Utshovসর্গ 68
68.1
রামঃ প্রেক্ষ্য তু তম্ গৃধ্রম্ ভুবি রৌদ্রেণ পাতিতম্ ।
সৌমিত্রিম্ মিত্র সংপন্নম্ ইদম্ বচনম্ অব্রবীৎ ॥৩-৬৮-১॥
68.2
মম অয়ম্ নূনম্ অর্থেষু যতমানো বিহংগমঃ ।
রাক্ষসেন হতঃ সংখ্যে প্রাণান্ ত্যজতি মৎ কৃতে ॥৩-৬৮-২॥
68.3
অতি খিন্নঃ শরীরে অস্মিন্ প্রাণো লক্ষ্মণ বিদ্যতে ।
তথা স্বর বিহীনো অয়ম্ বিক্লবম্ সমুদীক্ষতে ॥৩-৬৮-৩॥
68.4
জটায়ো যদি শক্নোষি বাক্যম্ ব্যাহরিতুম্ পুনঃ ।
সীতাম্ আখ্যাহি ভদ্রম্ তে বধম্ আখ্যাহি চ আত্মনঃ ॥৩-৬৮-৪॥
68.5
কিম্ নিমিত্তো জহার আর্যাম্ রাবণঃ তস্য কিম্ ময়া ।
অপরাধম্ তু যম্ দৃষ্ট্বা রাবণেন হৃতা প্রিয়া ॥৩-৬৮-৫॥
68.6
কথম্ তৎ চন্দ্র সংকাশম্ মুখম্ আসীৎ মনোহরম্ ।
সীতয়া কানি চ উক্তানি তস্মিন্ কালে দ্বিজোত্তম ॥৩-৬৮-৬॥
68.7
কথম্ বীর্যঃ কথম্ রূপঃ কিম্ কর্মা স চ রাক্ষসঃ ।
ক্ব চ অস্য ভবনম্ তাত ব্রূহি মে পরিপৃচ্ছতঃ ॥৩-৬৮-৭॥
68.8
তম্ উদ্বীক্ষ্য সঃ ধর্মাত্মা বিলপন্তম্ অনাথবৎ ।
বাচা বিক্লবয়া রামম্ ইদম্ বচনম্ অব্রবীৎ ॥৩-৬৮-৮॥
68.9
সা হৃতা রাক্ষসেন্দ্রেণ রাবণেন দুরাত্মনা ।
মায়াম্ আস্থায় বিপুলাম্ বাত দুর্দিন সংকুলাম্ ॥৩-৬৮-৯॥
68.10
পরিক্লাংতস্য মে তাত পক্ষৌ চিত্ত্বা নিশাচরঃ ।
সীতাম্ আদায় বৈদেহীম্ প্রয়াতো দক্ষিণা মুখঃ ॥৩-৬৮-১০॥
68.11
উপরুধ্যন্তি মে প্রাণা দৃষ্টির্ ভ্রমতি রাঘব ।
পশ্যামি বৃক্ষান্ সৌবর্ণান্ উশীর কৃত মূর্ধজান্ ॥৩-৬৮-১১॥
68.12
যেন যাতি মুহূর্তেন সীতাম্ আদায় রাবণঃ ।
বিপ্রনষ্টম্ ধনম্ ক্ষিপ্রম্ তৎ স্বামি প্রতিপদ্যতে ॥৩-৬৮-১২॥
68.13
বিন্দো নাম মুহূর্তো অসৌ স চ কাকুত্স্থ ন অবুধৎ ।
ত্বৎ প্রিয়াম্ জানকীম্ হৃত্বা রাবণো রাক্ষসেশ্বর ।ঝষবৎ বডিশম্ গৃহ্য ক্ষিপ্রম্ এব বিনশ্যতি ॥৩-৬৮-১৩॥
68.14
ন চ ত্বয়া ব্যথা কার্যা জনকস্য সুতাম্ প্রতি ।
বৈদেহ্যা রংস্যসে ক্ষিপ্রম্ হত্বা তম্ রণমূর্ধনি ॥৩-৬৮-১৪॥
68.15
অসংমূঢস্য গৃধ্রস্য রামম্ প্রতি অনুভাষতঃ ।
আস্যাৎ সুস্রাব রুধিরম্ ম্রিয়মাণস্য স অমিষম্ ॥৩-৬৮-১৫॥
68.16
পুত্রো বিশ্রবসঃ সাক্ষাৎ ভ্রাতা বৈশ্রবণস্য চ ।
ইতি উক্ত্বা দুর্লভান্ প্রাণান্ মুমোচ পতগেশ্বরঃ ॥৩-৬৮-১৬॥
68.17
ব্রূহি ব্রূহি ইতি রামস্য ব্রুবাণস্য কৃতাংজলেঃ ।
ত্যক্ত্বা শরীরম্ গৃধ্রস্য জগ্মুঃ প্রাণা বিহায়সম্ ॥৩-৬৮-১৭॥
68.18
স নিক্ষিপ্য শিরো ভূমৌ প্রসার্য চরণৌ তদা ।
বিক্ষিপ্য চ শরীরম্ স্বম্ পপাত ধরণী তলে ॥৩-৬৮-১৮॥
68.19
তম্ গৃধ্রম্ প্রেক্ষ্য তাম্র অক্ষম্ গত অসুম্ অচলোপমম্ ।
রামঃ সু বহুভিঃ দুহ্খৈঃ দীনঃ সৌমিত্রিম্ অব্রবীৎ ॥৩-৬৮-১৯॥
68.20
বহূনি রক্ষসাম্ বাসে বর্ষাণি বসতা সুখম্ ।
অনেন দণ্ডকারণ্যে বিশীর্ণম্ ইহ পক্ষিণা ॥৩-৬৮-২০॥
68.21
অনেক বার্ষিকো যঃ তু চির কাল সমুত্থিতঃ ।
সো অয়ম্ অদ্য হতঃ শেতে কালো হি দুর্অতিক্রমঃ ॥৩-৬৮-২১॥
68.22
পশ্য লক্ষ্মণ গৃধ্রো অয়ম্ উপকারী হতঃ চ মে ।
সীতাম্ অভ্যবপন্নো হি রাবণেন বলীয়সা ॥৩-৬৮-২২॥
68.23
গৃধ্র রাজ্যম্ পরিত্যজ্য পিতৃ পৈতামহম্ মহৎ ।
মম হেতোঃ অয়ম্ প্রাণান্ মুমোচ পতগেশ্বরঃ ॥৩-৬৮-২৩॥
68.24
সর্বত্র খলু দৃশ্যন্তে সাধবো ধর্ম চারিণঃ ।
শূরাঃ শরণ্যাঃ সৌমিত্রে তির্যক্ যোনি গতেষু অপি ॥৩-৬৮-২৪॥
68.25
সীতা হরণজং দুঃখম্ ন মে সৌম্য তথা গতম্ ।
যথা বিনাশো গৃধ্রস্য মৎ কৃতে চ পরংতপ ॥৩-৬৮-২৫॥
68.26
রাজা দশরথঃ শ্রীমান্ যথা মম ময়া যশাঃ ।
পূজনীয়ঃ চ মান্যঃ চ তথা অয়ম্ পতগেশ্বরঃ ॥৩-৬৮-২৬॥
68.27
সৌমিত্রে হর কাষ্ঠানি নির্মথিষ্যামি পাবকম্ ।
গৃধ্র রাজম্ দিধক্ষামি মৎ কৃতে নিধনম্ গতম্ ॥৩-৬৮-২৭॥
68.28
নাথম্ পতগ লোকস্য চিতাম্ আরোপয়ামি অহম্ ।
ইমম্ ধক্ষ্যামি সৌমিত্রে হতম্ রৌদ্রেণ রক্ষসা ॥৩-৬৮-২৮॥
68.29
যা গতিঃ যজ্ঞ শীলানাম্ আহিত অগ্নেঃ চ যা গতিঃ ।
অ পর আবর্তিনাম্ যা চ যা চ ভূমি প্রদায়িনাম্ ॥৩-৬৮-২৯॥
68.30
ময়া ত্বম্ সমনুজ্ঞাতো গচ্ছ লোকান্ অনুত্তমান্ ।
গৃধ্র রাজ মহা সত্ত্ব সংস্কৃতঃ চ ময়া ব্রজ ॥৩-৬৮-৩০॥
68.31
এবম্ উক্ত্বা চিতাম্ দীপ্তাম্ আরোপ্য পতগেশ্বরম্ ।
দদাহ রামো ধর্মাত্মা স্ব বন্ধুম্ ইব দুঃখিতঃ ॥৩-৬৮-৩১॥
68.32
রামো অথ সহ সৌমিত্রিঃ বনম্ যাত্বা স বীর্যবান্ ।
স্থূলান্ হত্বা মহা রোহীন্ অনু তস্তার তম্ দ্বিজম্ ॥৩-৬৮-৩২॥
68.33
রোহি মাংসানি চ উদ্ধৃত্য পেশী কৃত্বা মহায়শাঃ ।
শকুনায় দদৌ রামো রম্যে হরিত শাদ্বলে ॥৩-৬৮-৩৩॥
68.34
যৎ তৎ প্রেতস্য মর্ত্যস্য কথয়ন্তি দ্বিজাতয়ঃ ।
তৎ স্বর্গ গমনম্ পিত্র্যম্ ক্ষিপ্রম্ রামো জজাপ হ ॥৩-৬৮-৩৪॥
68.35
ততো গোদাবরীম্ গত্বা নদীম্ নর বর আত্মজৌ ।
উদকম্ চক্রতুঃ তস্মৈ গৃধ্র রাজায় তৌ উভৌ ॥৩-৬৮-৩৫॥
68.36
শাস্ত্র দৃষ্টেন বিধিনা জলে গৃধায় রাঘবৌ ।
স্নাত্বা তৌ গৃধ্র রাজায় উদকম্ চক্রুঃ তদা ॥৩-৬৮-৩৬॥
68.37
স গৃধ্র রাজঃ কৃতবান্ যশস্করম্সু দুষ্করম্ কর্ম রণে নিপাতিতঃ ।
মহর্ষি কল্পেন চ সংস্কৃতঃ তদাজগাম পুণ্যাম্ গতিম্ আত্মনঃ শুভাম্ ॥৩-৬৮-৩৭॥
68.38
কৃতোদকৌ তৌ অপি পক্ষি সত্তমেস্থিরাম্ চ বুদ্ধিম্ প্রণিধায় জগ্মুতুঃ ।
প্রবেশ্য সীতা অধিগমনে ততো মনোবনম্ সুরেন্দ্রৌ ইব বিষ্ণু বাসবৌ ॥৩-৬৮-৩৮॥