সর্গ 66

66.1

তম্ তথা শোক সংতপ্তম্ বিলপংতম্ অনাথবৎ ।
মোহেন মহতা আবিষ্টম্ পরিদ্যূনম্ অচেতনম্ ॥৩-৬৬-১॥

ততঃ সৌমিত্রিঃ আশ্বাস্য মুহূর্তাৎ ইব লক্ষ্মণঃ ।
রামম্ সংবোধয়ামাস চরণৌ চ অভিপীডয়ন্ ॥৩-৬৬-২॥

মহতা তপসা রাম মহতা চ অপি কর্মণা ।
রাজ্ঞা দশরথেন অসি লব্ধো অমৃতম্ ইব অমরৈঃ ॥৩-৬৬-৩॥

তব চৈব গুণৈঃ বদ্ধঃ ত্বৎ বিয়োগাৎ মহিপতিঃ ।
রাজা দেবত্বম্ আপন্নো ভরতস্য যথা শ্রুতম্ ॥৩-৬৬-৪॥

যদি দুঃখম্ ইদম্ প্রাপ্তম্ কাকুত্স্থ ন সহিষ্যসে ।
প্রাকৃতঃ চ অল্প সত্ত্বঃ চ ইতরঃ কঃ সহিষ্যতি ॥৩-৬৬-৫॥

আশ্বসিহি নরশ্রেষ্ঠ প্রাণিনঃ কস্য ন আপদ ।
সংস্পৃশন্তি অগ্নিবৎ রাজন্ ক্ষণেন ব্যপয়ান্তি চ ॥৩-৬৬-৬॥

দুঃখিতো হি ভবান্ লোকান্ তেজসা যদি ধক্ষ্যতে ।
আর্তাঃ প্রজা নর ব্যাঘ্র ক্ব নু যাস্যন্তি নির্বৃতিম্ ॥৩-৬৬-৭॥

লোক স্বভাব এব এষ যয়াতিঃ নহুষ আত্মজঃ ।
গতঃ শক্রেণ সালোক্যম্ অনয়ঃ তম্ সমস্পৃশৎ ॥৩-৬৬-৮॥

মহাঋষি যঃ বসিষ্ঠঃ তু যঃ পিতুঃ নঃ পুরোহিতঃ ।
অহ্না পুত্র শতম্ জজ্ঞে তথৈব অস্য পুনর্ হতম্ ॥৩-৬৬-৯॥

যা চ ইয়ম্ জগতো মাতা সর্ব লোক নমস্কৃতা ।
অস্যাঃ চ চলনম্ ভূমেঃ দৃশ্যতে কোসলেশ্বর ॥৩-৬৬-১০॥

যৌ ধর্মৌ জগতাম্ নেত্রে যত্র সর্বম্ প্রতিষ্ঠিতম্ ।
আদিত্য চন্দ্রৌ গ্রহণম্ অভ্যুপেতৌ মহাবলৌ ॥৩-৬৬-১১॥

সুমহান্তি অপি ভূতানি দেবাঃ চ পুরুষ ঋষভ ।
ন দৈবস্য প্রমুংচন্তি সর্ব ভূতানি দেহিনঃ ॥৩-৬৬-১২॥

শক্র আদিষু অপি দেবেষু বর্তমানৌ নয় অনয়ৌ ।
শ্রূয়েতে নর শার্দূল ন ত্বম্ ব্যথিতুম্ অর্হসি ॥৩-৬৬-১৩॥

হৃতায়াম্ অপি বৈদেহ্যাম্ নষ্টায়াম্ অপি রাঘব ।
শোচিতুম্ ন অর্হসে বীর যথা অন্যঃ প্রাকৃতঃ তথা ॥৩-৬৬-১৪॥

ত্বৎ বিধা নহি শোচন্তি সততম্ সর্ব দর্শিনঃ ।
সুমহত্সু অপি কৃচ্ছ্রেষু রাম অনির্বিণ্ণ দর্শনাঃ ॥৩-৬৬-১৫॥

তত্ত্বতো হি নরশ্রেষ্ঠ বুদ্ধ্যা সমনুচিংতয় ।
বুদ্ধ্যা যুক্তা মহাপ্রাজ্ঞা বিজানন্তি শুভ অশুভে ॥৩-৬৬-১৬॥

অদৃষ্ট গুণ দোষাণাম্ অধৃবাণাম্ চ কর্মণাম্ ।
ন অংতরেণ ক্রিয়াম্ তেষাম্ ফলম্ ইষ্টম্ চ বর্ততে ॥৩-৬৬-১৭॥

মাম্ এবম্ হি পুরা বীর ত্বম্ এব বহুশো উক্তবান্ ।
অনুশিষ্যাৎ হি কো নু ত্বাম্ অপি সাক্ষাৎ বৃহস্পতিঃ ॥৩-৬৬-১৮॥

বুদ্ধিঃ চ তে মহাপ্রাজ্ঞ দেবৈঃ অপি দুর্অন্বয়া ।
শোকেন অভিপ্রসুপ্তম্ তে জ্ঞানম্ সম্বোধয়ামি অহম্ ॥৩-৬৬-১৯॥

দিব্যম্ চ মানুষম্ চ এবম্ আত্মনঃ চ পরাক্রমম্ ।
ইক্ষ্বাকু বৃষভ অবেক্ষ্য যতস্ব দ্বিষতাম্ বধে ॥৩-৬৬-২০॥

কিম্ তে সর্ব বিনাশেন কৃতেন পুরুষ ঋষভ ।
তম্ এব তু রিপুম্ পাপম্ বিজ্ঞায় উদ্ধর্তুম্ অর্হসি ॥৩-৬৬-২১॥