Utshovসর্গ 74
74.1
তৌ কবন্ধেন তম্ মার্গম্ পম্পায়া দর্শিতম্ বনে ।
আতস্থতুঃ দিশম্ গৃহ্য প্রতীচীম্ নৃ বর আত্মজৌ ॥৩-৭৪-১॥
74.2
তৌ শৈলেষু আচিত অনেকান্ ক্ষৌদ্র কল্প ফল দ্রুমান্ ।
বীক্ষন্তৌ জগ্মতুঃ দ্রষ্টুম্ সুগ্রীবম্ রাম লক্ষ্মণৌ ॥৩-৭৪-২॥
74.3
কৃত্বা চ শৈল পৃষ্ঠে তু তৌ বাসম্ রঘু নন্দনৌ ।
পংপায়াঃ পশ্চিমম্ তীরম্ রাঘবৌ উপতস্থতুঃ ॥৩-৭৪-৩॥
74.4
তৌ পুষ্করিণ্যাঃ পংপায়াঃ তীরম্ আসাদ্য পশ্চিমম্ ।
অপশ্যতাম্ ততঃ তত্র শবর্যা রম্যম্ আশ্রমম্ ॥৩-৭৪-৪॥
74.5
তৌ তম্ আশ্রমম্ আসাদ্য দ্রুমৈঃ বহুভিঃ আবৃতম্ ।
সু রম্যম্ অভিবীক্ষন্তৌ শবরীম্ অভ্যুপেয়তুঃ ॥৩-৭৪-৫॥
74.6
তৌ দৃষ্ট্বা তু তদা সিদ্ধা সমুত্থায় কৃতাংজলিঃ ।
পাদৌ জগ্রাহ রামস্য লক্ষ্মণস্য চ ধীমতঃ ॥৩-৭৪-৬॥
74.7
পাদ্যম্ আচমনীয়ম্ চ সর্বম্ প্রদদাৎ যথা বিধি ।
তাম্ উবাচ ততো রামঃ শ্রমণীম্ ধর্ম সংস্থিতাম্ ॥৩-৭৪-৭॥
74.8
কচ্চিৎ তে নির্জিতা বিঘ্নাঃ কচ্চিৎ তে বর্ধতে তপঃ ।
কচ্চিৎ তে নিয়তঃ কোপ আহারঃ চ তপোধনে ॥৩-৭৪-৮॥
74.9
কচ্চিৎ তে নিয়মাঃ প্রাপ্তাঃ কচ্চিৎ তে মনসঃ সুখম্ ।
কচ্চিৎ তে গুরু শুশ্রূষা সফলা চারু ভাষিণি ॥৩-৭৪-৯॥
74.10
রামেণ তাপসী পৃষ্ঠা সা সিদ্ধা সিদ্ধ সম্মতা ।
শশংস শবরী বৃদ্ধা রামায় প্রতি অবস্থিতা ॥৩-৭৪-১০॥
74.11
অদ্য প্রাপ্তা তপঃ সিদ্ধিঃ তব সংদর্শনাৎ ময়া ।
অদ্য মে সফলম্ জন্ম গুরবঃ চ সুপূজিতাঃ ॥৩-৭৪-১১॥
74.12
অদ্য মে সফলম্ তপ্তম্ স্বর্গঃ চৈব ভবিষ্যতি ।
ত্বয়ি দেব বরে রাম পূজিতে পুরুষর্ষভ ॥৩-৭৪-১২॥
74.13
তব অহম্ চক্ষুষা সৌম্য পূতা সৌম্যেন মানদ ।
গমিষ্যাম্যক্ষয়াংলোকাংস্বত্প্রসাদাদরিন্দম - যদ্বা -গমিষ্যামি অক্ষয়ান্ লোকান্ ত্বৎ প্রসাদাৎ অরিংদম ॥৩-৭৪-১৩॥
74.14
চিত্রকূটম্ ত্বয়ি প্রাপ্তে বিমানৈঃ অতুল প্রভৈঃ ।
ইতঃ তে দিবম্ আরূঢা যান্ অহম্ পর্যচারিষম্ ॥৩-৭৪-১৪॥
74.15
তৈঃ চ অহম্ উক্তা ধর্ম জ্ঞৈঃ মহাভাগৈঃ মহর্ষিভিঃ ।
আগমিষ্যতি তে রামঃ সু পুণ্যম্ ইমম্ আশ্রমম্ ॥৩-৭৪-১৫॥
74.16
স তে প্রতিগ্রহীতব্যঃ সৌমিত্রি সহিতো অতিথিঃ ।
তম্ চ দৃষ্ট্বা বরান্ লোকান্ অক্ষয়ান্ ত্বম্ গমিষ্যসি ॥৩-৭৪-১৬॥
74.17
এবম্ উক্তা মহাভাগৈঃ তদা অহম্ পুরুষর্ষভ ।
ময়া তু বিবিধম্ বন্যম্ সংচিতম্ পুরুষর্ষভ ॥৩-৭৪-১৭॥
74.18
তব অর্থে পুরুষব্যাঘ্র পম্পায়াঃ তীর সংভবম্ ।
এবম্ উক্তঃ স ধর্মাত্মা শবর্যা শবরীম্ ইদম্ ॥৩-৭৪-১৮॥
74.19
রাঘবঃ প্রাহ বিজ্ঞানে তাম্ নিত্যম্ অবহিষ্কৃতাম্ ।
দনোঃ সকাশাৎ তত্ত্বেন প্রভাবম্ তে মহাত্মনঃ ॥৩-৭৪-১৯॥
74.20
শ্রুতম্ প্রত্যক্ষম্ ইচ্ছামি সংদ্রষ্টুম্ যদি মন্যসে ।
এতৎ তু বচনম্ শ্রুত্বা রাম বক্ত্রাৎ বিনিঃসৃতম্ ॥৩-৭৪-২০॥
74.21
শবরী দর্শয়ামাস তৌ উভৌ তৎ বনম্ মহৎ ।
পশ্য মেঘ ঘন প্রখ্যম্ মৃগ পক্ষি সমাকুলম্ ॥৩-৭৪-২১॥
74.22
মতংগ বনম্ ইতি এব বিশ্রুতম্ রঘুনংদন ।
ইহ তে ভাবিত আত্মানো গুরবো মে মহাদ্যুতে ।জুহবান্ চক্রিরে নীডম্ মংত্রবৎ মংত্র পূজিতম্ ॥৩-৭৪-২২॥
74.23
ইয়ম্ প্রত্যক্ স্থলী বেদী যত্র তে মে সুসত্কৃতাঃ ।
পুষ্প উপহারম্ কুর্বন্তি শ্রমাৎ উদ্ বেপিভিঃ করৈঃ ॥৩-৭৪-২৩॥
74.24
তেষাম্ তপঃ প্রভাবেন পশ্য অদ্য অপি রঘূত্তম ।
দ্যোতয়ন্তি দিশঃ সর্বাঃ শ্রিয়া বেদ্যঃ অতুল প্রভাঃ ॥৩-৭৪-২৪॥
74.25
অশক্নুবদ্ভিস্তৈর্গন্তুমুপবাসশ্রমালসৈঃ - যদ্বা -অশক্নুবদ্ভিঃ তৈঃ গন্তুম্ উপবাস শ্রম আলসৈঃ ।
চিন্তিতে অভ্যাগতান্ পশ্য সমেতান্ সপ্ত সাগরান্ ॥৩-৭৪-২৫॥
74.26
কৃত অভিষেকৈঃ তৈঃ ন্যস্তা বল্কলাঃ পাদপেষু ইহ ।
অদ্য অপি ন বিশুষ্যন্তি প্রদেশে রঘুনংদন ॥৩-৭৪-২৬॥
74.27
দেব কার্যাণি কুর্বদ্ভিঃ যানি ইমানি কৃতানি বৈ ।
পুষ্পৈঃ কুবলয়ৈঃ সার্থম্ ম্লানত্বম্ ন তু যান্তি বৈ ॥৩-৭৪-২৭॥
74.28
কৃত্স্নম্ বনম্ ইদম্ দৃষ্টম্ শ্রোতব্যম্ চ শ্রুতম্ ত্বয়া ।
তৎ ইচ্ছামি অভ্যনুজ্ঞাতা ত্যক্ষ্যামি এতৎ কলেবরম্ ॥৩-৭৪-২৮॥
74.29
তেষাম্ ইচ্ছামি অহম্ গন্তুম্ সমীপম্ ভাবিত আত্মনাম্ ।
মুনীনাম্ আশ্রমো যেষাম্ অহম্ চ পরিচারিণী ॥৩-৭৪-২৯॥
74.30
ধর্মিষ্ঠম্ তু বচঃ শ্রুত্বা রাঘবঃ সহ লক্ষ্মণঃ ।
প্রহর্সম্ অতুলম্ লেভে আশ্চর্যম্ ইদম্ চ অব্রবীৎ ॥৩-৭৪-৩০॥
74.31
তাম্ উবাচ ততো রামঃ শবরী সংশ্রিত ব্রতাম্ ।
অর্চিতো অহম্ ত্বয়া ভদ্রে গচ্ছ কামম্ যথা সুখম্ ॥৩-৭৪-৩১॥
74.32
ইতি এবম্ উক্তা জটিলা চীর কৃষ্ণ অজিন অংবরা ।
অনুজ্ঞাতা তু রামেণ হুত্বা আত্মানম্ হুত অশনে ॥৩-৭৪-৩২॥
74.33
জ্বলৎ পাবক সংকাশা স্বর্গম্ এব জগাম সা ।
দিব্যম্ আভরণ সংয়ুক্তা দিব্য মাল্য অনুলেপনা ॥৩-৭৪-৩৩॥
74.34
দিব্য অংবর ধরা তত্র বভূব প্রিয় দর্শন ।
বিরাজয়ন্তী তম্ দেশম্ বিদ্যুৎ সৌদামিনী যথা ॥৩-৭৪-৩৪॥
74.35
যত্র তে সুকৃত আত্মানো বিহরন্তি মহর্ষয়ঃ ।
তৎ পুণ্যম্ শবরী স্থানম্ জগাম আত্ম সমাধিনা ॥৩-৭৪-৩৫॥