Utshovসর্গ 75
75.1
দিবম্ তু তস্যাম্ যাতায়াম্ শবর্যাম্ স্বেন তেজসা ।
লক্ষ্মণেন সহ ভ্রাত্রা চিন্তয়ামাস রাঘবঃ ॥৩-৭৫-১॥
75.2
চিংতয়িত্বা তু ধর্মাত্মা প্রভাবম্ তম্ মহাত্মনাম্ ।
হিত কারিণম্ এক অগ্রম্ লক্ষ্মণম্ রাঘবো অব্রবীৎ ॥৩-৭৫-২॥
75.3
দৃষ্টো ময়া আশ্রমঃ সৌম্য বহু আশ্চর্যঃ কৃতআত্মনাম্ ।
বিশ্বস্ত মৃগ শার্দূলো নানা বিহগ সেবিতঃ ॥৩-৭৫-৩॥
75.4
সপ্তানাম্ চ সমুদ্রাণাম্ তেষাম্ তীর্থেষু লক্ষ্মণ ।
উপস্পৃষ্টম্ চ বিধিবৎ পিতরঃ চ অপি তর্পিতাঃ ॥৩-৭৫-৪॥
75.5
প্রণষ্টম্ অশুভম্ যৎ নঃ কল্যাণম্ সমুপস্থিতম্ ।
তেন তু এতৎ প্রহৃষ্টম্ মে মনো লক্ষ্মণ সংপ্রতি ॥৩-৭৫-৫॥
75.6
হৃদয়ে হি নর ব্যাঘ্র শুভম্ আবির্ভবিষ্যতি ।
তৎ আগচ্ছ গমিষ্যাবঃ পংপাম্ তাম্ প্রিয় দর্শনাম্ ॥৩-৭৫-৬॥
75.7
ঋষ্যমূকো গিরিঃ যত্র ন অতি দূরে প্রকাশতে ।
যস্মিন্ বসতি ধর্মাত্মা সুগ্রীবো অংশুমতঃ সুতঃ ॥৩-৭৫-৭॥
75.8
নিত্যম্ বালি ভয়াৎ ত্রস্তঃ চতুর্ভিঃ সহ বানরৈঃ ।
অহম্ ত্বরে চ তম্ দ্রষ্টুম্ সুগ্রীবম্ বানরর্ষভম্ ॥৩-৭৫-৮॥
75.9
তৎ অধীনম্ হি মে কার্যম্ সীতায়াঃ পরিমার্গণম্ ।
ইতি ব্রুবাণম্ তম্ বীরম্ সৌমিত্রিঃ ইদম্ অব্রবীৎ ॥৩-৭৫-৯॥
75.10
গচ্ছাবঃ ত্বরিতম্ তত্র মম অপি ত্বরতে মনঃ ।
আশ্রমাৎ তু ততঃ তস্মাৎ নিষ্ক্রম্য স বিশাম্ পতিঃ ॥৩-৭৫-১০॥
75.11
আজগাম ততঃ পংপাম্ লক্ষ্মণেন সহপ্রভুঃ ।
সমীক্ষমাণঃ পুষ্প আঢ্যম্ সর্বতো বিপুল দ্রুমম্ ॥৩-৭৫-১১॥
75.12
কোয়ষ্টিভিঃ চ অর্জুনকৈঃ শত পত্রৈঃ চ কীরকৈঃ ।
এতৈঃ চ অন্যৈঃ চ বহুভিঃ নাদিতম্ তৎ বনম্ মহৎ ॥৩-৭৫-১২॥
75.13
স রামো বিবিধান্ বৃক্ষান্ সরাংসি বিবিধানি চ ।
পশ্যন্ কাম অভিসংতপ্তো জগাম পরমম্ হ্রদম্ ॥৩-৭৫-১৩॥
75.14
স তাম্ আসাদ্য বৈ রামো দূরাৎ পানীয় বাহিনীম্ ।
মতংগ সরসম্ নাম হ্রদম্ সমবগাহত ॥৩-৭৫-১৪॥
75.15
তত্র জগ্মতুঃ অব্যগ্রৌ রাঘবৌ হি সমাহিতৌ ।
স তু শোক সমাবিষ্টো রামো দশরথাত্মজঃ ॥৩-৭৫-১৫॥
75.16
বিবেশ নলিনীম্ রম্যাম্ পংকজৈঃ চ সমাবৃতাম্ ।
তিলকাশোকপুংনাগবকুলোদ্দালকাশিনীম্ - যদ্বা -তিলক অশোক পুন্নাগ বকুল উদ্দাল কাশিনীম্ ॥৩-৭৫-১৬॥
75.17
রম্য উপবন সংবাধাম্ পদ্ম সংপীডিত উদকাম্ ।
স্ফটিক উপম তোয় আঢ্যাম্ শ্লক্ষ্ণ বালুক সংততাম্ ॥৩-৭৫-১৭॥
75.18
মত্স্য কচ্ছপ সংবাধাম্ তীরস্থ দ্রুম শোভিতাম্ ।
সখীভিঃ ইব সংয়ুক্তাম্ লতাভিঃ অনুবেষ্টিতাম্ ॥৩-৭৫-১৮॥
75.19
কিংনরোরগগন্ধর্বয়ক্ষরাক্ষসসেবিতাম্ -যদ্বা - ।
কিন্নর উরগ গন্ধর্ব যক্ষ রাক্ষস সেবিতাম্ ।নানা দ্রুম লতা আকীর্ণাম্ শীত বারি নিধিম্ শুভাম্ ॥৩-৭৫-১৯॥
75.20
পদ্ম সৌগন্ধিকৈঃ তাম্রাম্ শুক্লাম্ কুমুদ মণ্ডলৈঃ ।
নীলাম্ কুবলয় উদ্ ঘাটৈঃ বহু বর্ণাম্ কুথাম্ ইব ॥৩-৭৫-২০॥
75.21
অরবিন্দ উত্পলবতীম্ পদ্ম সৌগন্ধিক আয়ুতাম্ ।
পুষ্পিত আম্র বণোপেতাম্ বর্হিণ উদ্ ঘুষ্ট নাদিতাম্ ॥৩-৭৫-২১॥
75.22
স তাম্ দৃষ্ট্বা ততঃ পংপাম্ রামঃ সৌমিত্রিণা সহ ।
বিললাপ চ তেজস্বী কামাৎ দশরথাত্মজঃ ॥৩-৭৫-২২॥
75.23
তিলকৈঃ বীজ পূরৈঃ চ বটৈঃ শুক্ল দ্রুমৈঃ তথা ।
পুষ্পিতৈঃ করবীরৈঃ চ পুন্নাগৈঃ চ সু পুষ্পিতৈঃ ॥৩-৭৫-২৩॥
75.24
মালতী কুংদ গুল্মৈঃ চ ভণ্ডীরৈঃ নিচুলৈঃ তথা ।
অশোকৈঃ সপ্ত পর্ণৈঃ চ কেতকৈঃ অতিমুক্তকৈঃ ॥৩-৭৫-২৪॥
75.25
অন্যৈঃ চ বিবিধৈঃ বৃক্ষৈঃ প্রমদা ইব উপশোভিতাম্ ।
অস্যাঃ তীরে তু পূর্ব উক্তঃ পর্বতো ধাতু মণ্ডিতঃ ॥৩-৭৫-২৫॥
75.26
ঋশ্যমূক ইতি খ্যাতঃ চিত্র পুষ্পিত পাদপঃ ।
হরেঃ ঋক্ষরজো নাম্নঃ পুত্রঃ তস্য মহাত্মনঃ ॥৩-৭৫-২৬॥
75.27
অধ্যাস্তে তু মহাবীর্যঃ সুগ্রীব ইতি বিশ্রুতঃ ।
সুগ্রীবম্ অভিগচ্ছ ত্বম্ বানরেন্দ্রম্ নরর্ষভ ॥৩-৭৫-২৭॥
75.28
ইতি উবাচ পুনঃ বাক্যম্ লক্ষ্মণম্ সত্য বিক্রমম্ ।
কথম্ ময়া বিনা সীতাম্ শক্যম্ লক্ষ্মণ জীবিতুম্ ॥৩-৭৫-২৮॥
75.29
ইতি এবম্ উক্ত্বা মদন অভিপীডিতঃস লক্ষ্মণম্ বাক্যম্ অনন্য চেতনঃ ।
বিবেশ পংপাম্ নলিনী মনো রমাম্তম্ উত্তমম্ শোকম্ উদীরয়াণঃ ॥৩-৭৫-২৯॥
75.30
ক্রমেণ গত্বা প্রবিলোকয়ন্ বনম্দদর্শ পংপাম্ শুভ দর্শ কাননাম্ ।
অনেক নানা বিধ পক্ষি সংকুলাম্বিবেশ রামঃ সহ লক্ষ্মণেন ॥৩-৭৫-৩০॥