Utshovসর্গ 69
69.1
কৃত্বা এবম্ উদকম্ তস্মৈ প্রস্থিতৌ রাঘবৌ তদা ।
অবেক্ষন্তৌ বনে সীতাম্ জগ্মতুঃ পশ্চিমাম্ দিশম্ ॥৩-৬৯-১॥
69.2
তাম্ দিশম্ দক্ষিণাম্ গত্বা শর চাপ অসি ধারিণৌ ।
অবিপ্রহতম্ ঐক্ষ্বাকৌ পন্থানম্ প্রতিপেদতুঃ ॥৩-৬৯-২॥
69.3
গুল্মৈঃ বৃক্ষৈঃ চ বহুভিঃ লতাভিঃ চ প্রবেষ্টিতম্ ।
আবৃতম্ সর্বতো দুর্গম্ গহনম্ ঘোর দর্শনম্ ॥৩-৬৯-৩॥
69.4
ব্যতিক্রম্য তু বেগেন গৃহীত্বা দক্ষিণাম্ দিশম্ ।
সু ভীমম্ তন্ মহাঅরণ্যম্ ব্যতিয়াতৌ মহাবলৌ ॥৩-৬৯-৪॥
69.5
ততঃ পরম্ জনস্থানাৎ ত্রি ক্রোশম্ গম্য রাঘবৌ ।
ক্রৌংচ অরণ্যম্ বিবিশতুঃ গহনম্ তৌ মহৌজসৌ ॥৩-৬৯-৫॥
69.6
নানা মেঘ ঘন প্রখ্যম্ প্রহৃষ্টম্ ইব সর্বতঃ ।
নানা বর্ণৈঃ শুভৈঃ পুষ্পৈঃ মৃগ পক্ষি গণৈঃ যুতম্ ॥৩-৬৯-৬॥
69.7
দিদৃক্ষমাণৌ বৈদেহীম্ তৎ বনম্ তৌ বিচিক্যতুঃ ।
তত্র তত্র অবতিষ্ঠন্তৌ সীতা হরণ দুঃখিতৌ ॥৩-৬৯-৭॥
69.8
ততঃ পূর্বেণ তৌ গত্বা ত্রি ক্রোসম্ ভ্রাতরু তদা ।
ক্রৌংচারণ্যম্ অতিক্রম্য মাতংগ আশ্রম অংতরা ॥৩-৬৯-৮॥
69.9
দৃষ্টা তু তদ্ বনম্ ঘোরম্ বহু ভীম মৃগ দ্বিজম্ ।
নানা বৃক্ষ সমাকীর্ণম্ সর্বম্ গহন পাদপম্ ॥৩-৬৯-৯॥
69.10
দদৃশাঃ তে গিরৌ তত্র দরীম্ ডশরথ আত্মজৌ ।
পাতাল সম গম্ভীরাম্ তমসা নিত্য সংবৃতাম্ ॥৩-৬৯-১০॥
69.11
আসাদ্য চ নরব্যাঘ্রৌ দর্যাঃ তস্যা অবিদূরতঃ ।
দদর্শ তু মহারূপাম্ রক্ষসীম্ বিকৃত আননাম্ ॥৩-৬৯-১১॥
69.12
ভয়দাম্ অল্প সত্ত্বানাম্ ভীভত্সাম্ রৌদ্র দর্শনাম্ ।
লংবোদরীম্ তীক্ষ্ণ দংষ্ট্রাম্ করালীম্ পরুষ ত্বচম্ ॥৩-৬৯-১২॥
69.13
ভক্ষয়ন্তীম্ মৃগান্ ভীমান্ বিকটাম্ মুক্ত মূর্ধজাম্ ।
অবৈক্ষতাম্ তু তৌ তত্র ভ্রাতরৌ রাম লক্ষ্মণৌ ॥৩-৬৯-১৩॥
69.14
সা সমাসাদ্য তৌ বীরৌ ব্রজন্তম্ ভ্রাতুঃ অগ্রতঃ ।
এহি রংস্যাবহে ইতি উক্ত্বা সমালংবত লক্ষ্মণম্ ॥৩-৬৯-১৪॥
69.15
উবাচ চ এনম্ বচনম্ সৌমিত্রিম্ উপগুহ্য সা ।
অহম্ তু অয়োমুখী নাম লাভঃ তে ত্বম্ অসি প্রিয়ঃ ॥৩-৬৯-১৫॥
69.16
নাথ পর্বত দুর্গেষু নদীনাম্ পুলিনেষু চ ।
আয়ুঃ চিরম্ ইদম্ বীর ত্বম্ ময়া সহ রংস্যসে ॥৩-৬৯-১৬॥
69.17
এবম্ উক্তঃ তু কুপিতঃ খডগম্ উদ্ধৃত্য লক্ষ্মণঃ ।
কর্ণ নাস স্তনম্ তস্যা নিচকর্তা অরিসূদনঃ ॥৩-৬৯-১৭॥
69.18
কর্ণ নাসে নিকৃত্তে তু বিস্বরম্ বিননাদ সা ।
যথা আগতম্ প্রদুদ্রাব রাক্ষসী ঘোর দর্শনা ॥৩-৬৯-১৮॥
69.19
তস্যাম্ গতায়াম্ গহনম্ ব্রজন্তৌ বনম্ ওজসা ।
আসেদতুঃ অরি মিত্র ঘ্নৌ ভ্রাতরৌ রাম লক্ষ্মণৌ ॥৩-৬৯-১৯॥
69.20
লক্ষ্মণঃ তু মহাতেজাঃ সত্ত্ববান্ শীলবান্ শুচিঃ ।
অব্রবীৎ প্রাংজলিঃ বাক্যম্ ভ্রাতরম্ দীপ্ত তেজসম্ ॥৩-৬৯-২০॥
69.21
স্পংদন্তে মে দৃঢম্ বাহুঃ উদ্বিগ্নম্ ইব মে মনঃ ।
প্রায়শঃ চ অপি অনিষ্টানি নিমিত্তানি উপলক্ষয়ে ॥৩-৬৯-২১॥
69.22
তস্মাৎ সজ্জী ভব আর্য ত্বম্ কুরুষ্ব বচনম্ হিতম্ ।
মম এব হি নিমিত্তানি সদ্যঃ শংসন্তি সংভ্রমম্ ॥৩-৬৯-২২॥
69.23
এষ বংজুলকো নাম পক্ষী পরম দারুণঃ ।
আবয়োঃ বিজয়ম্ যুদ্ধে শংসন্ ইব বিনর্দতি ॥৩-৬৯-২৩॥
69.24
তয়োঃ অন্বেষতোঃ এবম্ সর্বম্ তৎ বনম্ ওজসা ।
সংজজ্ঞে বিপুলঃ শব্দঃ প্রভংজন্ ইব তৎ বনম্ ॥৩-৬৯-২৪॥
69.25
সংবেষ্টিতম্ ইব অত্যর্থম্ গহনম্ মাতরিশ্বনা ।
বনস্য তস্য শব্দো অভূৎ দিবম্ আপূরয়ন্ ইব ॥৩-৬৯-২৫॥
69.26
তম্ শব্দম্ কাংক্ষমাণঃ তু রামঃ খড্গী সহ অনুজঃ ।
দদর্শ সু মহা কায়ম্ রাক্ষসম্ বিপুল উরসম্ ॥৩-৬৯-২৬॥
69.27
আসেদতুঃ চ তৎ রক্ষঃ তৌ উভৌ প্রমুখে স্থিতম্ ।
বিবৃদ্ধম্ অ-শিরো গ্রীবম্ কবংধম্ উদরে মুখম্ ॥৩-৬৯-২৭॥
69.28
রোমভির্নিশ্চিতৈস্তীক্ষ্ণৈর্মহাগিরিমিবোচ্ছ্রিতম্ - যদ্বা -রোমভিঃ নিচিতৈঃ তীক্ষ্ণৈঃ মহাগিরিম্ ইব উচ্ছ্রিতম্ ।
নীল মেঘ নিভম্ রৌদ্রম্ মেঘ স্তনিত নিঃস্বনম্ ॥৩-৬৯-২৮॥
69.29
অগ্নি জ্বাল নিকাশেন ললাটস্থেন দীপ্যতা ।
মহাপক্ষেণ পিংগেন বিপুলেন আয়তেন চ ॥৩-৬৯-২৯॥
69.30
একেন উরসি ঘোরেণ নয়নেন আশু দর্শিনা ।
মহা দংষ্ট্র উপপন্নম্ তম্ লেলিহানম্ মহা মুখম্ ॥৩-৬৯-৩০॥
69.31
ভক্ষয়ংতম্ মহা ঘোরান্ ঋক্ষ সিম্হ মৃগ দ্বিপান্ ।
ঘোরৌ ভুজৌ বিকুর্বাণম্ উভৌ যোজনম্ আয়তৌ ॥৩-৬৯-৩১॥
69.32
করাভ্যাম্ বিবিধান্ গৃহ্য ঋক্ষান্ পক্ষি গণান্ মৃগান্ ।
আকর্ষন্তম্ বিকর্ষন্তম্ অনেকান্ মৃগ যূথপান্ ॥৩-৬৯-৩২॥
69.33
স্থিতম্ আবৃত্য পন্থানম্ তয়োঃ ভ্রাত্রোঃ প্রপন্নয়োঃ ।
অথ তম্ সমতিক্রম্য ক্রোশ মাত্রম্ দদর্শতুঃ ॥৩-৬৯-৩৩॥
69.34
মহান্তম্ দারুণম্ ভীমম্ কবংধম্ ভুজ সংবৃতম্ ।
কবংধম্ ইব সংস্থানৎ অতি ঘোর প্রদশনম্ ॥৩-৬৯-৩৪॥
69.35
স মহা বাহুঃ অত্যর্থম্ প্রসার্য বিপুলৌ ভুজৌ ।
জগ্রাহ সহিতৌ এব রাঘবৌ পীডয়ন্ বলাৎ ॥৩-৬৯-৩৫॥
69.36
খড্গিনৌ দৃঢ ধন্বানৌ তিগ্ম তেজৌ মহা ভুজৌ ।
ভ্রাতরৌ বিবশম্ প্রাপ্তৌ কৃষ্যমাণৌ মহা বলৌ ॥৩-৬৯-৩৬॥
69.37
তত্র ধৈর্যাৎ চ শূরাঃ তু রাঘবো ন এব বিব্যধে ।
বাল্যাৎ অনাশ্রয়ত্বাৎ চ এব লক্ষ্মণঃ তু অতিবিব্যধে ॥৩-৬৯-৩৭॥
69.38
উবাচ চ বিষণ্ণম্ সন্ রাঘবম্ রাঘব অনুজঃ ।
পশ্য মাম্ বিবশম্ বীর রাক্ষসস্য বশম্ গতম্ ॥৩-৬৯-৩৮॥
69.39
ময়া একন তু নির্যুক্তঃ পরিমুচ্যস্ব রাঘব ।
মাম্ হি ভূত বলিম্ দত্ত্বা পলাস্ব যথা সুখম্ ॥৩-৬৯-৩৯॥
69.40
অধিগংতা অসি বৈদেহীম্ অচিরেণ ইতি মে মতিঃ ।
প্রতি লভ্য চ কাকুত্স্থ পিতৄ পৈতামহম্ মহীম্ ॥৩-৬৯-৪০॥
69.41
তত্র মাম্ রাম রাজ্যস্থঃ স্মর্তুম্ অর্হসি সর্বদা ।
লক্ষ্মণেন এবম্ উক্তঃ তু রামঃ সৌমিত্রিম্ অব্রবীৎ ॥৩-৬৯-৪১॥
69.42
মা স্ম ত্রাসম্ বৃথা বীর ন হি ত্বা দৃক্ বিষীদতি ।
এতস্মিন্ অন্তরে ক্রূরো ভ্রাতরৌ রাম লক্ষ্মণৌ ॥৩-৬৯-৪২॥
69.43
তৌ উবাচ মহাবাহুঃ কবন্ধো দানব উত্তমঃ ।
কৌ যুবাম্ বৃষভ স্কন্ধৌ মহা খড্গ ধনুর্ ধরৌ ॥৩-৬৯-৪৩॥
69.44
ঘোরম্ দেশম্ ইমম্ প্রাপ্তৌ দৈবেন মম চাক্ষুষৌ ।
বদতম্ কার্যম্ ইহ বাম্ কিম্ অর্থম্ চ আগতৌ যুবাম্ ॥৩-৬৯-৪৪॥
69.45
ইমম্ দেশম্ অনুপ্রাপ্তৌ ক্ষুধা আর্তস্য ইহ তিষ্ঠতঃ ।
স বাণ চাপ খড্গৌ চ তীক্ষ্ণ শৃংগৌ ইব ঋষভৌ ॥৩-৬৯-৪৫॥
69.46
মম তূর্ণম্ উপসংপ্রাপ্তৌ দুর্লভম্ জীবিতম্ বাম্ ।
তস্য তৎ বচনম্ শ্রুত্বা কবংধস্য দুরাত্মনঃ ॥৩-৬৯-৪৬॥
69.47
উবাচ লক্ষ্মণম্ রামো মুখেন পরিশুষ্যতা ।
কৃচ্ছ্রাৎ কৃচ্ছ্রতরম্ প্রাপ্য দারুণম্ সত্য বিক্রম ॥৩-৬৯-৪৭॥
69.48
ব্যসনম্ জীবিত অন্তায় প্রাপ্তম্ অপ্রাপ্য তাম্ প্রিয়াম্ ।
কালস্য সুমহৎ বীর্যম্ সর্ব ভূতেষু লক্ষ্মণ ॥৩-৬৯-৪৮॥
69.49
ত্বাম্ চ মাম্ চ নরব্যাঘ্র ব্যসনৈঃ পশ্য মোহিতৌ ।
ন হি ভারো অস্তি দৈবস্য সর্ব ভুতেষু লক্ষ্মণ ॥৩-৬৯-৪৯॥
69.50
শূরাঃ চ বলবংতঃ চ কৃত অস্ত্রাঃ চ রণ আজিরে ।
কাল অভিপন্নাঃ সীদন্তি যথা বালুক সেতবঃ ॥৩-৬৯-৫০॥
69.51
ইতি ব্রুবাণো দৃঢ সত্য বিক্রমোমহায়শা দাশরথিঃ প্রতাপবান্ ।
অবেক্ষ্য সৌমিত্রিম্ উদগ্র বিক্রমম্স্থিরাম্ তদা স্বাম্ মতিম্ আত্মনা অকরোৎ ॥৩-৬৯-৫১॥