সর্গ 8

8.1

রামঃ তু সহ সৌমিত্রিঃ সুতীক্ষ্ণেন অভিপূজিতঃ ।
পরিণাম্য নিশাম্ তত্র প্রভাতে প্রত্যবুধ্যত ॥৩-৮-১॥

উত্থায় চ যথা কালম্ রাঘবঃ সহ সীতয়া ।
উপস্পৃশ্য সু শীতেন তোয়েন উত্পল গংধিনা ॥৩-৮-২॥

অথ তে অগ্নিম্ সুরাম্ চ এব বৈদেহী রাম লক্ষ্মণৌ ।
কাল্যম্ বিধিবৎ অভ্যর্চ্য তপস্বি শরণে বনে ॥৩-৮-৩॥

উদয়ন্তম্ দিনকরম্ দৃষ্ট্বা বিগত কল্মষাঃ ।
সুতীক্ষ্ণম্ অভিগম্য ইদম্ শ্লক্ষ্ণম্ বচনম্ অব্রুবন্ ॥৩-৮-৪॥

সুখোষিতাঃ স্ম ভগবন্ ত্বয়া পূজ্যেন পূজিতাঃ ।
আপৃচ্ছামঃ প্রয়াস্যামো মুনয়ঃ ত্বরয়ন্তি নঃ ॥৩-৮-৫॥

ত্বরামহে বয়ম্ দ্রষ্টুম্ কৃত্স্নম্ আশ্রম মণ্ডলম্ ।
ঋষীণাম্ পুণ্য শীলানাম্ দণ্ডকারণ্য বাসিনাম্ ॥৩-৮-৬॥

অভ্যনুজ্ঞাতুম্ ইচ্ছামঃ সহ এভিঃ মুনিপুঙ্গবৈঃ ।
ধর্ম নিত্যৈঃ তপো দান্তৈঃ বিশিখৈঃ ইব পাবকৈঃ ॥৩-৮-৭॥

অবিষহ্য আতপো যাবৎ সূর্যো ন অতি বিরাজতে ।
অমার্গেণ আগতাম্ লক্ষ্মীম্ প্রাপ্য ইব অন্বয় বর্জিতঃ ॥৩-৮-৮॥

তাবৎ ইচ্ছামহে গন্তুম্ ইতি উক্ত্বা চরণৌ মুনেঃ ।
ববন্দে সহ সৌমিত্রিঃ সীতয়া সহ রাঘবঃ ॥৩-৮-৯॥

তৌ সম্ স্পৃশংতৌ চরণৌ উত্থাপ্য মুনিপুংগবঃ ।
গাঢম্ আশ্লিষ্য সস্নেহম্ ইদম্ বচনম্ অব্রবীৎ ॥৩-৮-১০॥

অরিষ্টম্ গচ্ছ পন্থানম্ রাম সৌমিত্রিণা সহ ।
সীতয়া চ অনয়া সার্ধম্ ছায় এব অনুবৃত্তয়া ॥৩-৮-১১॥

পশ্য আশ্রম পদম্ রম্যম্ দণ্ডকারণ্য বাসিনাম্ ।
এষাম্ তপস্বিনাম্ বীর তপসা ভাবিত আত্মনাম্ ॥৩-৮-১২॥

সুপ্রাজ্য ফল মূলানি পুষ্পিতানি বনানি চ ।
প্রশস্ত মৃগ যূথানি শান্ত পক্ষি গণানি চ ॥৩-৮-১৩॥

ফুল্ল পংকজ খণ্ডানি প্রসন্ন সলিলানি চ ।
কারণ্ডব বিকীর্ণানি তটাকানি সরাংসি চ ॥৩-৮-১৪॥

দ্রক্ষ্যসে দৃষ্টি রম্যাণি গিরি প্রস্রবণানি চ ।
রমণীয়ানি অরণ্যানি ময়ূর অভিরুতানি চ ॥৩-৮-১৫॥

গম্যতাম্ বত্স সৌমিত্রে ভবান্ অপি চ গচ্ছতু ।
আগন্তব্যম্ চ তে দৃষ্ট্বা পুনঃ এব আশ্রমম্ প্রতি ॥৩-৮-১৬॥

এবম্ উক্তঃ তথা ইতি উক্ত্বা কাকুত্স্থঃ সহ লক্ষ্মণঃ ।
প্রদক্ষিণম্ মুনিম্ কৃত্বা প্রস্থাতুম্ উপচক্রমে ॥৩-৮-১৭॥

ততঃ শুভতরে তূণী ধনুষী চ আয়তেক্ষণা ।
দদৌ সীতা তয়োঃ ভ্রাত্রোঃ খড্গৌ চ বিমলৌ ততঃ ॥৩-৮-১৮॥

আবধ্য চ শুভে তূণী চাপে চ আদায় সস্বনে ।
নিষ্ক্রান্তৌ আশ্রমাৎ গন্তুম্ উভৌ তৌ রাম লক্ষ্মণৌ ॥৩-৮-১৯॥

শীঘ্রম্ তৌ রূপসংপন্নৌ অনুজ্ঞাতৌ মহর্ষিণা ।
প্রস্থিতৌ ধৃত চাপা অসী সীতয়া সহ রাঘবৌ ॥৩-৮-২০॥