UtshovSarga 8
8.1
रामः तु सह सौमित्रिः सुतीक्ष्णेन अभिपूजितः ।
परिणाम्य निशाम् तत्र प्रभाते प्रत्यबुध्यत ॥३-८-१॥
Ramah tu saha saumitrih sutikshnena abhipujitah
Parinamya nisham tatra prabhate pratyabudhyata
8.2
उत्थाय च यथा कालम् राघवः सह सीतया ।
उपस्पृश्य सु शीतेन तोयेन उत्पल गंधिना ॥३-८-२॥
Utthaya cha yatha kalam raghavah saha sitaya
Upasprishya su shitena toyena utpala gandhina
8.3
अथ ते अग्निम् सुराम् च एव वैदेही राम लक्ष्मणौ ।
काल्यम् विधिवत् अभ्यर्च्य तपस्वि शरणे वने ॥३-८-३॥
Atha te agnim suram cha eva vaidehi rama lakshmanau
Kalyam vidhivat abhyarchya tapasvi sharane vane
8.4
उदयन्तम् दिनकरम् दृष्ट्वा विगत कल्मषाः ।
सुतीक्ष्णम् अभिगम्य इदम् श्लक्ष्णम् वचनम् अब्रुवन् ॥३-८-४॥
Udayantam dinakaram drishtva vigata kalmashah
Sutikshnam abhigamya idam shlakshnam vachanam abruvan
8.5
सुखोषिताः स्म भगवन् त्वया पूज्येन पूजिताः ।
आपृच्छामः प्रयास्यामो मुनयः त्वरयन्ति नः ॥३-८-५॥
Sukhoshitah sma bhagavan tvaya pujyena pujitah
Aprichchhamah prayasyamo munayah tvarayanti nah
8.6
त्वरामहे वयम् द्रष्टुम् कृत्स्नम् आश्रम मण्डलम् ।
ऋषीणाम् पुण्य शीलानाम् दण्डकारण्य वासिनाम् ॥३-८-६॥
Tvaramahe vayam drashtum kritsnam ashrama mandalam
Rishinam punya shilanam dandakaranya vasinam
8.7
अभ्यनुज्ञातुम् इच्छामः सह एभिः मुनिपुङ्गवैः ।
धर्म नित्यैः तपो दान्तैः विशिखैः इव पावकैः ॥३-८-७॥
Abhyanugyatum ichchhamah saha ebhih munipungavaih
Dharma nityaih tapo dantaih vishikhaih iva pavakaih
8.8
अविषह्य आतपो यावत् सूर्यो न अति विराजते ।
अमार्गेण आगताम् लक्ष्मीम् प्राप्य इव अन्वय वर्जितः ॥३-८-८॥
Avishahya atapo yavat suryo na ati virajate
Amargena agatam lakshmim prapya iva anvaya varjitah
8.9
तावत् इच्छामहे गन्तुम् इति उक्त्वा चरणौ मुनेः ।
ववन्दे सह सौमित्रिः सीतया सह राघवः ॥३-८-९॥
Tavat ichchhamahe gantum iti uktva charanau muneh
Vavande saha saumitrih sitaya saha raghavah
8.10
तौ सम् स्पृशंतौ चरणौ उत्थाप्य मुनिपुंगवः ।
गाढम् आश्लिष्य सस्नेहम् इदम् वचनम् अब्रवीत् ॥३-८-१०॥
Tau sam sprishantau charanau utthapya munipungavah
Gadham ashlishya sasneham idam vachanam abravit
8.11
अरिष्टम् गच्छ पन्थानम् राम सौमित्रिणा सह ।
सीतया च अनया सार्धम् छाय एव अनुवृत्तया ॥३-८-११॥
Arishtam gachchha panthanam rama saumitrina saha
Sitaya cha anaya sardham chhaya eva anuvrittaya
8.12
पश्य आश्रम पदम् रम्यम् दण्डकारण्य वासिनाम् ।
एषाम् तपस्विनाम् वीर तपसा भावित आत्मनाम् ॥३-८-१२॥
Pashya ashrama padam ramyam dandakaranya vasinam
Esham tapasvinam vira tapasa bhavita atmanam
8.13
सुप्राज्य फल मूलानि पुष्पितानि वनानि च ।
प्रशस्त मृग यूथानि शान्त पक्षि गणानि च ॥३-८-१३॥
Suprajya phala mulani pushpitani vanani cha
Prashasta mriga yuthani shanta pakshi ganani cha
8.14
फुल्ल पंकज खण्डानि प्रसन्न सलिलानि च ।
कारण्डव विकीर्णानि तटाकानि सरांसि च ॥३-८-१४॥
Phulla pankaja khandani prasanna salilani cha
Karandava vikirnani tatakani saransi cha
8.15
द्रक्ष्यसे दृष्टि रम्याणि गिरि प्रस्रवणानि च ।
रमणीयानि अरण्यानि मयूर अभिरुतानि च ॥३-८-१५॥
Drakshyase drishti ramyani giri prasravanani cha
Ramaniyani aranyani mayura abhirutani cha
8.16
गम्यताम् वत्स सौमित्रे भवान् अपि च गच्छतु ।
आगन्तव्यम् च ते दृष्ट्वा पुनः एव आश्रमम् प्रति ॥३-८-१६॥
Gamyatam vatsa saumitre bhavan api cha gachchhatu
Agantavyam cha te drishtva punah eva ashramam prati
8.17
एवम् उक्तः तथा इति उक्त्वा काकुत्स्थः सह लक्ष्मणः ।
प्रदक्षिणम् मुनिम् कृत्वा प्रस्थातुम् उपचक्रमे ॥३-८-१७॥
Evam uktah tatha iti uktva kakutsthah saha lakshmanah
Pradakshinam munim kritva prasthatum upachakrame
8.18
ततः शुभतरे तूणी धनुषी च आयतेक्षणा ।
ददौ सीता तयोः भ्रात्रोः खड्गौ च विमलौ ततः ॥३-८-१८॥
Tatah shubhatare tuni dhanushi cha ayatekshana
Dadau sita tayoh bhratroh khadgau cha vimalau tatah
8.19
आबध्य च शुभे तूणी चापे च आदाय सस्वने ।
निष्क्रान्तौ आश्रमात् गन्तुम् उभौ तौ राम लक्ष्मणौ ॥३-८-१९॥
Abadhya cha shubhe tuni chape cha adaya sasvane
Nishkrantau ashramat gantum ubhau tau rama lakshmanau
8.20
शीघ्रम् तौ रूपसंपन्नौ अनुज्ञातौ महर्षिणा ।
प्रस्थितौ धृत चापा असी सीतया सह राघवौ ॥३-८-२०॥
Shighram tau rupasampannau anugyatau maharshina
Prasthitau dhrita chapa asi sitaya saha raghavau