः च यक्षाः च नागाः च पतगैः सह ।
वसन्ति नियत आहारा धर्मम् आराधयिष्णवः ॥३-११-९१॥
Atra devah cha yakshah cha nagah cha patagaih saha
Vasanti niyata ahara dharmam aradhayishnavah
11.92
अत्र सिद्धा महात्मानो विमानैः सूर्य सन्निभैः ।
त्यक्त्वा देहान् नवैर् देहैः स्वर् याताः परम ऋषयः ॥३-११-९२॥
Atra siddha mahatmano vimanaih surya sannibhaih
Tyaktva dehan navair dehaih svar yatah parama rishayah
11.93
यक्षत्वम् अमरत्वम् च राज्यानि विविधानि च ।
अत्र देवाः प्रयच्छन्ति भूतैः आराधिताः शुभैः ॥३-११-९३॥
Yakshatvam amaratvam cha rajyani vividhani cha
Atra devah prayachchhanti bhutaih aradhitah shubhaih
11.94
आगताः स्म आश्रम पदम् सौमित्रे प्रविश अग्रतः ।
निवेदय इह माम् प्राप्तम् ऋषये सह सीतया ॥३-११-९४॥
Agatah sma ashrama padam saumitre pravisha agratah
Nivedaya iha mam praptam rishaye saha sitaya