Utshovসর্গ 67
67.1
পূর্বজো অপি উক্ত মাত্রঃ তু লক্ষ্মণেন সুভাষিতম্ ।
সার গ্রাহী মহাসারম্ প্রতিজগ্রাহ রাঘবঃ ॥৩-৬৭-১॥
67.2
স নিগৃহ্য মহাবাহুঃ প্রবৃদ্ধম্ রোষম্ আত্মনঃ ।
অবষ্টভ্য ধনুঃ চিত্রম্ রামো লক্ষ্মণম্ অব্রবীৎ ॥৩-৬৭-২॥
67.3
কিম্ করিষ্যাবহে বত্স ক্ব বা গচ্ছাব লক্ষ্মণ ।
কেন উপায়েন পশ্যেয়ম্ সীতাম্ ইহ বিচিন্তয় ॥৩-৬৭-৩॥
67.4
তম্ তথা পরিতাপ আর্তম্ লক্ষ্মণো রামম্ অব্রবীৎ ।
ইদম্ এব জনস্থানম্ ত্বম্ অন্বেষিতুম্ অর্হসি ॥৩-৬৭-৪॥
67.5
রাক্ষসৈঃ বহুভিঃ কীর্ণম্ নানা দ্রুম লতা আয়ুতম্ ।
সন্তি ইহ গিরি দুর্গাণি নির্দরাঃ কংদরাণি চ ॥৩-৬৭-৫॥
67.6
গুহাঃ চ বিবিধা ঘোরা নানা মৃগ গণ আকুলাঃ ।
আবাসাঃ কিন্নরাণাম্ চ গন্ধর্ব ভবনানি চ ॥৩-৬৭-৬॥
67.7
তানি যুক্তো ময়া সার্ধম্ সমন্বেষিতুম্ অর্হসি ।
ত্বৎ বিধা বুদ্ধি সংপন্না মাহাত্মানো নরর্ষভ ॥৩-৬৭-৭॥
67.8
আপত্সু ন প্রকংপন্তে বায়ু বেগৈঃ ইব অচলাঃ ।
ইতি উক্তঃ তৎ বনম্ সর্বম্ বিচচার স লক্ষ্মণঃ ॥৩-৬৭-৮॥
67.9
ক্রুদ্ধো রামঃ শরম্ ঘোরম্ সংধায় ধনুষি ক্ষুরম্ ।
ততঃ পর্বত কূট আভম্ মহা ভাগম্ দ্বিজ উত্তমম্ ॥৩-৬৭-৯॥
67.10
দদর্শ পতিতম্ ভূমৌ ক্ষতজ আর্দ্রম্ জটায়ুষম্ ।
তম্ দৃষ্ট্বা গিরি শৃংগ আভম্ রামো লক্ষ্মণম্ অব্রবীৎ ॥৩-৬৭-১০॥
67.11
অনেন সীতা বৈদেহী ভক্ষিতা ন অত্র সংশয়ঃ ।
গৃধ্র রূপম্ ইদম্ ব্যক্তম্ রক্ষো ভ্রমতি কাননম্ ॥৩-৬৭-১১॥
67.12
ভক্ষয়িত্বা বিশালাক্ষীম্ আস্তে সীতাম্ যথা সুখম্ ।
এনম্ বধিষ্যে দীপ্ত অগ্রৈঃ ঘোরৈঃ বাণৈঃ অজিহ্মগৈঃ ॥৩-৬৭-১২॥
67.13
ইতি উক্ত্বা অভ্যপতৎ গৃধ্রম্ সন্ধায় ধনুষি ক্ষুরম্ ।
ক্রুদ্ধো রামঃ সমুদ্র অন্তাম্ চালয়ন্ ইব মেদিনীম্ ॥৩-৬৭-১৩॥
67.14
তম্ দীন দীনয়া বাচা স ফেনম্ রুধিরম্ বমন্ ।
অভ্যভাষত পক্ষী তু রামম্ দশরথ আত্মজম্ ॥৩-৬৭-১৪॥
67.15
যাম্ ওষধিম্ ইব আয়ুষ্মন্ অন্বেষসি মহা বনে ।
সা দেবী মম চ প্রাণা রাবণেন উভয়ম্ হৃতম্ ॥৩-৬৭-১৫॥
67.16
ত্বয়া বিরহিতা দেবী লক্ষ্মণেন চ রাঘব ।
হ্রিয়মাণা ময়া দৃষ্টা রাবণেন বলীয়সা ॥৩-৬৭-১৬॥
67.17
সীতাম্ অভ্যবপন্নো অহম্ রাবণঃ চ রণে ময়া ।
বিধ্বংসিত রথঃ চ অত্র পাতিতো ধরণী তলে ॥৩-৬৭-১৭॥
67.18
এতৎ অস্য ধনুঃ ভগ্নম্ এতৎ অস্য শরাবরম্ ।
অয়ম্ অস্য রণে রাম ভগ্নঃ সাংগ্রামিকো রথঃ ॥৩-৬৭-১৮॥
67.19
অয়ম্ তু সারথিঃ তস্য মৎ পক্ষ নিহতো ভুবিঃ ।
পরিশ্রান্তস্য মে পক্ষৌ ছিত্ত্বা খড্গেন রাবণঃ ॥৩-৬৭-১৯॥
67.20
সীতাম্ আদায় বৈদেহীম্ উত্পপাত বিহায়সম্ ।
রক্ষসা নিহতম্ পূর্বম্ ন মাম্ হন্তুম্ ত্বম্ অর্হসি ॥৩-৬৭-২০॥
67.21
রামঃ তস্য তু বিজ্ঞায় সীতা সক্তাম্ প্রিয়াম্ কথাম্ ।
গৃধ্র রাজম্ পরিষ্বজ্য পরিত্যজ্য মহৎ ধনুঃ ॥৩-৬৭-২১॥
67.22
নিপপাত অবশো ভূমৌ রুরোদ সহ লক্ষ্মণ ।
দ্বিগুণীকৃত তাপ আর্তো রামো ধীরতরো অপি সন্ ॥৩-৬৭-২২॥
67.23
একম্ এক অয়নে কৃচ্ছ্রে নিঃশ্বসন্তম্ মুহুর্ মুহুঃ ।
সমীক্ষ্য দুঃখিতো রামঃ সৌমিত্রিম্ ইদম্ অব্রবীৎ ॥৩-৬৭-২৩॥
67.24
রাজ্যম্ ভ্রষ্টম্ বনে বাসঃ সীতা নষ্টা মৃতে দ্বিজঃ ।
ঈদৃশী ইয়ম্ মম অলক্ষ্মীঃ দহেৎ অপি পাবকম্ ॥৩-৬৭-২৪॥
67.25
সংপূর্ণম্ অপি চেৎ অদ্য প্রতরেয়ম্ মহোদধিম্ ।
সো অপি নূনম্ মম অলক্ষ্ম্যা বিশুষ্যেৎ সরিতাম্ পতিঃ ॥৩-৬৭-২৫॥
67.26
ন অস্তি অভাগ্যতরো লোকে মত্তো অস্মিন্ স চরাচরে ।
যেন ইয়ম্ মহতী প্রাপ্তা ময়া ব্যসন বাগুরা ॥৩-৬৭-২৬॥
67.27
অয়ম্ পিতৃ বয়স্যো মে গৃধ্র রাজো জরা অন্বিতঃ ।
শেতে বিনিহতো ভূমৌ মম ভাগ্য বিপর্যয়াৎ ॥৩-৬৭-২৭॥
67.28
ইতি এবম্ উক্ত্বা বহুশো রাঘবঃ সহ লক্ষ্মণঃ ।
জটায়ুষম্ চ পস্পর্শ পিতৃ স্নেহম্ নিদর্শয়ন্ ॥৩-৬৭-২৮॥
67.29
নিকৃত্ত পক্ষম্ রুধির অবসিক্তম্তম্ গৃধ্র রাজম্ পরিরভ্য রামঃ ।
ক্ব মৈথিলি প্রাণ সমা মম ইতিবিমুচ্য বাচম্ নিপপাত ভূমৌ ॥৩-৬৭-২৯॥