Utshovসর্গ 7
7.1
রামঃ তু সহিতঃ ভ্রাত্রা সীতয়া চ পরংতপঃ ।
সুতীক্ষ্ণস্য আশ্রম পদম্ জগাম সহ তৈঃ দ্বিজৈঃ ॥৩-৭-১॥
7.2
রামঃ তু সহিতঃ ভ্রাত্রা সীতয়া চ পরংতপঃ ।
সুতীক্ষ্ণস্য আশ্রম পদম্ জগাম সহ তৈঃ দ্বিজৈঃ ॥৩-৭-১॥
7.3
স গত্বা দীর্ঘম্ অধ্বানম্ নদীঃ তীর্ত্বা বহু উদকাঃ ।
দদর্শ বিমলম্ শৈলম্ মহা মেরুম্ ইব উন্নতম্ ॥৩-৭-২॥
7.4
ততঃ তদ্ ইক্ষ্বাকু বরৌ সততম্ বিবিধৈঃ দ্রুমৈঃ ।
কাননম্ তৌ বিবিশতুঃ সীতয়া সহ রাঘবৌ ॥৩-৭-৩॥
7.5
প্রবিষ্টঃ তু বনম্ ঘোরম্ বহু পুষ্প ফল দ্রুমম্ ।
দদর্শ আশ্রমম্ একান্তে চীর মালা পরিষ্কৃতম্ ॥৩-৭-৪॥
7.6
তত্র তাপসম্ আসীনম্ মল পঙ্কজ ধারিণম্ ।
রামঃ সুতীক্ষ্ণম্ বিধিবৎ তপোধনম্ অভাষত ॥৩-৭-৫॥
7.7
রামোঽহম্ অস্মি ভগবন্ ভবন্তম্ দ্রষ্টুম্ আগতঃ ।
তৎ মা অভিবদ ধর্মজ্ঞ মহর্ষে সত্য বিক্রম ॥৩-৭-৬॥
7.8
স নিরীক্ষ্য ততঃ ধীরো রামম্ ধর্মভৃতাম্ বরম্ ।
সমাশ্লিষ্য চ বাহুভ্যাম্ ইদম্ বচনম্ অব্রবীৎ ॥৩-৭-৭॥
7.9
স্বাগতম্ তে রঘু শ্রেষ্ঠ রাম সত্যভৃতাম্ বর ।
আশ্রমও অয়ম্ ত্বয়া আক্রান্তঃ সনাথ ইব সাংপ্রতম্ ॥৩-৭-৮॥
7.10
প্রতীক্ষমাণঃ ত্বাম্ এব ন আরোহে অহম্ মহায়শঃ ।
দেব লোকম্ ইতো বীর দেহম্ ত্যক্ত্বা মহীতলে ॥৩-৭-৯॥
7.11
চিত্রকূটম্ উপাদায় রাজ্য ভ্রষ্টো অসি মে শ্রুতঃ ।
ইহ উপয়াতঃ কাকুত্স্থঃ দেবরাজঃ শততক্রতুঃ ॥৩-৭-১০॥
7.12
উপাগম্য চ মে দেবো মহাদেবঃ সুর ঈশ্বরঃ ।
সর্বান্ লোকান্ জিতান্ আহ মম পুণ্যেন কর্মণা ॥৩-৭-১১॥
7.13
তেষু দেব ঋষি জুষ্টেষু জিতেশু তপসা ময়া ।
মৎ প্রসাদাৎ স ভার্যঃ ত্বম্ বিহরস্ব স লক্ষ্মণঃ ॥৩-৭-১২॥
7.14
তম্ উগ্র তপসম্ দীপ্তম্ মহর্ষিম্ সত্য বাদিনম্ ।
প্রত্যুবাচ আত্মবান্ রামো ব্রহ্মাণম্ ইব বাসবঃ ॥৩-৭-১৩॥
7.15
অহম্ এব আহরিষ্যামি স্বয়ম্ লোকান্ মহামুনে ।
আবাসম্ তু অহম্ ইচ্ছামি প্রদিষ্টম্ ইহ কাননে ॥৩-৭-১৪॥
7.16
ভবান্ সর্বত্র কুশলঃ সর্বভূত হিতে রতঃ ।
আখ্যাতঃ শরভংগেন গৌতমেন মহাত্মনা ॥৩-৭-১৫॥
7.17
এবম্ উক্তঃ তু রামেণ মহর্ষিঃ লোক বিশ্রুতঃ ।
অব্রবীৎ মধুরম্ বাক্যম্ হর্ষেণ মহতা যুতঃ ॥৩-৭-১৬॥
7.18
অয়ম্ এব আশ্রমো রাম গুণবান্ রম্যতাম্ ইতি ।
ঋষি সংঘ অনুচরিতঃ সদা মূল ফলৈর্ যুতঃ ॥৩-৭-১৭॥
7.19
ইমম্ আশ্রমম্ আগম্য মৃগ সংঘা মহীয়সঃ ।
অহত্বা প্রতিগচ্ছন্তি লোভয়িত্বা অকুতোভয়াঃ ॥৩-৭-১৮॥
7.20
না অন্যো দোষো ভবেৎ অত্র মৃগেভ্যঃ অন্যত্র বিদ্ধি বৈ ।
তৎ শ্রুত্বা বচনম্ তস্য মহর্ষেঃ লক্ষ্মণাগ্রজঃ ॥৩-৭-১৯॥
7.21
উবাচ বচনম্ ধীরো বিগৃহ্য স শরম্ ধনুঃ ।
তান্ অহম্ সুমহাভাগ মৃগসংঘান্ সমাগতান্ ॥৩-৭-২০॥
7.22
হন্যাম্ নিশিত ধারেণ শরেণ নত পর্বণা ।
ভবান্ তত্র অভিষজ্যেত কিম্ স্যাৎ কৃচ্ছ্র তরম্ ততঃ ॥৩-৭-২১॥
7.23
এতস্মিন্ আশ্রমে বাসম্ চিরম্ তু ন সমর্থয়ে ।
তম্ এবম্ উক্ত্বা উপরমম্ রামঃ সংধ্যাম্ উপাগমৎ ॥৩-৭-২২॥
7.24
অন্বাস্য পশ্চিমাম্ সংধ্যাম্ তত্র বাসম্ অকল্পয়ৎ ।
সুতীক্ষ্ণস্য আশ্রমে রম্যে সীতয়া লক্ষ্মনেন চ ॥৩-৭-২৩॥
7.25
ততঃ শুভম্ তাপস অন্নম্স্বয়ম্ সুতীক্ষ্ণঃ পুরুষর্ষভাভ্যাম্ ।
তাভ্যাম্ সুসত্কৃত্য দদৌ মহাত্মাসংধ্যা নিবৃত্তৌ রজনীম্ সমীক্ষ্য ॥৩-৭-২৪॥